بسم الله الرحمن الرحيم
اللهم صل على محمد وآل محمد الطيبين الطاهرين
بعد كم يوم تجينا مناسبة من أغلى المناسبات
وهي .............الناصفه
والكل يفرح ويتفاعل ويبارك ويهني
ومن الحين اللي ابتدى يكايس الهدايا والمكسرات
واللي من الحين ابتدى يركب الزينه
واللي ..............واللي ..............
بس طلب صغيرون
يعني ليلة الناصفه ان شاء نبلغ وياكم على خير في ذيك الليله
فيه كم أمر الواجب ننتبه ليها
الصلاة في أول الوقت وان لا يشغنا شاغل عن أدائها
بعد الصلاة واتمامها ...........نقعد شوي
نتريث ...ما نحاول نخلص صلاتنا ونقوم نفز بسرعه
حق الناصفه ..............ما هيه طايره الناصفه
قبل كم سنه كان عندي صاحب كنا نشتري أغراض الناصفه سوى
نكايس سوى ........نوزع سوى ............
قبل الناصفه بإسبوع
أتصل عليه ..............ما فيه جواب
أتصل شقته ..............ما فيه جواب
كلمت أخوه ...........ما فيه جواب
قررت أمر عليه شقته ............
رحت وكل ما قربت ...انقبض قلبي
ما أدري لاويش
وصلت جمب الشقه ......أسمع صوت قرآن
صليت على النبي وآل النبي
وقفت سيارتي بعيد شوي
شفت زحمه عند باب شقته
رحت .....قربت ............شفت أخوه
سلمت عليه
حضنني ................أبو .....الله يرحمه
ما قدرت ..........رجعت ...........
ومن ذاك اليوم ....وكل ناصفه أوزع عني وعنه
بعد صلاة المغرب .....أجلس شوي
أتذكره وأتذكر الأعزاء ....اللي تحت التراب منامهم
ينتظرون منكم الدعاء
فلا تبخلوا عنهم بدعائكم
إبدأوا بالجيران
والأحباب
والأصحاب
من ذهبوا وتركوا لكم ذكراهم
وأيضاً ...........لا تنسوا الوالدين
بوسه على رأس الوالده والوالد
والأخوان ......ما نمبى رسالة جوال
نمبى تهنئة من القلب
وتلامس الروح
وحتى اللي بينكم وبينهم زعل شوي
فرصه في هذي الليلة
لا تفوتوها
أجرها عظيم
الله يوفقنا ويوفقكم يااااااااااااارب
وتنعاد عليكم هالليالي المباركة بالخير واليمن والبركات
خالص تحياتي
فمان الله
رد مع اقتباس
المفضلات