مرحبا خيووو

ههههههههه ما شالله خوش كاتلوجات هنا..
حماس نختار ونطبق..

راح اعطيك شرح بسيط حسب خبرتي المتواضعه في هالمجال..

المكياج كل شهر يطلع بصرعه جديده ورسمه جديده وشكل جديد..
يعني ما نقدر نحصره بأنواع معينه..

بس ككل الأنواع المشهوره بشكل عام
1\ اللبناني ( البروتي : عادي + مميز المسحوب )
2\ السموك ( الدخاني + الناري + المميز المسحوب ) << هذا الملك والمفضل عند الأغلبيه
3\ الطاووس
4\ الفراشه وهو نفسه تندرج وياه ( السمكه + الحمامه)

طبعا كل ناس تطلع بصرعات جديده..
وصلو الله يجيرك لشي يسموه الشبح تقول البنيه ملطخه تلطيخ..
والتايقر و الحب و الفانتازيا( جريء) و الكريزي خوش الخوبال بعد .. << مسألة تلاعب في الألوان.. من المسمى.. لا اكثر


مممم نشرح بالمختصر الملم كل نوع وراح ادعم الشرح بصوره توضيحيه..

1\ اللبناني..

الجفن المتحرك شرط اساسي يكون لون الظلال فاتح لونين في النوع العادي ونزيدهم مع السحب + الجليتر ( اللماع لو اردنا )) و رموش التركيب في النوع المميز المسحوب...... مثل هالصوره.. مسحوب بأتجاه الأعلى..




وهذا ناعم



هذا مميز ومسحوب بس بدون جليتر




وممكن في زاوية العين بواسطة الكحله السايله او المائيه نرسم مثلث اسود وندمجه مع الوان الجفن.. بحيث ما يتعدى خط المثلث العلوي الجفن المتحرك.. يعني ما نوصل لعظمة الحاجب..

الكحله في هالصوره . تحت. مفتوحه.. من الأمام والخلف .. شرط اساسي عند عمل فتحة الكحل قبل وضع الكحل وضع طبقه من الألوان الفاتحه مثل الأبيض + الأصفر + الأخضر التفاحي + اللؤلؤي ... الخ

هنا مسحوب بلطافه .. يعني تعدى زاوية الحاجب المتحرك




هنا المثلث بلون بني .. ونقدر نغير اللون اهم شي الزاويه المثلثه تكون بلون غامق ومهو مقارب لألوان الظل المتحرك..



هذا ايضا مع كحله مفتوحه.. واسعه..




.
.
.
.

2\ السموك..
شرط اساسي الجفن المتحرك غامق ... ( اسود + اي لون )
عدة انواع ..
أ) الناري .. من اسمه يركز على الألوان الدافيه الناريه.. احمر + اصفر + برتقالي .. مع اضافة لمسات زرقاء على الجفن السفلي..

مثال.. مع كحله مسكره..



ب) الدخاني..
نفس الناري بالضبط.. عوضا عن الوان النار الوان الدخان (رمادي بدرجاته + اسود + ابيض وممكن ادخال البني او البيج او اللؤلؤي )
مثل:






ج) الملون.. على نوعين.. اسود ساده يلون الجفن بالكحله المائيه بعدها بالظل الأسود او قلم الكحله الجاف بعدين فوقه وحواليه الوان..

هذا اسود حواليه الوان مسحوب بلطافه لناحية الأذون..




اسود فوقه لون.. مسحوب لأعلى



* اسود فوقه لون يهديه.. والشايع كحلي او ازرق
وممكن استخدام الوان اخرى

مثل:







اكتفي بهذا القدرالحين
ولي عوده بأذن الله لاحقا
دمت بخير
وبحفظ الرحمن