أرسل مسج لاعضاء المنتدى

[دمعه حزن]

ولا كلمة ... ولا حرف ...
ما ابي اسمع عذر ...
لا تكلمني ابد ...
إكتشفت إنك سخيف
وينك البارح ...؟!
وربي إنك سخيف ...!!
ماتدري إن الجفى بشرع الهوى عيب ... وحرام ...!!
يعني ماتدري وش احساسي تجاهك ...؟!
ياسلام...!!
مابي اعذار ... المهم إنك جفيت ...!! وهذا طبعك
وانا من طبعي وفيت
وما اجبرك ...
كيفك ...
إنت حُر ...
سو اللي تبيه ...!!
بس انا بـ اسهر غلا غصبٍ عليك
وانا حر في عيوني
واموت شوق
واعشق
واحب
واعلم الناس
بقول إني هويت ...!!

[إيلاف]

"" اذا شفت المطر ""
افتح ايدك واجمع اللي تقدر عليه !!

شفت اللي جمعته ؟؟ هذا شوقك لي !!

تبي تعرف شكثر شوقـــــــــــــــــي لك ؟؟؟


"" باقي المطر اللي ما قدرت تجمعه ""

إهداء الى الغالية شمعه تحترق ..

[دمعه حزن]

سامحوني لو رحلت عن الدنيا ..
واذكروني بدعوهـ نابعهـ من القلب
اعذروني لو قصرت يوما معكمـ ..
وترحموا علي الأيامـ فهي حتما لن تعود

اهداء للجميع

[إيلاف]

انا اللي لو هزني الكون ما انساك
لو ارغمني الزمان بالجفاء ماجفيتك
ماينساك قلب بالشوق اغلاك
لو تطلب عيونه يقولك عطيتك
انا تحت امرك وكلي فدا روحك
وبروحي افديك

للغالية أمل الظهور ..

[أمل الظهور]

تسلم عيون بالمحبة خذتني ...

طال الزمن وماتغير هواها ...

تستاهل التقدير ياهي قدرتني ...

لكن أنا وشلون ألحق جزاها ...

من حسن حظي بالغلا بادلتني ...

ماشفتها تبخل علي في وفاها ...

حكم الزمن لو أنها فارقتني ....

لاهو خطأ مني ولاهو خطأها ....

للعزيزة إيلاف

[دمعه حزن]

منهو يقول الناس تآخذ وتعطي .؟!
الناس تآخذ عمرها ماعطت شيّ .. !
مدري أنا المخطي أو الوقت مخطي !
لا مات محصول المشاعر على الريّ !

[أمير العاشقين]

لا تسأل المشتاق ليه أرسل اليوم
ولاتعذل القلب إذا باح بأسراره
يالله عسى الخير لك يدوم ويدوم
والغالي واجب نتطمن على أخباره
وجعل السعاده تضمك فكل يوم
ودوم فلبك بالفرح مشعل أنواره

إهداء خاص إلى الاخت دمعة حزن

أمير العاشقين

[أمل الظهور]

ياللي بعيد الدار مسيت بالخير ...

عساك تسلم في مساء كل ليلة ..

أرسلك أشواقي مع النجم والطير ...

عيني تمنى شوفتك لو هي مستحيلة ...

اضحك مع الناس لكن ضحكي معك غير ...

الروح تنتشي وتطيب لو كانت عليلة ...

إهداء لاختي الغالية :

طفوف

[إيلاف]

..مخنــــــــــــوقه يمه واحس الخنقه هدتنــــــــي ..
..مكســور قلبي وعينــــي مدري وش فيها ...
.. ودمـــوعي اللي غصب عن عيني بكتنــــي ..
.. مليت اغمـض جفونـــي لجل اداريها ...

أهديها الى أمي ..

[أمير العاشقين]

مدري ويش علامي ضايق ومليت
قعدت أفكر في زمان مضالي
سال دمعي فوق خذي وصديت
صدة حزين غربلته الليالي
لاشك أنا منساك مهما تناسيت
وبعطيك من أحساسي كل ماضاق بالي

إهداء إلى الاخت إيلاف

أمير العاشقين

[دمعه حزن]

قلوبنا لاهل المواقف لواهيب

فيها الوفا بين الضماير نكنه

يبقى مع الطيب زمانك تعاجيب

يفوح طيبه عقب هيله وبنه

الطيب له وجهه ومبدا وترحيب

والمدح للوافين مافيه منه

اهداء لامير العاشقين

[إيلاف]

يا ما حلا الاخـوه مع طيب
النـــاس
دايم خويه ينفعه ما يضره
يفرح الى شافــه سليم من
البـــاس
وان غـــاب ينشد عــنه
والا يــمره
هذا هو اللي اخوتــه
ترفــع الــراس
والطيـــب مع مثله
يزيدك مسره ...

إهداء للأخ الكريم أمير العاشقين ..

[أمل الظهور]

يعلم الله كيف

لك في قلبي غلا ...

ويعلم الله بعد كيف عني ماتغيب

بس الظروف تجبر الإنسان لو مابغى ...

يبعد عن الغالي وهو في قلبه قريب ...


إهداء للغلا إيلاف

[الليل الأليل]

السموحه يا الغلا عل كل الذي صار تراه غصب عني ولو انكتب بالاقدار
الوقت جاير والزمن تراه حيل غدار ودنيتنا مليانه هموم ومصايب كثار
خيبت ظنج فيني وانا بالحيل منهار لكن غصب عني ووحده العالم بالاسرار
لو غبت قلبي يدعيلج بالليل والنهار وطيفي يحرس دوم خيالج بالاسحار
لفراقج تراني حزين ودموعي غزار ولغيابج تراني والله مهموم ومحتار
السموحه اقولها واكرر ابد الاعذار والمسامح تراه كريم وولد اخيار ....
اهداء الى دمعة الا حزان

[إيلاف]

دايم على بالي و لا يوم ناسيك
و إنت لزيم الروح و أكثر شويه
بدرب المعزه أشهد إني مخاويك
و اخترت شخصك بين كل البريه
الرب يعلم يالغلا اشكثر مغليك
دايم مكانك في الشموخ العليه

الى الغالية أمل الظهور ..