وهذه قصيدة اخرى باللهجة العراقية
هاليلة افراح بكل بيت = والفرحه تخص اهل البيت
هاليله افراح بكل بيت
يا حسين مبارك ميلادك = ونهني العتره وأحبابك
جبريل يبشر بخبارك = وبذيج الظلمه وضويت
هاليلة افراح بكل بيت
نورت الدنيه ومابيهة = وبنورك انت الحاميهة
يا حسين اسمك صار عليهة = وبذكرك احنه وطاريهة
هاليلة افراح بكل بيت
يا حسين الفرحه نعليهة = بنجوم الدنيه نخليهة
تضوي وتزهر واسمك بيهة = ثالث شعبان وهليت
هاليلة افراح بكل بيت
والزهره تنشر يم راسك = واملاك الدنيه حراسك
تقرا القرأن انت انفاسك = وتزور الكعبه وصليت
هاليلة افراح بكل بيت
تدعي الباري بكل احساس = وعيونك صدت نبراس
يا الميلادك رفعت راس = يا فخر انت لأهل البيت
هاليلة افراح بكل بيت
مفتخره الشيعه وفرحانه = والسنه اتبشر ويانه
للزهره نقدم عنوانه = وردة وشمعه وطيب انطيت
هاليلة افراح بكل بيت
يا شيعي افرح وانسه احزانك = هذا حسين اللي بيه ايمانك
لجلك ضحى بدمه وصانك = وزوره شكد يالحنيت
هاليلة افراح بكل بيت
انت الثروه وانت الثوره = واليمشي بدربك ويطره
يربح جنه الباري يخبره = وبوجه ابيض لو طبيت
هاليلة افراح بكل بيت
لحسين اشبك لو حنيت = وشوف الهادي اتمنيت
الحور يزفك لو جيت = وتصلي بصوتك طبيت
هاليلة افراح بكل بيت
رد مع اقتباس
المفضلات