قصيدة بمناسبة مولد الامام الحسين ع
بعنوان

ياثاني ريحانـه **** نـورت دنيانـه
***********
يبـن الزجيـه زيـن العالـم جمالـك
نورك بديع وحاشه مايحصـل مثالـك
كل الخصال السامية أضحـت خصالـك
يامن مضامين الوفـه تلـوذ ابظلالـك
وبأمره سبحانـه **** نـورت دنيانـه
******************
يامهجة الهادي وقلب فاطمـة وحيـدر
كـل الوجـود بنـورك الليلـه تنـور
وبذكرك السامي الذنوب الصعبه تُغفـر
مو إنت باب الله الوسيع وربنـه قـرر
من فضل إحسانه **** نـورت دنيانـه
****************
آنه أسيـر اشواقـك وحبـك ملكنـي
واقبلني عبـدك ياحسيـن ولا تردنـي
بزهوة طلوعك كحلت يحسيـن جفنـي
وانت بضيـاءك نورتنـي وشرفتنـي
والروح فرحانه **** نـورت دنيانـه
*******************
إنت الحبيب الأوحد وحرت بصفاتـك
غالي يبو اليمه وشريد اوصف غلاتك
سيـد شبـاب الجنـة ذروة مكرماتـك
وانه حياتي ارتبطـت بسيـرة حياتـك
وانت يمولانـه **** نـورت دنيانـه
******************
ياحجـة البـاري تعـالـى ياإمـامـي
إنت الحسين وبس إلك شوقي اوغرامي
وانفاسي بسمك غردت ياسـر هيامـي
ومن زمزم احسانك شرب قلبي الظامي
يمروي اظمانـه **** نـورت دنيانـه
********************
يحسين روضه من رياض الجنه قبـرك
بيه الملائك صاعده وهابطـه بذكـرك
وبهالقبر ربك كشـف للنـاس سـرك
واتمنى لويصبح إلي موضـع بكتـرك
وارجه لتنسانـه **** نـورت دنيانـه
*******************
قصيدة باللهجة العراقية
ان شاء الله تعجبك
وجاري البحث عن قصائد اخرى