أناني وقلة ذوق

[عماد علي]

طبعاً بعض الردود كفت ووفت مثل رد أم محمد ( نور الهدى ) و أميرة المرح

خلاصة الموضوع لا ضرر ولا ضرار

كل واحد يحاول يعرف ويش اللي عليه ويسويه

المرأة عليها الانتظار لسلامتها أولا فهي بالاخير لو لا قدر الله طلع لها مجنون روحها اللي بتروح

وشلون يعوضها

السائق إذا كان بإمكانه الوقوف لا يقصر هذه شيمة منه

طبعاً العناوين القوية مثل أناني وقلة ذوق هذه تمثل وجهة نظر طرف يرى فقط الحق معه

بالمقابل هناك وجهة نظر أخرى قد تقول النسوان ما عندهم حاجة إسمها شارع وفيه سيارات أرمي نفسك وبس

ياهـووووووووووو شرايك بالموقف الي شفناه

ملاك تعبر الشارع ولا صخله الي تعبره والله قلة ادب وحيا وهذا من جانب موضوع يوم سعيد

اعذروني على الالفاظ

هذه سالفة بنت ما نعممها على كل البنات ، العباءة حيا الله يعني ما خلف العباءة واضح للعيان

نظارة شمسية وحركات ( صح جاسم كان لابسة نظارة شمسية )

مو مهم ، المهم يالله اعبري الاشارة فتحت والشارع ملك أبوك بس اعبري رحم والديك

لا أعبر بكيفي أناظر الشباب إللي واقفين ينتظروا عبوري وكأنهم مصورين

وبعدين قلة حياء

الله يستر على الناس

[*زهرة البنفسج*]

موضوع رائع ويستحق المناقشة للطرفين الرجل له حق يعبر والمراة ايضا

بس من سكر اشارة جت اشارة ثانيه وهكذا لمتي ننتظر

المفروض اسوو الينا جسر للمشاة كذا اكون احسن

اني اشوف اخواني لما اكون وياهم ينقهرو لما اشوفو حرمه مارا يالله وتبدا الألفاظ كانكم جماله وانتوو تمشووا هذا الي اشوفه من اخواني

اقول اليهم من حقها تعبرر لمتي توقف ماساة

صار اليي موقف ومو في شارع عام المشكلة في شارع عادي كنت امشي ولا قرب الرصيف مره جا واحد مسرع عندك شارع طول بعرض جاي جنبي اشوي وطيرر بس الي طارر للنعال

يعني في شباب بعد مره مايحترمو الي يمشي

شكرا علطرح واسفه علهدرة للزيادة

[نجمه سهيل]

ادا كان الرجال عندة ضرورة عادي

لكن ادا ما عندة شئ ويتمشى

المفروض يوقف

وهذا يعتمد على الروح القيادية لكل فرد

[اسير الهوى]

بسم الله الرحمن الرحيم

لنبتعد عن النقاش في محتوى صراع آدم وحواء فقد شكلته قنواتنا الفاضلة بحلبات برامجها ولنحارب تلك العصبية وكلٌ فليؤدي دوره..

الذوق هو الالتزام من كلا الطرفين ولو كل فرد قام بتأدية مايجب عليه لتمت اعمالنا كما يجب وبالشكل المطلوب وهذا على صعيد عام..

ولموضوعنا حصة بهذا الحديث ففي الطريق ايضا ينبغي على كل واحد تأدية ماعلية بالالتزام بما عليه من قوانين وذلك لمصلحته بلا شك ولسلامته..

فلو انتظر الشخص اشارة المرور ليعبر الشارع والتزم بالمشي عند خطوط المشاة والاماكن المخصصة للعبور اي قام بما عليه وقام قائد السيارة بالتزام المطلوب عليه من قوانين وكذلك الطرف الآخر وهو من يقود السيارة التزم بماهو عليه من واجبات تجاه الطريق فستكون الاحوال منتظمة كعقارب الساعة..

صحيح انه يجب تقديم بعض التنازلات لكن ان لم يكن بمصلحة من يقود السيارة الوقوف ولم يقف فلا نلومه عند هذه النقطة..

ففي الشوارع المزدحمة يكون الوقوف فيها صعب وخطر وذلك لعدم التسبب بالحوادث..

فليطمئن جنس حواء فنحن (آدم) ايضا نعاني عند العبور بالشوارع المزدحمة لكن يجب علينا الوقوف لخلو الطريق من السيارات والتأكد قبل قطع الطريق..

يجب ان يكون هناك احساس بالمسؤلية عند قيادة السيارة والالتزام بالقوانين للحفاظ على حياة الآخرين وعدم الاستهتار وان يكون التعامل باللين حتى بالقيادة..

لاننا نرا البعض عند القيادة وكانهم يمتلكون الطريق فتراهم يسبون هذا ويشتمون ذاك وكانهم هم فقط من يقودون بشكل صحيح.. وهذا شكل خاطئ.. وايضا من يغبرون الطريق وكأنهم هم ايضا يملكون الطريق فتراهم يعبرون وكأنهم اغمضو اعينهم وعلى الطرف الثاني الوقوف ماكلفه الامر وان تسبب بالحوادث وهذا خطأ ايضاً

لنكن ذوي ذوق في قيادتنا ومشينا وسلوكنا وحتى اثناء عبورنا الطريق بالتزامنا بالقوانين وتحمل المسؤلية..

عذرا للأطالة

[بقآيا حنين]

ويش فيك اخي امير
ليش كل هذي العصبية
كل واحد قال رايه
اني ما قصدت الكل بهذا الكلام
وما حطيت وقوف لامرأة في الشارع مقياس لرجولة
الله يعينك على ما بلاك

بس حط روحك مكان هذي المرأة
حامل ولدك واكياس
وغير هذا العباة
ويش بيكون شعورك؟؟؟
وما اليه داعي كل هذا التعصيب

[عيون لاتنام]

هدى نفس مشكلتى لكن تصدقى فى بعض الاحيان اقطع الطريق عصب عنهم لازم يوقف يمكن يسب بس لازم اوقفة مع انا الشى غلط لكن المضر ايسوى اى شى
مشكورة غناتى على هالطرح واتمنى من كل الرجال يقرؤ الموطوع

عاد أنا ماوصلت لدرجة العبور غصب عنهم إن حب يوقف وان ماحب بكيفه
يمكن أصبر لوقت الاشارة إذا كنت وحدي لكن إذا كان معاي الولد ولاغراض أتمنى يكون عبوري قبل الاشارة
صحيح المشي فيه خطورة لكن الوحدة ماتمشي الإ إذا كانت مضطرة لها لشيء
على العموم مشكوره عزيزتي
وتسلم الايادي

[عيون لاتنام]

فعلاً,,نقطه مو الكل يفكر فيها,,ويحط لها اهتمام,,
ولكنها بالنسبه للبعض مشكله عويصه..
يارجال,, حتى لو مستعجلين ويش يضركم لو وقفتوا ثانييتين بس!!
فيه موقف حصل لي أنا وأختي قبل يومين في البلد, ومع ان الشارع ماكان عام بس الرجّال كان مسرع وانا كنت اسرع من اختي لانها كانت تمشي مع ولدها عمره سنتين,, ولما السياره قربت منهم وما وقفت.. قام ولد اختي يصرخ في الرجال يقوله :وقف للماما عيب,,
انا في داخلي فكرت اذا هذا الجاهل وعرف العيب وهو رجال طول بعرض يدعس عالبنزين بسسس عشان نمر بسرعه,,صج قلة ذوق
لو الواحد مو مظطر كان تحرك من بيت لبيت بسياره,,
بس شنقول البعض يحملون بطيخه بدل العقل,,
مشكووره خيتو عالموضوع
والله يعينش يارب

أهلا خيتي بسمه أنا بعد في مرة حصل لي هالشيء كنت مع ولدي وكان الشارع فاضي
وشفت سيارة وحدة بعيده وااااايد وكان مسرع ولما عبرت ماخفف سرعته ابدا أنقهرت وأشرت له بإيدي أنت مجنون
علشان كذا والله خلاص صرت مااروح حتى لو كنت مضطرة
على العموم مشكورة عزيزتي بسمة على الحضور
وتسلم الاياادي

[عيون لاتنام]

بصراحة أؤيدكم في كل ماقلتموه ..

بس في نقطة لازم تعرفوها إن التوقف المفاجئ يسبب حوادث ~ ومو كل مكان يستطيع السائق الوقوف لعبور أشخاص ..
بصراحة أخي أول مرة أعرف أن التوقف يسبب حوادث ( معلومة جديدة ماعندي خبره )
بس أعتقد ان الشارع اللي اعبره للوصول للصيدلية طريق يقدر السائق أن يوقف بدون مايفاجىء اللي يسوق وراه
بعدين الشوارع الخطرة للتوقف السائق بإعتقادي هي الشوارع الرئيسية بالقطيف وأنا بذكر واحد مثل شارع القدس بالقطيف والشوراع البحرية اللي مقابل الكورنيشات
أنت لو زرت سيهات ماتقدر تقارنها بشوراع القطيف
لأن القطيف مدينه كبيرة بينما سيهات مدينة صغيرة أو بالأصح قريه
ولو جيتو للنظام فالنظام المرور عبر خطوط المشاة أثناء توقف الاشارة ..
صحيح

لا أقول هذا جزافا فلقد رأيت بأم عيني كيف تكون حادث لسيارات عدة بسبب إمرأة حاولت قطع الطريق ..
وكدت أقع ضمن حادث آخر ولنفس السبب كما يبدو لي ~
أنا ضد كل من يستطيع التوقف وإعطاء مؤشر تنيه للسيارات الأخرى (الخطر)
وبالنفس الوقت ضد التوقف المفاجئ الذي قد تذهب فيه أرواح وخسائر مادية .
أظن هالشيء إنه له قواعد معينه
يعني مايصير واحد مسرع ويجي يتوقف بشكل مفاجىء >>>> أكيد راح يصير حادث كبير
( وانا هنا ماتكلم عن الشوارع المزدحمة والرئيسية مثل شارع القدس وغيره ) .اللي سرعته تكون معقولة ويعطي إشارات تنبيه لغيره ماراح يصير شيء وخصوصا لو شاف حرمه حامل ومعاه طفل وأكياس


وهنا يجب أن أبين أن للدولة تقصير ..
فكما ترون بشارع أحد وحتى شارع القدس أنها تجعل الطريق قابل للسرعة بتوسعة الطريق وإلغاء الاشارات دون أن تفكر بوضع جسور مشاة أو ما شابه ذلك ..
فكرة ممتازة شفتها بالرياض وفي البلدان الثانية
أتقبل النقد من الجميع ..
ونبغى نشوف آراء إخواني اللي يسوقو سيارات ~ حتى لا أنفرد برأيي ..

حفظكم الله من كل سوء ..
أخوكم/ الأقل: علي

مشكورة أخي علي ورأيك على راسي وشكرا على المعلومات الجديدة بالنسبة لي

[عيون لاتنام]

مشكورة اختى ع الموضوع
الشكر لك على الحضور والمرور
بصراحة انى اعتبره مورجال مو بس قيل ذوق ونانى
لاعاد خيتي ماتوصل لدرجة إنه مافيه رجوله
مافية شى لو وقف دقيقة ماراح تقدم ولا تاخر

كل واحد له راي وله قناعات معينه
يعني أحنا تعودنا في السعودية أن الرجال يوقف للحرمة وهو يسوق وأنا هالشيء أذكره حتى وانا صغيره في العمر
وخصوصا قبل كان طلوع الحرمه بره والمشي أكثر من الحين
بس مثلا بلد كسوريا أوووووووووه مافي يمه أرحميني

[عيون لاتنام]

مرحبا

مرااااااااااحب :)

ممممممم هو اني ما مر علي هالشي لأني ما امشي وايد..
وحتى لو مشيت عفر الأماكن اللي اني فيها يوقفو لو ويش فيهم الله هاديهم الله العالم..
ههههههههههه مره بس ولاانساها..
خوبلت اللي يسوق اني بعبر وهو بيعبر ووقف .. ووقفت .. نتعازم على العبور لين طلع ايده يأشر .. حسيته يقول .. امشي وصااااااااقعه <<
اي والله تلقينه يقول مانتعطى وجه أمزح وياش

بس مع اني ما اسوق
اتفق في الكلام مع خينا علي
صحيح والله
بس أنا أقتنعت شوية
لأني مااقصد في كلامي الشوارع الرئيسية الكبيره
اقصد الشوارع اللي اصغر منها >>>> فهمتوا

مرت سالفه واحد مسوي حادث وقف فجأه لمجموعة حريم بيعبرو .. وصفقه واحد من ورى..
طبعا الغلط منه ما عطى تنبيه .. بس فجأه ماشاف الا وحده بتنط...
وحذا حذو المثل .. في الحديد ولا العبيد...
المفروض يعطي تنبية وفي نفس الوقت يكون في خط مافيه سرعه

لول كنت اشوف خطوط عبور المشاه واشارات للمشاه الحين ما اشوف عفر انقرضو..

يعني العتب مو على الرجال لحاله..
تصدقي ملاحظت هالشيء أبدا
العتب على الشوارع.. الأشاارات... الرجال .. والحريمات حينما يركضون في العبور..
الحريمات ماهذه اللغة المخلوطه

بس مع حالتش يتراوالي..
وعلى قلبي .. يوقفو لا دست..
<< ناس وناس
هههههههه اي والله وكنت بالشهر التاسع بعد

بالأخير يختلف حسب طبيعة الرجال ما وقف لويش.
اناني ؟؟
قليل ذوق ؟؟
خاف لا يصدم؟؟
ما انتبه اصلا ؟؟

<<< متى بتخلصي هدره

خلاص خلاص

غناتي تسلمي على الطرح الحليو
دمتي بخير
وبحفظ الرحمن

يسلم لي هالحضور عزيزتي وتسلمي على موقف العزيمه ضحكني من القلب
وشكرا على إبداء الرأي

[عيون لاتنام]

[quote=نور الهدى;751746]

ضحكتني خيتي اميرة
حتى والله أنا ضحكت على موقفها من قلبي

خيتو عيون المشكلة ان السائق يرى ان الحق له في العبور , والي يمشي بعد يعتقد ان الحق له

طبعا في اداب وحقوق وواجبات على كلا الطرفين
كلام صحيح وسليم

احيانا يكون السائق معذور لان توقفه قد يتسبب في حادث ,, ومكان عبور المرأة يكون غلط اساسا , واذا كان صح عدم توقفه لها يكون في صالحه وصالحها هي بعد
أيضا كلام صحيح وسليم

والبعض ملام لان احيانا يكون بمقدوره انه يوقف ويسمح للمراة بالعبور بس هو جذيه مسئلة عدم اهتمام بالي في الشارع ما يوقف
ايضا كلام صحيح وسليم تسلمين لي عزيزتي أم محمد
وهذا أنا الموقف اللي كنت فيه لأن الشارع ماهو مزحوم وإذا عبرتي ماخففوا السرعة
وإذا أنتظرتي تطول الإشارة
وأنا أساسا أكون مقهورة من نفسي حتى إني بطلت أروح حتى لو كنت مضطرة
أولا ولدي لزقة مايتباعد عني فأضطر إني اخذه
ثانيا بعضهم والله عيني عينك يخففوا السرعه ولا يقفوا وإذا قربوا بحلقوا العيون بس حق المغازل

المفروض كل من سائق السيارة , وعابر الطريق يلتزم بالي اليه والي عليه

وكل واحد ياخذ حقه

والله يساعدك على الي مخه تنكه وما عنده احساس بغيره ابد

سوء امرأة او طفل او حتى كبار السن
والله اللول تشوفي هالشيء أن عجوز يمشي أوحريم ( أتكلم عن الحي اللي ساكنه فيه )
حتى الواحد صار يخاف يمشي قعدته بالبيت أحسن له واسلم له

[/quote]



أسعدني والله وجودك ورأيك المحايد والسليم
تسلم الايادي عزيزتي

[عيون لاتنام]

بصراحة هالانسان ما نقدر نقول عنه رجال

(وطبعا ما أقصد الكل)
لانه لو كان رجال أو فيه شيء من الرجولة
كان وقف لامرأة تعبر الشارع مع ولدها
بصراحه قلتها من قبل ماتوصل لمسألة الرجوله
المسألة مسالة أنانية وقلة ذوق إن كان مستطيع
وإن لم يكن مستطيع فالعذر معه
لاضرر ولاضرار مثل ماقالوا الإخوان
والله هالموضوع ماراح يهمني لوكنت وحدي بالشارع
لكن ولدي حاملته ومعاي كيس الصيدلية وكيس من البقاله والشنطه

مشكورة خيه على الطرح المهم
الشكر لك أختي على المرور
والله يعطيك العافية
الله يعافيك عزيزتي
ويفتح لك أبواب الجنان
بحق لا اله إلا الله
شكرا على الدعاء عزيزتي من طيب أصلك

تقبلي تحياتي
أختك
بقايا الحنين

شكرا على المرور وتسلم الايادي
دمت بخير

[عيون لاتنام]

الرجوله مو عشان رجال يوقف حق حرمة في الشارع اختي

اسف على التذاخل بس ما اايدش في الكلام

الرجال الي بكون رجال عشان وقف لحرمه كان كل العالم صارت رجاجيل

اختي ماعليه بس الصراحه ما عجبتني مو رجال عشان ما وقف لحرمه حلوة دي

لاأحد يطري كلمة رجولة >>>>> الرجولة موضوع حسااااس
وأنا مع أخوي أمير وقلتها قبل مرتين المسالة ماتوصل لنقصان الرجوله

[عيون لاتنام]

هههههههههههههه

هذولا مو رجال اصلان ادكر يوم طلعت كنت راجعه
من المسجد والله وقفت يمكن خمس دقايق انتظر احد يوقف لي
مافي احد يرحم
زين انت في سيارة وعندك مكيف ولا انت مستعجل ع شئ
غير المراءة في الطريق وتمشي وحاملة معاها اغراض
بس وش نقول بعد غير الله يعينا عليهم
يعطيك الف عافية خيتي ع الموضوع

تقبلي احترامي

عزيزاتي بنات جنسي أعيدها وأكررها الف مرة المسالة ماهي نقصان رجولة أوعدم
رجوله
وبعدين أنا معاش في رأيك لو كان بإستطاعة السائق الوقوف في شارع غير مزدحم
و بشروط معينه
إعطاء إاشارة تنبيه لغيرة وعدم السرعه
تسلمي لي عزيزتي على ذكر الموقف يعطيك الف عافية

[عيون لاتنام]

خيتووو عيون السالفه الي كنت بتكلم عنها عكس الي انتي حاطتنها بس بتكلم في الي انتي كااتبتنه

وعلى فكره وحشتنا ردودك ومواضيعك وين هالغيبه
:) مراااااااااحب أخوي امير ومايوحشك حبيب
بس مسؤولية البيت والأولاد وبعدين قسمي يحتاج متابعة وتصحيح ووضع أسئله
بإختصار الوقت ضيق

نرجع لموضوعنا خيتووو

روحي الامارات دبي

اتحداش تمشي والاشاره خضراء

اذا ما جاك العسكر وعطاش مخالفه وتسديد فوري

هذا شي
لا أتحداك ولا تتحداني يالله قلت لكم ماعندي خبره ولا رحت الإمارات
وقلتها من قبل أحنا بالسعودية تعودنا على كذا وقوف الرجل للمرأة في الشارع من يوم وأحنا صغار نشوف هالشيء
وطبعا الإمارات أكيد راح يسوون هالشيء من شدة الإزدحام اللي فيها وأنا معاهم مو ضدهم

الشي الثاني اتحداش تمشي في غير عبور المشاااه

كان ولد صكوك مخالفه

اختي عيوون لاتنام ان جينا من طرف القانون القانوون مع الي يسوووق
لان الوقف المفاجئ مشكله

ثاني شي المراءه مو عشان المره خلاص نقف ونحط علامة قف لا خيتووو

احياناً احنا الشباب نعاني من عبور الشارع

يعني حالنا من حالكم هذا شي الشي الثاني لو وقف عشان تعبر هالحرمه

وسبب حوادث من بيتحمل المسؤوليه البنت الي بتقطع الشارع لو الي يسوق
إن شاء تكون قريت الردود السابقة ( لإني تعبت من كثر التكرار مابحط موضوع مناقشة الا بعد فترة طويله إني ماقصد الشوارع الرئيسية الكبيرة و المزدحمة بالسيارات لأن التوقف فيها راح يكون خطر للطرفين
يعني أنا مثلا مستحيل أمشي بولدي بشارع القدس أو شارع أحد أو حتى أمشي لوحدي
أنا كلامي بالشوارع اللي اصغر منها بوااااايد

انا شخصياً وقفت مرة الى حرمه مع بنتها وولدها

من الذووق الحرمه تمشي لا الحرمه واقفه قمت مشيت
هذي انا معاك أخوي الحق حق والعدل عدل

موقف ثاني مع صاحبي

والي صاحبي فيها بغى يرجع ريوس ويصدمهم

تخيلوووا وقاحة المره الي وقف ليها حق تقطع الشارع

بدل ما تعبر من قدام السياره تقوم تعبر من خلف السياره

طيب ليش الرجال واقف لش عشان تعبري

بس قمه في الوقاحه مادري شتقووول

لاكن فعلاً حوبة صاحبي ماراحت محل تجي سياره سريع ويمسك بريك من خووووفها وخبالتها مشت بسرعه وتتعرقل من عباتها وعلى الرصيف
لاتعليق

موقف لاكن والله ماراح انساه نزلت انا من السياره ونزل ليها صاحبي سالها سلامات خيه صار لك شي

الرد بكل سهول مو شغلك يالحقير ياقليل الحياء

هذا رد ؟؟؟
أكيد هذا ماهو اسلوب يمكن من فشلتها
أو يمكن شيء راجع لتربيتها وأخلاقها

خيتوووو اشياء تنرفز ولما توقف تلاقي عجايب

من جهة ثانيه بنت بتقطع الشارع ولا كانها بتعبر شارع عام

ياهـووووووووووو شرايك بالموقف الي شفناه

ملاك تعبر الشارع ولا صخله الي تعبره والله قلة ادب وحيا وهذا من جانب موضوع يوم سعيد

اعذروني على الالفاظ

الي برد على الي اقوله شخص انشالله يقرا الموضوع

وراح تشوفوا شنو الفرق بين الصخله والملاك

يااااااااااااااااااااااااااهووووووووووو جاك الطلب رد وقول ليهم

بصراحة مافهمت شيء يمكن لو أقرأ موضوع الاخ يوم سعيد أفهم شنو تقول خيي امير

واسف خيتوووو عيون وبلا غياب واجد
على أيش الاسف خيي أمير ماصار شيء
وإن شاء الله ماراح أغيبغ إذا كنت تقصد في الاقسام الثانية غير قسمي
وأنا متواجده على طول في قسمي

خالص تحياتي

واسف على الهدره الزايده بس اشياء تقهر وتجيب العله في هالدنيا

العجل يامولاي

يعطيش العافيه خيتوووووو عيون

الله يعافيك وشكرا على كل شيء
1- الملاحظات
2- المواقف
3- إبدا الرأي
4- حضورك وتواجدك


دمت بخير وبعافية