الليله لا عيني ولا الجفن مرتــــــــــاح
ماغمضت لحظه ولا جف ماهــــــــــــا
وهمي على قرص القمر صار شبـــــاح
وجـروح قلبي زودت في عطاهـــــــــا
وياليل ياساتر دموع(ن) بها فــــــــاح
ريح الشقى وأستسلمت في خطـــــــاها
أرجوك لاتفضح همومي بمصبــــــــاح
يكشف تعب وآهات محدن دراهـــــــــا
واستر أنين القلب لاصار فضـــــــــاح
وتحركت أنفاس صدري بشكـــــــــاها
وروحي توّن ولابقى عندها ســــــلاح
غير الدعــــاء للي بلطفه حباهـــــــــا
تدعــي تقول الله ياخالــــــــــق أرواح
وياخالــق الرحمه ومعطي جزاهــــــــا
أسألك ترحمنـــي برحمتك وارتــــــــاح
من دنية(ن) تقسى على من وطاهــــــا
وعطني الصبر لأن الصبر خوش مفتاح
وأنا مع صبـري نكافـــــــح بلاهـــــــــا
ونترك ضناها اللي على الدوم مــــزاح
ونخاوي خل(ن) ماتغطـى بغطاهـــــــا
ماينفعك ياصاحبــــــي كلب نبـــــــــاح
حين البــلاوي يندعس في خناهــــــــا
خاوي سليم القلب مضمــــون لربـــاح
مايتركك لـــو تنقلب بك سمــاهـــــــــا
وخذ مني ياللي تسمع القصـــــد لو لاح
ترى حياتك يوم ويوم(ن) شقاهــــــــــا
تصبح بخير وصحتك ليــث ذبــــــــاح
وتمسي جنــازه وكل أهلك وراهــــــــا
هذه النهايه ياكئابـــه أو أفـــــــــــــراح
عند الحساب يبان صحهّا وخطـــــــاها
وترى البشر ياصاحبي ( حب مسباح )
وحده ورى وحده ولا في سِواهــــــــا
09-2-3
رد مع اقتباس
المفضلات