الأخت خاتونه السلام عليكم

أنا عاد عندي سالفة عن أمي و كيف أعيط عليها و أنا صغير

مثل ما تعرفي و احنا ساكنين النخيل و أنا وحيد العائلة و الكبار عادة مشغولين بأعمالهم

أجي من المعلم و ما أشوف الوالدة في البيت و أنا جوعان فتضيق بي الدنيا و أبدأ بالعياط و الصريخ

و أقول و أنا أصيح برافع الصوت أمايي الحقيني ... و ينش رحتي عني ... يامايي

و هي عاد لين سمعت حسي من ابعيد اتهد اللي في إيدها و تجي مسكينة تركض على شان قاعد مسكين لا وحدي في هالوهدة أصيح ابروحي

و كله تخاف عليي من الجن

لكن الحين يوم اكبرت و هي اتوفت الله يرحمها لين اتشابقت و يا مرتي و قعدت أصيح بس بالعدال ... و اقول نفس الشي ... وينش يامايي رحتي و خليتيني

بس أخاف من اولادي يسمعوني و استحي و اسكت

لك فائق تحياتي