((15))
بتسامحني يا حمد ؟
بتسامحني بعد ما احلف لك واحط ايدي على القرآن انه ما لمسني !!
أمل اسمعيني لا تبكين
أرجوك انا الي فيني يكفيني
لا تتوقعين اني بصدق دموعك بهذي السهوله
أمل القضيه مو قضية اني اسامحك وبس
انا مسامحتك تدرين ليه لأسباب
كثيره واكبر سبب لأني عارفك عدل عارف
قصتك مع اهلك وحياتك وكل شي
الانسان ممكن يسوي أي شي ان زاد عليه الضغوط
فما بالك بطفله زيك
انتي 13 سنه وانا ما نسيت هالشي
وانا اكبر منك قربت ادخل الثلاثين يا امل
وتفكيري غير عنك اقصد ان يتجاوز تفكيريك ان
نهاية الاحزان اني مجرد اني اسامحك
حمد ارجوك ارجوك سامحني
أمل انا مسامحك لكن ما عدت اقدر ولو ثانيه
اني اثق فيك وبرغباتك الي خليتيني انصدم فيها
تدرين يا امل اني فكرت اني اقتلك أشوهك
ما ابي اخوفك اكثر مني حاس بنظرات الخوف الي
تنظاريني فيها الحين ..
أنا انسان عاقل يا امل ما اسويها لكن لحظة ضعف مني
من كثر حبي لك
ما ادري ما عمري حبيت حب زي هالحب الي احبه لك
احس انك بنتي طفلتي انا الي كبرتها بيدي
ما اقدر ولو للحظه اني افكر انك لغيري
......
حمد احلف لك ما راح اسوي أي شي يضايقك ابد
ما كنت اقصد خيانتك
انا كنت تعبانه ما ادري وش الي حصل اني فكرت اني اكلم
غيرك لكن اقتصر هالشي على علاقه بالتلفون وبعدها اني شفته
بالبيت لكن صدقني صدقني انه ما لمسني ولا عمره طلب مني هالشي
خلنا نبتدي من جديد وانا بستحمل كل شي
بستحمل شكك وظنونك فيني بستحمل كل شي
كل شي يا حمد ..
مرت الايام
وفرش لي حمد شقه بعيده عن اهله واهلي
حتى انها بعيده عن الحاره
ويوم الي كنت ابي اروح معه لبيت امي اسلم
عليها قبل ما انتقل لشقتي واخذ باقي اغراضي
شفته شفته من بعيد
شفت بدر
ايه شفته بسرعه يمشي طالع من الممر الي مقابل بيتنا
للمر الثاني
الحين لما اتخيل سرعة اختفاءه
اقول لنفسي هل كان فعلا هو بدر
او اني كنت اتخيله ؟؟
ما عاد لي حق اني افكر فيه
او اني اشتاق له
انا ببتدي حياتي من جديد
مع حمد وبس
بكون له وهو لي رغم شكه المتواصل بكل تصرفاتي
رغم منعه لي من ابسط حقوقي اني اشوف الشارع او
اني اوقف لمجرد الوقفه امام الشباك
كنت احس روحي سجينه سجينه مالها حقوق الا
انها تاكل وتشرب وتنام وبس
حتى حقوقي الزوجيه منعها عني
ما عاد له رغبه فيني
ما عاد يناظرني مثل قبل
كل نظراته لي بارده برودة الثلج
يخليني اسئل نفسي مليون سؤال وسؤال
وش قاعد يفكر فيه ؟
وش قاعد يقول بخاطره ؟
لكن ما قدرت اني استوعب شي من نظراته الجامده تجاهي
سواء اني انسانه حقيره تستحق انها تعيش مثل البهايم تاكل وتشرب وتنام ..
...........
كنت اتمنى يا حمد انك تسامحني تسامحني من قلبك
الندم مالي قلبي وروحي
حتى النوم ما عدت اتهنى فيه
حتى جاء هذاك اليوم
الي انفجر كل شي بوجهي
انفجر الانسان الثاني من شخصية حمد
هذا الانسان الثاني انا خلقته فيه
انا الي تفننت اني احط فيه كل المزايا الشينه فيه
استخدم معاي اساليب شنيعه لتعذيبي وتشويهي
كان يجبرني على اشياء واشياء
منها انه بدى يعاشرني بطريقة الاغتصاب
مع اني كنت راضيه لمعاشرته
لكن هو همه التعذيب ما كان همه تشبيع رغبته مثل ...
وهنا جاه افكار عن حملي بطفل منه
وخوفه من هالشي خلاه يتبع اساليب ثانيه
مثل انه يحط لي حبوب منع الحمل بعلب العصير بالثلاجه
ولما كنت اشرب من جهلي من غير ما احس
كان ينزل علي دم بغزاره
ايام وايام وانا انزف مع ان الدوره مو وقتها
شكيت ...
وش فيني ؟
ودني المستشفى يا حمد انا تعبانه جسمي خلاص
ما عدت استحمل احس بخمول من كثر ما انزف يا حمد
تدرين يا امل انا خليت لك حبوب منع الحمل بالعصير
فهذا شي طبيعي ان ينزل منك هالكميه
حمد ليــــــــــــه ؟
ليـــــــــه ما عطيتني اياه كان باخذه بطيب خاطر
حطيت لك العلبه كلها عشان اضمن ان الدوره تنزل عليك بسرعه
اخاف انك تحملين
احمل يا حمد
وين هذاك الايام الي كنت تتمنى طفل مني ؟
طفل منك يا امل من صدقكك انتي
انتي لسه تتذكرين ؟
انتي الي خليتيني انا اتنازل عن اهلي وناسي
واقاطع الكل لأنهم رفضوك
انتي الي خليتيني ادمن طريق روحتي لأبوك
عشان يوافق على زواجنا انتي الي خنتيني
بوقت الي انا كنت خادم لك ولطلباتك
انا يا امل انا يا امل ؟
انا استهال منك كل هذا
انا غبي رغم مركزي وخبرتي بالحياه
قدرت طفله مثلك تخدعني بأسلوبها الرديء
خليتيني ما اسوى شي قدام عمي واهلي وخواتي وامي
الكل يقول لي انت لسه صابر عليها
الكل يطالبني اني اطلقك من غير رجعه
على كثر ما احبك يا امل كرهتك
وعلى كثر ما سهرت الليالي اطلب رضاك
على كثر ما اسهر الليالي اتفنن بتعذيبك
لكن مو قادر اني اشفي غليلي منك
حتى لو موتك ما اقدر اني ارتاح
يتبع
رد مع اقتباس
المفضلات