((21))

ليلتها كان عندهم حفله للبنات بالطابق الارضي بمناسبة انتهاء الفصل الدراسي الثاني

وطبعا بما ان حنان وناديه معاقبات من حضور الحفله

كانوا معاي وما بقت معنا الا عدد قليل من المشرفات

وخلونا لأول مره وانا هناك لحالنا

حنان بدت الكلام وحنا جالسين على الارض قطعه من السجاد

بالصاله والباقي كله رخام يشبه رخام المستشفيات

حنان: امل

هلا

وش قضيتك انتي ؟

ولا شي

معقوله علينا هالكلام ؟

انا مجرد توقيف ما عندي قضيه

ناديه : اقول يا امل حنا نعرف كل القضايا

الي تجي على المبنى يعني كل بنت تتكلم وتقول الي بخاطرها

وانا ببتدي قصتي وش رايكم ؟


حنان : والله لاعت كبدي من تكرار قصتك يا ناديه وش الجديد ؟

ناديه : الجديد ان لما اطلع بكمل مسيرتي ههههههه

مسيرة الحب مع حبيب قلبي عبود

حنان : هو بس عبود قولي نسخ من عبود يا دوب يكفيك هههههه

أنا : طيب يا ناديه قولي اسمعك يمكن تهون علي مصيبتي

ناديه : انا امي باكستانيه

أنا : لاحظت انك منتي من نفس البلد ما شاء الله طالعه شقره وحلوه ..

ناديه : تسلمين وابوي من نفس البلد ..

وكملت قصتها : انا ما ادري كيف طلعت غير عن ااهلي

يعني احب الحريه واحب الطلعات وعندي موضوع الشباب عقده بحد ذاتها

ما فهمتك يا ناديه ؟. كيف عقده ؟

كملت كلامها :

يعني عندي البنت والشاب ما في فرق بينهم

العلاقات بالنسبه لي ماهي عيب

يعني وش يصير لو طلعت مع واحد او كلمته على التلفون

او لما يجي يزورني بالبيت ؟

ههههههههههه حنان تضحك من قلب

وأنا : اتكلم بخاطري اقول فيها وفيها والي جيبني هنا ان فيها اشياء كثيره غلط واتمنى اني اقدر انساها ..

بس ما قدرت اقول شي سكت ..

كنت اشرب الخمر وادخن واطلع على الديسكو كل ليله

كل يوم مع واحد

وكل يوم مع جنسيه

لا رغبه مني بالفلوس ولا بالجنس

مجرد متعتي بالحريه واسوي الي ابيه

اهلي يدرون لكن ما يدرون بتفاصيل طلعاتي ومباتي عند صديقاتي

اكثر صديقاتي من نفس طينتي يعني سواسيه

اما جيتي على المركز اقصد الاحداث

ان صادوني مع واحد بغرفة النوم بالفندق

وسحبوني الين مركز الشرطه

وبما اني قاصر ومفتوحه فخلاص

شافوا ان الحكم من المحكمه راح تكون ان اكون هنا

الين ما اكبر وبعدها اطلع بشرط الزواج ..

أنا : اهلك يزورونك هنا ؟

ناديه : اكيد امي وابوي لكن حبيب قلبي عبودي وصل لهم رساله

خطيه يد بيد وعطوني اياه وقدرت اني اقرأه هناك وانا تحت وقت الزياره

لأن ممنوع اني ادخل أي شي معي الطابق الثاني ..

الرساله انه تقدم لي بالمركز وان شاء الله لما يسئلون عنه راح يزوجوني له

امي وابوي موافقين وما يهمني ان تطلقت من بعدها اهم شي اني اطلع ..

حنان : تدرين يا امل ؟

أنا : وشو

حنان : ناديه ليلحين تتخيل انها احيانا بديسكو لو تشوفينها كيف ترقص غربي والله روعه ..

بس تدرين اول مره اشوف احد يرقص بدون موسيقى ههههههههه

طيب بما ان ناديه خلصت انا بقول لك قصتي لكن على شرط انك تقولين لي انتي وش سالفتك طيب ..

أنا : أوكي

حنان : انا الله يسلمك من كل شر امي وابوي من نفس البلد هنا ...
ابوي توفى وانا صغيره وامي تشتغل بالمدرسه الحكوميه تنظف وتمسح وغيره

وكانت تحطني ببيت خالتي خالتي كانت ترعاني طول اليوم بعد ما اطلع من المدرسه

لأن امي كانت بعد ما تخلص من دوامها تواصل عملها بشغل البيت ببيوت الناس

وكانوا يعطونها راتب ما كانت تنظف لا كانت تطبخ لهم ...

وانا كنت عند خالتي , خالتي نوعيتها وش اقول لك تحب الفلوس وما يهمها وين المصدر

اهم شي انها تطلع فلوس من تحت الارض لا هي تشتغل ولا متزوجه يعني مطلقه

وعندها بيت ايجار ما عندها عيال لكن كل ليله كانت تدخل انواع واشكال ومن كل الجنسيات بالبيت

يعني تتاجر بالخمر والحشيش وبنفسها ومعها بعض البنات الي يتاجروا معها ..

ولعب وضحك طول اليوم ما يهم ان كان الوقت ظهر وليل بيتها عمره ما خلىىى من هالسوالف

أنا : امك كانت تدري ؟

حنان : كانت تدري لكن عمرها ما قربت لها ولو ما احتياجها لها انها تقعدني عندها كان ما خلتني هناك

تتوقعين امي من وين راح تصرف علي وعلى نفسها بيت ايجار واكل وشرب وقرض المرحوم من الي ماخذهم من الناس ايام علاجه ...

لكن دائما كانت توصي خالتي علي يعني وقت الي احد يجيها كانت تدخلني الغرفه وتقفل علي الباب

المهم ان هذاك اليوم الي كان معها اثنين من الرجال واحد منهم سكر و ما كان يدري بحاله

يومها انا كنت نايمه بالغرفه والباب ما كان مقفل

دخل علي الغرفه ..

أنا : كم كان عمرك ؟

حنان : 14 سنه
المهم ان الرجال قام يتكلم معاي وخالتي كانت تحسب ان الرجال دخل الحمام

واصلا خالتي بروحها كانت فاقده الحواس هذاك اليوم

وصار الي صار ..

وش صار يا حنان ؟

ههههههههههه وش صار بعد افهميها ...

يالله وبعدين !!

بعدين يا أمل اليوم الثاني قلت لخالتي وش صار ما صدقتني

ولا قالت لأمي خذتني عند طبيبه وكشفت علي قالوا لها ان البكاره انفكت

وحذرتني وقالت لي ان امي لو درت راح تموتني

وانا من خوفي ما قلت لأمي

ودارت الايام وانا كنت اشتغل مع خالتي يعني كنت استمر بالشغله هذي

واخذ حقي وانا ماشيه والنص اعطيه لخالتي ..

الين ما طبوااا علينا الشرطه وكاني هنا

لكن لا لي عبود يطلعني ولا نسخه منه

بس امي تقول راح تشوف احد يطلعني من هنا لو حتى ليوم بس

وانتي يا امل وش قصتك ؟

أنا : ............

كملت القصه كلها

وبالاخير ...

وش الاخير يا ناديه

خلاص انا ضعت

انتوا هنا لفتره طويله

وما عاد يفرق معكم وش يصير برااا

لكن انا بطلع بعد اسبوع والله العالم وش ينتظرني ..

حنان : ما عليك ان شاء الله بس تطلعين بدر ياخذك وتتهنين بحياتك يا قلبي لا تخافين

أنا : ندمانه يا حنان ؟

حنان : خلاص يا امل انا صار لي هنا تقريبا ثلاث سنوات

يعني فات الاوان اني افكرمن جد وجديد واحاسب نفسي على شي صار ..

أنا : لو طلعت من هنا اكيد راح ازوركم ..

حنان : هههههههه كلهم يقولون كذا بس تطلعين ما تبين حتى تتذكرين هالمكان ابد ..

..........

مرت الايام بالمركز وانا كل يوم يقرب طلعتي اكون متوتره اكثر واكثر

يا ترى بدر ينتظرني فعلا ؟

وفعلا طلعت وجه ابوي وقع تعهد على اني ما اكلم بدر او انه خلاص

راح يتنازل عني للأبد للمركز ..

ودعت حنان وناديه وبقيت البنات الي كل وحده قصتها امر من الثانيه ..

لكن اكثر شي لفت انتباهي قصة البنت الصغيره الي عمرها 8 سنوات

اغتصبها عمها وهي هناك من ست شهور ...

ياربي كل ما اشوفها يتقطع قلبي عليها

اقول بهذا السن وهي لسه ما بلغت شافت اشياء ما كان المفروض تعرفها

واحيانا ثانيه كنت اشوف نفسي فيها

هي الوحيده ما بيننا ماخذه الامور لعب في لعب

لها اكثر من ام هنا واكثر من اخت

كلهم كانوا يعاملونها معامله خاصه وافضل معامله

تلعب حالها حال الاطفال تنط وتضحك ومسوي جو مع المشرفات

حسبي الله ونعم الوكيل

دخولي هنا كان بالنسبه لي تهوين مصيبتي

لكن هل تبت من فعايلي ؟

يتبع