((12))
ما ادري تكرر سؤال حمد عن موقفي الضعيف بعلاقتنا
وقلت شوقي له وكلامي وسوالفي واسلوبي معه !!!
وكنت اردد اني ما تغيرت لكن نفسيتي تعبانه بهذي الفتره
كثرت مشاكل زوجة اخوي مع امي
كل يوم على اتفه شي يتهاوشون
واحيانا يتشابكون
واحيانا اسمع زوجة اخوي تقول لأخوي
يا تخليني اطق امك او اني اروح بيت اهلي
وشووووووووووووو؟؟؟
لحقتها طقيتها بأقرب شي عندي فلتها فيه
رغم وزنها وضخامتها
صحيح اني انطقيت بهذي المعركه
لكن طلعت حرتي منها كل هالشهور
وامي تعاتبني وتركض وهي لابسه جلابيتها
للطابق الارضي
شفتها فتحت الباب وركضت للشارع
تقول للناس ودوني مركز الشرطه
امي مسكينه يا امي
مهي عارفه وش قاعده تسوي
دخلوها عيال الحلال البيت
ونزلت وخذيتها بحضني
ورجعتها بالليل لغرفتها
وبعد مشاورات بيني وبين اختي مريم
جت وكلمت اخوي بكل برود
قالت له كلم زوجتك انها ما تتدخل بأمور البيت وخل امي
تسوي الي تبيه
طلعت من غرفتها وهي تصارخ تقول البيت بيت زوجي مو بيت امك
اطلعوااا من عندنا اطلعوااا
ليلتها كنت بقمة التعاسه من الي حصل
نظرات الجيران
وحمد وشوفته لأمي بحالتها الغريبه الي ما كانوا يعرفون عنها شي
الناس ...
كل هذا قاعد يمر مرور قدام عيني
اتصل بدر
يضحكني ينسيني
يقول انسي انسي
قلت له تعال تعال عندي
ابيك تجيب لي عشىىى
قال من عيوني
اجيب لك عشىىى
دخل عندي وجاب لي عشىىى
وما كان يبي يقعد لكن قلت له ارجوك خلك معي اشوي
قعد وقام يسولف معي
كنت لابسه ثياب البيت
ما فكر يقرب مني
غررررريبه
رغم صغر سنه عن حمد قدر انه يمسك نفسه
تكررت زيارة بدر لي الليليه
وحمد ثواني على التلفون ولما كنت اتأكد من موعد نومه
كنت اخلي بدر يجيني
الين يوم من الايام
قلت لبدر عن سري المدفون
لكن قصه ملفقه
قلت له اني كنت اجيب اكل من عند بيت
جدتي ومسكني وسحبني واحد عامل
هندي مدري باكستاني
وعمل فيني الي عمله
وانا مو بنت
صدقني
سكتني
قال انسي خلاص
الي صار صار
انتي الي مثلك المفروض محد يشك فيه
ايه ليه اشك فيك
ما اشوفك تطلعين ولا تروحين ولا تجين
كل الي اعرفه انك من المدرسه الى البيت
حتى بيت اهلك ما تروحين !!!
صدقتي يا بدر ؟
ايه خلاص لا تفتحين السالفه هذي مره ثانيه
لسه تبيني ؟
اكيد وليه ما ابيك
محد يعرف هالسر الا انا وانتي
وانا اوعدك محد يدري عنه دام انا حي
باخذك لي وانتي بتكونين حلالي ونجيب عيال
ولا عاد نفتح هالموضوع مره ثانيه
اوعديني انك ما تفتحينه مره ثانيه
وانا اوعدك اني بجيك وبخطبك متى ما وافقتي
رغم معرفته بسري
ما فاتحني يوم من الايام انه يبي مني شي ....
او قرب مني ولو بلمسة يد
الين هذيك الليله المشؤومه
الي دخلت فيه بدر عندي
وسمعت صوت جرس الباب
مين ؟
انا حمد افتحي الباب
آآآآآآآآآآآآه يا قلبي
آآآآآآآآآآآآآآآآآه خلااااااااااص كل شي ضاع
ما عدت افرق بين الجنه والنار
صرت نفس الجليد الي انصهر بثواني
بعد ما سمعت صوت حمد ما عدت اقدر اسوي شي
افتح الباب وله اخليه عند الباب ويعمل لي فضيحه
حمد يا لجرأتك
جرأتك لما كلمت ابوي وقلت له انا فعلت كذا ببنتك
ما انساها
اكيد ما انساها
والحين انت عند الباب وقدام الناس تصارخ
اكيد راح افتح الباب لك لا محــــــــــــــــاله
وانا واقفه عند الباب تذكرت قبل يومين
فرحت حمد فيني بعدميلادي
ما كنت اتخيل غلاوتي عنده لهذي الدرجه
انه يسفرني لمجرد عدميلادي خلال 12 ساعه
طلعني من البيت على الساعه 6 الصباح ورجعت 6 المغرب البيت
يالله سفره حلوه
لكن يالوقاحتي كنت سهرانه مع بدر بالبيت الى الساعه اربع الفجر قبل ما اسافر مع حمد
خذاني ابوظبي لمجرد ان عدميلادي
وداني السوق هناك
شراااااا لي اغراض بالآلاف والآلاف
واخر شي وصلنا سوق الحره الي بالمطار ( ابوظبي )
قال لي حبيبتي كله هذا مو عشان عدميلادك
انتي هديتك محفوظه
وداني محل مفتوح بالسوق الحر
وشراااا
لي سلسله من ذهب وفيها مفتاح من ذهب
وقلب من ذهب واسم الله من ذهب من الحجم الكبير
اتذكر قيمة الفاتوره وقيمة الهدايا
الله يكثر خيرك يا حمد
لو كنت انا فعلا من نصيبك
كان انا اكيد بعيش بعز وثراااااااااااااء
لكن رنت الجرس قعدتني من غفوتي واحلامي و تذكر
السفره المفاجأه الي قبل يوم
فتحت له الباب وانا مو قادره اصلب طولي
اما بدر اختفى وين يمكن بالمطبخ او تحت السلم !!!
دخلتي مين البيت
لاحظت حمد وهو يقفل الباب ورااااه وخذ المفتاح وحطاه بجيبه
ما عندي احد
الاااااااا انا شفته وهو داخل عندك البيت
تتخيل شارب شي انت ؟
أمــــــــــــــــل ارجوك احب رجولك قولي لي مين ؟
هذا اخو زوجة اخوي
لا اااااااااااااا
هذا من نفس الحاره
انا شايفه من قبل هنا
هذا مو اخو زوجك
نسيتي عملي نسيتي اني مني سهل بهذي الامور
انت فاهم غلط يا حمد
انتي خاينه
آآآآآآآآآه يا قلبي ما اعتقد ان لفظها عدل
من وجع قلبه ما قدر يقولها بشكل عدل
قام يفتش بكل مكان بغرفتي الجديده وغرفتي القديمه والمخزن
الين ما شاف بدر عند السلم
خذاه جابه عندي بالغرفه
توقعت انه يمد يده علي وعلى بدر
لكن انصدمـــــــــــــــــــــت
صدمة حياتي
ليتني ما شفتك بهذي الحاله يا حمد ليتني
مت ولا خنت
يا اغلىىىى انسان حن علي وحبني بكل كيانه
بعد مرور كل هالسنين ما عمري نسيت منظرك وصدمتي فيك
آآآآآآآآآه يا قلبي
اتذكرك بطولك وانت ساجد قدامي وتطق ايدك بالارض
وتبكي تبكي مثل الاطفال كأنك مو مصدق
حتى بدر
انشل انشل من غير ما يتحرك
حتى نفسه ما عدت اسمعه
كل عيوني على حمد كل تفكيري اني ابي اراضيه
من ايش اراضيه هو بقى حب هو بقى ثقه
الي انكسر بيتصلح
واي انكسار وانا اشوفك بهذي الحاله
كنت اترجاه قوم يا حمد قوم الله يخليك قوم
وهو يبكي بكل ما فيه من قوه ويصارخ يقول ماني مصدق
ماني مصدق
واخيرا
مديت يدك علي يا حمد
مد يدك علي طلع حرتك وقهرك ومرارتك فيني
لكن لا ترمي نفسك هالرميه قداااااامي
ما عدت استاهلك ولا استاهل تراب رجولك
حتى بدر ما عدت استاهله
ما ادري انا انسانه وله ايش
في انسان يحطم قلب حبه
ياريت قلب واحد قلبين وبنفس اللحظه
بدر صدمه ثانيه بحياتي هذيك الليله
الي مثلك يا بدر بعد ما كان ماخذ الحياه بسهاله
وتغير لعيوني عشان تجي تخطبني الي مثلك يا بدر
المفروض يكرهني للأبد
ليه تدافع عني وقت ما حمد يمد يده علي
ليه تمنعه خله ياريته يذبحني
الموت رحمه بحالتي
بدر حول انتباه حمد لي عليه هو
وصاروا يتشابكون بالغرفه وانا اسمع كل واحد يسب ويلعن بالثاني
حمد يتهم بدر انه يكذب علي وانا صغيره ما افهم
واني له لحاله ...
وبدر يقول له هي لي وانا لها وانت اشكبرك عليها
انا ابيها وهي تبيني ووعدتها بالزواج
حمد يقول له انا انا الي سويت كذا وكذا
وبدر ولا كأنه استغرب من الكلام الي اسمعه
قال له انت كذاب
انا كنت قبلك وانا الي لمستها بالاول ...
وهي مهي بنت على يدي انا اطلع منها انت
آآآآآآآآآآآآآآه يا قلبي
كل هالكلام يدور والدنيا تدور فيني
وثواني وما لقيت حد جدامي الا
الباب انفتح وكل واحد شرد من البيت وانا واقفه بوسط الحوش
ما ادري ؟؟؟
انا لمين ؟؟؟
انا وش مصيري ؟؟
هل بيسامحني حمد على فعلتي ولسه يبي يستر علي
او هل بدر كان يقصد الكلام الي قاله لي اني له مهما يكون ..؟؟
قعدت ألطم على خدي وركضت جبت عبايتي وخليت الباب مشرع ولا همني احد
وركضت بالشوارع
وين اروح اكيد اهلي بيدرون عني بعد الي صار
ليتني ليلتها ما طلعت من البيت
بس من قلة حيرتي ما عرفت وش اسوي
وين اروح ؟
بروح لبدر
ايه بدر
ما اقدر اروح لحمد حمد ما راح يسامحني للأبد
ولو ما رحت لبدر ضاعت حياتي كلها
رحت له دقيت الباب عليه باب بيتهم
خفت اني اطق الجرس واصحي اهله
فتح لي الباب
قال لي ادخلي
جاب لي ماء
قال اهدي ما عليك من الي صار
قلت له بدر
الكلام الي قاله لك حمد صحيح
سكت وطال سكوته
تعبني اكثر من تعبي كله
واخيرا تكلم
ليه ما قلتي لي
ليه ما قلتي لي
ما في نصيب صار الي صار عشان انه يتزوجني لكن
ابوي رافض
وما عاد يقدر يستر علي لأن ابوي رافض الزواج
مع علمه اني سويت كل هالشي معه
واختي بعد تدري بكل شي
الكل طالبني بالسكوت
وما كنت اقدر اخسرك يا بدر
حبيتك وحبيت طبعك وطموحك وطيبه قلبك
باتي عندي الليله لا تروحين البيت
ممكن يهجم عليك بأي طريقه
انتي مستعده انك تتزوجيني ؟
ما ادري كيف نتزوج كيف ؟
كل ابيه منك
لاجوااا اهلك يسئلون عنك قولي اني انا الي سويت كل شي فيك
لا تجيبين طاري حمد ابد ابد
انا المسؤول وانا الي برعاك
وانا الي بوقف بوسط اهلك واعترف
قولي انك مستعده انك تواجهينهم قولي
طيب اوعدك يا بدر
يتبع
رد مع اقتباس
المفضلات