((5))

مرت السنين

وانتقلنا من هالبيت الى بيت اكبر

مع ان صار عددنا اقل بعد زواج ندى لكن

زيادة الخير بركه

أجر لنا اخونا بيت من طابقين

الطابق الاول ثلاث غرف وحمام

وهنا تدور اكثر الاحداث قريبا ...

والطابق الثاني فيها غرفتين وحمام

والمطبخ بالحوش

فرحت كثير بالبيت

صرت اقدر اني اقعد بغرفه لحالي

غرفتي الخاصه

وياريت ما عطوني هالغرفه بالذات ...؟؟؟

الغرفه الكبيره خذتها اختي مريم وحطت فيه سريرها ابو نفرين

وانا عطتني الغرفه الي اصغر على قدي لكن برضوا كانت عاجبتني كثير

لكن المشكله ان الي بيني وبينها باب يعني اسمع كل شي يدور بغرفتها

وامي اخوي خذوا الغرف الي فوق

اما الغرفه الباقيه الثالثه بالطابق الاول سويناه مخزن

كبرت المسؤليه تنظيف البيت خصتا انه كبير

كثير كنا نتشاجر انا ومريم على هالامور

لكن برضوا كان حسها بالبيت اهم بالنسبه لي

وانا كنت احسب الايام اقول يا ربي انا بنتقل للصف الثاني المتوسطه وهي بتخلص

الثانويه وقرب موعد زواجها يعني البيت بيخلى ما يبقى الا انا ..

هنا تحولت مسئلة الغدااا اليومي الي كنت اجيبه من بيت الجده

جدتي تعبت

وخالتي أم خطيب اختي مريم تولت موضوع الغداء اليومي

صاروا كلهم يتغدون عندها لقرب المسافه ما عداااااااااي انا

لأن كنت استحي من نظراتهم

كنت اقول هذي اختها الي هي امي تاكل من عندهم

واختي تصير كنتها

وانا وش اكون بالنسبه لهم

نظراتهم تذبحني ما كنت اقدر اتأقلم معهم بجلساتهم

دائما كانت تحسسني اني اقل من بنتها

دائما بنتها تحسسني ان عندها ام على مر كل هالسنوات

وانا ماني قادره اخذ حب وعطاء امي

فقلت الافضل جلوسي بالبيت لحالي

كنت اكل اي شي

الى الآن افكر بيني وبين نفسي كنت كيف عايشه

على خرابيط طول اليوم ما عمر دخل ببطني رز او شي مفيد

واحيانا كنت اروح بدون مصروف للمدرسه

ما عمر احد عطاني مصروفي او عطاني شي

اخوي كان بس يقول لي اخذي من البقاله الي تبينه

وانا ادفع له

طيب وش فيه بالبقاله ان كنت ما اعرف اطبخ

ولا الفرن موجود بالبيت

كنت اشتري كاكاو وجيبس وهذا كان اكلي بس

جسمي ضعيف ما فيني قوه اتحمل

لكن كنت احس ان خلاص تعودت بالعكس الاكل صار

بالنسبه لي ما يتعدى هالمكونات الي خلاص تعودت عليها

ياريت احد سئل يوم من الايام وش اكل وله كيف وضعي وكيف صحتي

وكيف دراستي ..

ليالي تمر علي وانا بالغرفه اسمع سوالف اختي مع خطيبها

وانا بسن المراهقه ما بين 11 و 12 سنه

اسمع اشياء ما المفروض اسمعها

اسئل نفسي اسئله وما عندي اجابات عليها

وهذاك الوقت الزمن غير عن هالزمن الي كل شي متوفر فيه

من معلومات وغيره

يوم من الايام نادتني المشرفه الاجتماعيه بالمدرسه

استغربت لاني راعية مشاكل ولا عندي شي عندها

معقوله امي صار فيها شي

لما رحت لها شفت ابوي

قام يشتكي للمشرفه

يقول لها هذي بنتي مهي باره بوالديها

ما عمرها سئلت عني ما عمرها قالت ابوي حي وله ميت

ابتسمت

قالت لي المشرفه يا قليلة الحيه

تضحكين على كلام ابوك

قلت لها ما اعرف ارضه من سماه

وين اسئل عنه

هو ما سئل عني ما قال بنتي من يصرف عليها

وله مين يباريها بعد ما صار الي صار بوالدتي

خذاني على جنب كلمني وكلامه كله عتاب

عتاب على الفاضي

يتكلم عن امور يخصه مع امي

ما وده يفتح صفحه جديده بالعكس قسى قلبي عليه اكثر

ما عدت بحاجته

كرهت كل حرف ينطقه وما عاد لي به صله غير بالاسم

طلع لي من جيبه 200 ريال

قال لي هذا لك وكل اسبوع تعالي عند المحل مع اخوك وبعطيك مصروفك

فرحت ابي الفرج انه يمشي

طلعت وانا فرحانه بالمبلغ الي عندي

رحت لأمي قلت لها يمه جاني ابوي

قالت زين هذا ابوك وانتي بنته اسئلي عنه

هذا واجب البنت تجاه ابوها

يتبع