قصة سماء.

[المتحير]

((16))

هالايام الي ما انساها

عيوني ما عدت اشوف منها من كثر ما كنت ابكي

يا رب الى متى

الى متى ؟

ضربه لي اهاناته لي حقده وكرهه تجاهي

صرت ما عدت اقدر استحمل

لكن صورة اهلي قدامي ما ودي ارجع

وانا بهذي الحاله ما ودي اخسره وانا ادري ان كل هذا

من تحت ايدي وتفكيري الوصخ الي خلاني ....

ما عاد بدر يطري على بالي بالعكس نسيته

وصارت حياتي مقتصره على شوفة جدران شقتي الخاليه

خاليه من كل شي حتى من التلفزيون

ساعات اقضيها وانا جالسه اتخيل نفسي بعالم ثاني

عالم اشبع فيه رغباتي بالحريه ...

اتخيل ارض واسعه ما فيها حواجز ولا جدران اركض

من غير محد يوقفني اركض من غير هدف ...

اتخيل نفسي بعالم ما فيه انسان

عالم خاص فيني ما فيه الا صوت واحد صوت

الطبيعه وصوت نفسي الي امرتني بالسوء ..

يارب فرج علي بفرجك لا تنساني يا رب

انت الي تغفر الذنوب

اهدي زوجي وسخره لي

وانت اعلم بعبادك

تبت يا رب اليك اللهم اغفر لي وارحمني

.........

أمل أمل اقعدي من النوم

حمد انت جيت ؟

شوفي من جبت لك معاي ؟

مين ؟

مين ؟

ندى

اختك ندى هنا يا أمل قومي سلمي عليها

وش فيها ندى تناظرني من فوق الى تحت ؟؟

كأنها تشوف شبح مو انسانه تعرفها من وهي صغيره

طلع حمد من الشقه قبل حتى ما تبتدي ندى بكلامها

يا غبيه !!!!!!!

سكت وطال سكوتي

كل هذا تسوينه ؟

لا ما اصدق ندى تبكي !!!

تبكي علي ؟؟

تبكي علي يا ندى ؟؟

يا غبيه وش تتوقعين اني اقدر اسوي غير اني ابكي عليك

وش صاير فيك

ليه شكلك كذا من طاقك ليه كل هالكدمات بجسمك

حمد زوجي حمد

حسبي الله عليه حسبي الله عليه

خذيني معك يا ندى

ندى لا تخليني هنا خذيني معك

ههههههههههه تتوقعين انه ما قفل الباب ورانا

أمل انا كنت العب اكثر منك ما عمرهم مسكوااا علي زله

يسمعون لكن ما شافوني وما قد مره وصلتها الى الشرطه

اما انتي طلعتي غبيه

ندى الله يخليك انتي فاهمه غلط فاهمه غلط

انتي كنتي تلعبين والى الآن تلعبين مع انك متزوجه

لكن انا حبيت من كل قلبي

حبيت اثنين وكل واحد يختلف صفاته عن الثاني

انتي صغيره يا امل وش عرفك بالحب ؟

الي عرفني بالحب ان ما عمري حسيت ان الحب متواجد ببيتنا

الي عرفني بالحب ان ما عمري حسيت ان احد اهتم فيني

بالحب قدرت اني اوفر لنفسي كل شي ابيه واحتاجه بحياتي

المال والعز والسعاده

كنت ملكه يا ندى ملكه

كل شي كان عندي ومتوفر لي ولو بإشاره

حمد كان يسوي لي الي ابيه مال وعز ومركز

وبدر كان بالنسبه لي السعاده الابديه

مع حمد كنت احس بالأمان

ومع بدر كنت احس بحلاوة الدنيا

والحين يا امل وش عندك ؟

ما عاد عندي شي

حمد ما عاد هو الحبيب الي كان بالنسبه

لي صار زوج غير عن الازواج

كل الي احسه بوجوده اني انسانه حقيره

ما تستاهل تعيش ولو دقيقه باقيه من عمرها

شوفي يا امل لازم تستحملين خلاص حاولي معه انه ينسى

وانتي انسى ان يوم من الايام تفكرين بأحد ثاني غيره

ما عدت افكر بأحد ثاني يا ندى

ولا اعتقد ان حمد بيرحمني وبيسامحني يوم

دخل حمد علينا وقطع كلامنا وتركتني ندى

ولأول مره احس بحرارة احتضانها لي

ما ادري يا ندى ان كان احتضانك لي عن حب

او لأنك عارفه وش احس فيه بعد الفضيحه

لأنك عارفه اصول اللعب ..

..........

ليلتها ما قدرت انام لأسباب كثيره

منها تفكيري بزيارة ندى لي

ومنها ان حمد صار يفتح مواضيع القديمه

ويزيد من ظنونه ويزيد بالاحداث ويتخيل اشياء ما قد صارت مع بدر

او حتى مع غيره ..

وكان يردد ويردد

تذكرت ابوي وشريطه الي ابو وجهين

وانا اناظر بحمد تحولت ملامحه بعيوني لملامح بدر

واشوي اشوي تغيرت ملامحه لملامح ابوي

ما عدت استوعب وش الي قاعد يقوله

الين ما صحاني بصفعه وبعدها صفعات على خدي

يتهمني اني على علاقه مع اكثر من شخص

يتهمني اني سلمت روحي لشباب ما قد مره شفتهم

يذكر لي اسامي واسامي من هالشباب

وانا لساني معقود بعقد مو قادره اتنفس

مو قادره اني ابكي

ولا اتوسل له انه يسكت

او اني ادافع عن نفسي

ليلتها كنت اتمنى الموت بكل ضربه موجعه

بكل جسمي كنت اتمنى الهلال بكل كلمه كان يتهمني فيها

لكن حمد ما اعتقد ان في شي راح يوقفه من تعذيبي ابدا ابدا

هجم علي نزع لي كل ملابسي

وفتح البلكونه وقطني فيه من غير ملابس

مجرده من كل ملابسي

ما عدت اقدر استر نفسي قدام العالم

وقفل علي الباب وانا منهاره ابكي

واتوسل واترجاه افتح ياحمد

الناس يشوفوني ... الناس آآآآآآآآآآه من الناس

حمد اختفى ..

وينه ؟؟

وانا !!!!!!!

بأيدي استر نفسي

جلست على البلاط

وضميت رجلي لصدري وخبيت وجهي بزاويه

بعيده عن انظار الناس

وكل الي يدور في راسي

اني اذكر الله واتوسل واترجاه من كل قلبي

رجع حمد بعد دقايق ما ادري ان كان مر علي

وقت طويل وانا بهذي الحاله ..

شدني من شعري ودخلني الشقه

ما تكلمت صوت صراخي توقف

خلااااااااااااااااص

ما عاد فيه شي ما سويته ياحمد من تعذيب

واهانات ...

ما عاد في شي راح يخليني ما اتحمل

لو كان يرضيه اني اكون له جثه يسوي فيه الي يبي

فأنا اكيد مناسبه لهشي اكيد لأني لا اهل ولا عون

وما لي غير رب العالمين

والله العالم هل ربي بيرحمني او بيغفر لي ؟

يمكن هذا هو عذابي بالدنيا

يمكن ؟؟!!

يتبع

[المتحير]

((17))

طلب مني اني اتسبح ليلتها

لكن طلبه ما كان غريب بالنسبه لي

الغريب طلبه اني اتسبح بالماء الحار بس

من غير ما استخدم الماء البارد

غصبني حملني شدني وفتح علي الماء الحار

لو اشرح مدى الألم الي حسيته

لو كنت اقدر اني اوفي بكلامي مدى احساسي

بالوجع كان قلته بدون تردد

احس براسي بينفجر وجسمي يحترق

لطفك يا رب لطفك ...

ما نفع معك يا حمد رجائي

ما نفع معك يا حمد جفاف عيوني من الدموع

ما كسرت خاطرك

بذمتك يا حمد لوكنت حيوانه ما كنت بكسر خاطرك

فما بالك اني انسانه من لحم ودم

بدر !!!!!

بدر لو كان فيه شي بخاطرك علي

لو كنت حامل قهر الدنيا بقلبك صوبي

تعال شوفني وش اذوق من انواع العذاب

تعال اشفي غليلك فيني ...

ما حسيت هذيك الليله كيف أغمى علي

وفقدت احساسي بجسمي وتوقف عقلي عن كل شي

فتحت عيوني بعين حمد

وهو يناظر فيني بسكوته الي تعودته خلااااااااص طوال

اسابيع ..

بروح العمل الحين ..

وطلع ..

ليتني ما صحيت

بصحياني صحيت آلام جسمي

وقفت قدام المرايه

اشوف نفسي لكن ما لقيتها ..

لقيت انسانه ما تنتمي للبشريه بصله

انسانه ما عاد لها قيمه ولا شكل ولا روح

جسمي ما عاد فيه مكان صاحي

وجلدي ما عاد يستحمل حتى ملمس الملابس عليه من الحروق

........

صوت الباب ..

حمد ما مداه يرجع من الدوام

مين مين ؟

ندى ؟

مين ؟

شوفي يا اختي انا صاحب العماره

امس الناس شافوك بالبلكونه وانتي عاريه

والحين شفت زوجك طالع

ابي اسئلك ..

انتي بخير ؟

لا لا انا بموت

طلعوني من هنا

ارجوك ارجوك طلعني طلعني

وين اهلك ؟

ما عندي اهل اقول لك طلعني الله يخليك

لا تتركني بيذبحني

حرقني ضربني آآآآآآآآآآآه ارجوك افتح الباب

راجع يا اختي راجع البسي عباتك

وين تعال تعال ...

راح عني وخلاني انهار على الارض

لكن بعد ساعه رجع قال لي لابسه عباتك قلت له ايه

قال بكسر الباب

رجعي ورااا

كسر الباب !!!!!

شافني خاف هالمره هو الي تراجع وراااا

لا حول ولا قوة الا بالله

انا لله وانا اليه راجعون

هذا زوجك ؟

ايه

وش فيه مجنون ؟

سكت

شوفي انتي روحي لأهلك وان جه بقول له

ما ادري عن الباب

واصلا العماره جديده

ما فيها الا انتوا اول ناس ساكنين فيها

روحي لأهلك يا بنتي

ما أدلي البيت ما اعرف اروح

انتي من أي منطقه

من .....

طيب طيب خلاص

الحين اوقف لك تاكسي واقول له يوديك المنطقه نفسها

تغطي عشان محد يعرفك وانتي نازله

ما عندي فلوس!!!

معلش يا اختي انتي انزلي وانا اتحاسب مع التاكسي ..

جزاك الله خير ما قصرت ..

.......

وصلت بيت اهلي لأني ما فكرت اروح عند ابوي

لان اول قراره انه يرجعني لحمد لو إن شاء الله يذبحني

قدامه ما راح يحرك ساكن انه يدافع عني

رغم مرض امي وعدم مقدرتها انها تدافع عني

ورغم شخصية اخوي الضعيفه

وزوجة اخوي الهمجيه

كان قراري اني اروح لهم ..

دخلت البيت

هذا هو السكون والهدوء الي كنت ارفضه بحياتي

وكان يذبحني من يوم ما مريم تزوجة ..

مريم وش سوت مع زوجها وهله ..

ما عاد يهمني امرها ..

دخلت غرفتي وهي على حالها

كل الاغراض بمكانه من يوم الحادث الي صار

هذاك اليوم

توقعت اني اعيد شريط ذكريات الي حصل هذيك الليله

ووضع حمد الي كان عليه على الارض

لكن للاسف ما تذكرت شي

وحمد ما عاد يهمني لو انه بكىىىى الى مالا نهايه

كرهته ما عاد احس اني احبه

كرهته بكل ما فيني من احساس

كرهته لأنه ما سامحني ولا حسسني بالامان الي

كنت احسه وانا معه بالحرام ..

...........

ندى !!!

انتي هنا ؟

يعني وين بكون انتي نسيتي اني جايتك من يومين

وش الي جيبك فك الحصار ؟

لا شردت

وشو ؟

شردت من عنده وهوبالعمل الحين

واعتقد اول مكان يجي يدورني فيه هو هنا

ياويلك يا أمل ياويلك

فصخت عبايتي

قلت لها شوفي وش تهدديني فيه انتي وهو

وش بقى فيني عشان اخاف عليه

ندى من سكوتها عرفت انها تفاجأت

اكثر من اليوم الي شافتني فيه بالشقه

..........

مرت الساعات وكأنها دهر وانا انتظر

قدوم حمد ..

كنت اعرف ان ينتظرني الكثير منه

لكن ما عدت اقدر استحمل اكثر

ما ودي عصبيته وقهره علي يطلعهم علي دفعات

خله يذبحني اليوم وافتك من حياتي كلها ..

امي ما خليتها تشوفني بحالتي هذي

واختي تسترت علي وما خبرت حد اني هنا

وجه وقت جيت حمد

والساعه الآن ثنتين الظهر

ما سمعت صوت الجرس

ما سمعت الا هجومه على البيت

وينها ااااااااااااااااا؟

طلعوها

ماعطيته مجال انه يرفع صوته اكثر وتسمعه امي

طلعت له من غير ما يطلعوني غصب

قلت له ماني جايه معك

ما ابيك

ما ابي اجي الشقه ولا عاد ابي اشوفك

طلقني

وشو اطلقك مره وحده ؟

ايه طلقني دام انت منت واثق فيني

وقاعد تعذبني وتهيني

خلاص طلقني

اهلك ما يبوني انا عار لك ولأهلك

ولكل من يقرب لي

طلقني اشتري شرفك وكرامتك قدام الناس

طلقني

ولا اخر يوم بعمرك يا أمل

لا تحلمين بهذا اليوم انتي لي وبس

ما عدت تحبني وانا اقولها لك اكرهك

اكرهك وندماااااااااانه على كل شي

ندماااانه اني عرفتك وندمانه اني فتحت

عيني على اشياء واشياء على ايدك

تلومني لا تلومني

لوم نفسك انت الي علمتني وانا

بعمر الي المفروض ما اعرف فيه

كل هذا علمتني كل شي

يتبع

[المتحير]

((18))

أمل تعالي معي

ما راح نروح الشقه

نطلع نتمشى نتكلم بعيد عن بيتكم

لا لا اااااااااا

ما ابي انت قاعد تخدع مين ؟

خلاص لو تبي تسوي الي تسويه

هنا اذبحني هنا ببيتنا

مو بشقتك الي خليتني اذوق كل انواع العذاب فيها

ما عطاني مجال اني اكون قويه اكثر من كذا ...

شدني من شعري بدون عباه وطلعني بالشارع

يركبني السياره

لكن ..

اهل الخير كثير

امسكوه قالوا له اتركها تفاهموا داخل

دخلها استر عليها

نادواا على حريمهم

جيبوا عباه للبنت

لا حول لله

كلمات اسمعها مقتطفات

من الناس الناس ترحم وتذم بنفس الوقت

الناس لهم بالظاهر وبس ..

ناس ما عرفوا يوم ان كنت مريضه

او جوعانه ...

لكن وقت المصايب يعرفون كل شي

بالعكس يزيدوا من عندهم توابل وبهارات

على مشاكل الناس وهمومهم وفضايحهم ..

وين كنتوا عني ؟

الي كان يسمع اهلي كلام

انه يقول انهم كانوا يشوفون اني ادخل مليون شكل ولون

بالبيت كذاااااااااااااااااااب

لو شفتوا واحد بس يدخل عندي كان من زمان

انفضحت على ايد واحد منكم ..

الستر بالعباه ما عاد الستر بالعباه

الستر هههههههههه وين الستر

وانا اقرب الناس لي ما عاد يستر على لحمه

ابوي ليتك سمعت لي

ليتك زوجتني

ليتك بدل الريالات القليله الي كنت ترمي لي اياهم

ليتك رميت لي نصيحه وله ربيتني على ايدك مثل كل الأبهات

بدر ...

دائما اسمك وشكلك يطلع لي قدام وجيه الناس

وقدام وجيه اقرب الناس لي

لكن هالمره انت خيال وله حقيقه

ما اعتقد ان الخيال يدافع عني

اشوفك ماسك حمد تتشابك معه

ذكرتني بهذيك الليله

ما تبت يا بدر من دفاعك عني

ما تبت بعد دخولك السجن بسببي

ظلم وبهتااااااااااااان

بدر بدر

انت حقيقه ..

صوت وصوره

ما عدت اشوف حمد كل الي قاعده اشوفه

بدر يهجم عليه بكل قوته يضربه يشده ويرميه

وانا راحوا عني الناس

ولا وصلت حتى العباءه المستوره تستر علي

ما يحتاج للعباه

دام عيون الناس توجهة لملعب الملاكمه

بدر وحمد

الناس تتدخل بينهم لكن بدر يهجم من جديد

وكأنه هو صاحب الحق فيني !!

جتني ندى لمتني

ندى مالي غيرك ندى

معلش حبيبتي خلينى ندخل

دخلت وبعدها ساد الهدوء المعتاد

شفتها قدامي شبحي القديم المفضل

أمـــــــــــــي الحبيبه

أمل انتي جيتي ..

ههههههههه ندى تقول العروس تدخل بطرب

وبنتك تدخل بمعركه ...

أي عروس ؟؟

يمه بنتك متزوجه صار لها اسابيع بس

وتقولين أي عروس ؟

أمل الصغيره !!

خذاها ابوها ما تزوجت خذاها مني من زمان

هذي مو امل هذي وحده ثانيه ..

لك حق يا امي ما تعرفيني

بعد كل الي صار فيني اكيد ما عرفتيني

ان كنتي تجهليني من زمان بأسباب مرضيه

اكيد ما راح تجهلين اني ماني امل الانسانه الي كنت

قبل سنتين ...

اختفاء امي مثل ظهورها بالضبط

وندى رجعت للتلفون ... حكايه مالها نهايه ...

لعبه جديده ...

تتقن الألعاب ..

تتفنن باللعب ..

وانا ..!!

بدر زيدت الطين بله

حمد ما اعتقد بعد كل هذا ما راح تطلقني !!

غاب يومين لكن اخوي كان يقول لي

انه مركز على البيت بحراسه شديده

خايف ادخل احد البيت وصار يبات بالسياره قدام العالم

عشان يحرسني من نفسي ..

........

ندى تناديني ..

تلفون لك يا أمل ..

مين ؟

من غيره زوجك طبعا ..

ألو

أمل

نعم

كيفك انتي احسن الحين ؟

دام انت بعيد انا بخير

ابي اشوفك

ارجوك ابي اشوفك

عطيني فرصه وحده بس وان حسيتي اني اكذب عليك

او اخدعك او اني اذيتك بشي اتركيني للأبد وانا بعدها مستعد

اني اطلقك أقسم بالله اني صادق ..

طيب يا حمد

من زمان وانا اثق فيك , لكن انت ..

خلاص راح اشوفك تعال ..

لا تعالي معي تعالي معي نطلع نتمشى نغير جو

وانتي بعد تحتاجين تغيرين جو

خلينا ننسى الي صار ونبتدي صفحه جديده

طيب يا حمد طيب

بطلع اشوفك الحين

انتظرك بالسياره ....

...........

وفعلا وفى بوعده لي

ما فتح لي موضوع قديم يومها

ولا عاتبني ولا عاتبته

طلعني وغداني بمطعم فخم

وخذاني السوق

وشراا لي هدايا

وشبكتي طقم من الذهب

اتذكر شكله كان توه نازل اول تصاميم الكارتير

ودبله لي ودبله له ..

وخذاني الصالون

وتزينت احلىىى زينه

ونقشت ايدي ورجلي بالحناء

وطلعت من الصالون استقبلني

احلىىى استقبال

وعطاني ظرف كبير

فيه مبلغ خيالي

وش هذا يا حمد ؟

هذا مهرك يا حبيبتي انتي

100 ألف ريال

غريبه !!!

وش الغريبه في السالفه ؟

مهرك وهذا من حقك

ادري انه من حقي لكن توقعت ان ابوي هو الي قبض

مهري منك وقت عقد الزواج !!

ههههههههههه لا يا امل ابوك قبض شي ثاني

وش قبض ؟

ارض بأسمه هو ما طلب لكن انا الي عطيته

هديه مني له عشان يوافق

وشو ؟؟؟ عشان يوافق ؟؟

يعني بعد كل هالفضيحه كان رافض زواجنا ؟؟

وما وافق الا لما عطيته الارض ؟

امل لا تذكرين الفضيحه حنا ما قلنا خلاص ننسى

ونبتدي صفحه جديده

الحمدلله انتي زوجتي الحين

وكل الي صار انتهى بالنسبه لي

وانا آسف على الي سويته فيك

والله يعز علي اني امد ايدي عليك

يتبع

[المتحير]

((19))

تدور الافكار الغريبه براسي
اسئل نفسي مليون سؤال وسؤال

يا ترى وش الي غيرك يا حمد ؟

وش الي خلاك ترجع تدللني وتنسيني ولا ترضى حتى نذكر شي من الي صار ؟

وش الي خلاك ؟؟

غريبه كنت اتوقع بعد شوفته لبدر انه يعزم على طلاقي أو انه يزيد بتعذيبه لي !!

الله العالم وش الاسباب الحقيقيه الي خلتك اطيب من الطيب نفسه !!

...........

مرت الايام وحمد معي مثل السمن على العسل

أخذ لي شقه ثانيه جديده وفيها كل سبل الرفاهيه

وكنت سعيده لكن في مكان مظلم بشخصية حمد

اعتقد انه راح يجي يوم وينفجر و...

........

مرت الاسابيع بسرعه

ما بين صمت وصبر

كلمتين بينهم اتصال قوي

ان بديت بالصمت راح تتعلم الصبر

وان اتقنت الصبر اتقنت الصمت

والصلاح بيد رب العالمين

الشكوى لغير لله مذله

اشتكي لك يا رب العالمين

وادعوك فأستجب دعائي

نسيه ونسيني همي وغمي وفرج عني

واصلح ما بيننا

صلاح زوجي معي هو صلاحي

وهدايتي هو هدايته ان شاء الله ..

يا علام الغيوب يا شارح الصدور

استجب لي دعائي

يا رب العالمين

بعد انتهائي من صلاتي

دخل علي حمد

كلمه وحده وبعدها دارت الدنيا فيني

انتي طالق ..!!!!

انتي طالق يا امل طالق !!!

نسيت صلاتي وسجودي ودعائي

وكل الي تذكرته او الي عزمت

عليه الاستعداد للهجوم ..

الاستعداد لمواجهة حياة جديده تحت

منطلق جديد اسمه بداية النهايه

مطــــــــــــلقه !!

ما عاد يهمني المسمى الاجتماعي

ما عاد يهمني الناس وكلامهم

وش الي يخليني احسب حساب احد

محد رحمني حتى انا ما رحمت روحي

انتهيت ما ادري والله ان كنت انتهيت

يمكن انتهيت لكن لسه فيني روح

ومدام فيني روح ما عاد راح انزل روحي

لحـــــــــــمد واسئله عن سبب طلاقي المفاجأ

من بعد ما عشت مع هالاسابيع القليله بين الصمت والصبر ..

ركبت معه السياره لكن هالمره ركبت ورااا

ما عاد فيه شي يربطني فيه لا حب بالحرام ولا عشق بالحلال

مجرد ورقه فيها اسمي واسمه ورقة الطلاق

وصلني عند اهلي

وقال بكره اجيك الصباح ونروح للمحكمه ..

وصدقيني يا امل انك ما راح تحصلين مين يحبك كثري

أنا ..

حمد اسكت ما عدت ابي اسمع صوتك

اكرهك واكره كل شي فيك حتى صوتك وهمسك ونفسك

ما عدت اطيقك ولا عدت ارغب بوجودك بأي شكل من الاشكال بحياتي

تدري يا حمد انت ما تحبني

الي يحب يغفر لمحبوبه

الي يحب يرحم

لكن انت بشر حالك من حالي

يمكن يوم تغلط اكبر من غلطي بحق نفسي واهلي وناسي

لكن انا ..

ما فكرت اني بضيع من دونك وبعد كلمة الطلاق وش بيصير فيني ؟

انا جلست عندك كزوجه والله يعلم فيني

قد ايش ندمانه على فعلتي وطلبت العفو والمغفره من رب العالمين

لكن ..

انت فكرت بنفسك وبس ..

اسمع انا ماني ضايعه ان ما كان في احد يتمنوني

مثل ما يقولون البنات الف من يتمناني

لكن انا بقول لك في واحد يتمناني وانت تعرفه

ايه ايه قبل ما تنطق هو بدر

بدر ..

الي انت ما قدرت عليه انك تستر علي

وانك تحافظ علي وترحمني من الناس

هو راح يكون اوفى منك واقدر منك انه يكون زوجي بالحلال

وراح اذكرك يا حمد ..

...........

نزلت من السياره

ودخلت بيت اهلي وانا كلي أسف على كلامي

له ما كنت ناويه اني ارجع لبدر لكن كان كلامي

لمجرد اني اقهره اني اخليه يفهم اني ما عدت بايره عند اهلي

.........

وفعلا طلع الصبح علي وهالتلفون ما سكت من مكالمات

حمد لي ..

الين الصبح رديت على التلفون

الو
أمل

اسمع يا حمد

انا جاهزه للمحكمه نتلاقى هناك

انا راح اجي بالتاكسي ما يحتاج توصلني

انا حره وطليقه الآن

وانت طليقي

لا ما ابي اطلق

بسئل الشيخ عن حكم الطلاق

قلتها وانا معصب وانا ندمان

تتوقع تفرحني بالخبر هذا !!؟؟

بالعكس

انا الي كنت ابي الطلاق وانت قدمت مطلبي

على طبق من ذهب ..

بتنازل لك عن كل شي

المهر الي ما قدرت اني المسه لحبسي الاجباري معك بالشقه

ولشبكتي الي لحمي ما عاد يقدر يستحمل شي يلامسه

خذ كل شي

كل شي

خذ الارض الي عطيته لأبوي بدون ما انا اتدخل

انت تصرف معه اقتله احرقه ما عاد يهمني ابوي

نتلاقى بالمحكمه ..

وفعلا تنازلت عن كل حقي المهر

والشبكه وكل شي مع ان الطلاق منه

مو انا الي طلبته منه ..

لكن ..

كنت الاحظ نظرت الحسره والندم بعين حمد

بعد ما استلمت ورقتي من المحكمه

مشيت عنه كأنه غريب

كأنه ما قد مره شفته بحياتي ولا كان لي معه صله ..

.............

رجعت البيت ..

رتبت الغرفه ..

أنا مطلقه ..

ولي مطلق الحريه ..

برجع للدراسه ..

اكيد ما دروا عني المدرسه اني تزوجت

لو دروا عني اكيد راح يفصلوني ..

ما اعتقد انهم يدرون ..ما اعتقد ..

باقي اسابيع قليله على بداية السنه الدراسيه الجديده

وكل زميلاتي بالمدرسه راح ينتقلون للصف الاول الثانوي بالمدرسه الثانيه ..

الا انا ...

احسن لي ولهم ..
اكيد محد يبي صداقتي الآن ...

واكيد انا ابي ابتدي دراستي بمدرسه وصف بدون

زميلاتي عشان ما اسمع الي يكدر جو وصفر حياتي الي ببتديها من جديد ..

جهزت نفسي للمدرسه وانا كلي عزم اني اكشخ من اول يوم ولا على بالي احد

وفعلا ما عاد أهلي يتدخلون بحياتي ومشت السفينه براكبها الوحيد

الي هي انا لحالي وحيده كالعاده ..

الظاهر الصف الثالث متوسط فال نحس علي دائما

السنه مثل السنه الي فاتت اخلص الفصل الاول والثاني تبتدي المشاكل من جديد

حمد رجع يكلم اخوي وابوي يبي يردني ..

وانا ..

ما عدت ابيه بكل كياني ارفضه رفض تام ..

بالاخير اخوي قال لي

تراهو مو مصدق ان الرفض منك

يقول ان امل تبيني وانكم انتم مو موافقين لرجوعها ...

والحل يا اخوي ؟ وش تبيني اسوي ؟


انتي موافقه ؟

لاااااااا

خلاص بدخله بالصاله واطلعي قدامي قولي له انك رافضه

وفعلا دخلت عليه وانا متغطيه من راسي الى رجولي

ما ابيه يشوف مني أي شي يحرم عليك تشوف ظفري يا حمد

من بعد ما تنازلت عني ..

كلمتين ودخلت لغرفتي مره ثانيه

حمد ما ابيك ..

وبس ما عرفت وش صار فيه من هذاك اليوم

ولا عاد شفته فتره طويله

مع انه لسه ولد الجيران

لكن انا دخلاتي وطلعاتي من المدرسه الى البيت

حتى المدرسه ما اطلع الا من بدري

وارجع من ورى البيت والدهاليز عشان ما امشي بالشارع

ما ابي اشوفه ولا اشوف احد يناظرني بنظره تذكرني بفضيحتي

...........

المشكله الرئيسيه بعد الفصل الثاني من دراستي

اتصال بدر المفاجأ

ليلتها كنت ادرس واكتب واجباتي

صوته رجع لي احساس ما كنت ابي اتذكره ابد

أمل كيفك ؟

بخير يا بدر

انت كيفك ؟

ماني بخير

ليه ؟

انتي السبب

بدر انسى الي صار خلاص ما عاد الكلام بيفيد ابد

أحبك وأتمناك لي

وانا بعد تتوقع اني ما عدت احبك

لكن يا بدر ...

ما قدرت اكمل الا صوت اخوه

من الطرف الثاني

كان شايل سماعة التلفون من الطابق الثاني من بيتهم

سمعني وانا اتكلم معه

قال :

انتي يا .......

ما راح تخلين اخوي بحاله .....

انتي الي ...........

لك وجه يا ......

والله لشتكي عليك بالشرطه

سكرت السماعه وانا ارتجف ..

قلت لنفسي ليـــــــــــــه كل هذا يحصل لي

وش الغلط الي سويته ...

هو الي اتصل وانا كنت ابي اوضح له كل شي

عشان كل واحد يروح بحال سبيله ...

ليه؟؟

كلها دقايق رجع التلفون يرن

ويا لجرأتي لسه فيك تشيلين التلفون يا امل

الووو

انا بدر

اسمعيني يا امل ما عليك من اخوي انا احبك وابيك

والله ابيك

قولي انك موافقه انك تتزوجيني

انا ما صدقت متى تطلقتي

وش قلتي يا امل ؟

ما ادري

نفس القصه انت بعد راح تتزوجني

لكن ما راح تقدر تعيش معي سعيد

اهلك والي صار ما راح تقدر تنسى

صدقيني يا امل صدقيني انا غير عن هالحمد

انا بدر نسيتيني يا امل ؟ نسيتي كلامي لك ؟

ما انسى يا بدر وقفتك معي وانا حتى بأصعب الظروف

ما انساها لك لكن .. خايفه من الي جاي .. خايفه ...

............

تواعدنا بعد هالمكامله نرجع حبنا رغما على الكل

وانسى خوفي واحلم باليوم الجديد الي يخليني اكون فيه

زوجه له وهو زوج لي ..

لكن جت الحزينه بتفرح مالأتلهاش مطرح مثل ما يقول المثل المصري

وفى بوعده اخوه وراح اشتكى علي

جت لي احضاريه من مركز الشرطه يطلبون جيتي عندهم

وانا كلي خوف وارتجف من الي بيحصل

دخلت هناك سجلوا اسمي واقوالي

قلت لهم ان تلفونا ما يطلع مكالمات

وان الي متصل هو بدر مو انا

هذا الكلام الي كنا متفقين عليه انا وبدر يومها ..

وكل الي صار انهم كتبوا تعهد اني ما اكلمه ابدا واني

ما اقرب صوبه ولا هو يكلمني ولا يحاول الاتصال فيني

بأي طريقه ممكنه ...

.........

طلعت من عندهم وانا احمد الله ان محد من البيت عرف

بالسالفه هذي ورجعت البيت ولا كأن شي صاير ..

وما مداني افتح باب الغرفه الا التلفون يرن ...

الو

أمل حبيبتي كيفك ؟

بدر الله يهديك وش الي خلاك تتصل ؟

انت ما تخاف ؟

هههههههههههه ولا كأنهم هددونا صح ؟

ما عليكي منهم يا حبيبتي ..

كيفك انتي انسي الي صار وركزي على دراستك الآن

وكلها اسبوع وينزل لي القرض واجيك برسم الخدمه الين بيت

اهلك اخذك ونعيش مع بعض بالحلال يا امل ..

صدق يا بدر ؟

ما اعتقد يا بدر احس كل ما افرح بشي يطلع شي ينكد علي حياتي

كلها و ترجع الامور تسيء اكثر واكثر ..

الله كريم يا أمل

الله كريم

يتبع

[المتحير]

((21))

ليلتها كان عندهم حفله للبنات بالطابق الارضي بمناسبة انتهاء الفصل الدراسي الثاني

وطبعا بما ان حنان وناديه معاقبات من حضور الحفله

كانوا معاي وما بقت معنا الا عدد قليل من المشرفات

وخلونا لأول مره وانا هناك لحالنا

حنان بدت الكلام وحنا جالسين على الارض قطعه من السجاد

بالصاله والباقي كله رخام يشبه رخام المستشفيات

حنان: امل

هلا

وش قضيتك انتي ؟

ولا شي

معقوله علينا هالكلام ؟

انا مجرد توقيف ما عندي قضيه

ناديه : اقول يا امل حنا نعرف كل القضايا

الي تجي على المبنى يعني كل بنت تتكلم وتقول الي بخاطرها

وانا ببتدي قصتي وش رايكم ؟


حنان : والله لاعت كبدي من تكرار قصتك يا ناديه وش الجديد ؟

ناديه : الجديد ان لما اطلع بكمل مسيرتي ههههههه

مسيرة الحب مع حبيب قلبي عبود

حنان : هو بس عبود قولي نسخ من عبود يا دوب يكفيك هههههه

أنا : طيب يا ناديه قولي اسمعك يمكن تهون علي مصيبتي

ناديه : انا امي باكستانيه

أنا : لاحظت انك منتي من نفس البلد ما شاء الله طالعه شقره وحلوه ..

ناديه : تسلمين وابوي من نفس البلد ..

وكملت قصتها : انا ما ادري كيف طلعت غير عن ااهلي

يعني احب الحريه واحب الطلعات وعندي موضوع الشباب عقده بحد ذاتها

ما فهمتك يا ناديه ؟. كيف عقده ؟

كملت كلامها :

يعني عندي البنت والشاب ما في فرق بينهم

العلاقات بالنسبه لي ماهي عيب

يعني وش يصير لو طلعت مع واحد او كلمته على التلفون

او لما يجي يزورني بالبيت ؟

ههههههههههه حنان تضحك من قلب

وأنا : اتكلم بخاطري اقول فيها وفيها والي جيبني هنا ان فيها اشياء كثيره غلط واتمنى اني اقدر انساها ..

بس ما قدرت اقول شي سكت ..

كنت اشرب الخمر وادخن واطلع على الديسكو كل ليله

كل يوم مع واحد

وكل يوم مع جنسيه

لا رغبه مني بالفلوس ولا بالجنس

مجرد متعتي بالحريه واسوي الي ابيه

اهلي يدرون لكن ما يدرون بتفاصيل طلعاتي ومباتي عند صديقاتي

اكثر صديقاتي من نفس طينتي يعني سواسيه

اما جيتي على المركز اقصد الاحداث

ان صادوني مع واحد بغرفة النوم بالفندق

وسحبوني الين مركز الشرطه

وبما اني قاصر ومفتوحه فخلاص

شافوا ان الحكم من المحكمه راح تكون ان اكون هنا

الين ما اكبر وبعدها اطلع بشرط الزواج ..

أنا : اهلك يزورونك هنا ؟

ناديه : اكيد امي وابوي لكن حبيب قلبي عبودي وصل لهم رساله

خطيه يد بيد وعطوني اياه وقدرت اني اقرأه هناك وانا تحت وقت الزياره

لأن ممنوع اني ادخل أي شي معي الطابق الثاني ..

الرساله انه تقدم لي بالمركز وان شاء الله لما يسئلون عنه راح يزوجوني له

امي وابوي موافقين وما يهمني ان تطلقت من بعدها اهم شي اني اطلع ..

حنان : تدرين يا امل ؟

أنا : وشو

حنان : ناديه ليلحين تتخيل انها احيانا بديسكو لو تشوفينها كيف ترقص غربي والله روعه ..

بس تدرين اول مره اشوف احد يرقص بدون موسيقى ههههههههه

طيب بما ان ناديه خلصت انا بقول لك قصتي لكن على شرط انك تقولين لي انتي وش سالفتك طيب ..

أنا : أوكي

حنان : انا الله يسلمك من كل شر امي وابوي من نفس البلد هنا ...
ابوي توفى وانا صغيره وامي تشتغل بالمدرسه الحكوميه تنظف وتمسح وغيره

وكانت تحطني ببيت خالتي خالتي كانت ترعاني طول اليوم بعد ما اطلع من المدرسه

لأن امي كانت بعد ما تخلص من دوامها تواصل عملها بشغل البيت ببيوت الناس

وكانوا يعطونها راتب ما كانت تنظف لا كانت تطبخ لهم ...

وانا كنت عند خالتي , خالتي نوعيتها وش اقول لك تحب الفلوس وما يهمها وين المصدر

اهم شي انها تطلع فلوس من تحت الارض لا هي تشتغل ولا متزوجه يعني مطلقه

وعندها بيت ايجار ما عندها عيال لكن كل ليله كانت تدخل انواع واشكال ومن كل الجنسيات بالبيت

يعني تتاجر بالخمر والحشيش وبنفسها ومعها بعض البنات الي يتاجروا معها ..

ولعب وضحك طول اليوم ما يهم ان كان الوقت ظهر وليل بيتها عمره ما خلىىى من هالسوالف

أنا : امك كانت تدري ؟

حنان : كانت تدري لكن عمرها ما قربت لها ولو ما احتياجها لها انها تقعدني عندها كان ما خلتني هناك

تتوقعين امي من وين راح تصرف علي وعلى نفسها بيت ايجار واكل وشرب وقرض المرحوم من الي ماخذهم من الناس ايام علاجه ...

لكن دائما كانت توصي خالتي علي يعني وقت الي احد يجيها كانت تدخلني الغرفه وتقفل علي الباب

المهم ان هذاك اليوم الي كان معها اثنين من الرجال واحد منهم سكر و ما كان يدري بحاله

يومها انا كنت نايمه بالغرفه والباب ما كان مقفل

دخل علي الغرفه ..

أنا : كم كان عمرك ؟

حنان : 14 سنه
المهم ان الرجال قام يتكلم معاي وخالتي كانت تحسب ان الرجال دخل الحمام

واصلا خالتي بروحها كانت فاقده الحواس هذاك اليوم

وصار الي صار ..

وش صار يا حنان ؟

ههههههههههه وش صار بعد افهميها ...

يالله وبعدين !!

بعدين يا أمل اليوم الثاني قلت لخالتي وش صار ما صدقتني

ولا قالت لأمي خذتني عند طبيبه وكشفت علي قالوا لها ان البكاره انفكت

وحذرتني وقالت لي ان امي لو درت راح تموتني

وانا من خوفي ما قلت لأمي

ودارت الايام وانا كنت اشتغل مع خالتي يعني كنت استمر بالشغله هذي

واخذ حقي وانا ماشيه والنص اعطيه لخالتي ..

الين ما طبوااا علينا الشرطه وكاني هنا

لكن لا لي عبود يطلعني ولا نسخه منه

بس امي تقول راح تشوف احد يطلعني من هنا لو حتى ليوم بس

وانتي يا امل وش قصتك ؟

أنا : ............

كملت القصه كلها

وبالاخير ...

وش الاخير يا ناديه

خلاص انا ضعت

انتوا هنا لفتره طويله

وما عاد يفرق معكم وش يصير برااا

لكن انا بطلع بعد اسبوع والله العالم وش ينتظرني ..

حنان : ما عليك ان شاء الله بس تطلعين بدر ياخذك وتتهنين بحياتك يا قلبي لا تخافين

أنا : ندمانه يا حنان ؟

حنان : خلاص يا امل انا صار لي هنا تقريبا ثلاث سنوات

يعني فات الاوان اني افكرمن جد وجديد واحاسب نفسي على شي صار ..

أنا : لو طلعت من هنا اكيد راح ازوركم ..

حنان : هههههههه كلهم يقولون كذا بس تطلعين ما تبين حتى تتذكرين هالمكان ابد ..

..........

مرت الايام بالمركز وانا كل يوم يقرب طلعتي اكون متوتره اكثر واكثر

يا ترى بدر ينتظرني فعلا ؟

وفعلا طلعت وجه ابوي وقع تعهد على اني ما اكلم بدر او انه خلاص

راح يتنازل عني للأبد للمركز ..

ودعت حنان وناديه وبقيت البنات الي كل وحده قصتها امر من الثانيه ..

لكن اكثر شي لفت انتباهي قصة البنت الصغيره الي عمرها 8 سنوات

اغتصبها عمها وهي هناك من ست شهور ...

ياربي كل ما اشوفها يتقطع قلبي عليها

اقول بهذا السن وهي لسه ما بلغت شافت اشياء ما كان المفروض تعرفها

واحيانا ثانيه كنت اشوف نفسي فيها

هي الوحيده ما بيننا ماخذه الامور لعب في لعب

لها اكثر من ام هنا واكثر من اخت

كلهم كانوا يعاملونها معامله خاصه وافضل معامله

تلعب حالها حال الاطفال تنط وتضحك ومسوي جو مع المشرفات

حسبي الله ونعم الوكيل

دخولي هنا كان بالنسبه لي تهوين مصيبتي

لكن هل تبت من فعايلي ؟

يتبع

[المتحير]

((22))

وش تتوقعون صار حياتي من بعد ما طلعت ؟؟؟؟؟؟؟؟؟

لا شئ جديد رجعت حليمه لعادتها القديمه

رجعت لعلاقتي مع بدر

ورجع بدر يقنع امه بدون محد من اهله يدري

لكن ما قد وصل الى حل مع امه الا بالرفض التام

وانا بين نارين

نار اخفاء علاقتي بحبيبي

ونار اني انتظر الفرج واتزوجه

أيام تمر علي وشهور وانا جالسه بالبيت

ما قد مره طلعت ...

وابوي اتصل فيه اقول له ابي مصروف

يقول عندك مهرك اصرفي منه

يبه مهري تنازلت عنه وانا ما عندي

مو شغلي انا مني ملزم اني اصرف عليك ..

تحسرت على دراستي الي ضيعتها ..

ابتدى التسجيل للدراسه بالفتره المسائيه

واخيرا رحت سجلت

وبعد التسجيل داومت بالفتره المسائيه

ما بين الساعه الثالثه الى الساعه السابعه

ادرس هناك نفس المواد الي كررتها بالفصل الاول

لثالث مره ...

يا ترى الى متى راح اتم بالصف الثالث اعدادي

من غير ما اخلص ؟؟؟

مرت الايام وبدر ينتظرني عند باب المدرسه

كل يوم

واحيانا كنت اغيب عن المردسه

لا رقيب ولا حسيب

وبدر راتبه ضعيف

لكن كان يقدر يعطيني مبلغ بسيط بكل مره

اشوفه واطلع معه نروح نتمشى عند البحر

واكثر شي نسولف بالسياره

الين خلصت الفصل الاول من الصف الثالث

وخلصت الاجازه وعدت على خير

وابتدى الفصل الثاني

ورجعت لدوام المدرسه

الحمدلله نجحت بتفوق

اكيد بتفوق دام اني اعيد السنه لثالث مره

لكن المفاجأه ....

اني دخلت الصف

ولقيت وحده جديده معنا

تناديني بأسمي

أمل أمل

هلا مين ؟

ما عرفتيني !!!


آآآآآآآآآآآه يا قلبي

حنان حنان طلعتي

اسكتي لحد يسمعك

ايه طلعت صار لي شهرين بس

وتونا انتقلنا انا وزجي لهذي المنطقه

وصارت الصدفه اني انقل للمدرسه هذي

عشان اكمل دراستي

يا محاسن الصدف يا امل

وش اخبارك انتي ؟

ما عليك من اخباري يا حنان

انتي من تزوجتي ؟؟

واحد والسلام

جابته لي امي مجرد كم شهر

لكن الظاهر اني مريحته هههههههه

وقال انه ما يبي يطلقني

كيف حياتك الحين تروحين وتجين على راحتك ؟

يعني اشوي بس اكثر شي معاه

الحمدلله يا حنان تستاهلين كل خير

حاولي انك ما تفرطين بزوجك وحببيه فيك

وانسي الماضي ...

ان شاء الله يا امل والله يقدم الي فيه الخير

كيفك انتي تزوجتي ؟

لا لسه حتى اشعار آخر ..

لسه ما رضوا اهله ..

لااااااا ..

حنان :

لا حول لله يا رب

محد يضيعنا الا الاهل واصرارهم

وش فيها لو الواحد يبتدي من جديد وينسى الماضي

وش فيها لو الواحد يبي يعيش وهو نظيف من كل ذنب

أنا : ما ادري يا حنان وش فيه حظي اصلا

اهلي عادي راح يوافقون عليه اصلا ما همهم مين ياخذني

لكن اهله أوووووووف من اهله

حنان : وهو كيفه معك ؟

أنا : متمسك فيني يا حنان ويموت علي ...

الله يستر عليك ان شاء الله

.........

مرت الايام

وصار الصف له طعم ثاني بوجود مين يعاوني على همي

واخباري اليوميه والموجز والتفصيل عن حنان ..

الين ما جاني خبر ما يسر يخصها ...

أنا تطلقت يا أمل ..

ليـــــــــــــــه ؟

ما رضى ينسى الماضي

وكأن بصمة العار راح تلحقني وين ما كنت

معلش يا حنان الله يهديه يمكن بكره يراجع نفسه ويردك

ما حاولتي تفهمينه تعلميه انك تبتي وان شي صار وانتهى ..

عجزت يا امل وانا اقول واشرح له عن احساسي واني ابي ابتدي حياتي من جديد

وان جلوسي هناك لسنين بالمبنى خلاني انسانه ثانيه ..

لكن للأسف العباد ما يرحمون بعضهم ..

وكيف أمك ..

الله يرحمها توفت يا امل ما عاد لي احد

وين ساكنه اجل ؟

بشقتي الين ما احصل لي عمل

عمل وانتي لسه ما كملتي دراستك ؟

يعني وش اسوي

ما بيدي شي غير اطلب العون من رب العالمين

الله كريم يا حنان ..

.............

كثرت زياراتي لحنان ببيتها

وهي كل يوم تبيع بأثاث بيتها الين ما صفت على ثيابها بس

وما قدرت انها توفر لنفسها حتى عمل بسيط يسد احتياجاتها

احيانا كنت اعطيها من مصروفي الي كان يعطيني بدر

واحيانا كنت احاول اني اصبرها بكلامي ..

لكن بين يوم وليله تغيرت حنان

ما عادت تحب تستقبلني بكل وقت

طلع عليها بوادر الاسراف وشرت وعملت ببيتها

وفرشته احلىىى فرش ولبست احلىىى لبس

بدون ما تشتغل ولا تتعب ...

.............
حنان حنان ممكن اسئلك سؤال ؟

حنان : ادري يا امل وش بتقولين من وين لي كل هذا صح ؟

أنا : اكيد فاهمتني كل وحده تعرف الثانيه عدل تعرف ماضيها وحاضرها عشان كذا كان بودي اسئل ولا استحي منك

حنان : من شغلي شغلي القديم وقفلي الموضوع خلااااااااص

ليـــــــــــــه ليــــــــــــه يا حنان ليـــــــــــه ؟؟

حنان : أمل الله يخليك بلا مواعظ انتي اعلم بحالي

ما عاد في شي يخليني اصبر او اني اتوهم ان حياتي راح تكون على افضل حال ..

حتى طليقي بعد ما كنت احاول قدر الامكان اني اكون له زوجه طبيعيه وانسيه ماضيي الوسخ

ما قدر يقدر ولا قدر يسامح ..

أمل : صادقه يا حنان لو كانوا الناس يسامحون كان قدرت اني اتزوج بدر من زمان

رن تلفون حنان بهذا الوقت ..

ما فهمت شي من الي كانت تقوله حنان !!

مجرد موعد و اتفاق على السعر وتقفيل الخط كل شي بالسريع ..

حنان بالسرعه هذي ؟؟

يا ترى لما تكونين معهم تخلصين نفسك منهم بالسرعه نفسها ؟

حنان : هههههههههههه الله يقطع بليسك يا أمل

أمل : أتكلم جد

حنان : ادري انك تتكلمين جد

ما راح تقدرين تفهمين الوضع يا امل !!

ما قمت احس بجشع او احتياج للمال لا المال اقدر احصله لو أشحت

لكن الموضوع يختلف ( الوناااااااااااااااااااااسه ) وبس

ونااااااااااااااااسه يا حنان وانتي تبيعين روحك ؟

لا يا امل ما ابيع روحي انا وانتي وناديه ووديعه والي شفتيهم كلهم بالمبنى

وغيرهم لسه ما انكشف فضايحهم عايشين بين الناس لكن مستورين بستر الله ...

تدرين وش فينا وش يخلينا نستمر بالغلط

الناس الناس هم الي ما رحمونا

انتي يا امل !! لو زوجوك من البدايه لحمد كان اكتفيتي اكتفيتي بحبه وحنانه

لكن الاستمرار بالغلط يخلينا نشوف حياتنا احلى واحلى لو جربنا اشكال وانواع ومغامرات جديده

صادقه يا حنان صادقه

تدرين يا حنان تدرين

انا كل ما كنت افلت من فعله اضحك على اهلي وكأني انتقم منهم

كل اسوي شي جديد او اطلع مع بدر احس بإنتصار واشفي غليلي من كل الي اعرفهم

لكن الواقع اني قاعده اضيع نفسي ..

أمــــــــــــل ولي يعافيك ما عاد يفرق سيرتنا على كل لسان لو رحمونا وانسترنا ما راح يرحمون عيالنا واحفادنا

خلاص بصمة العار يا امل ما لها علاااااااااج ...

يتبع

[المتحير]

((23))

لما رجعت من زيارتي من عند حنان

كان كل تفكيري بحنان وبس ...

واراجع ذكريات حياتي وحياتها ..

قالت اشياء يخصها لكن الشعور واحد الظلم من عدم

نسيان العالم لفضايحنا ...

رغم صغر سننا رغم الجهل ورغم عدم اكتراث الاهل

لتعليمنا الممنوع والخطوط الحمراء من البدايه ..

حمد ما تعلمت منك الا الاتكال عليك

وما عرفت ان البنت تخسر كل شي الا بالليله المشؤومه

ما كنت ادري ان نقط الدم هو الدليل على ان البنت غير عذراء

ليت أحد قال لي هالشي من قبل ..

المعلومات المحرجه والحساسه مالها مقر بحياتنا

المجتمع بذيك الوقت ما يسمح للأم أو الابنه انها تسئل على راحتها

وما يخبرونها الا وقت الزفاف او وقت الملكه ..

يمكن كنت اقدر احصل على معلومات اكثر لو كان حمد طلع بحياتي وانا

اكبر من كذا ..

استغل جهلي وعلمني ان الخطط ولو انها كانت خاطئه ممكن توصل لمبتغانا

كل الطرق تؤدي الى روماااا

ولكن ما يهم الاتجاهات ما يهم الخطأ والصح ..

رن التلفون ...
........

اكيد هذا بدر !!

ألو ..

هلا يا امل كيفك عساك طيبه ؟

أمل : مين ؟

أنا هدى ما عرفتيني ؟

أمل : يووووووووووه هدى هههههه توك متذكرتني ؟

......

هدى كانت معي من أول ابتدائي صديقتي بالمدرسه

انتقلنا للصفوف المتوسطه مع بعض وكنا دائما مثل التوأم ما يفرقنا

شي , شقاوتنا بالمدرسه ومقالبنا بالمدرسات والطالبات

خلانا نتعلق ببعض اكثر واكثر

لكن بعد فضيحتي اختفت هدى اختفت لمدة سنه او سنه ونص ما اذكر

آخر مره متى شفتها شفتها قبل دخولي للأحداث كان يوم عادي مثل

باقي الايام كنا نتلاقى بالمدرسه

لكن خجل هدى و ملامحها الطفوليه وحياتها الجميله مع اهلها

وعدم معرفتها بالمغامرات خلتني ما اتعدى معها الخطوط الحمراء واخبرها

عن مغامراتي مع حمد وبدر ..

اهتميت انها ما تكون ضحيه مثلي احبها حب اكثر من حبي لخواتي

كانت الصديقه والاخت وكانت بلسم لروحي وقت الضيق

اسئله كثيره ما كنت ارد عليها من هدى

كنت احول انتباهها اني متغيره من ظروف اهلي ومعاملتهم

لكن اسراري الدفينه كانت مدفونه بعيد عنها ...

اختفت ورجعت الآن تسئلني عن أحوالي ..

.........

هدى : أمل تدرين ان ما قدرت اتواصل معك بسبب اهلي

امنعوني عن مصادقتك ..

الآن أهلي مسافرين وانا عند عمتي كلهم راحوا العمره

الا انا لأن عندي مدرسه ..

كيف حالك وش اخر أخبارك ؟

أمل : زينه زينه يا هدى بأحسن حال

هدى : اقدر اشوفك ممكن نتلاقى بمطعم قريب من السوق

وش رايك ؟ انا عندي فرصه اني اطلع دام اهلي مسافرين ...

أمل : لا يا هدى انا اخاف عليك لو اهلك ما دروا الناس راح يخبرونهم ..

هدى : ارجوك يا امل والله انك وحشتيني واحتاج اشوفك ..

أمل : طيب يا هدى بكره راح اشوفك الساعه 4 العصر ..

...............

انتهت المكالمه وانا قلبي بيطير من الفرحه ..

رجوع هدى بحياتي كأنها رجعتني سنين للوراااء

خلتني احس بعمري الصغير ...

هدوء هدى وطبيعتها الطفوليه كلها على بعضها

تحسسني ان النقاء الي فيها راح ينتقل لي يوم من الايام ...

...............

اتصال ثاني من بدر ..

أمل : بدر بدر تذكر هدى الي كنت اقول لك عنها ؟

رجعت علاقتها فيني بكره راح نتلاقى ..

بدر: على شرط يا امل ..

بكره امر بنفس المطعم واشوفك ولو من بعيد انتي وحشتيني ..

امل : وش اخبار امك عساها طيبه ؟

بدر : ادري وش تلمحين بكلامك لا يا امل لسه مصره على رفضها

لكن مثل ما يقول المثل كثر الدق يفك اللحام ..

.....

انتهت المكالمه ..

لكن رجعت حنان تذكرني بآخر احداث حياتها ..

دعيت ان الله يبعد عني وعنها الشر ويهديني ويهديها

وما قدرت انام الليل الا القليل ..

يتبع

[المتحير]

((24))

اليوم الثاني


فعلا جهزت نفسي للقاء هدى ..

وبالطريق كنت اسابق الريح عشان بس اوصل لمكان الموعد ..

دخلت المطعم ..

هذا هي هدى دائما تختار الطاولات البعيده الهاديه الي ما يكون عليها زحمه

رحت لها احتضنتني

وما حسيت بنفسي الا وانا ابكي بحضنها ..

جلسنا تكلمنا ضحكنا ..

وكأننا احباب مو صديقات وبس ..

سئلتني اسئله كثيره ..

لكن جوابي الوحيد ..

ما ابي اتذكر خلاص يا هدى ..

ما ابي اقول شي الي صار صار وانتهى ..

ووصل بدر شفته شافني ..

يا لغبائك يا بدر ليه قربت مننا

ليه سلمت وجلست معنا ..

هدى تفاجأت قالت انت خليتيه يجي معك ..

هذا بدر صح ؟

كنت اسمع عنه لما كانوا الناس يتكلمون عنك .

هدى لا انا ما دعيته للموعد الي بيني وبينك

هو بس جاي يشوفني من بعيد

بدر انسحب قال ما كان ودي اخرب عليكم جلستكم

كل الموضوع اني جاي اسلم واطلع ..

وطلع بدر من غير ما ينتظر جواب مني او من هدى ..

نزلت راسي وما كنت حابه ان اشوف نظرات العتاب بعيون هدى

لكن هدى فاجأتني بردها ..

أمل الظاهر يحبك كثير ؟؟

رفعت راسي وواجهت نظراتها بكل ثقه

أكثر مما تتصورين يا هدى

تدرين يا امل طول عمري اتمنى حب يملي علي حياتي

توك صغيره على الحب يا هدى

هههههههههه صغيره ليه انتي منتي صغيره

هدى الفرق بيني وبينك كبير لااااااا اكبر مما تتصورين

انا ربيت نفسي بنفسي وتعلمت كل شي الي انتي

كنت بهذاك الوقت لسه بأحضان والدتك تحميك برعايتها

عشان كذا ما كنت احس ان الحب بدري علي مثل ماهو لسه بدري عليك ..

..........

تلاقينا بشكل يومي انا وهدى استغلالا لفرصة سفر اهلها

يوم بالحديقه القريبه من البيت

ويوم بالمطعم

ويوم نتمشى بالسوق

ويوم كانت تزورني بالبيت ..

وكل يوم كانت تسئلني سؤال يخص بدر واحواله معي ..

ما استغربت من اسألتها

هدى ما تغيرت فضولها فاضحها بكل الاحوال

حتى لو كتمت السؤال ما راح تقدر تخفي ابتسامتها

يتبع

[المتحير]

((25))

ومثل ما طلعت هدى بحياتي من جديد مثل ما اختفت مثلها مثل اي احد

ثاني بحياتي ..

أحيانا احس نفسي مثل القطار وقدامي محطات ومحطات


ناس يركبون وناس تنتهي رحلتهم بلا رجعه

وناس اتلاقى معهم لنص الطريق و بعدها ابقى بروحي

بباقي الرحله ..

يا ترى يا بدر هل انت الوحيد الي ممكن تكمل معاي

لنهاية المشوار وتكون معي حتى آخر نفس لي بهذي الدنيا ..

اختفائها ما سبب لي حزن

كثر ما تمنيت انها تكون سعيده بحياتها حتى

لو ما كنت اقدر اشوفها هدى يا احلى صديقه واطيب

صديقه اتمنى ان الله يوفقك ويبعدك من كل شر ...

..........

بدر حبيبي

قلت اتصالاته فيني بسبب عمله المتواصل

بهذي الفتره ..

وزاد عندي وقت الفراغ ,,

تذكرت حنان ..

يا ترااا شنو اخر اخبارها ...

رحت لها بعد غياب اسبوعين ..

امشي في نفس الدهاليز الي كنت اتوارى

بيها عن الناس ...

وشاءت الصدف اني اشوف شي

ذوبني مثل الجليد لثاني مره بحياتي

شي خلاني اتذكر تفاصيل حياتي كلها بثواني

تمر قدامي , قدام عيوني ..

ليتني مت يا بدر ..

ليتك ما طلعت بحياتي ابد

وخليتني مع حمد وفضيحتي ..

......

بدر جالس بالسياره

وهدى معه جالسه معه

ما شافوني كانوا مشغولين بالضحك

والسوالف

عيونك يا بدر ونظراتك تجاه هدى

نظرات ما انساها كانت لي كانت ملكي يوم من الايام

والآن صارت لهدى بكل سهوله ..

هدى البريئه الهادئه الطفوليه ..

شابكه ايدها بيد بدر رفعت ايده وطبعت بوسه على يده

وانا اشوف كل هذا كنت اتمنى اني اهجم عليهم بكل قوتي

بكل ما مريت فيه من آلام خلال السنتين الي فاتوا

لكن ما قدرت اني اسوي شي غير اني

امر مرور الكرام على حادثه سببت زلال

بقلبي وخلتني ما اثق يوم ان الحياه تستحق ان الواحد يعيشها ..
--------------------
استقبلتني يومها حنان بكل طيبه

وخذتني بالأحضان و هونت علي هذاك اليوم ..

.........

لكن رجوعي ليلتها البيت كانت مو طبيعيه أبدا ..

رجعت وأنا كلي اصرار إني اتغير واغير حياتي رغم كل الصعوبات

وفي طريقي شدني اعلان على بوابة محل من المحلات بالسوق

نحتاج لموظفه لمحل قرطاسيه ..

وسبحان الله حسيت ان العمل هذا من نصيبي

وفعلا دخلت المحل وصاحب المحل

كان رجل ذكرني بزوج اختي بنظراته الثاقبه ..

كلمتين وسكت ..

وبعدها تركته هو ياخذ القرار ..

قلت له أنا محتاجه لعمل ..

وين ساكنه يا بنتي ؟

هني قريب كلها شارع قصير

تقدرين تداومين بكره الصباح

الشغل هنا ضعيف ولكن سهل ..

كل الي عليك تتعلمين على الكاشير ..

ايش رايك ؟

لو علي يا اخوي أنا مستعده لأني فعلا محتاجه

خلاص يا بنتي بكره الصباح راح يكون دوامك الساعه

9 الصباح الى الساعه 1 ظهرا

والعصر من الساعه 4 الى ثمان

وراح اعطيك راتب يستاهل تعبك ان شاء الله

كم ؟

1500 ريال

ايش رايك ؟

اكيد راضيه مشكور يا اخوي بصراحه

الاعلان شفته على الباب عن طريق صدفه

يتبع

[المتحير]

26))

الحمدلله رجعت البيت وانا بقمة السعاده

ومن كثر فرحتي نسيت بدر والي جاب بدر

وهدى اتمنى لها الخير وان كانت من نصيب بدر

فهذا الشي ما راح يحزني دام اني خلاص عرفت معدن

بدر وقدرت اني افهم ان كل شي خيره بهذي الدنيا

أيه خيره اني ادخل السجن وخيره ان يحصل لي كل هذا بالسنتين الي فاتوا

خيره لأني صرت انسانه قويه رغم كل شي

صرت انسانه غير جاهله بأمور الدنيا والناس والعالم حولي

ببتدي من جديد

ببتدي وكلي أمل

أيه انا امل واحمل بقلبي كل آمال الدنيا

وفعلا داومت من اول يوم هناك

وهناك كنت اقضي احلى ايام عمري بعملي

الي كان يشغل كل تفكيري

يوم بعد يوم

الين ما اتممت شهر

وحصلت على اول راتب لي

بالحلال ...

ايه بالحلال ..

حمدت الله

وهنا بعد كل هذا رجعت لربي من جديد

رجعت لصلاتي

رجعت لرجائي الوحيد

ربي وإله ومولاي

يومها اتذكر ان كان آخر ليله من ليلة شعبان

وليلة رمضان ..

سجدت سجود ما عمري سجدته بحياتي

وكان دعائي الوحيد

ان الله يرزقني برجل يستحمل مصائبي

رجل يتزوجني بالحلال

وينسيني كل همومي اعتمد عليه

ويكون لي خير معين ..

وليلتها بكيت من كل قلبي على كل شي سويته

على كل ما فاتني من عمري بدون ما استفيد غير الندم

وما ادري متى نمت ..

وصحيت من النوم

وليتني ما صحيت

حلمت ان حلمي ودعائي استجاب

وتزوجة رجل رغم ملامحه الغير واضحه

لكن كنت سعيده سعيده

وبقمة السعاده

بثوبي الابيض

وشعري الطويل

وزوجي يمسكني من يدي

صحيت من النوم

وانا على شفايفي احلى ابتسامه

وابتدى يوم جديد من حياتي

بعملي الي قدرت اني اثبت نفسي فيه

بســــــــــرعه ..
..........
انشغلت بعملي يوم بعد يوم

وما عاد هاجس الوحده يسلبني راحتي

وينهش تقاسيم ليلي الطويل ..

نسيت الحب والقلب الخاوي

نسيت الاتكال الاتكال على من يعينني

ولكن السؤال للجميع ؟

هل توبتي نصوح !!

هل استطيع أن اتعلم من الماضي ؟

وما يضمن لي ان العالم سينسى أخطائي الماضيه ..

وفضائحي ... الكثيره ..

وصوت بداخلي يصرخ ينادي يستغيث

أمل أنت همك الناس ومو همك رضا الله عليك ..

نعم نعم أيه صح هذا صحيح

اعتـــــــــــرف

أعتــــــــــرف ..

ولكن ما في شي بالدنيا يخلي الناس تنسى ..

الي انكسر ما يتصلح

وذيل الكلب عمره ما ينعدل

كلمات مقتطفات سمتها من

اقرب الناس وابعدهم ..

كيف ما اهتم بالناس وانا عايشه بينهم ..

..........

وصلت عملي وأنا كلي أمل ان

عقلي يوقف يوقف من التفكير بهذي الطريقه ..

أبي اتوب وانا ابتديت وان شاء الله خير

الله يثبتني ان شاء الله

وفي نصف دوامي دخل علي

صاحب المحل بإبتسامته المعتاده

ولحيته الكبيره الطويله ..

واحيانا يتخيل لي من طيبته إنه والدي الحقيقي

واحيانا اتذكره بصورة زوج مريم بنظراته الثاقبه ..

يحسسني بنظراته وتصرفاته ومشيته وكل شي إن

لا مفر منه إن اخطأت ..

وإن الماضي محفور محفور بجبهتي مهما سويت ..

أختي الكريمه ياريت تعطيني رقم الهاتف ونسخه من بطاقتك الشخصيه ..


عشان تضمنين حقوقك بالعمل ..

إن شاء الله يا اخوي العصر اجهز لك كل شي ..

بارك الله فيج وفي نشاطج ..

وهو طالع ضحكت ضحكه غريبه

بارك الله فيج وفي نشاطج ..

الله عمري محد دعالي دعوه من قبل

ياريت احد دعا لي بالهدايه يوم من الايام

بدل تناقل قصتي من لسان فلان وعلتان ..

ما كملت جملتي الاخيره الا وهو راجع مره ثانيه للمحل استغربت

من رجوعه ..

اختي ياريت تصلحين من حجابك

انتي متحجبه ولكن الالوان يلفت الانتباه لك

ان شاء الله من بكره بغير لون حجابي للون الاسود

وطلع من المحل للمره الثانيه

لكن هالمره ضحكت على عمري

ضحكت على نفسي وهمي

الظاهر بينطبق علي المثل الي يقول

من برااا هالله هالله ومن الداخل يعلم الله

حجاب اسود وقلب اسود

وين يصير بالله عليكم ..

وصوت ينادي يطلب الرجوع

بداخلي لليالي الحمراء المزينه بأحلى زينه

اكتمها بصمت واشغل نفسي بعملي

ولكن الى متى ...

وفعلا طبقت ما قاله لي صاحب العمل من اليوم الثاني وايضا

جهزت له اوراقي ورقم هاتفي للطوارئ

ولكن بنفس الليله وصلتني اخبار غريبه

من امي عن بنت الخاله ..

أمل أمل بنت خالتك تزوجت و الله رزقها بولد ..

يمه أي ولد واي زواج متى وكيف ؟

أمي : ما ادري أمس خبروني وامس ولدت !!

اليوم الثاني بالعمل

وصلت لي تفاصيل خبرية امي على طبق من الذهب

زبونه تعرفني تمام المعرفه وتعرف باقي الاهل

خبرتني بالصاعقه ..


ههههههههههههه والله بنت خالتك ما كان يبين عليه يا امل

ليه وش صاير

يعني تبين تقولين انك ما تدرين ؟

لا والله ما ادري وانتي عارفه ان مالي علاقه بخالتي

بنت خالتك بين يوم وليله جاها الطلق

بالليل

وخالتك نقلتها بالمستشفى

وبالاخير ولدت

تسع شهور ما درت عنها ولا عن انتفاخ بطنها

ما شاء الله عليها صحيح دبه

لكن ما اعتقد ان هالامور يخفى على الام ببنتها

بس الحمدلله الله ستر عليها

جابوه وزوجوه بأسرع وقت من بنت خالتك

لكن الخبر انتشر ..

يتبع

[المتحير]

((27))

صدمني تفاصيل الخبر كثر ما صدمني لمجرد زواجها ..

ولكن ما تشمت فيها ..

تذكرت خالتي بنظراتها لي وقت مصيبتي ووقت فضيحتي

نظراتها الي شوهتني قبل ما تنطق وقبل ما تشوهني قدام عيالها

وصلة معلومتها سريعا لي لمجرد انها دققت بشكلي من راسي الى

رجولي ..

فاجره كانت تقولها من غير صوت ..

احيانا الصوت مهي وسيله لنقل المعلومه تكفي النظرات

مو قالوها من قبل ان العيون تتكلم ..

تكلمتي يا خالتي يومها ..

لكن ..

وله ما يحتاج ازيد بالكلام أسكت أحسن ..

تذكرت ليلتها خطتي السخيفه مع حمد بالحمل منه ..

وحمدت الله ان الله ما كتب لي الحمل بسفاح ..

اليوم الثاني ..

صاحب العمل

فاجئني بهديته البسيطه لي ..

غريبه ..!!!

ياسمين مشكوك بخيط مثل الاسويره ..

يقدمها لي من الصباح ..

بدون سابق انذار

لا لا ..

ما راح أسيئ الظن فيك يا ابوي

ايه انت الي حسستني ان الدنيا بخير

من يوم ما اشتغلت معك بمحلك

حسيت نفسي انسانه لها قيمه وكيان

اقدر اني اتحمل المسؤليه واقدر اني اصرف على نفسي

ما راح اسيء الظن فيك ..

لكن نظراته تغيرت تغيرت ..

كل يوم هالياسمين المعقود بالخيط

صار له مكان على مكتبي الصغير

بدون كلام وبدون مقدمات

تجرأت بعد تفكير عميق اني احط

حد لتفكيري فيه ..

سألته بكل جرأه ..

السبب ؟؟

كان رده هادئ لا ما كان هادئ

كان مثل النسمه بوقت الفجر

ما طلع صوته اعتقد اني ما سمعته بكل حواسي

تمتم بكلام ما فهمته ..

لكن اعتقد ان من الاحراج لجرأتي ما رد علي

بكلام مفهوم ..

وبيوم من الايام ..

قال لي كلام خلاني اتأكد من ظنوني

تدرين يا أمل

إن اللون الاسود عليك

برضوا فيه فتنه ..

وملفت للنظر ..

!!!!

والحل ؟

لا ما كنت اقصد اني اضايقك

ولكن كنت اقصد اني اشجعك

ان الله محليك ما شاء الله باللون الساتر ..

أشكرك ..

ممكن اسئلك سؤال ؟

لا مو سؤال ..

ممكن اطلب منك طلب ؟

تفضلي ..

ما يحتاج تتعب روحك بالياسمين كل يوم

طلع من المحل

ما رد علي !!

أتصل بعد ساعه على المحل

ورد علي بالتلفون

اثبت لي انه انسان فعلا خجول رغم كبر سنه

قال لي


أمل مو بيدي كل يوم اطلع من بيتي وامر على حديقتي الصغيره

اشوف الياسمين واتذكرك

ولو تشوفين كيف اقعد بالدقايق والنص ساعه

أشك الياسمين بالخيط وانا قاعد بالسياره عند باب البيت

كأني مسحور

صار هذا شغلي الشاغل كل صباح يمر علي

تدرين ان يوم الجمعه الي فات

صحيت ورحت لميت الياسمين

وقعدت اشكهم بالخيط

وانا مشغول فيهم تذكرت ان اليوم اجازتك !!
شوف يا اخوي

انت انسان متزوج ومتدين

وانا

انا ما اقدر اني أرضى بالشي هذا

لا تخرب بيتك عشاني ارجوك

أمل تتزوجيني

انا مستعد لكل شروطك بحط لك بيت مستقل

صحيح مهو ملك ولكن إيجار

وبتقعدين بالبيت ما يحتاج تفكرين مين يصرف عليك

انا بكون مسئول عنك بكون زوجك وكل شي

وما بقصر عليك

وان كنتي تفكرين ببيتي وزوجتي وعيالي

ابيك تعرفين اني اعرف ربي واعرف العدل

وانا من حقي اني اتزوج والله حلل لي أربع

ارجوك ردي علي قولي شي ؟

ما يحتاج افكر يا اخوي

انا ما اناسبك لكن انت والله ما تنعاب بشي

انسان طيب ويعرف الله لكن ..

خلاص يا امل انا اسف ما يحتاج تبررين

الزواج قسمه ونصيب

وعلى فكره انا كنت افكر بالزواج قبل ما اشوفك

وقبل ما اسمح لك انك تشتغلين بالمحل

يعني الفكره كانت موجوده

ووجودك بالمحل خليتيني افكر بالفكره بشكل جدي وقوي

اكثر من الايام والسنين الي فاتت ..

انتهت المكالمه ..

لكن تفكيري مشغول

بأشياء كثيره

من ضمنها ..

كيف راح اقدر اني اتعامل معه

ولا كأن شي صار ..

ليش ياربي حظي جذي

استغفر الله ربي واتوب اليك

تذكرت الحلم ..

يمكن هذا هو زوجي الي كان بالحلم

الي كنت امسك ايده !!!

لا الظاهر الحلم الي حلمته كان لمجرد

انشغالي بالفكره

مثل لما كنت اشوف فلم واندمج فيه

اكمل الفلم بالحلم

وحلمي بالزواج ودعواتي وتوسلاتي

كان الحلم بمثابة تحقيق امنيه شاغله تفكيري

لكن ما اعتقد ان بيكون لي نصيب اتزوج بعد كل

الي صار ..

بدر ..

اكيد تسئلون كيف انتهت علاقتي فيه ؟؟

لا مو بالطريقه التقليديه

مو بطريقه اني اقول له انت بطريق وانا بطريق

ما قلت له كلام منمق

ولا قلت له كلام يدل على انه خاين

انا ابتديت الخيانه وما يحق لي اطلب العدل

بعد ما كنت ظالمه معه ..

يمكن يا بدر تعلمت الخيانه مني انا

وليش لا ..

من عاشر قوما ..

انتهت علاقتي فيه لمجرد انتهاء حبه من قلبي

انتهى من حياتي

وانتهى ايام المهاتفات الليليه

شلت الفيشه

ايام وايام ولما حطيتها ..

كنت متأكده دام اني صبرت عن صوته

اكيد اقدر اني اواجهه من جديد

التلفون ادمان

ادمان نفس النكوتين ونفس المخدرات

الي حب التلفون والمغازله والاخذ والعطى مع الجنس الثاني

مو سهل انه يستغني عنه بين يوم وليله

كنت اكرهه يوم بعد يوم اقصد بدر

كنت اشوف سيئاته وانسى حسناته

كنت اذكر لنفسي عيوبه عشان اكرهه


كنت اتذكر منظره مع اغلى صديقه

الصديقه الشريفه ..

لا يا هدى انتي بالذات ما ذكرت لك

تفاصيل حياتي ومأساتي

ما قلت لك شي عن الي صار

عشان ما اجرح براءتك

لكن طلعتي يا هدى ..

مو سهله مو سهله

ما في فرق بينك وبين الي ياخذ ارض مو له

ما في فرق بينك وبين الي يبوق زوج صديقته

بدر كان بالنسبه لي يا هدى

الحــــــــــــــلم
والحيــــــــــاه

ماكان يعني لي الحب وبس

كان هو سبب مشكلتي وارتباطي فيه

يمكن كان راح ينتهي فيه معاناتي

يمكن كنت انجح بعلاقتي الزوجيه معه يوم من الايام

يمكن اسامح نفسي

يمكن انجح معاه واقول برااافر كل الي صار

كان يستاهل التعب كله رغم الفضايح

وان ما نجح راح اقعد ألوم نفسي على خسارة حمد

حمد وينك الحين ؟

يتبع

[المتحير]

((28))

حمد تزوج ..

شفت اللمبات على بيتهم

ماهو ولد الجيران اكيد راح اعرف افراحهم واحزانهم

رغم ان كل شي بيننا انتهى يا حمد

لكن سماع الصوت والمعازيم الي كانوا يجونكم واصواتهم

كانت تجرحني تجرحني رغم رفضي الرجوع لك

كرهتك يا حمد كثر ما كنت احبك

كرهتك بنفس الطريقه الي كرهت نفسي ببدر

انت اتذكرك بتعذيبك لي واهاناتك
وبدر اتذكره مع هدى ولمسة الايادي المتشابكه

بدر ما اتصل ولا سألني عن اختفائي

بالعكس ..

كأني كنت ولا شي عنده ..

صج صج ان البنات يبيعون الغالي والرخيص

عشان قلب يحب ..

ليتني دست على قلبي ..

ما ينفع الندم الحين خلاص كل شي راح

............

بعد اسبوع ..

دخل علي صاحب العمل بدون ياسمين

وبدون سلام ..

فاتحني بالموضوع بطريقه غريبه ..

أمل ..

اخذت بطاقتك عشان الاجراءات

لكن ما توقعت انك تكونين صاحبة سوابق

انتي دخلتي السجن وانا ...

انا ما اقدر اشغل احد ..

خلاص يا اخوي ما يحتاج تقولها وتجرحني

تدري عاد اقول لك شي ..

انتوا السبب كل ما الوحده مننا تبي تبتدي من جديد

اهنتوها وذكرتوها بالي مضى

وكأن الناس كلهم معصومين ..

تدري ان الله فضحني بالدنيا رحمتا بي

لكن الي الله ساتر عليهم ليوم الدين

يا ترى وش بيكون مصيرهم ..

انتوا السبب ان الوحده ما تقدر انها تبتدي من جديد

انتوا السبب

ما التفت ورااااي

لا ما عدت ابي اترجاه عشان اشتغل

كلامه لي ..

نظراته ..

حتى لو ما عطيته مجال

الى متى بنهان ..

مو كفايه الي صار لي

تتوقعون ما خذيت حقي بالندم

تتوقعون اني ما خذيت عقابي

بالسجن بالفضيحه بالعذاب تحت اقرب الناس كان لي ..

هل هذا مو كفايه بنظر البشر ..

يا ناس انا من لحم ودم ..

يا ناس انا كنت اربي نفسي بنفسي

لا رقيب ولا حسيب

بدون تفكير ..

بدون ادنى ندم ..

طلعت ..

مشيت بدون حواس

مشيت وانا كلي متخدره

من عقلي الى جسمي

الى كل جزء من حواسي ..

ما اشوف غير ماضيي

ما اشوف قدامي غير نظرات الناس الحقيره لي

الحاره مهي نفس الحاره

والناس وحوووووش

تنهشني حتى لو كنت وحيده بغرفتي

لكن في شي وقفني وقفني عن المشي والحركه

رجعني للمحل مره ثانيه

بدون سابق انذار

ركضت ركضت ..

بالشارع والناس تشوفني كأني مجنونه

دخلت عليه المحل ..

فتحت الباب بكل قوتي

بكل ثقه ..

فصخت الحجاب

فصخت الستر الي الكل كان يطلبه مني

فصخته لانه ما سترني من لسانهم ولا من عيونهم

كنت فاجره بنظرهم وما زلت ..

فصخته وقلت له هذي هديه مني ..

وذنبي برقبتك انت وكل من يتهمني ..

وطلعت ونظرات الدهشه كانت تنفجر بين عيونه

لمحت لمعة عيونه دموع محبوسه ..

او ندم او غيض او انه كان بقمة عصبيته ..

الله العالم ..

طلعت من المحل وانا مفلولة الشعر

مشيت بكل ثقه الى ...

الى حنان ...

ورجعت ..

رجعت لليالي ..

رجعت للذنوب

رجعت ...

لكن هالمره غير

رجعت وانا اقبض حقي من فضائحي

مبالغ تروح وترجع ..

مئات وآلاف تنصرف تحت رجولي ..

هل هذا الي كانوا يبونه مني ..

اظلم نفسي غصب ..

اظلم نفسي واكون دائما عرضه لفضائحي

عرضه لعيونهم الجارحه ولسانهم الي كانوا يتناقلون

حكايتي , حكايتي الي خلتني او حولتني من انسانه

الى جثه وانا حيه ..

لا تسئلون كيف مرت علي الليالي

ما ادري !!!

كنت امر بحالة من النفور احيانا من نفسي

خصتا بنهاية سهراتي الليليه ..

كنت امر بحالة سكر دائم ..

سكر من غير أي ماده مسكره ..

سكر من الذنوب

سكر من المعاصي

القلب ما عاد لي قلب

حجر لا لو كان في اقسى من الحجر

كان وصفته من غير تردد

حلمي بالزواج هلكني ..

هلكني يوم تمنيت الزواج من اول شخص

حمد
ثم بدر

الي كانت تحلم بالزواج وتلتجأ للمهاتفات

تخسر نفسها وما عادت تنفع للزواج

هذي انا خسرت كل شي

خسرت نفسي ودنيتي وآخرتي

بسبب حلم سخيف

كنت اركض وراه

كنت احلم بالثوب الابيض

اعتقد ان ما عاد يليق لي الابيض

بعد ما صار

يليق لي الاسود ..

عروس بالاسود ..

مرت الايام

والشهور

وبعد ثمان شهور

من مهنتي الجديده

هناك بارقة امل

امل ..

اسم , اسم ما عدت اتذكره

كل ليله كان لي اسم جديد

منى

هنوف ووعود وشوق ووووو

لكن امل

نسيتها نسيتها ونسيت حكايتها ..

يتبع

[المتحير]

((29))

ندى رجعت وكلها امل انها ترجعني

ترجعني لصوابي ..

أمل الله يخليك

زوجي ولد خالته وده يتقدم لك

يبيك بالحلال ..

وش قلتي تبينه ..

ما يعرف شي عنك

ونفس الشي لا تنسين انه من ديره ثانيه

وصعب يعرف الماضي

بنسوي كل شي بسرعه

بسرعه يا امل

ولا ترجعين عشان ما ترجعين الماضي برجوعك

ارجوك يا امل

هذا الحل الوحيد

انا اعرف كل اسرارك

شوفيني انا الآن 10 سنين من تزوجة

عندي عيال وعندي مغامرات

لكن زوجي ما يعرف عني

انتي مالك حل الا الزواج من الغريب ..

............

مثل ما قالت ندى ..

كل بسرعه بسرعه ..

وفعلا ...

تزوجة بأسرع وقت ..

بمهر بسيط لأني مطلقه ..

بدون حفله لأني مطلقه ..

بدون الثوب الابيض لاني مطلقه ..

حتى الزغاريد .. ما سمعتها لا من اهلي ولا من اهله

سافرت مع زوجي

لكن .. قلبي

وروحي وعقلي كله مشغول

بفكره وحده ...

فكره وحده ..

هل انا استحقه او هل هو يستحقني

يارب ان كنت انا ...

فكيف يكون نصيبي شي طيب ..

مرت الايام ..

وزوجي من احسن ما يكون معاي

طلباتي اوامر ..

حبيته ما ادري ؟؟

يقولون الحب مع المعاشره سنه بعد سنه

وانا معاه احس اني تعودت عليه

لكن ما عدت اميز بين الحب وبين اللعب وبين العشره

أول مولود لي منه كانت الفرحه الوحيده لي

بكل حياتي ..

عمري ما فرحت وعمري ما حسيت بالسعاده

كثر ما حسيتها وانا اضمه الى صدري بكل ما املك من حنان

يا ولدي ليتك تنسيني ..

ليتك يا ولدي تخليني انسانه قبل ما اكون ام لك

حياتي مع زوجي الشخصيه ..

ما كان فيها كثير من التفاصيل

غير الاشياء الروتينيه ..

اعمال منزليه

وحمل وولاده متكرره ..

والليالي ..تمر

وانا اغمض عيني وقت المجامعه مع زوجي

اغمض عيني حتى ما اشوف ناس ثانين

غير زوجي ..

اغمض عيني ..

عشان ما اشوف البلاوي الي كنت اسويها قبل الزواج

كرهت المجامعه ..

كرهت كل قطعه من جسمي

للأسف يا زوجي ..

وصلت متأخر ...

وصلت متأخر وما عاد لك نصيب من الي بقى مني ..

جيتني بالحلم ..

لكن تأخرت عن تحقيقه لي ..

كيف الله استجاب دعوتني وانا مذنبه ..

وكيف العوانس لم يستجب لهم دعواتهم وهم مستورات ..

يارب انت تعطيني كل الي ابيه بالدنيا

عشان بالاخره ما يبقى شي ؟؟

اسئله كثيره

لكن الاجوبه


ما كانت بيدي ولا كانت مفهومه بالنسبه لي

صار بيننا اربع اطفال ..

زوجي أعذرني ..

أعذرني ..

ما احترمك ..

الا لما تعرف حقيقتي ..

وتتقبلني ..

حتى اقبل نفسي واقبلك لي كزوج غير مخدوع ..

هكذا علموني الناس ..

أعترفت لزوجي بكل شي ..

طلقني ...

طلقني وحرمني من اعز ما املك

أطفالي الاربع ..

اطفالي ...

حرمني منهم حرمني من شوفتهم

وسفرني ورجعني للبيت الي انهار فيه

كل حياتي رجعني لحياة الذل ..

يارب سترت علي لكن بغبائي ما سترت على نفسي ..

رجعت للبيت لكن جسد بلا روح

روحي مع عيالي روحي مع دموعهم وقت الفراق

مرت الايام والليالي وانا كلي امل ان زوجي

الله يهديه ..

وان يسئل نفسه سؤال واحد

هل انا من يوم ما تزوجة خنته ؟؟

هل انا صنته رغم ماضيي ؟؟

ترجيتك يا زوجي وقلت لك الحقيقه

وقسمة بالله اني صنتك واني ابتديت من جديد

يالغبائي !!

لو كان حمد صدقني اني ما سويت شي

مع بدر ..

كان صدقني زوجي ان ما سويت شي وانا على ذمته ..

الرجال هم الرجال ..

مهما كانوا مختلفين , لكن الخيانه لا تغتفر بالنسبه

لهم ...

رجعت لحياتي ..

رجعت لحنان وليالي حنان ..

رجعت لمجرد الرجوع لمجرد اني انتقم من نفسي ..

[المتحير]

ملاحظه ..

انتهت قصة امل الى هنا ..

امل انقطعت اخبارها بعد كلمتي لها ..

انتي مو بنت انتي شيطانه ..


كانت تردد كلماتها انا بتوب انا بتوب صدقيني لكن ابي من يعيني

ابي من يصدقني ...

ومن يومها ما شفت امل ولا عاد شفت رسائلها .

///////////////////////////////////

قصة رائعه بقلم الكاتبه الرائعه سماء نقلتها لكم بتسلسل ..

تمنياتي لكم بقراءه ممتعه .

واتمنى من الادارة التثبيت للفائدة.

للأمانة منقولة

[اسبانية]

يسلمووووو اخوي المتحير على النقل واكيد تعبت
الله يعطيك العافية وفعلا قصة مؤترة قد ما هي
مفيدة وبصراحة اشكرك على النقل الرائع و
اختيارك المثالي والمفيد والمميز
تحياتي