بسم الله الرحمن الرحيم
اللهم صلي على محمد وال محمد
يعمه بلوعتي وونــــي ... اجيت من الدفن توني
من الطف اجيت الحين .... بجفوفي دفنت حسين
يخاطب عمته السجاد .. ويصيح بلوعه يا عمه
كصدت الكربله بعلتي.. مشيت ادفن ابو اليمه
يا عمه شسولفلــــــج .. يا عمه اشفت يمـــــه
شفت عنده رسول الله .. وشفت الطاهره امــه
وتكله شكطع نحرك .. ويوليدي شكسر ظهرك
يكلهه كطعت الجفين .. بجفوفي دفنت حسين
تنشده يا علي السجاد .. ابـــــوك شلون شاهدته
عرفته شلون يا عمه .. وجسمه الخيل سا حكته
يعمه وجثته ابلا راس .. انـــــــي حسين ودعته
احجيلي يبو الباقــــــر .. يعمه كلبي ذوبتـــــــــه
احجيلي عرفته شلون .. يعمه ما بكتلي عيون
وهم يدري بيسر ماشين . بجفوفي دفنت حسين
يعمه من رحت للطف .. عليل ودمعتي تجري
بين العله وعيـــــــالي .. يعمه محير بأمــــري
ولن جثه تموج الكاع .. تناديني ونفــذ صبري
ويكلي يبو الباقــــــر ..رضيعي وسده الصـــدري
ولن الصوت من نحره .. عرفته ووضحت الفكره
الحاجاني ابوي الحين .. بجفوفـــــي دفنت حسين
يعمه والكفل خــــــدري .. شفته شلون حاجيني
ابو الغيره كمــر عدنان ... دفنته ويـــــن دلينـي
اريد اوصل يعمه هناك .. واشوفن جثته بعيني
واذكر بالوعــــد عباس .. اريــــدن يمه وديني
اريد امشي لعد عباس .. واكله ادركني يالنوماس
المثـــــلك اجيبه منين .. بجفوفــــي دفنت حسين
كصـــدت العلكمي بلهفه .. ومجموعة شفتهه الناس
وأني اتعثــــــــر بممشاي .. وكـــوه اشهك الانفاس
لكيت اجفوف مكطوعـــه .. ويمهن جثت العبـــــاس
وشفت جود الكفل ضعنج .. وشفت الرايه يم الطاس
شلته والدمــــــع يهمي ... ودفنته البطل عمي
يريت وياه اخذني البين .. بجفوفي دفنت حسين
تحياتي
السلام عليك ياأبا عبد الله وعلى الأرواح التي حلت بفنائك عليكم مني جميعا سلام الله أبدا مابقيت وبقي الليل والنهار .
السلام على الحسين وعلى علي بن الحسين وعلى اولاد الحسين وعلى أصحاب الحسين
السلام على عقيلة بني هاشم ...السلام على بطلة كريلاء. السلام على زينب الكبرى
الله يعطيش الف عافيه
ورحم الله والديش ببركة الصلاة على محمد وال محمد
سلام الله عليك يا ابا عبد الله
يعطيك العافية
سامـפـوني
إن رפـلت ﺩون ان اخبرگم
فَ ملك الموت لن يخبرني قبل
ان يأخذني ~!ْ
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات