[IMG]http://moseqar2002.***********/top10.gif[/IMG]
تسلم يدينك حبيبتي همووسه
ويعطيك العاافيه
بسم الله الرحمن الرحيم
السلام عليكم ورحمة الله وبركاته
كيفكن حبايبي الحلوين
إن شاء الله الكل بخير ..؟؟
أما اليوم أنا جايبة الكم برياني من تحت دياتي
أمممممممممممممم لذيذ مرررررررررررة << أفخم بطبخي
يا الله ما راح أطول عليكم وبخليكم مع المكونات والطريقة ...
يا الله بسم الله نبدأ ...
المكونــــــــــــات :
بصل شرائح مع ثوم/ بطاطس مقطع مكعبات ومقلي
فليفلة خضراء / خضار مشكل ( مثلجه )
لحم مقطع قطع صغيرة ومسلوق
زبيب / رمان مجفف
صبغة / ملح / بهارات / زيت زبدة
بهارات حب ( دارسين ، هيل ، مسمار ، ورق غار ،، أو أي نوع من البهارات الغير مطحونه ) .
وطبعاً ما راح ننسى اهم شي والي هو الرز ..
عاد أنا ماصورت كل المكونات ..
الطريقـــــــــــة :
1 / اول شي راح احمي الزيت وشوية زبدة
واحط فيه بهارات مشكلة حب ( مو مطحونة )
وبخليه اشوي لغايه ما تتطلع ريحة البهارات .
2 / بعدها راح احط عليه البصل وبيصير مثل الي في الصورة ..
3 / وبترك البصل يتحمس ويصير مثل هيك
4 / بحط عليه الخضار المشكله وبخليهم اشوي .
5 / والحين بعد ما نضجنا اللحم أحطة عليهم وبقلبهم اشوي ..
( طريقة تجهيز اللحم : اقطع اللحم قطع صغيرة وأسلقه واحط معاه بهارات مو مطحونه )
6 / آخر شي راح احط عليهم جزء من الفليفلة
وبترك البقية لبعدين ..
7 / وبعدها راح أحط البهارات والملح .
وبهيك تكون خلطتنا انتهت ..
8 / الحين راح نجي لتجهيز الرز ::
أ / اول شي راح أخذ ماء سلق اللحم وأحط فيه الرز وأسلقه نص السلق .
ب / لتجهيز الصبغة : راح أجيب فنجان وأحط فيه زيت وكمية قليلة من الماء واحط معهم الصبغة الي يسموها صبغة صفار الزعفران ..
ج / بعدها راح أخذ نص الرز وأحطه في القدر ( الصفريه ) وراح اصب عليه الصبغه واخلطهم مع بعض .
د / بعدها راح أحط عليهم الخلطة الي جهزناها مسبقاً ..
هـ / واخر شي راح أحط الجزء المتبقي من الرز .
و / والحين فوق الرز راح احط قطع من الزبدة
والزبيب والرمان المجفف وبقية الفليفلة ..
ز / احط القدر على نار هادئة لغاية ما يطلع الدخان على قولتهم ...
9 / والحين جى وقت التقديم ويالله اتفضلوا ويانا على غذانا..
وعلى قلوبكم بمليون عافية ..
اممممممممممممممم ياني اشتهيته << ما صار لي الا يومين ما كلته.
والحين بعد ما شفتوا البرياني حقي عطوني رايكم ..
إن شاء الله بس يعجبكم ..
بس عاد ادعوا لي لاتنسون ...
مع أطيب تحايايا المعطرة بالزعفران ...
همـــــــ الصمــــــت ـــــــــــــس ...
رد مع اقتباس
المفضلات