قصيدة للبنات المقبلات على الزواج

**سعيد درويش** · 08-25-2005, 10:35 PM

لاتحسبين العرس توفي وكتكات
ولاتحسبينه توكس ولا بونتي

ولاتحسبين العرس كيكه وطرطات
وصله قطعتيها ووصله بلعتي

ولاتحسبين العرس تصفيق واصوات
وانت على صوت الغطاريف همتي

ولاتحسبين العرس كوشه ولمبات
وانت كما الطاووس فيها جلست

ولاتحسبين العرس احلام في الشات
ياما بنيتيها وياما هدمتي

ولاتحسبين العرس روحه وجيات
هيا اقضبي بيتك عسى ماانهبلتي

ليلة سعيده وانت احلى الجميلات
تشخص عيون الناس اذا حضرت

(والاينلر)حطيه بلا زيادات
لايخرب المكياج اذا دمعت

(والمسكرة)تحتاج لطف ومدارات
حتى يبان الزين اذا غمضتي

(والاسبريه)رشيه حتى البصيلات
يمسك شعرك زين ولو كان زدت

وترى(المحدد)فن يحتاج رسمات
يبان رسمه زين اذا ابتسمت

العرس يابنية ماهو شعارات
تفنى مراسيمه وتبقين انت

ويبقى شريك العمر راعي الطويلات
هذا هو العرس الحقيقي عرفتي؟

اول نصيحة لك حفظ الصلوات
صلي العشا والفجر في كل وقت

وفي ليلة العرس الموفق وبالذات
ادعي الكريم الله اذا سجدت

والتعري لاترضين عند عند الكوفيرات
ولبسك يملي العين اذا لبست

واللي على زوجك تحرضك مرات
ارجوك شوتيها شوتت بلنتي

والصبر في العشرة حتى على فتات
ياماحلافعلتك يومك صبرت

واذا حفظت السر مع المدارات
زوجك ترى في عيونه انت كبرت

والسوق يعني هاه وقت الضرورات
والا ترى زوجك يدور لمفتي

زيدي الغطاية وكثري في العبايات
والله يرضى عنك اذا سترت

اوصيك بالكبسة وكثر اليدامات
حتى لو انك من سببها متنتي

وخلي الرجيم اللي فشلت فيه مرات
سويه مرة واحدة لا ولدت

اوراق شاعر يرسل ازكى التحيات
خصيه بالدعوة اذا دعوتي

ومن قالها ســـــــــالم ...

وللجميع فائق التحايا,,,
منقول

**قطيفي** · 08-26-2005, 09:32 AM

(سعيد درويش)

كلماتك تعانق سماء الروعة

وأحرف صيغت من ياقوت وزمرد

أجمل التحيات مقرونة بأصدق الدعوات

اخوك قطيفي

**My tears** · 08-26-2005, 02:31 PM

الله يوفق كل عروس ..
قصيدة جميله وهدافة .. مزجت بالفكاهة ..
الله يعطيك العافيه على الأختيار الرائع ..
سلمت انامل الكاتب والناقل ..
ننتظر جديد حروفك ..
بالتوفيق ..

مع خالص تحياتي .. أختك My tears ..