صفحة 1 من 88 1 2 3 11 51 ... الأخيرةالأخيرة
النتائج 1 إلى 15 من 1308

الموضوع: ضعنا يا صبرنا...

  1. #1
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    ضعنا يا صبرنا...

    اللهم صل على محمد وآل محمد وعجل فرجهم ياكريم...

    اعود اليكم احبتي .. مع ثالث تجاربي الروائيه.. بعنوان :


    ضعنا يا صبرنا ..




    كلي امل ان تنال اعجابكم .. لا اطول عليكم بالكلام.. نبدأ المشوار مع ابطال الحكايه..
    القصه احداثها كالعاده.. في احد قرى القطيف .. قرية تتنوع فيها الطبقات الأجتماعيه والأحوال الماديه..
    في عائله على قد حالها..
    ليلى .. بنت عصبيه لكن طيبه.... كثيرة التضحيه. 23 سنه..... أمها ام علي تشتغل خياطه...
    اخوها علي اكبر منها عمره28 سنه.. رجل مزاجي للغايه يوم يتعب اهله ويوم يرضيهم .. خدوم .. على باب الله خلص المرحله المتوسطه ولا كمل دراسه.. وصار يصيد سمك وربيان ..ويبيع في السوق..
    ابو علي .. رجل اعمى من سنين ما يشوف بسبب حادث من شغله .. كان يشتغل لحام حديد ..
    ريما .. البنت الصغيره عمرها 19 سنه .. مراهقه تاعبه اهلها بشقاوتها وطلباتها اللي ما تخلص .. و دلوعه لأبعد الحدود...

    وعلى النقيض في عائله غنيه ومعروفه..
    علا.. بنت غامضه.. بعمر ليلى.. كتومه ما تبدي مشاعرها .. قليلة الكلام.. معروفه بالغرور بسبب هالطباع.. بداخلها قلب طفله حساسه وبريئه وحالمه لأبعد الحدود.. الا ان الغموض يخفي هالشي عن الآخرين .. رسامه فنانه و مبدعه ..
    مالك.. اخو علا.. 25 سنه .. اسم على مسمى.. غريزة التملك معروف بها.. مافي شي ماهو عنده.. مدلل من كل النواحي .. عصبي .. رومنسي .. طيب بس يخفي طيبته بكبريائه.. يدرس في امريكا..

    تريزا.. خادمه أندونيسيه في بيت ابو مالك...كبيره في السن (38) سنه.. متزوجه وعندها بنت متزوجه ايضا وجابت حفيده ماشافتها..
    سميره.. اخت ابو مالك.. معنسه .(45) سنه. متسلطه بعض الشيء .. وموكلها ابو مالك تهتم بشؤون البيت في غيابه..

    ابو مالك .. رجل أعمال مشهور .. كثير السفر بحكم العمل .. الكل يحسب له الف حساب.. وبعض الناس من الديره مايحبوه ويقولو انه ماكل حلالهم وماخذ اراضي وقف ..
    ام مالك عطتكم عمرها من لما كان عمر علا 10 سنوات..

    في نفس الفريق ,,

    حجي عباس .. راعي بقاله.. كدر .. نحيس .. ما يرحم .. ويحاسب على اقل شي .. فيه بخل وحرص مو طبيعي....

    متزوج ومطلق 3 مرات والله ما رزقه بالذريه لين اقتنع ان العيب منه .. بغى يتزوج المره الرابعه ماحد رضى يعطيه بنته للعيوب اللي انعرف بها.. بالأخير اخذ ارمله على باب الله.. على شان ترعى شؤونه.. ماعندها الا ولد واحد ..و مجنون اسمه عادل..

    امل .. خالة علا.. 26 سنه..تزورهم بين فتره وفتره... متزوجه وعندها طفل عنده لين عظام شديد ,, حرمه من المشي .. اسمه سجاد عمره 5 سنوات فطين و ذكي .. وزوجها انسان مؤمن وطيب وصبور وراضي بقضاء الله واسمه حسين..

    محمد .. معروف بأسم حميد.. 30 سنه .. عايش لحاله في صندقه قريب البحر .... اهل الفريق ما يعرفو اصله ولا فصله ,, مهو من ديرتهم.. من ديره مجاوره.. وكلما احد سأله انت ولد مين .. يرد انا ولد حواء وآدم..
    يسموه حميد الميد.. لأنه مشهور بصيد هالسمك و اغلب الناس تشتريه منه هو.... ويتحاشو يتعاملو وياه في شي ثاني غير انهم يشترو منه السمك.. ناس تتكلم عليه وتطلع اشاعات وتقول انه ولد حرام دام انه يخفي اصله.. وناس تكذب هالكلام لا يصير عليها ذنوب وآثام.. وناس تقول انه من المباحث ومتخفي على انه صياد .. وناس وناس... و اللي ما يعرفه يجهله من هدوئه و غموضه.. مع انه شخصيه بسيطه وخفيفة دم في الواقع..
    بقية الشخصيات,, ستظهر مع الأحداث..

  2. #2
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    الحلقة الأولى..

    الحلقة ((1))


    الجو بارد,, الساعه 9 الليل ,, والرعد صوته يثير الخوف في النفس .. والمطر كل ساعه يزيد ,, ليلى في بيتهم تدور في الغرف بصفاري ومغاطس وطاسات.. تحطهم يتجمع فيهم ماي المطر ..بيتهم دور واحد..و قديم و يخر ماي من السقف ..
    ليلى :
    ــ ريماا.. ريمااااا..
    ريما منبطحه على بطنها وتحرك رجولها فووق وتحت .. وتطالع تلفزيون.. وزي ما يقولو عمك اصمخ..!!
    ليلى :
    ــ ريموووووه..
    ريما بملل :
    ــ هاااااااااااه..
    ــ صار لي ساعه ازعق.. ما تردي حق ويه..؟؟
    ــ اتابع الفيديو كليب .. تعالي شوفي لبسها يجنن مو..
    ليلى بقهر طفته :ــ كم مرره قلت لش لا تتابعي هالسخافات.. حرام ما تفهمي ..
    ريما والكلام مو عاجبنها : ــ اففف حرام وحرام.. اللي يسمع ويش مطلعه.. كلهم كم قناه عربسات .. لو نركب هوت بيرد ويش بتسوي بتشيلي التلفزيون عني.. طالعه لي فيها مرجع ومطوعه !!
    ليلى حمقت من طول لسان اختها وصرخت:
    ــ هوت قررد يفلعش ان شالله.. حركيني .. وبلا قلة حيا ومسخره .. اشوف النصيحه في هالزمن ما تتقبلوها .. وعدلي قعدتش..
    ــ مو ياهله اني ولا احتاج نصايحش ..ولويه اعدل قعدتي ..
    ــ قعدتش غلط يرجع اخوش من برى الحين و يشوفش.. تأدبي هاااا..
    كانت منسدحه على بطنها و رافع سيقانها تحركهم في الهوا..
    ريما: ــ اهوو ولو شافني ؟؟ ويش مسويه..!!
    ليلى حمقت و طراااااخ..
    و ترمي الصفاري في الأرض ..
    ابوعلي كان نايم في الصاله .. ليلى نسيت انه نايم.. ويقوم مختلع ويقعد وهو قاعد..
    ويفتح عيونه وبلا وعي :
    ــ ونااااايبه... هااااداااااااااويه..
    ليلى انتبهت وهي منحرجه وفيها ضحكه على خلعة ابوها:
    ــ آسفه يُبه نسيت انك نايم هنا ..
    ريما : ــ صار لينا ساعه نتشابق ما قعدت .. من ليلوه المزعجه كل متحكمه فيني .. لا تطلعي هالقناه .. لا تقعدي كذا.. لا تلبسي كذا.. حتى في النومه تطفي الليت غصب وتقول نامي لا تسهري كل شي على كيفها..!!
    ابو علي : ــ عاد يا بنات ما تستملو من هالسنطوانه اللي تنعاد كل نوبه <<((سنطوانه=اسطوانه بلهجة الشياب))..
    ام علي جت كانت تحاتي ولدها علي للحين ما رجع .. وقاعده كل شوي تتصل بجواله مقفل ..
    ــ اهووو وتاليتها وياكم كل شباق .. اففف اني بالي بالة ولدي للحين ما عود والمطره كلما ليها تزيد..
    ابو علي : ــ عاد يا ام علي ولدش مو ياهل كبير وشايل عمره .. ان شالله خير يوصل الحين بالسلامه..
    ام علي :
    ــ وكبييييييير وشاااااااايل عمره..؟؟ ما اخاف عليه يعني ؟؟؟
    . ياربي ان شالله مو نازل في البحر ..
    ابو علي : ــ اهووو غيره عندهم مَرَه وولاد .. رجال هذا ما ينخاف عليه
    ام علي والكلام مو عاجبنها : ــ اهوو عني انت.. ويش بيدي عليه من وادي لوادي قال مره وولاد .. الله يبلغني ان شالله .. اني امه واحاتيه خلني بس..
    ابو علي رجع انسدح: ــ انا لله ما بيدبحش الا هالخوف انام احسن لي ..
    ام علي بهمس مقهور : ــ نام بس نام.. ما شغلتك الا تتعيلف..
    ليلى : ــ حركيني دوري وياي من وين يخر السقف و حطي طاسات وصفاري
    ريما : ــ اففففففف حنا ويا هالبيت المهتري .. ويش هالحاله .. ماني قايمه انتين اخبر بمحلهم,, كل سنه وهذي شغلتش
    ــ ما تيوزي عن طولة لسانش هاا.. مادري افلع هالصفريه على راسش؟؟
    ابو علي : ــ توتوتو عاد يامره ما تشوفي بناتش نبغى ناخد لينا غفوه
    ام علي : ــ اهووو ما هم يهال ,,غفووة ويه قوم الغرفه و نااام موليه بعد غفوه ..
    ابو علي : ــ اتاني عشاي مادري متى بتحطوه.. وبعدين قلتيها بناتش ما هم يهال تحاتي علووه إلويه الحين..
    ام علي : ــ ايييهي عليك وعلى تعيلفك من حاجه لحاجه.. اقول .. ليلى خلي الصفاري لريموه وقومي انشبي لأبوش طاسة عيش ولبن خله ياكل وينام ..
    ابو علي يعدل قعدته:
    ــ ايه قالوها نوم الظالم عباده
    ام علي ماليها خلق : ــ ووووووويش فيك؟؟؟ ويش دخل ظالم ما ظالم ؟؟؟
    اني بالي بالة ولدي ,,, وانت ضرب تعيلف من الصبح للحين.. !!
    ليلى جابت عشا ابوها:
    ــ هاك يبا
    ابو علي يمد ايده يتحسس..
    تحط ليلى الطاسه في ايده اليسار والملعقه في ايده اليمين
    ابو علي : ــ جزاش الله خير يابتي .. ملحتيه
    ليلى : ــ ايه ملحته..
    ابو علي : ــ بسم الله ..
    وصار ياكل ..
    ــ الا اقول يا ام عليو.. اخبار جارتش بعدها مخوبلتنش بثياب بناتها
    ام علي:
    ــ مالي زااغر ..هااا.. ويش جاب هالطاري..
    ابو علي فيه الضحكه ,, ويكمل تعيلف وهو ياكل ..
    ــ لا .. بس اسأل نسولف عن هالصخه والمحاتاه اللي دابحينش..
    ام علي منقهره:
    ــ وما دورت سالفه الا سالفت هالمصفعه ويا بناتها المتشيرطات..كل يومين نطو علي غيري هالموديل وقصري وسوي وزيدي الفتحه عجل يافرج الله...
    ــ ههههههههه ويش عليش المهم تخيطي انتين عساهم تفصخو
    ــ ويش علي منهم هاا.. ويش علي منهم .. حق ويه تسأل اجل ... حق ويه!!
    ابو علي حط الملعقه في الطاسه وحطهم على جنب :
    ــ اهووو بالعه راديو حشا ,, تصبحو على خير ..
    وقام يتحسس الجدار رايح لغرفته بينام...
    ام علي : ــ وانت من اهله ..
    وفي بالها.. ــ يااابرووود اعصاابك...
    ريما وهي تدور بالصفاري قاعده تطبل : ــ اففف زهقت اني خلوه يخر..
    ليلى فضت كم طاسه فاضو من الماي::
    ــ اقول ريوم فضي الطاسات الباقي وانتين ساكته ,, وطيورش هاللي ضاربه طبل خليها تركد عورتي راسنا..
    ــ اوووه يماااه .....شوفو صرفه لهالبيت اخرتها بينهد فوق روسنا..
    ام علي تشيل طاسة ابو علي و بلا وعي صارت تحرك بالملعقه وبنبره هاديه وحزينه :
    ــ ويش بيدنا يا بتي .. شايفه بيد ابوش واخوش شي... حتى اني اشتغل بهالمكينه ولاني ملحقه.. ؟؟
    ليلى عورت بقلبها امها .. :
    ــ ريمووه .. كل سنه هذي اسطوانتش .. اذا بتحني وبتزني بلاها هالمساعده روحي قعدي وريحي .. اني باشيل هالصفاري..
    ــ ايه زين.. مفكره ويش باسوي .. زين جت منش .. يللا تصبحو على خير..
    ام علي : ــ .. الله يهديش يا بتي.. وانتين من اهله..
    صارت ام علي تعاون ليلى على مسح الأرض و التنظيف وتفريغ الطاسات ..
    والمطر يزيد .. وقلب ام علي يحاتي ازيد..

    وفي الصندقه قريب البحر.. في الرطوبه البارده.. و حواليهم برادات السمك الطازج ,, دخان السجاير يتعالى .. حميد وعلي .. صديقين صار ليهم 7 سنوات .. تلاقو في البحر .. وبظروف مثل هالجو .. طلع علي من البحر والمطر غزير وهو تعبان ..مالقى الا صندقة حميد... اللي طلع له ودخله وقعد وياه لين خف المطر .. وصارو كل يوم يتقابلو في البحر حزة الصيد.. سوالف و حكايات لين تطورت العلاقات....
    كل شي يعرفه عن حميد.. ويش يحب ويش يكره كم عمره .. قصصه وحكاياته.. الا هالأسئله اللي حيرت علي فيه طول هالسنين..
    ... ولد مين هو؟؟؟
    وليش عايش هنا..؟؟؟
    و الفلوس اللي يحصلها من شغلته.. تكفيه لأكثر من اكل وشرب .. وهو مكتفي بالأكل والشرب وعايش في هالصندقه..وين يودي الباقي ؟؟



    علي : ــ يالله هالمطر مو راضي يخف .. وجوالي طفت البطاريه...
    (( صندقة حميد طبعا مافيها كهرب ,, و لا عنده جوال))
    حميد يفطفي السيجاره : ــ ياخوك ويش بيدك.. والله الجو يخوف وسيارتك مهي حمل لهالمستنقعات بالطريق .. اشك كم متر وبتطفي عليك.. شوف جوالك يمين يسار مافي ابراج..
    علي : ــ افف لااا ..
    وتطيح نقطة ماي على شعر علي ..
    حميد يرفع راسه : ــ اوهووو هنا بعد يخر ...
    ويحط صحن ..
    علي يتنهد ويبتسم : ــ الله يعوض عليك و علينا ,, ايييه ياحميد تدري ويش نفسي الحين...
    حميد يحط ايده ورى راسه ويتسند عالجدار ويتنهد هو الآخر :
    ــ ايييه .. غرشة بيبسي معرقه تبرد الأفاد..
    علي فتح عيونه:ــ معرقه في عينك هههههههههه وبيبسي انا في ويه وانت في ويه.. لا اطلع لك سمكه من البراد واسطرك بها...
    ــ ههههههههههه,, عادي ياخوك كل واحد .من نظافتي... زفر انا في كل الأحوال.. ايه نفسك في ويه يا حظي...!!
    ــ جعلني ما اصير حظك لا بالله,, ههههههه على شان يصير طايح عدل...
    ــ هههههههههههه دون حظي .. صل على محمد بس ياخوك واحمد ربك ..
    ــ الحمدلله ,, اللهم صل على محمد وآل محمد... آآآخ يا خوك ودي ..
    حميد يطبل عالبراد : ــ ودي ارووح الغاضريه .. ودي ازوور الغالي حسين..
    علي : ههههههههههه غربل الله شرك انا هذا اللي باسطره
    ــ افااا يعني ماودك ؟؟
    ــ وجهك اكيد ودي .. ووودي وودي...
    ــ ااااااه,, انا ودي ان اعرس واجيب ولاد..هههههههههه..
    علي سكت و جته غصه على خويه وعلى روحه وفي باله :
    ــ يالله كان انا في امل الله يعطيني هالمراد.. العوض على الله في حالتك ياخوي.. لا ندري ويش اصلك وويش فصلك و لا انت راضي تتكلم .. ايييه يجي لك يوم وتعلمني...
    حميد يفرك بطنه: ــ انا يوعاااااان... ويش ودك انت خلصني ..
    ــ ويش ودي ويش دعوه فاتح مطعم ,, بتقوم بتملح سمشتين و شوية فلفل وبتشويهم ..
    ــ هههههههههههههه ياربي .. ويش ودك من دي ساعه و ما قلت
    ــ ايه ههههههههه تشيه انت تخلي الواحد يركز,, ايه ياحميد ودي اغير حالنا .. حال اهلي .. نعدل بيتنا عالأقل . بيت جدي هو اساسا ويوم توفى الله يرحمه ورثه ابوي.. وهو وحيده زين بعد لو عندي اعمام شاركونا فيه... ااااه يا حميد.. ودي اساعد ابوي باللي اقدر عليه .. بس ما باليد حيله..
    حميد سكت وابتسم ..
    علي يكمل : ــ خواتي ودي في يوم اطلعهم السوق .. ما يشترو ليهم شي الا من العيد للعيد.. نفسي افرحهم حالهم حال هالبنات.. ولا عاد الكبيره .. تبخل على نفسها بالقوه.. اذا توفرت فرصه تشتري شي في غير الأعياد,, تعطي الفلوس لأختها الصغيره... آخر شي عيد الفطر ماشرت ليها .. هالصغيره عجبتها لبسه غاليه.. عاد وياها دي الطلبات ما تخلص,, فقالت ذيك ما تبغى شي .... والحاله ياخوك كسيفه .. وهي تعور بقلب ابوي ما يبغاها اقل من خوياتها .. وربك يعين..
    حميد تنهد : ــ الحمدلله على كل حال...
    علي .. : ــ عورت راسك ياخوك بهدرتي بس وربي ابغى افضفض مو قادر
    حميد يحط ايده على ظهر علي ويصير يمسح:
    ــ لا ياخوك شدعوه انا وياك اخوان..
    علي يبتسم لحميد ..ويحسه ملجأه الوحيد لاضاقت الدنيا عليه..

    تابع..,,>>

  3. #3
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    رد: ضعنا يا صبرنا...

    بالفرشاه العريضه.. لون احمر ثقيل .. غطى الريش الأبيض ...
    مالك : ــ يالله ويش سويتي اللون ثقيل خربتي جناح هالحمامه .. كان مره فضيع..
    علا بهدوء وهي تكمل دمج الأحمر على الريش الأبيض: ــ ما خلصت الحين اني..
    مالك رفع حاجب وحاجب .. وقعد عالكرسي ورى علا وهي ترسم..

    علا بصبعها تنزل اللون عالأرضيه في اللوحه.. وترسم سهم يخترق صدر الحمامه..
    وبدمج مرتب ونظيف تطلع بشكل رائع... دمها يسيل وبجنبها عالأرض مرميه قربة ماي ,, مايها مختلط مع الدم...
    مالك: ــ باقي كم على تسليم اللوحه..
    علا: اسبوعين ..
    مالك : اووف فكرت اكثر ,,, باقي تقريبا شهر ونص على محرم...
    ــ ايه بس على شان ينظموهم في المعرض و يرتبو الوضع...
    ــ اهااا.. يعنوو
    مالك بهمس : ــ اقول خخخ عمتي ام السمر وينهي اشوفها ما طبت علينا..
    ــ هذاا هي يا سيد مالك خير ان شالله آمرها..
    مالك انصرع دار لعمته وهو يضحك: ــ هه هههه هه لا عمه ,, هلا ااااااااا ,, وينش من زمان ما شفناش ...
    ويعطيها بوسه على راسها..
    سميره تطالعه على جنب :
    ــ ههههههه ايه اخلص يالحيال ويش تبغى ؟؟؟, حركاتك دي معروفه وراها شي..
    ــ فديت الذكاء انا.. فديت المخيخ .. فديت اللي يفهموووني
    ــ مالكوه لا تطولها وهي قصيره.. ويش تبغى..؟؟؟
    ــ ابغى 2000 ريال
    ــ حق ويه؟؟
    ــ بعزم اخوياي عشا بمناسبة رجوعي من امريكا
    ــ ليش كم واحد هم؟؟
    ــ اربعه
    علا : ــ 2000 ريال وايد على 4 حشا ويش بتأكلهم..
    ــ غالي المطعم.. وويش عليش انتين,, لوني بس لوني..
    علا سكتت و صارت تفرك بالفرشاه على اللوحه وفي بالها:
    ــ خراب .. ما بيخربك الا هالفلوس ..
    سميرة : ــ زين بس اكلم ابوك استأذنه اعطيك..
    ــ اوووكي ... << قالها بكل ثقه لأنه ضامن ابوه ما بيرد له طلب ..
    ــ متى بتعشيهم؟؟
    ــ بكره ..على حساب الليله بس مثل ما انتين شايفه الجو ما يساعد..
    ــ على خير ان شالله..
    وطلعت سميرة من الغرفه..
    علا : ــ ما بتوب .. لو بتوب تبت..
    مالك فهم عليها :ــ اقوول .. مالش شغل فيني
    ــ مسررف وربي..
    ــ لا اجل بخيل زيش
    ــ الله يسامحك..
    ــ اهوو عني ....
    وطلع عنها...
    علا بنت حساسه.. عيونها غرقت دموع .., تحس اخوها مالك من تخرج وصار يدرس برى وهو مو مالك الأولي .. صار بعيد عنها بالمره وهو اللي كان الوحيد في دنياها يسليها .. عمتها سميرة ماهي حقت سوالف و قعدات ..

    تحسها بس مسؤوله عنهم وعن تخطيط حياتهم زي ما يبغى ابوهم.. بس انها تقعد وياها.. تسولف وتضحك .. تفضفض ليها بهمومها ومشاكلها.. مستحيل !!

    ومن شدة انطوائية علا وكتمانها.. و ردودها البارده العفويه.. الصديقات وياها للمصالح فقط.. عجزت تلاقي اللي تفهمها و تحس فيها ..

    صارت تقلب همومها بملل ,, وانسلت دمعه ,وبعفويه نسيت ان ايدها فيها الوان مسحت بها وصار لون احمر عليه...

    الا بدخلة تريزا ..:
    ــ علا ماما سميرة يقول شنو تبغى ياكل عشا
    وانتبهت للون في خد علا من بعيد وجت ليها تركض:
    ــ شنوهذا علا؟؟ دم؟؟
    علا ضحكت : ــ لااا مو دم لون.. سوي أي شي عادي
    تريزا : ــ علا ,, انتي في يصيح؟؟
    علا تداري حزنها : ــ لا مافيني شي ..
    وترجع للوحتها الحسينيه .. تبث فيها حزنها والمها...

    ام علي رايحه وجايه في الصاله .. و مهي عارفه ويش تسوي .. تحاتي بالقوه وكل دقيقه تمر عليها كنها ساعه.. الوقت تأخر .. وصلت الساعه 11 ونص الليل وولدها في هالمطر ما رجع.. بالعاده يرجع 8 ...

    ليلى : ــ اماه اهدي وصلي على محمد..
    ــ اللهم صل على محمد وآل محمد.. اففف مو بيدي يا بتي والله مو بيدي...
    ريم طلعت من الغرفه : ــ يوعاااانه
    ليلى : ــ علي ياااعلي .. توش بتنامي.. اكي الصفريه مليانه عيش حطي لش عيش ولبن وسكتي
    ــ اففففف مااابغى ... لاعت شبدي
    ــ ويش تبغي حضرتش .. قوووزي ؟؟؟ الحمدلله رب العالمين..!!
    ــ اوهووو ..عن السخريه... بروح المخزن باشوف ويش فيه ابغى شي فيه حوسه وحركات
    ــ انا لله فكينا سوي اللي تسويه..

    راحت ريم المخزن .. كان غرفه صغيره في المطبخ .. فيها رفوف .. وعلى كل رف حوايجهم حق الأكل مصفوفه..
    طلعت ريما تركض وهي ميته خوف وتصارخ ..
    ــ يمااااااااااااااااااه
    ام علي انصرعت:
    ــ وويش صاير..!!!!!
    ريما وهي تصارخ :
    ــ ففففااااار...
    ليلى فتحت عواينها : ــ فااار ويه
    ريما : فار اللي ينطح.. فار ويه بعد...
    ــ عن الظرافه .. ويلي .. فوين؟؟؟أي جهه؟؟؟.. واي قد ؟؟
    ريما ودموعها من الخلعه تسيل : ــ تحت رف الطحييييييين على طول.. واي قد ؟؟ مااقسته!!!
    ليلى : باااااااايخه .. يعني ويه؟؟ كبير لو صغير !!
    ريما : يعني هالقد << وضمت كف ايدها..
    ليلى : ــ ويلي مو هين ...
    ام علي صفقت صدرها : ــ طحيننا يكفي كم شهر لا يلعب فيه هالفااار انا لله..
    ويلي لو علي هنا كان راح وقتله.. ويش بنسووي...
    ليلى وهي ميته خوف: ــ مااادرري
    ام علي راسها داير من المحاتاه وزادها هالفار .. وهي وياها الضغط .. خلاص حطت ايدها على راسها وقعدت..
    ليلى : ــ اماااه.. ويش فيش ..؟؟
    ام علي : ــ لاا.. مافيني شي بس دخت شوي..
    ليلى : ــ ريمووه روحي جيبي ماي
    ريما تحط ايدها على خصرها : ــ لا والله .. ليش مو انتين.. يعني اني اللي ما اخاف من الفار..
    ــ اهووو..... نسيته اصلا .. وخري عني..
    وراحت ليلى المطبخ بتجيب لأمها ماي..
    وهي داخله وقلبها يصافق لا يطلع ليها .. بسرعه صبت الماي ... وكان جنب المخزن براد سمك كبير حق اخوها علي ,, مغسل ومسند عالجدار بطريقه يخلي فتحته مكشوفه في الهوا حق ينشف.,,, يعني ظهره متسند عالجدار وبطنه مكشوف... ومفتوح بدون غطا..
    والمخزن قريب من باب المطبخ... وليلى بتطلع لمحت الفار بيطلع من المخزن.. وبلا وعي وهي مختلعه تدف البراد عليه ..
    وطرااخ,,,, يطيح ويحبسه داخله.. ويصير الفار يصاقع فيه يبغى يطلع مو قادر يحركه.. لأنه كان ثقيل شوي ..
    ليلى طلعت وهي حامله كاس الماي تضحك وترتجف ..
    ــ حححبسسسته..
    ريما : ــ ويشووووووو قفلتي عليه باب المخزن ..
    ليلى محمقه :
    ــ ليش ؟؟ مخزننا فيه باب!!
    ــ ويش دراااني
    ــ ايه لو تدري عن المطبخ دريتي فيه باب لو لا .. يادافع البلا ..
    ام علي تشرب الماي ... وبقايا اللي في الكاس رشحت وجهها به..:
    ــ الحين ويه.. وينا راح ؟؟
    ــ خخخخخ طيحت عليه براد علي ..
    ريما : ــ وووووووييييييييييع وانفشخ ..
    ليلى : ــ وييييييعااات ,, لاااااااا انحبس داخله..
    ام علي : ــ وعوووه.,, اجل الحين يحوم فيه ..
    ليلى تضحك : ــ اييه .. الله يستر من علي الحين بيرميه البراد ..
    ام علي : ــ انا لله ... تشيه فيه شده ولدي ياخذ واحد فاني.. من النوع الزين هذا.. الله يهديش يا بتي..
    ــ وويش اسووي؟؟؟ اماه كان بيطلع ليكم برى..
    ام علي : ــ قولوا عاد على هالصريخ.. ابوكم ماقعد... مسمر نووم..
    ريما بهمس : عاد لوقعد ويش بيسوي عاد..
    ليلى سمعتها..وعطتها نظره ..
    ريما استحت وسكتت..

    ام علي ..
    ــ باقوم اشوف مخزننا عسى ما الفار قرض شي لو خرب شي ..
    وراحت وياها ليلى .. شيكو الأكياس والحوايج .. كلهم سليمين..
    ليلى تركب الكرسي وتشوف الطحين فوق .. ركبت وحطت ايدها تلمس الأكياس .. وشالتها وهي مختلعه..
    ــ امااااااه...
    ام علي : ــ هااه.. ويه.. شققهم..!!
    ليلى نزلت من الكرسي وايدها لونها بيضا:
    ــ لااا ... صابهم الأكياس ماي ..
    ام علي صفقت صدرها :: ــ هااه .. يخر السقف هنا بعد... اخوووش حاط قار بذاك الحساب العام... فوق هالسطح لا يسرب .. ويشوو مااااااي!!!!
    ليلى وفيها غصه : ــ والله ماي..
    ورجعت ركبت وشالت كيس طحين.. وينفقع في ايدها ويسيل عليها ..
    ام علي قعدت عالأرض ..
    ــ حسبي الله ونعم الوكيل .. الهي لا اسالك رد القضاء ولكنمها اسألك اللطف فيه يااارب.. يالله نسألك الصبر.. خسارتين اليوم.. براد وطحين.. على الــــــلــــــه العوضضض... شيليه امي .. شيلي,, الأكياس كلها وارميهم درام... ووخري يونية العيش لو غطيها بكيس كبير لا يدش ليها ماي بعد.. ويش لينا ناخذ 10.. طمع بني آدم..شفناه رخيص ذيك الحزه.. هاا.. خسرناه كله الحين..
    ليلى حاسه بحزن امها.. هم مهم حمل خساير .. على الله و اللي يحصله اخوهم علي من بيع هالسمك ... صارت تشيل الأكياس و ترميهم وهي تحمد الله.. 10 اكياس طحين .. رمتهم .. وهي قلبها مهو مطاوعنها..
    نظفت المخزن.. وحطت صفريه محل اكياس الطحين.. على شان يتجمع فيها ماي المطر...

    ريما مشغله التلفزيون.. وبالصدفه برنامج تراثي .. واطفال يلعبو وانشوده تراثيه قديمه:
    طق يامطر طق .. بيتنا يديد .. مرزابنا حديد
    ليلى ابتسمت من هالأنشوده وفي بالها..
    ــ الحمدلله على كل حال.. والله ناس تتمنى المطر وناس تعاني وياه..
    الا ريما تتحمق :
    ــ حنا ويا هالبيت لو هو جديد كان ما صارت دي حالتنا..
    ليلى تفلص اختها وتهمس ليها :
    ــ قومي اخمدي,, لو انشبي امي فيها اللي مكفيها,,, مهي ناقصه هدرتش..

    وفي صندقة حميد...
    الساعه 12 وربع الفجر .. علي خلاص يحس المطر ما بيوقف .. قام..
    حميد: وين رايح ياخوك...
    علي : ــ مانى قادر خلاص بطلع واللي فيها فيها .. احترقت السياره لو طفت بمشي مايصير اهلي يحاتو..
    حميد : زين ياخوك على راحتك..
    ما مداه علي بيطلع.. الا باب الصندقه يتشلخ طق ..
    طق طق طاااخ طاااخ طاااخ
    علي انصرع ..وطالع حميد..
    ــ في احد يجي لك هالحزه..؟؟؟
    حميد انخطف لونه.. وتغير ومختلع من شي .. وكأنه يدري مين هاللي يطق هالباب...
    علي : ــ ويش فيك.. مين هذا عالباب افتحه؟؟؟
    حميد :: ــ لالا ,,هاااه .. ايه .. مادري ...
    علي مستغرب : ــ ويش صااير..؟؟
    ــ ماصاير شي ... افففتحه..
    علي مستغرب منه .. هالخوف لويه مو طبيعي ما كنه حميد الشديد..
    وقف عند الباب :
    ــ مين ؟؟ مين عند الباب
    ماحد يجاوب والطق يزيد شوي ويشلخ الباب
    .. ويفتح علي الباب
    ويطيح عليهم .......

    الى الملتقى..

  4. #4
    نائبة عامة الصورة الرمزية شذى الزهراء
    تاريخ التسجيل
    Mar 2007
    الدولة
    بين حنايآآ قلبهـ ^ـ^
    المشاركات
    32,569
    مقالات المدونة
    2
    شكراً
    475
    تم شكره 828 مرة في 652 مشاركة
    معدل تقييم المستوى
    55176

    رد: ضعنا يا صبرنا...

    قصه بدايتها حلووه ولطيفه
    من المتابعين ان شاء الله
    الله يعطيج العافيه خيتي اميره
    بالانتظااار
    تحياااااااتي





  5. #5
    مشرفة منتدى المسنجريات الصورة الرمزية كبرياء
    تاريخ التسجيل
    Jun 2007
    الدولة
    في سمآء الـ جود .. ومشآعر تبحث تفسير !!~
    المشاركات
    12,280
    شكراً
    25
    تم شكره 73 مرة في 42 مشاركة
    معدل تقييم المستوى
    4197

    رد: ضعنا يا صبرنا...


    يآآآوييل قلبي أنآآ << ؟؟؟ وش سآلفتهآ دي

    بدآآيه مررره روووعهـ ...

    وشكلك يآ أميرو نآويه كل يوم تصيحينآ مدآم هذي البدآآيه شكلهآ مأسآه

    شووووووووقتيييني أن شآلله أطب عليكـ غررفتكـ الحين أشووف وش بيصير مااانااا ..

    مرره مشووقه مع سآلفه حميد ..

    من المتآآبعين بقوهـ ..

    يعطيكـ ربي ألف عآآفيهـ ..

    بآنتظآر جديدكـ ..

    تح ـيآتوو

    كبريآء

    وكآن أرق العآلم بأسره ..
    أستوطن عينآي!

  6. #6
    عضو فضي الصورة الرمزية سـلـوان
    تاريخ التسجيل
    Apr 2008
    الدولة
    عنــد قبـر أمي..
    المشاركات
    966
    شكراً
    0
    تم شكره 0 مرة في 0 مشاركة
    معدل تقييم المستوى
    213

    رد: ضعنا يا صبرنا...

    ألـف مبـروك نـزول الـروايـة الجـديدة..
    مع اني مـا قد قريت لك بس راح احفظ الروايتين بـ الجهــاز علشـان اقراهم وأنـا مسـافرة..<<مـا تضيع وقت هع..
    لأني أسـلوبك حمسني انـي اقرأ لك روايـة كـاملة واعرف أسـلوبـك اكثر..
    مع أني شـاكة إن عندك كم عرق إجـرامي..؟؟
    خخخخ موقف الفــار صـار لي يوووهـ حبسنــاهـ بـ الثـلاجـة هع..
    ذكرتيني العـام كنـا بـ سوريــااا وإنــا بـ المطبخ ولمحته الموهم من الخرعة نقـزت والثلاجة تحـركت معـاي وتحـاصر الفـار..
    عشنـا رعب وقتهـااا هع وغيرنــااا السكن..
    عـائلة أبـو علي ربي يرأف بـ حالهم..
    جـاني فضـول اعـرف مين الشخص الي يعرفـه حميد..
    وتحمست معــاك ودي الحق ع الجـزء الثـاني بس خسـارة بـ سافر اليـوم..
    وربي يعطيك ألف عــافية وسـلمت الأيـادي..
    ونتظــرك..
    موفقـة..
    اللهم إن والدتي جاءت ببابك وأناخت بجنابك اللهم فاجعل عن يمينها نورا وعن شمالها نورا ومن أمامها نورا ومن فوقها نورا ومن تحتها نورا حتى تبعثها آمنة مطمئنة في نور من نورك,اللهم اعف عنها.اللهم أدخلها الجنة من غير مناقشة حساب ولا سابقة عذاب,اللهم آنسها في وحدتها وآنسها في وحشتها وآنسها في غربتها,اللهم أنزلها منزلا مباركا وأنت خير المنزلين..

  7. #7
    مشرفة سابقة تستحق التقدير الصورة الرمزية آخر شقآوهـ ..~
    تاريخ التسجيل
    Aug 2005
    الدولة
    بين جروحي وآلآمي
    المشاركات
    6,378
    شكراً
    1
    تم شكره مرة واحدة في مشاركة واحدة
    معدل تقييم المستوى
    354

    رد: ضعنا يا صبرنا...

    سلاااااموون ..
    فديتش وحشتيني
    ويش مسويه ويش اخبارش..؟
    نلتقي من جديد في روايه جديده بنعيشها وياش ان شاء الله
    وبنتابعها جزء بجزء<<وبحن بعد
    وان شاء الله تكون ناجحه مثل اللي قبلها
    أحم..
    يبغى ليي الحين اقراها بعد مره ثانيه عشان احفظ الشخصيات عدل
    عجبتني بدايتها
    ودي اعلق على كل مقطع بس النحيس مايضى ينسخ
    بس باقول ..
    حميد.. عجبني والله على كل اللي هوه فيه .. فيه روح رياضيه تجنن
    وليلى .. فيها لقافه شوي عفر<<بدينا من الحين
    مالك.. عندي توقعات بتصير وياه بس مابقول
    ..
    ..
    ..
    نشووف الحين من اللي طاح ..
    نستنى الى بكرا يعني
    فضوولنا يدبحووووونا
    جاري الانتظار..
    بحفظ الباري
    ●•Ļǎv Mệ łйę•●

    ..الضحكة البريئه..
    في نفرهـ وآحدهـ
    آخر شقآوهـ ..~

  8. #8
    مشرفة سابقة تستحق التقدير الصورة الرمزية الأمل البعيد
    تاريخ التسجيل
    Apr 2007
    الدولة
    القَطِيفْ ,, أمُ الجِزَمْ ..
    المشاركات
    4,620
    شكراً
    0
    تم شكره 0 مرة في 0 مشاركة
    معدل تقييم المستوى
    299

    رد: ضعنا يا صبرنا...

    وي وي رجعت أيام إلى الملتقى
    جزء مرررة روووعة وشكلها من بدايتها مأساه وصياح
    متحمسه حدي لسالفة حميد صراحه مت من الضحك على ولد آدم وحواء ولا حميد الميد
    شكله حلووه مووت زي ختها الي قبلها احم حم
    اميرووه ليش وقفتي الجزء فيي حمآإآس ابي اعرف من الي يطق الباب
    في شوق لغداً والجزء الجديد
    تحياتي / الأمل البعيد
    .. آسفه ع التقصــير ..


  9. #9
    مشرفة منتدى النقاش والحوار الفكري الصورة الرمزية ملاك الورد ..~
    تاريخ التسجيل
    Nov 2004
    الدولة
    في قلبه
    المشاركات
    4,246
    شكراً
    6
    تم شكره 17 مرة في 17 مشاركة
    معدل تقييم المستوى
    5691

    رد: ضعنا يا صبرنا...

    الف مبروووووك الرواية الجديدة
    من بدايتها حماس وتشويق
    لا الغني مرتاح ولا الفقير مرتاح
    كل همه على قدة
    بانتظار الجزء الجديد على احر من الجمر
    من المتابعين



  10. #10
    مشرفة المنتدى العام الصورة الرمزية دمعة على السطور
    تاريخ التسجيل
    Mar 2008
    الدولة
    أتَعَثْرّ / باحِثْةً عَنْ الطُهْرْ...!!
    المشاركات
    10,551
    مقالات المدونة
    4
    شكراً
    1,286
    تم شكره 477 مرة في 366 مشاركة
    معدل تقييم المستوى
    5788

    رد: ضعنا يا صبرنا...

    اللهم صلي وسلم على محمد وآل محمد وعجل فرجهم وفرجنا بهم ياكريم
    أميرة شكلها القصة روووووووووووووووووووووعة
    عجبتني مررررررررررررررررررررره
    بصراحة عشت معاهم وتأثرت عشان عائلة أبو علي
    وشكلها حتى علا الغنية مي مرتاحة
    مااحد عاجبنه حاله في هالدنيا..
    الحمد لله رب العالمين


    ابغى اعرف بسرعة ويش سالفة هالحمييييييييييييييييييد
    متى يجي بكرة...
    خيو أميرة وأني اقرأ القصة قرأتها لأمي وهي تشكرش عليها وتقول لش مررررررررررررررررره حليوة بداية القصة..ننتظر بكرة

    يعطيك العافية خيتي أميرة المرح...
    بانتظار الأتمتة..
    موفقة لكل خير إن شاء الله تعالى..
    ..دمتي بعين المولى الجليل..
    التعديل الأخير تم بواسطة دمعة على السطور ; 07-05-2008 الساعة 03:54 PM
    عندما نذرتُ قلبي للحسين
    وبقيتُ على قيد الهوى
    هنالك حييتْ



    ياطبيب دمعة .!






  11. #11
    مشرفة المنتدى العام الصورة الرمزية دمعة على السطور
    تاريخ التسجيل
    Mar 2008
    الدولة
    أتَعَثْرّ / باحِثْةً عَنْ الطُهْرْ...!!
    المشاركات
    10,551
    مقالات المدونة
    4
    شكراً
    1,286
    تم شكره 477 مرة في 366 مشاركة
    معدل تقييم المستوى
    5788

    رد: ضعنا يا صبرنا...

    نسيت اكتب
    إن أول حاجة عجبتني هي تصميمك اللي في البداية حق القصة..
    يعطيك العافية خيتي..
    وموفقة إن شاء الله تعالى..
    ..دمتي بعين المولى الجليل..
    عندما نذرتُ قلبي للحسين
    وبقيتُ على قيد الهوى
    هنالك حييتْ



    ياطبيب دمعة .!






  12. #12
    عضو متميز الصورة الرمزية زهور الريف
    تاريخ التسجيل
    Aug 2007
    الدولة
    السعودية-القطيف
    المشاركات
    340
    شكراً
    1
    تم شكره 0 مرة في 0 مشاركة
    معدل تقييم المستوى
    209

    رد: ضعنا يا صبرنا...

    بسم الله الرحمن الرحيم

    اللهم صل على محمد وآل محمد

    وعجل فرجهم

    غاليتي

    أميرة المرح

    دووما متميزة

    تجاربك السابقة قمة في الروووعة

    وخصوصا ما عرفتوني كثر ما عرفني

    وأني كنت من المتابعين ..<< ها ذكرتيني لو لا

    وقصتك الجديدة من البداية رائعة والاروع طريقتك في إنهاء الجزء

    سلمت يمناك عزيزتي

    ووفقك الله لكل خير

    وحفظك من العين..

    واصلي

    ونحن بالانتظار
    ولايتي لأمير النحل تكفيني ..
    عند الممات وتغسيلي وتكفيني..
    وطينتي عجنت من قبل تكويني..
    بحب حيدره كيف النار تكويني..

  13. #13
    مشرفه سابقه تستحق التقدير الصورة الرمزية للدموع إحساس
    تاريخ التسجيل
    Dec 2007
    الدولة
    عواميتي الحبيبة ..
    المشاركات
    3,719
    شكراً
    0
    تم شكره مرة واحدة في مشاركة واحدة
    معدل تقييم المستوى
    2432

    رد: ضعنا يا صبرنا...

    يعطيكـ ربي العااافيهـ على هيكـ روايهـ ..
    تحممممممممممممس من البدايهـ ..
    خيوووهـ ،، وإلي يعافيكـ لا تطوووولي واااااايد ..
    ترى أستخف ،، الحين بتبتدي توقعاااااتي ولا بتوقف .. خخخخخخ
    مبدعهـ دااائما .. أمور ..
    في الأنتظار ..
    خيهـ ما أوصيكـ لا تطولي .. ترى ما تدري ويش يصير فيني ..
    يمكن أستخف .. أو شي .. خخخخخخخخخخ ما أخالف أني أسويها ..
    يااللهـ ســـــــــــــــــــــــــــلاااام ..
    تحيااااااااااااااااااااااااااتي ..
    للدموع إحساس ..
    ،،، {
    إن لمْ يُجِبْكَ بَدَني عند نِداكَ المُعْلَنِ
    وحال بُعْدُ الزَّمَنِ حتَّى غَداً في كَفَني
    يُجيب قلبي خافِقاً لبيك يا صوت الحسين
    لبيك ثآر اللهـ ،.

  14. #14
    عضو فضي الصورة الرمزية جنة الحسين
    تاريخ التسجيل
    Oct 2007
    الدولة
    .. في غرفة الكمبيوتر ..
    المشاركات
    765
    شكراً
    3
    تم شكره 0 مرة في 0 مشاركة
    معدل تقييم المستوى
    216

    رد: ضعنا يا صبرنا...

    مبروووووووووك عليكم يا جمااعه رواية اميرة الجديده

    الروااااايه شكلها رووووعه فتعودنا منكي دومااا بالرائع

    انتهى الجزء وقت الحمااس ،، ننتظر التكمله

    يعطيش العااافيه يارب



    إلهِــي
    فاسْلُكْ بِنا سُبُلَ الْوُصُولِ إلَيْكَ ، وَسَيِّرْنا فِي أَقْرَبِ الطُّرُقِ لِلْوُفُودِ عَلَيْكَ،
    قَرِّبْ عَلَيْنَا الْبَعِيدَ، وَسَهِّلَ عَلَيْنَا الْعَسِيرَ

  15. #15
    مشرفة كربلائيات ( كربلاء " الطف " ) الصورة الرمزية أميرة باحساسي
    تاريخ التسجيل
    Feb 2007
    الدولة
    هنــاك ...... !
    المشاركات
    6,815
    شكراً
    15
    تم شكره 36 مرة في 33 مشاركة
    معدل تقييم المستوى
    904

    رد: ضعنا يا صبرنا...


    والله ريمووووه هذي ذكرتني بأختي ودلعها ..
    بس قصة حلوووووووة ومؤثرة .. يسلمووووو لافكااارك وجهوودك
    بانتظار البقية ..
    دمتِ بخير.
    لا إله إلا الله بعزتك وقدرتك
    لا إله إلا الله بحقك وحرمتك
    لا إله إلا الله فـــرج برحمتك


    سيـدي أيها العزيز
    مسّنا وأهلنا الذل
    وارتضينا الهوان
    فهب لنا من عزّتك
    وتصدّق علينا من كرامتك .








    رَبيْ هَبْ لي " صَبرآآ ../ آرتَشُفهُ آوقَآت آلـالـمـ


صفحة 1 من 88 1 2 3 11 51 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 2 (0 من الأعضاء و 2 زائر)

المواضيع المتشابهه

  1. ارجوكم ضعوا صورها
    بواسطة النيزك في المنتدى منتدى الرياضة
    مشاركات: 13
    آخر مشاركة: 01-12-2009, 07:05 PM
  2. احمى الضائعات بعدك ضعنا،،في يد النائبات حسرى بوادي..
    بواسطة شذى الزهراء في المنتدى كربلائيات ( كربلاء " الطف " )
    مشاركات: 6
    آخر مشاركة: 11-01-2008, 05:12 AM
  3. من الهمني.. (ضعنا ياصبرنا)..\\1\\
    بواسطة Princess في المنتدى منتدى الصور
    مشاركات: 18
    آخر مشاركة: 10-30-2008, 01:59 AM
  4. من الهمني..(ضعنا ياصبرنا ) ..\\2\\
    بواسطة Princess في المنتدى منتدى الجوال الحسيني
    مشاركات: 7
    آخر مشاركة: 10-26-2008, 09:14 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •