هلا غناتي اموووووره
احوالش واخبارش
والله وحشتيني ووحشيني المنتدى
انقطعت عنه فتره .. ضروف حياة جديده والحين حمل وتعب
بس امس ماشفت روحي الا حنيت للمنتدى وذكرت اني من قبل فتره فتحت المنتدى باشوف الاخبار
وشفت انش سويتي قصه جديده
ماقريتها داك اليوم بس اتطلعت عليها
وجت الايام ونسيت
بس امس ماشفت روحي الا افادي في المنتدى
وعلى طول ...قسم الروايات
وعلى طول شفتها قدامي... ضعنا ياصبرنا .. الكاتبه اميرة المرح
وداني خلصتها في يومين الحمد لله ان زوجي هاليومين مشغول
عشان لايضايق اذا خليه لحاله وجيت اقرا ههههههههههه
شفتي غناتي من كثر مااني مشتاقه للقصه مرره خلصتها في يومين
وبصراحه
القصه في قمة الروعه وتجنن حدها
عشت وياها بكل تفاصيلها وتأثرت على حال بيت ابوعلي وبعدين بيت ابو جاسم
وذبحت روحي من الصياح بطلعة علي من السجن حسيت كانها ردت ليي الروح
استانست لفرحهم حبيت الشخصيات عادل مسكين ضحكني كلامه
وتعجبني اناشيده مره وعجبتني دي اول مره اسمعها .. فار طاح في الطحين .. وسموه عبد الرحيم
قالت امه ويييه ويييه .. قال ابوه....ماادري ويشو
وبانسبه الا الاغاني القديمه اعرف انها كذا حتى في عند امهاتنا كتب مايرضوا يروونا اياها
وفي اشياء يسووها في العزيه اذا تعرفي عرس ابو لولوه
واستانست لما عبد الرحمن استشيع مره حدي واحس حنينوووه تجنن وفيها خدود ودي افلصهم
صراحه والله قصص دائما وان كانت مو حقيقيه كلا احسها انها حقيقيه وان صحيح الشخصيات موجوده
لاني اعيش اياهم .... مو بس اعيش اياهم اكل واسرب وانام واقعد وكل شيء
كرهت حميد في البدايه على الحركه الا سواها في علي
وبعدين اخر ايامه استانست اليه لما صار يزوره علي وبعدين اخوه وعلا ومالك
وصحيح كل ظالم اليه يوم
وحبيت ليلى مره ولااشتهي صالحوه هالخايس
استانست على مغازل ابوجاسم وام جاسم
وضحكت على المواقف الا مرت فيهم زينب وانحرجت قدام شرشف >> عجبني اسم شرشف
وعنادريما ومراهقتها واستانست من علا ومالك لما ساعدوا بيت ابو علي
واشياء واجد استانست بالقصه حد حد حد حدي
وبالنسبه الى لوان صيغة القصه بلهجات ثانيه ماادري مااحب كذاك
احسك كذا بتبدعي اكثر
ابغى خلاص اخلص كلام ماني قادره مستانسه حدي
المهم غناتي الله يعطيش الف الف عافيه على هالانامل الحليوه
الا تجنن وان شاء الله الله يوفقش ويسهل امورش
ماادري ويشي الدعوه بس فيها ويرفع حظش >>> الا قالتها ام علي وجننتها عليها ريما
دمتي لنا وللمنتدى
وان شاء الله عن قريب نشوف الروايه الرابعه وباقي الروايات مطبوعين
يـــــــــــــــــــــــــــــــــــــــــــــــــ ــــــــاربـــــــــــــــــــــــــــــــــــــــ ــــــــــــــــــــي
اختكِ ....
آهات عاشقه
رد مع اقتباس
المشاركة الأصلية كتبت بواسطة آهات عاشقه
ماقصرتي رغم انشغالش مع رجعتش كفيتي ووفيتي وردش اخجلني
المفضلات