علا في غرفتها قاعده عالكمبيوتر .. الا بابها يطق ..
عرفت على طول انها سوسن.. مستحيل سميرة ما سوتها... ولا ابوها.. ومالك مسافر..
ــ تفضلي..
دخلت سوسن حامله كوبين كابتشينو..
ــ دفي رووحش ..
ابتسمت علا:
ــ مشكوووره..
ــ العفووو...
سوسن :
ــ تطلعي وياي الليله..؟؟
ــ وين؟؟
ــ وين يعني .. اكييييد..نروح حسينيه..
ــ تصدقي .. من زمااااان مارحت صايره دي كم سنه اكتفي بالتلفزيون.. واحس بالحسره فيقلبي..
ــ ليش عاد..!! اني في الغربه ونروح حسينيه هناك,, تجهزي الليله بيمر علي هشام اخوي وبنروححسينيه اني وياش..
علا تشققت من الفرحه : ــ ياسلااااام.. بس ...
وسكتت .. وتغير لونها..
سوسن : ــ بس ويش ؟؟
علا بهداوه: ــ استحي ..
ــ ههههههههههههه فديت الخجل واهله.. عادي اخوي هشام حباب وطيب .. واني وياش ..خيرتش تتعودي عليه..
ابتسمت علا..
الا جوال سوسن يرن..
سوسن : ــ عمرره طوويل ..
وردت على الجوال : ــ هلا غناتي.. تونا نحش فيك..
هشام : ــ اهلين .. ههههههههههه تحشو.. ماتجوزي انتين ورجلش..
ــ ههههههههههههه لااااا مو رجلي.. مع بناوتي..
ــ حركات بركات.. علا..؟؟؟!!
ــ ايه علا..
علا تلون وجهها احمر من رد سوسن.. قولتها ايه علا.. يعني السؤال كان فيه علا.. يعني يعرف اسمها..
هشام : ــ عن الحش وتأدبو عني زين..
ــ ههههههههه محنا متأدبين.. توي بتصل فيك بذكرك تمر علينا الليله لروحة الحسينيه..
ــ يا محاسن الصدف انا داق بقول لش بمر عليش الساعه 8 ونص..
ــ هههههههههه اوووكي 8 ونص بنطلع لك..
ــ بتطلعو لي .. بتجي وياش يعني..
ــ اييه..
ــ زين حياها الله.. وتمام حق تدلينا لو ضعنا..
ــ ههههههههههه لا تفشلنا ما نندل ترى..
ــ بل .. افلست منكم.. يللا الله يخلي السؤال .. ما تاه من سال.. اشوفش الساعه 8 ونص علىخير..
ــ على خير..
سكرت سوسن ولفتت نظرها ستاندر الرسم في غرفة علا.. والتفت للوحه معلقه ..
ــ ما شالله تبارك الله.. ترسمي علا..؟؟ هذي رسمتش؟؟
علا بخجل : ــ ايه..
ــ تجنن.. فن.. اللهم صل على محمد وآل محمد..
ــ تسلمي من ذوقش غناتي..
ــ الله يسلمش .. ماجربتي ترسمي لمحرم..؟؟
علا ابتسمت : ــ الا رسمت.. موضوعها لأبو الفضل العباس عليه السلام
ــ سلام الله عليه.. وينهي ؟؟
ــ في المعرض تبع الجمعيه الخيريه..
ــ ما شالله.. يعني ورانا رحله للمعرض بعدين..
ــ ايه ان شالله من 15 الى 25 محرم..
ــ وناااسه..
وشوي التفتت لمسجل علا .. شغلته .. وصدفه شريط اولياء .. ويا مسجون وغايب عن كل الحباايب..
علا بهتت.. وذبلت الأبتسامه على شفايفها.. وقعدت على السرير..
سوسن تردد مع الشيخ.. انتبهت لعلا.. وحالتها اللي تغيرت.. قصرت على الصوت وبهمس:
ــ تجنن القصيده .. ومؤثره... سلام الله على قاضي الحاجات..
علا بهمس متقطع : ــ سلام الله عليه.. تذكرني بناس.. عزيزين..
سوسن : ــ ناس !!
علا دموعها طغت في عينها : ــ ايه..
سوسن : ــ ويش فيش غناتي.. ومين هالناس...؟؟
علا بدت دموعها تسيل .. وصارت تقص لسوسن سالفتها مع بيت ابو علي من البدايه اول التعارف...
مؤيد كان مسؤول عن موكب الأطفال الحسيني من اطفال الفريق اللي يدرسهم في المدرسه .. يرتبهم ويحفظهم القصيده.. ويشرف عليهم...
كان موكبه من اروع المواكب الطفوليه واكثرها اتقان وابداع.. والكل يعرف موكب البراعم الحسينيه بأشراف الأستاذ مؤيد..
ام مؤيد ,, ملايه تقرأ مأتم الحسين عليه السلام كل سنه.. وبناتها ناديه وساره .. من اروع الأصوات الحسينيه الولائيه.. يعاونوها على القراءه وخدمة اهل البيت..
في محرم بالذات.. هالبيت معروف في الفريق ... ومن هالمأتم تنزل الرحمه على روح ابو مؤيد..
في بيت ام مؤيد غرفه فيها العاب جود وعفايش لكرار و منتظر...
كانت ام مؤيد في الغرفه اللي يقرو فيها المأتم.. ماسكه كتاب نعى وتقرا فيه.. وساره منبطحه.. وناديه تخيط بلوزة منتظر السودا تشابق ويا اخوه و شقها اله..
ما يسمعو الا صرخة جود وصياحها..
ساره فزت على طولها :
ــ غربال يغربلكم يالثنائي المجرم .. مايندرى ويش سوو في فقيرة الله
ناديه بالغلط شكت الأبره في صبعها:
ــ آآه وخناقه. غرباله تغربل منتظروه... لا تدعي على ولادي ....
ام مؤيد :
ــ ههههههههه استغفر الله ياربي .. عساكم السعاده.. انتين تدعي وهي لا تدعي..
ناديه: ــ ايه اني امه ..
ام مؤيد :
ــ هههههههههه الله يبلغش فيهم ان شالله..
ساره رجعت وجود وراها تصيح..
ناديه تطالع في ايد ساره ويش حامله.. وفتحت عواينها :
ــ دااويه..
ساره ماسكه دبدوب جود المفضل .. راسه في ايد وبقايا جسمه في ايد.. وترميهم على الأرض جنب ناديه وبحمق:
ــ خيطي..
ناديه وهي تقص الخيط خلصت البلوزه..:
ــ قالو لش فاتحه خيااط اني..
ــ فعايل ولادش.. لعن الله يزيد.. مادري بويش متأثرين.. قصو راس دبدوبها ما قصرو..
ناديه :
ــ ويلييييييي بيذبحوووني...
ام مؤيد : ــ بسم الله على عمرش .. ساره عاوني اختش عليهم..
ساره : ــ اهوو ليش مين يقدر عليهم هذيلا..
ناديه خذت الدب : ــ روحي جيبي لي خيط ابيض خلني الحم راسه ..
ساره : ــ ههههههههههه زين..
ناديه : ــ ونادي على الملاعين الأثنين.. كراروه بالذات خله يجي يلبس بلوزته لا يموت من البرد ماني ناقصه صخونه..
شوي جو ثنينهم .. وفي اياديهم العاب .. الا طايح راس باربي حقت جود..
جود فتحت عواينها وشالته وخلاص مهي قادره بتدحن..
ــ راااااااااس بتي ...!!!!!!!!!! قطعوووووووووه
ساره صفقت صدرها : ــ ياداااافع البلا ههههههههههههه جيبيه.. وين بقايا جسمها..
جود تصيح : ــ مادري..
ناديه تخيط في الدب : ــ اما يا جودي انش صيوحه.. غناتي الدب هذاني باخيطه.. وراس باربيتش يتركب .. مو مشكله..
ساره راحت غرفة الألعاب ورجعت.. وهي ميته ضحك والوانها متغيره..
ام مؤيد سكرت الكتاب:
ــ استغفر الله بتخسفو بنا انتون غربال يغربلكم..
ساره ترفع جسم الباربيه فصخوها من ثيابها و كسرو رجولها وايدها قبعوها .. صايره مفككه تفكيك..
جود من شافتها كذا يللا عاد مين يسكتها..
ناديه : ــ ياعلي ياساروه عليش خباله بشكل .. كان ركبتيها هناك.. جايبتنها قدامها.. يللا سكتيها الحين...
ساره : ــ ههههههه استغفر الله ماني قادره.. ولادش مجرمين من الصغر ماقصرو فيها
ام مؤيد تتأمل اللعبه وهي بلا ثياب واياديها مقصصه وراسها مقطوع.. وساره تركب فيها ,,
ماشافوها الا رفعت شيلتها وصارت تصيح..
ــ سلام الله على الحسين.. سلام الله على ابو فاااضل...
ساره تأثرت وصارت تركب في اللعبه بهدوء..
ناديه تكلم ولادها بهداوه :
ــ شفتو ماما ام مؤيد تصيح على الأمام الحسين عليه السلام.. اللي قلت ليكم قصته.. شفتو يزيدويش سوا بالأمام.. لويش تسوو بلعبة جود كذا .. حرام تاخذو شي مو اليكم و تخربوه.. الله مايحبكم بعدين..
ابو مالك في مكتبه.. طلب فواتير لرقم سوسن.. وقاعد يراجع الأرقام اللي فيه.. لقاهم كلهم لهشام.. تطمن .. وارتاح باله ...
وفي الليل .. الساعه 8 ونص .. مر هشام عليهم,, وطلعو..
ركبت سوسن.. وعلا لفت جهة كرسي سوسن فتحت الباب وبهمس بالكاد ينسمع سلمت..
سكرت الباب ما تسكر.. رجعت فتحته وسكرته ما تسكر .. حست بأحراج.. رجعت فتحته وشدخت به.. وتسكر.. خلاص وجهها صار احمر من شدختها للباب..
وطول الطريق سوسن وهشام سوالف وتعيلف .. و علا ما شغلتها الا تتصوخ وتبتسم..
وعلى بالها اخوها مالك.. وحشها وايد..
وهم ماشيين في الطريق الى الحسينيه .. الا الناس متجمعه وزحمه وعالم..
هشام : ــ ما يندرى ويش صاير..الله يستر .. شكله حادث...
سوسن : ــ الله يستر...
الى الملتقى...
اسمحو لي الجزأ قصير بس هذي ظروفي ما تسمح لي حاليا الا بهالكثر :)
رد مع اقتباس
المفضلات