ضعنا يا صبرنا...

[Princess]

زينب دخلت المطبخ .. وحطت الصحن ... شافتها عمتها .. عطتها غمزه وبوسه من بعيد..
زينب تسوي لعمتها من بعيد شششش هدووء..
ناويه تخلع ليلى..
ليلى كانت تقطع الكيكه وهي تنشد :ــ قبل لا تروح ودنا وياك ودنا نريد نزور صحن الزينبيه...
زينب قربت منها وصفقت صفقه : ــ يـــــــــالله يااااااكريم وياااش ,, الله يبلغنا الوصول ..
ليلى رمت السكين في قالب الكيك.. ودارت لزينب :
ــ يييمااااااااااه ههههههههههههههههههه عسااااش ويش اقووول خلعتيييييييينيييي
وحضنتها..
زينب : ــ هههههههههه بسم الله على عمرش .. اخبااارش ويش مسويه..
ليلى فكت الحضن و تسحب خشم زينب :
ــ اسأل عنش يالقاطعه...
ــ هههههههه والله على بالي .. صحيح.. تسلم عليكم امي ..
ام علي وليلى : ــ الله يسلمش وياها من الشر ..
ام علي : ــ ويش احوال ابوش عساه بخير..
ــ الحمدلله تمام..
ــ وجاسموه اخوش..؟؟
ــ خخخخخ لا تسأليني عنه..
ــ الله المعين.. دام لا اسألش عنه.. اجل احوال اخوي مو تمام..
زينب تطلع لسانها : ــ .. الله كريم ..
ريما دخلت المطبخ : ــ هااا زوزو هنا..
ــ اهلين وسهلين هلا بأم الريم اخبارش..؟؟
ــ الحمدلله بخير.. مممم ويش جايبه وياش..
وفتحت الصحن ..
ــ ويع .. ساقو .. خخخخ ما احبه..
ليلى : ــ خذ لك .. قولو تستحي هالبنيه ابدا.. الحمدلله رب العالمين...
زينب تضحك : ــ ههههههههه ماني غريبه اعرفها ...
ريما : ــ يادافع البلا كل تشابق هالأخت.. .. وثاني شي راايي مو مهم
وصارت تحرك حواجبها فوق وتحت :
ــ هالصحن لعليوو..
زينب تلون وجهها ..:
ــ لخالي ..
ليلى : ــ عسى ريمو سعاده استحي يابنيه استحي.... اهو بس ناخذ هالصحن لأبوي بعده صاخن خله يدفيه عن هالبرد شوي ..
مامداها ليلى بتطلع بالصحن لأبوها .. الا جرسهم يطق ...
ورجعت لأمها : ــ امااه.. في احد بيجينا..؟؟
زينب : ــ هههههههه ويش دعوه كنتو تدرو بي..؟؟
ليلى : ــ ههههههههههه على قولتش .. علي طلع .. باروح اني اشوف الباب اجل..

لبست ليلى مشمر ووقفت عند الباب: ــ ميين؟؟
امل : ــ هنا ام علي ..؟؟
ــ ايه تفضلو .. حياكم..
وفتحت الباب..
دخلو امل وعلا ..
امل : ــ قوووه ليلى..
ــ اهلييييين هلا والله بأم سجاد...
ــ اخباركم.. ؟؟
ــ الحمدلله اخبارش انتين .. واخبار سجاد.. وينهو؟؟؟
علا واقفه برى تطلع شكل البيت .. وتنتظر خالتها امل تدخل وبتدخل وراها..
امل : ــ برى في السياره..
ليلى كانت ورى الباب واقفه ومتغطيه بالمشمر ما انتبهت لعلا ... ولما دخلت امل .. كانت ليلى بتسكر الباب.. الا تحسه يندف وتدخل وحده..
ليلى انحرجت: ــ اسمحي لي خيه مادريت بش ..
علا : ــ لا حصل خير..
وشالت علا غطاها..
علا من شافت ليلى .. تذكرتها .. كانت تدرس وياها في المتوسطه.. وصارت وياها في نفس الصف ..
ليلى صارت تطالع في وجه علا..
و ابتسمت و بصوت هادي :
ــ هلا .. ... علا؟!!؟؟
علا ابتسمت : ــ ايه علا... هلا فيش ...
ــ اخبارش ؟؟
ــ الحمدلله تمام..
امل بأستغراب : ــ تعرفو بعض ؟؟!
علا ابتسمت : ــ معرفه سطحيه.. درسنا ويا بعض في صف ..
ــ اهااا.. علا تصير بنت اختي..
ليلى بأبتسامه : ــ ياهلا حياكم..
ودخلو داخل ..

علا عيونها تتحرك بشكل تحاول ما تبينه لليلى وهي داخله البيت..
مستغربه من المكان اللي هم عايشين فيه..
غير ان ريحة الممر سمك توه علي عابر بالبراد و شوي ظلت ريحه..
ام علي طلعت بالمبخر تبخر المحل ..
ــ ليلى .. مين ؟؟
ــ ام سجاد.. ويا بنت اختها..
ابو علي يتحمق على ريحة البخور : ــ كح كح فطست .. ويلي شيليه مانى قادر..
ام علي تهمس بحمق : ــ اسسسكت جايين ناس وريحة البيت زفر ..
حطته فوق التلفزيون ,, وراحت تستقبلهم..
زينب : ــ ريموه .. تعرفيهم..؟؟
ريما : ــ ما عرف الا وحده .. ام سجاد .. كل تجي تخيط عند امي و تغب بين فتره وفتره وتزورنا.. و ريلها يجي احيانا و يقعد ويا ابوي يسولف ..
ــ اهااا .. والثانيه .. وجهها مو غريب علي ..
ــ ويش دراني ماعرفها..

كانت الغرفه اللي فيها المكينه و يجو ليها الزباين .. في آخر البيت .. يمرو اول شي على الصاله بعدين يوصلوها.. وكان ابو علي في الصاله..
دخلو البيت .. علا انتبهت لأبو علي وغطت وجهها بالجهه اللي قاعد فيها ابو علي .. ولا تسمع الا خالتها :
ــ قواك الله ابو علي ..
علا مستغربه .. خالتها مهي متغطيه.. .. ريما انتبهت لعلا وهي متغطيه.. وراحت جنبها وهمست : ــ ترى ابوي ما يشووووف ..
علا صارت تطلع في ريما مستغربه منها ومن هالكلام.. وحتى لو ما يشوف .. ويش هالجرأه اللي عليها لا تعرفها ولا شي وجايه ليها... ترى ما يشوف ..
بنفس الوقت تأثرت على حاله ..
ابو علي : ــ هلا .. هلا الله يقويش يا بتي.. ويش احوالش .. وويش احوال ابو سجاد وسجاد..
ــ بخير الله يسلمك..
ــ حياش الله.. سلمي عليهم
ــ ان شالله يوصل

ليلى انتبهت لريموه ولتصرفها..
ــ ريما.. امشي وياي دقيقه..
ريما عرفت.. السالفه تهزأ..
ــ باروح غرفتي باذاكر قريب يخلص اسبوع الأجازه .. وراي اختبارات النهائيه .. ابغى اجيب مجموع..
ليلى تهمس بقهر : ــ هداره.. ذلفي ..
زينب فيها ضحكه.. : ــ الله يوفقش ..

ودخلو الغرفه .. وقعدو...

تابع>>

[Princess]

طلعت ام علي ثوب امل ..
ــ ها يا بتي ويش رايش .؟؟.
علا عجبها الثوب والخياط مره مرتب ..
امل : ــ ما شالله .. ويش رايي بعد يا خالتي .. شغل مضبوط كعادتش ومرتب يعطيش العافيه..
ــ الله يعافيش ..قيسيه يا بتي .. يمكن فسيح شوي لو يبغى له تعديل لو تقصير ..
ــ زين..
كانت ام علي حاطه في الغرفه ستاره حق التبديل ..
بدلت امل وطلعت..
ــ ممممم ضابط بس شوي يبغى له تضييق حق يصير احسن ..
خذته ام علي تضيقه..
ومدة هي تضيقه.. قامت ليلى تجيب ضيافه ..
صارت تحوس في مطبخهم مهي عارفه ويش تحط..
حطت كيكه في صحن و سوت دلة شاي .. و انتبهت للساقو وحطته .. وراحت بالتبسي ..
صبت شاي .. ومدته على علا ..
علا ابتسمت : ــ بس مابغى.. مشكوره ..
ليلى بأبتسامه: ــ ويش دعوه .. دفي روحش في هالبرد..
علا ردت ليها الأبتسامه: ــ لا بس ما اشرب
<< كذابه .. مهي مشتهيه تشرب اصلا من بعد ما شافت الحاله والبيت .....
مدت ليلى استكانة الشاي على امل .. خذتها وصارت تشرب فيها..
شوي ليلى قربت صحن الكيك ليهم.. امل خذت قطعه..ومدته ليلى على علا .. :
امل : ــ علا .. اخذي لش كيكه..
علا بعفويه خفست وجهها : ــ لا .. بس .. مابغى..
ليلى انحرجت من الحركه و حطت الصحن ..
امل عارفه بنت اختها.. ونفسيتها .. الوضع ما عجبها فمستحيل تاكل شي او تشرب شي ...
غير ان علا كل شوي تتلفت بعفويه يمين وشمال ..
امل حست ان ليلى انحرجت من اسلوب علا ورفضها انها تشرب او تاكل أي شي من عندهم..
زينب كانت طول الوقت تطالع في علا .. وكلما طالعت فيها علا شالت عيونها عنها بالسرعه..
زينب في داخلها : ــ شكلها مغروره.. مابغى مابغى ولا تخفس وجهها بعد.... عدال..
ام علي لاهيه في المكينه تضيق الثوب ..
وشوي الا علا تصرخ وتنفض عباتها وتقوم..
ام علي وقفت عن الخياطه وهي مختلعه..: ــ خير .. ويش صاير..!!!
ليلى قامت تشوف ويش صاير..
علا بخوف : ــ مادري .. حسيت شي يمشي علي ..
ليلى : ــ وينا؟؟ ويشوو؟؟
وراحت مكان علا..
وصارت بأيدها تمسح عالفرش تبغى تشوف شي .. وتطالع بدقه..
شافت نمله.. جابت نشافه وشالتها,, وابتسمت :
ــ نمله..
علا هدأت وقعدت..
امل قامت تضحك:
ــ ما عليكم من علوه تسوي من الحبه قبه.. خوب نمله..
ليلى قامت تجيب لعلا ماي من بعد الخلعه..
جابت ليها الكاس..
علا : ــ لا بس ما ابغى..
ليلى تضايقت و في بالها: ــ ياعلي .. حتى الماي..!!

امل ما عجبها الوضع.. تبغى تسوي أي شي يحرك علا و يغير هالمعامله اللي مبين انها مهي عدله ابدا .. عالأقل تاكل لو شويه..
هي تعرف هالبيت .. صحيح على قد حاله ...
بس نظيفين بالمره وما عمرها اكلت لو شربت شي من عندهم واشتكت بعدين..
فويش تسوووي؟؟؟
.. قامت سوت روحها تحوس في شنطتها وكأنها تدور شي .. وهي كانت اساسا تكتب رساله بالجوال لعلا .. ولما خلصت طلعت نشاف .. على انها كانت تدور عليه وسكرت شنطتها
ليلى ابتسمت.. و قامت وجابت علبه وحطتها
ــ اسمحي لينا .. راح عن بالي اجيب نشاف
امل ابتسمت : ـــ ويش دعوه .. تسلمي غناتي..

الا صوت مسج.. علا طلعت جوالها.. لقت رساله من عند خالتها...
ــ علا غناتي.. عيب الناس نظيفين لا تحرجيهم.. اكلي من عندهم على ضمانتي..
علا حست بأحراج..
والتفت لأمل خالتها.. امل تسوي روحها ما هي منتبهه ليها .. وقاعده تسولف ويا ام علي ..
علا محتاره في عمرها .,, تحس روحها مهي عدله تصرفاتها.. بنفس الوقت ماعندها رغبه وهي مشتهيه..
مدت ايدها و نتفت قطعه صغيره من الكيكه.. وحطتها في بوزها..
وشوي مدت ايدها بعفويه وبسرعه عالنشاف ... خذت نشافه و طلعت الكيكه و لوتتها في ايدها..

ليلى انتبهت عالحركه.. لأنها اسااسا من مدت علا ايدها استانست وصارت تطالعها..
وبعفويه تامه.. وقفت و في قلبها غصه .. وصارت تقول وصوتها متكسر :
ــ نظيفين حنا على فكره..
وطلعت من الغرفه..
ام علي وقفت المكينه .. وطالعت في زينب ..
ــ ويش صاير !!

ليلى دخلت غرفتهم .. وريمو حاطه سماعات المسجل وماسكه كتاب يازعم تذاكر..
سكرت ليلى الباب وراها وراحت سريرها وقعدت ووجهها احمر ومعصبه وكأنها بتصيح..
زينب ما تدري ويش خلى ليلى تفجر هالجمله ... حركت كتوفها لعمتها بمعنى مادري ؟؟
وقامت لليلى..

ريما شالت السماعات: ــ ويش صاير ؟؟
ليلى تتنفس بسرعه.. الا بدخلة زينب ..
ريما : ــ زنبوه ويش صاير ؟؟
ــ سكتي مو وقتش..
ــ اهووووو كل مو وقتي ومو شغلي .. فارقو..
وحطت سماعه وحده في اذونها وانسدحت وعطتهم ظهرها..
زينب حوطت ليلى بذراعها:
ــ ويش فيش غناتي ولويه قلتي كذا..
ليلى ما تحملت.. صارت دموعها بعفويه تطيح وبصوت متكسر::
ــ كل شي بس ما بغى.. و تعابير وجهها تقهر .. كنها قاعده في زريبه .. وقرفانه .. كل هذا واني اسوي روحي ما اشوف شي .. وساكته.. تالي تاكل كيكه وتطلعها في نشافه .. ليش ..؟؟؟
لاعت شبدها.!!!. لو ما دخلت مزاجها..؟؟
عيني عينك.. حركتها تقهر..
زينب عورت قلبها بنت عمتها : ــ بس .. خلاص .. ماعليش منها غناتي.. خليها تولي..
ــ على شان هي بت اغنياء صرنا حنا الفقارى كخه.. لو ما اكلت احسن لينا وليها..
لا يجيها تسمم.. ولا قايمه تناقز لي وتصارخ على حساب نمله..
زينب تمسح على ظهر ليلى تهديها..
الا ريما دايره عليهم .. سمعت من الأذون اللي ماحطت عليها السماعه .. وصارت تضحك .. تضحك..
زينب فتحت عواينها : ــ على ويه تضحكي يالبايخه..!!
ــ هههههههههههه بلاها ما شافت الفار البارحي .. لو تدري به شكلها حتى على الفرشه ما بتقعد ههههههههه
زينب : ــ يؤ تشيه طلع ليكم فار ؟؟
ريما تدحن على سريرها ضحك : ــ ايه ههههههههههههه..
زينب ضحكت : ــ اسبوع الفيران العالمي .. حنا بعد من دي كم يوم طلع لينا .. لاعبه ابوي تليعب .. صغير مره ههههههههه.. لحقه ابوي و رمى عليه قوطي دهنه .. ونادى على امي ..
وصارت تمثل زي ابوها .. : ــ زهرااا .. جيبي خااشوووقه..
ليلى وريما صارو يضحكو..
زينب وهي ميته ضحك..
ــ وياخذ الملعقه ويصير يطق على قوطي الدهنه حد ماعنده .. طاخ طاخ طاخ..
ههههههههههههههههه سدح الفار مسكين خلاه يستجن من الأزعاج .. تالي جاب كيس ورماه .. موتنا ضحك ذاك اليوم..
ليلى وريما خلاص مو قادرين من الضحك..
شوي الا يسمعو صوت امل في الصاله... بيروحو..
وطلعة امل ..
ــ اسمحي لينا خالتي .. وامسحيها في وجهي .. مع السلامه
ام علي بأبتسامه:
ــ لا ويش دعوه.. حصل خير.. الله يسلمش
علا طلعت تركض ركبت السياره.. ورى ويا سجاد
امل ركبت قدام..
مالك : ــ هاا... وين الحين ناويين أي سوق ..؟؟
امل ما تبغى تفتح الموضوع قدام مالك سوت روحها مافي شي .. ودارت على علا :
ــ وين تقترحي نروح..؟؟
علا بهدوء وغصه:
ــ البيت..
امل : ــ ويش فيش .. لويه؟؟
ــ البيييت...
ــ ياساتر عليييش.. البيت البيت..
مالك : ــ ويش صاير ..؟؟
امل : ــ ولا شي .. خل السوق مره ثانيه..
ــ على خير..

وفي سوق السمك..
ــ قرررررب عالمييييييد.. قرقفااااااااااان.. شحااااااااااديييييييييد
علي يضحك : ــ حميدوه عورت راس العالم.. حراج السمك مسوي عمرك..
ــ كحح بح صوتي .. ويالله احد يجي .. كل العالم مسويه حالها .. هوامير و شعري وكنعد .. والصافي سيد السوق .. الله لك يا ميدي
ــ مالت عليك .. حتى سمكنا يبغوه للمشوي تمام.. صبر الحين يجوك شرايين لا تستعجل على رزقك...

شوي .. جى رجال لحميد .. وصار يقلب في السمك.. ويرفعه ويشمه..
حميد استفزته الحركه :
ــ ياخوك ويش تشم.. كله على بعضه سمش وزفر..!!
الرجال بنظره مهي لهناك : ــ فرضا معفن..!!
حميد عصبته النظره والجمله : ــ معفن وجهك.. طااااااازج توي صايدنه الصبح..
علي في باله : ــ اوووووه حميد ولسانه يللا عاد الله يستر
الرجال بقهر : ــ وجهي معفن.. ما معفن الا انت واشكالك..
ويرمي السمكه في الصينيه.. ويمشي
حميد يصفق كنه مصريه محمقه ...
ــ ايييييييه.. ريحتنا.. باللي ماايرد
علي : ــ ههههههههههههههههههه ويش فيك حميدوو .. هدي .. ياساتر عليك.. تالي قول ماحد يشتري..
حميد : ــ قهرني .. قهرني .. شراي كذا مابغى.. يولي .. قال معفن قال..
ــ ههههههههههه الله يهديك..

شوي الا بجية واحد لحميد .. وكان غريب على علي ما شافه في حياته.. وشكله ما عجب علي .. يحسه شبهات.. من حلقته ووشم على كتفه.. .. حميد من شافه ..
ــ هلاااا والله هلا فيك..
والتفت لعلي ..
ــ انتبه لصينيتي وبيع عني اذا جى احد.. شوي وباجيك..
علي بريبه : ــ وين رايح..؟؟
حميد وهو ماشي مع الرجال ..
ــ دقايق وراجع...


والى الملتقى..