ضعنا يا صبرنا...

[واحد فاضي]

رووووووووووووعه أقل ما توصف به

ترابط أطراف الرواية أو القصة

بداية موفقه وبالتأكيد ترابط ممتع يجذب القارئ

وتنقل الاحداث بين أطراف الرواية جداً رائع

أسأل الله العلي العظيم أن يوفقك وينولك مرادك

بحق محمد وآل محمد الطيبين الطاهرين

فمان الله

[Princess]

الحلقة 2..

ــ مين ؟؟ مين عند الباب
ماحد يجاوب والطق يزيد شوي ويشلخ الباب
.. ويفتح علي الباب
ويطيح عليهم عادل وهو يصارخ ويصيح... وكعادته من التأتأه الكلام مهو مفهوم بالمره..
ــ عبببااااسسووه.. ضرررب ضرربني .. برى .. آآآآه...
علي متصروع من حالته وخايف يجيه منه شي لأنه مجنون.. تباعد عنه ..
قام حميد له ومسكه من كتوفه وصار يهدي فيه..
ــ خلاص .. خلاص عادل .. خلاص... حجي عباس مو هنا.. خلاص ..
عادل يصيح وصياحه يخوف ويعور القلب ..
ــ طقنييي .. مابغاه ما احبه.. حميد خليني وياك.. مابغاااه..
حميد يضحك :
ــ ياخوك وين اخليك وياي انا يالله عايش .. هدي حبيبي هدي خلاص .. لويه طقك...؟؟؟ وبووويش طقك؟؟؟ ووين مانى شايف شي!!
عادل : ــ فففتحححت صندددقة الدجاج و طلعععو يتراااكضووو و فنتين طلعووو الشارع وضاعووو .. طققني باالعققااال ششوووف هنننا..
وفصخ عادل ثوبه ,, وكان ظهره متورم تووريم مو طبيعي ...
عادل .. : وطقققني بعد فييي ........... << طوووط محل افهموه عاد
تبغى اراوييييك؟؟؟
ومسك سير سرواله بيفصخ..
حميد : ــ لااااااااااا خلاص بسم الله عليك
عادل قام يصيح : ــ يعوووور هننناك مااقدررر اقعددد..
علي جته غصه وهو بس قاعد يتفرج عليهم
حميد ماقدر على دموع عادل .. صاير كبير رجال .. بس الله يخلف عليه..
لبسه ثوبه .. وحضنه وصار يخفف عنه..
عادل قام يضحك وفك الحضن عن حميد..
و ظل يضحك و يضحك... ويضرب برجوله عالأرض ..
علي خاف من الوضع صياح تالي ضحك .. وعادل رجال كبير في العشرينيات مو بعيده يسوي أي حركه تأذيهم والخلف على عقله..
حميد يضحك وياه : ــ على ويه الضحك هااا.. على ويه ؟؟؟
عادل يمسك خشمه : ــ أأضضحك عللى رررريحتك هههههههه زززفففر
حميد نقز : ــ أه هههههههههههههه صدق ملعون خامس جزاتي بعد حاضننك ..
ورفع بلوزته يشمها : ــ هههههههه اف ويلي ... يبغى لي تسبوح .. تالي في البحر الحين المطر غزير اخاف اغرق .. يلعن شكلك عادلوه ..
علي : ــ ههههههههههههههه ياربي حتى الميانين بيتعيلفو في ريحتنا ...
عادل هدأ من الضحك وصار يطالع في علي وقام يصارخ:
ــ أأنااا مووو ميينووون .. انت المييينووون .. انت زي عبباااسسوووه كل يقول لييي ميينننووون
حميد طالع في علي .. اللي كان مستغرب ..
قعد عادل وقام حميد زود ضوا الفنر (( الفانوس )) اللي بصندقته شوي و طلع قوطية حلوى بحرينيه وعطاه قطعه.. ..
حميد : ــ ايه ياعادلوه هالحلوى من نصيبك تذوقها.. عاد تدري بي ما احلي الا بها.. هاك بالعافيه..
عادل اخذ القطعه وصار ياكل ...
علي : ــ بل عليك مكحين للحين وياك ما طلعتها والحين طلعتها...
حميد : ــ ههههههههه مايفوتك شي .. نسيتها من شفت عادلوه ذكرتها لأنه يحبها.. هاك القوطيه كلها تفداك..
ـــ هههههههههه تسلم ما لي خلق اكل اصلا..
ــ مالت عليك ,, صدق نحيس ..
ــ هههههههههههه مو انحس منك..
عادل دخل بالعرض ..
ــ ريمووو اختتتك انحس مممنك..
علي فتح عواينه قد الفنجان.. وصار يطلع في عادل وحميد..
عادل ياكل بقايا الحلوى ويمص اصابيعه :
ــ أأأنااا ما احبببها كل من تشششوفني في الطريق تهههرب مننني كني شللب .. وااذااا رححت ببيييتكم ويا أأأمي وقعععدت عالباب وهي بتطلع كل تقققول لي وخخخر ياالللخبل...
علي ساكت و يبغى هالمجنون يسكت مو راضي ..
عادل يكمل : ــ حتتتى ما تتغطى مني هههههههههههه شفتها وهي طالعه .. إحححليييوه عدددل بسسس نحيييسسسه مااا احبببها...
علي دمه وصل لراسه.. شوي ويوصفها هالمجنون لحميد .. بس مو عارف ويش يسوي له... حميد حس عليه و حس انه لو عادل كمل هدره بيروح فيها من علي ..
حميد : ــ ههههه خلاص عادلوه استح,, عيب ..
عادل يضحك : ــ ههههههههه عطيني قطعه فانيه طشونه عاطني .. ما احبها ريموو..انا احببب ليلللى .. اطيييب وحددده في بيتكم علووه هي ويييااا ابوووك ..

علي خلاص عصب .. دار لليلى الحين ويقوم له.. ويمسكه من صدر ثوبه ويسحبه..
ــ وتاليتها وياك انت هااا !!! و الآخيرر؟؟
عادل : ــ وووويش سوويت انااا
حميد يفك علي عنه .. ويساسره
ــ علي الله يهديك مهو صاحي هذا ما عليه حرج لا تضربه حرام عليك ..
علي بعصبيه : ــ ماعليه حرج ماعليه .. قاعد يوصف حريمي ماعليه حرج!!! ...
عادل خاف من ردة فعل علي ..
حميد : ــ عادل خوش رجال ما يقصد .. عادل حبيبي ما يتكلمو عن النسوان ..
عادل : ــ انننا مااققلت شي .. و ليلى كككل امي تقووول انها بنيييه مررره اححلليييوه وطيييبه ماافففي زيييهااا,, وكككان زين الله يهدييييني وووييغييير حالللي و تخللليها مرررتي ..

علي خلاص طارت طيوره.. وهجووم على عادل .. ويتلقاه حميد ويمسكه ويصير يحاول يوخره.. طبعا علي حجمه اعرض من حميد.. حميد الميد .. اسم على مسمى .. من هالميد اللي يصيده ومن شكله ضعيف وطويل زيه تماما.. بالمقابل علي كأنه هاموره طويل وعريض ..
حميد خلاص صار لونه احمر كنه سحارة طماط..و شوي بيفطس .. وعلي يرفس وطفر نعاله يمين وشمال. عادل خاف وبيهرب برى ..
حميد يصرررخ : ــ خلالالالالالاااااااااااص ... علوووه خلاااااص .. اخزو بليس صندقتي ما تتحمل بتهدوها علييييييي
علي هدأ .. وقعد..
عادل فتح الباب بيهرب .. ويمسكه حميد ويهدي فيه هو الآخر ..
ــ ياربي .. عليك انت وياه.. خلاص عادل انت خوش رجال وقلنا لك عيب ما يتكلمو عن الحريم .. يللا روح تأسف من علي و حبه على راسه ولا تعيدها..
علي: ــ لا يحبني ولا يقربني فكوني ها...
عادل : ــ هااا شششفففته .. مااايحححبني ..
حميد طلع في علي وعطاه نظرات ترجي,, وصار يمسح على لحيته .. فوتها له هالمره..
علي ابتسم : ــ اففف انا لله خلاص مسامح..
عادل راح يركض لعلي .. علي اختلع من هالهجوم.. وقعد على ركبه ..
ويمسك عادل خدود علي بين ايده وكانت فيها اثر الحلوى برطوبه من اكله ويبووس جبهة علي ..
ــ ااسسسسمح للييي ما بعيييدها
علي فيه الضحكه وشبده لاعت .. صار يمسح اللفد اللي على وجهه...
حميد يضحك ويضحك ما سكت..
وصار يسخر عليه: ــ ههههههههههههههه لا تبطح الحين لا ياكل النمل خدودك ههههههههههههههه...
وعلي يطالعه على جنب بنظرات سخريه وقهر.. وعادل يصفق ويضحك...

وفي بيت حجي عباس ..
ام عادل وهي تصيح :: ــ ياحجي حرام عليك ,, خليت ولدي يهج في هالبرد .. وين بيرووح الحين
حجي عباس : ــ وينا بيروح يعني .. خله يهايت في الطرقات ياعساه خناقه..
ــ ويلي على ولدي ماني اني ماقدر اقعد باقوم ادوره
ــ ان طلعتي لا تعودي .. لا بغى اشوف لا رقعتش ولا رقعته.... من اخذتش وانا مبتلش في حياتي ...

تابع >>

[Princess]

ام عادل مغلوبه على عمرها.. ماليها اهل الا خوال واعمام .. وكلهم لاهيين مع اهلهم .. وما بغو من الله يعرس عليها حجي عباس ويفكهم منها ومن خبال ولدها..
تعبت في دنياها وايد .. زوجها ابو عادل كان يشتغل سواق تاكسي .. وصابه حادث ومات وهي حامل بعادل.. ويوم جابت ولدها الكل قال انه مو طبيعي ولا احد تكفل برعايته وياها .. ما كان ليها الا امها وعاشت وياها فتره طويله على الله ومعاش الشؤون.. لين الله اخذ امانتها وظلت وحيده..
خوالها وعمومها خايفين كلام الناس اللي اكل وجههم وين ما يطلعو هدرو عليهم مخليين ارمله لحالها في بيت ويا ولدها المجنون...

صارت تتنقل من واحد لواحد .. وكل واحد حصلت منه ومن مرته وولاده عذاب شكل.. لين الله جاب حجي عباس ليها.. ومع انها كانت متأكده انها بتتعذب وياه بعد من بخله وجلافته .. بس قالت يستر عليها احسن ليها من هالمذله بين اهلها...



سالت الدمعه على خد ام عادل وبصوت مبحوح:
ــ ياحجي .. انت تخاف ربك ومصلي وصايم. و زاير بيت الله.... داخله عليك باللهومحمد وعلي خليني اشوف ضناي وينا راح حرام اخليه في هالبرد والمطر..
حجي عباس حزت في نفسه كلمة ضناي .. وتذكر حالته الميئوس منها ,, وبكبرياء ..
ــ ذلفي دوريه لا بارك الله لا فيش ولا فيه..
ولبست ام عادل عباتها وخذت كيس كبير غطت فيه راسها وطلعت..

واول محاطت التدوير كانت بيت ابو علي .. تدري به هو يحب ابو علي وليلى اكيد راح ليهم.. وصلت عند باب بيت ابو علي وهي مستحيه .. الساعه قريب توصل 1 الفجر .. والفريق صخه هدوووء ولا حس .. انتبهت للنافذه لقتها مضويه.. تشجعت وقالت قاعدين عفر .. وطقت باب الحديد...

صوت باب الحديد وهو ينطق شلع قلب ام علي شلاع .. قامت تركض وقامت وراها ليلى..
كانت تفكر هذا ولدها علي ..
ــ مييين...
ــ قواش الله ام علي ..
ام علي عرفتها من صوتها .. وخابت امالها .. بنفس الوقت اختلعت.. وفتحت الباب ليها..
ـــ الله يقويش ام عادل .. حياش ..تفضلي
ام عادل مستحيه:
ــ زاد فضلش وحياش ربي .. لا .. خيتي مره فانيه مستعجله الحين .. ادور عادل.. ما جى ليكم..؟؟؟
ام علي مستغربه: ــ لأ ولا شفناه.. خير ان شالله
ام عادل ودموعها تصب : ــ انحاش من البيت ولا ادري وينا راح قلت عفر جى ليكم.. اسمحي لي عاد .. ازعجتكم... باروح ادوره في مكان فاني .. مع السلامه..
ــ الله يكون بعونش.. ومسامحه غناتي حنا قاعدين عادي.. حياش الله..
وسكرت الباب.. وهي تدعي ليها بطولة البال والهدايه لولدها...

ام عادل صارت تكمل تدوير .. راحت جهة البقاله اللي كل يروح ليها..
راحت الميدان (( براحه كبيره يلعبو فيها الصبيان ))
ما حصلته.. اخيرا خطر على بالها صندقة حميد.. وصارت تمشي ليها..


سجاد قعد من نومه .. مختلع وصار يصيح.. نزل من سريره وصار يزحف عطشان يبغى ماي...
ابوه دوامه آخر ليل.. وامه كانت قاعده على كرسي جنب النافذه,, وتقرأ قرآن..
سمعته وهو يصيح.. وقامت والتفت وراها .. وراحت له تركض ..
ــ امي بسم الله عليك..
ــ اماه ,,انا خايف ..
ــ لا تخاف امي اني وياك...
ــ حلمت حلمه تخوف ...
صارت امل تمسح على راس ولدها وتصلي على محمد وآل محمد..
ــ اعوذ بالله من بليس .. بسم الله على عمرك..
وعلى طول دفعت دافعة بلا..
متعوده على سجاد ,, اغلب الأوقات يفزع من نومه .. يحلم احلام غريبه ويقعد مختلع وكل ينساها..
حملته .. وشربته ماي بترجعه سريره ما رضى ..
ــ اماه مافيني نوم.. بنتظر ابوي يرجع من العمل..
ــ امي نام الحين وبكره الصبح اذا قعدت بتشوفه..
ــ مااافيني اماااه. .. عااد,, بقعد وياش جنب النافذه,, باشوف المطرر..
خذته وقعدته في حضنها.. وصارت تقرأ في القرآن.. وشوي صارت برقه قويه وتبعتها رعده اقوى ..
وصرخ سجاد مختلع..
امل : ــ بسم الله على عمرك الرحمن الرحيم..
سجاد ينخش في حضن امه :
ــ يخووف امااه.. متى يوقف المطرر مابغاااه..
ــ هههههههه لا تخاف امي.. ولويه تبغاه يوقف .. المطر خير من الله .. ويجيب الخير..
ــ وااايد يطيح ..
ــ ايه ياولدي الحمدلله.. تعال باعلمك.. تبغى الله يحبك ويصير عندك اعمال زينه وااايد و تدخلك الجنه ان شالله..
سجاد فتح عيونه و ابتسم بحماس : ــ ايييه
امل : ــ ياغناتي هالولد.. اذا طاح المطر .. اقرأ سورة الطارق تصير لك حسنات بعدد ماي المطر ..
ــ مااعرف سورة الطارق..
ــ يللا بقراها وياك.. بسم الله الرحمن الرحيم....
وصارت امل تقرأ سورة الطارق وسجاد يردد وراها..


علا تتقلب على سريرها تحاول تنام.. النوم مجافيها.. تحس بملل شديد مهي عارفه ويش تسوي.. رنت رنه على خالتها امل..
سجاد سمع النغمه..
ــ هاااذي خالتي علااا << يسميها خالتي بحكم انها كل ويا امه..
امل : ــ ههههههه فديتك عرفتها من النغمه..
واتصلت فيها..
علا : ــ اهلين .. عسى مو نايمه..؟؟
ــ لا قاعدين في هالمطر .. نقرأ سورة الطارق..
ــ صح ذكرتيني اقراها.. جزاش الله خير..
ــ ويجزاش ان شالله.. ممم.. لويه مانمتي للحين..
ــ ضايق بالي ..
ــ من ويه؟؟ خير ان شالله؟؟
علا وشوي تصيح:
ــ من مالكوه..
ــ ياعلي وهذا بالش ما يضيق الا منه.. ويش مسوي هالمره..
ــ تخيلي يبغى 2000 ريال
ــ لويه يبغاهم..؟؟؟ وويش فيها لو طلبهم..!!
ــ يبغاهم حق عشا لأربعة انفار .. ويشو ويش فيها .. راتب واحد على قد حاله يكرف ليل ونهار يجي هذا يصرفه في عشا.. وهو مقضي فلوسه سرف وسهر في هالمزارع على شلة هالخمه اللي وياه.. ما يحس بالنعمه ولا يقدر ..
امل ابتسمت : ــ اللي يعجبني فيش ياغناتي تفكيرش الناضج. رحمة الله عليش يا اختي خلفتي وما متي .. امش الخالق الناطق قلبا وقالبا,,. الله يهدي اخوش ويغير حاله ويصبرش .. طنشي فديتش منتين مستفيده شي من حرقة هالأعصاب ,, ابوش وبيعطيه معروفه.. وسميروه ما بتقصر لا بتنصحه ولا شي .. ويش لش بحرقة القلب..
ــ بيخترب كذا..
ــ وويش بيدش تسوي .. الله يعين اللي بتاخذه ويا بخت اللي بياخذش
ــ ههههههههه عكستي .. يابخت اللي بياخذها .. والله يعين اللي بياخذني ,,
ــ ياعلي لويه هالقول..
ــ سوي روحش ما تدري ..
ــ ياعلي عليش .. داريه فديتش .. داريه ابوش رفض 3 متقدمين لش للحين والحجه مو على مستواكم المادي.. واخوش داريه نص بنات الديره يتحلمو به.. بس الله اللي يكتب النصيب ويقدره ويش راح يكون.. اخزي بليس ونامي بس .. وخلش من مالكوه وسوالف مالكوه..
ــ ان شالله..
ــ ايه باقول لش.. باقي اسبوع على عرس حماتي جمانه .. شكلي باكلم مالكوه بكره يطلعنا السوق بخلص كم حاجه.. و بنمر للخياطه ام علي باشوف ثوبي خلص لو لا..
ــ منهي دي ام علي..؟؟
ــ ما تعرفيهم؟؟ في الفريق الشمالي قريب البحر بيت حسن الـ ..
ــ ممممم مادري كأنه مر علي هاللقب..
ــ بكره اروح وياش .. تصدقي عندها بنات في عمرش الكبيره قدش وزي العسل اخلاق . اسمها ليلى,, نروح بكره اشوف ثوبي وشوفيهم..
ــ هههههههههههه
ــ على ويه تضحكي..!!
ــ حشا بنروح نخطب مو نشوف ثوب ..
ــ ههههههههههههه غربل الله شرش ..
ــ ماني استحي ..
ــ لا تستحي ولا شي ,, غيري جو عن هالكتمه اللي عايشتنها..
ــ زين .. تسلمي غناتي من اكلمش يتغير حالي الله لا يحرمني منش ..
ــ ولا يحرمني منش ,, يللا استهدي بالله وصلي على محمد ونامي..
ــ ان شالله ,, مع السلامه
ــ الله يسلمش..

حطت جوالها عالطاوله وتلحفت بغطاها .. وصارت تحاول تتذكر هالأسم ..
ليلى حسن الـ....
تحسه مر عليها ايام ابتدائي او متوسط بس مهي ذاكره...
ونامت وهي تحاول تتذكر..

تابع>>