ضعنا يا صبرنا...

[Princess]

الحلقة الثانية عشره...


وظل حميد سهران يقلب افكاره.. ويش ممكن يسوي علي ..؟؟
وكيف راح يمشي الوضع بعد ما طلعوه...!!

وبعد يومين...

طفش علي من قعدته في البيت... حابس روحه حق تهدأ اعصابه ولا يطلع ويشوف حميد و يصير شي...
قرر يروح يحدق ولا عليه من حميد ولا بيكلمه...

وطلع الصبح للحداق... وصل البحر لقى حميد قاعد عالساحل يعدل شبك مخترب ...
من شاف علي ... طاح وجهه .. صار له فتره ما حدق .. والطراد لعلي و هو ما يعرف له... صار يحاول يداري ردة فعله و يسوي روحه ما يشوفه..

علي هو الآخر ..ولا كأنه يشوفه .. ركب طراده .. ونزل البحر و صار يحدق...
حميد يراقب في علي عن بعد .. وفي باله..
ــ يالله .. لا شابقني .. ولا عاتبني .. ولا حتى سلم علي... ولا حتى قال لي قوم وياي ...خخخخخخ ليش؟؟؟ استاهل انا؟؟؟ جزاتي على فعلتي فيه.. ماشفت بحياتي زيه... الله يستر منه...

وطلع علي من البحر .. وشال براداته و قبل لا يركب السياره التفت لحميد:
ــ اقوول.. اذا عندك شي بعد اكو الطراد ادعسه فيه بس حاول ما يكون نفس المكان.. مابغى اصير حرامي وغبي بعد..

حميد ترك اللي في ايده.. وصار يطالع في علي بنظرات مفهيه..

العصر علي في السوق ,,.. الا يصادف حجي عباس..
عباس وهو يقلب في سمك علي..
ــ هااا.. اجل طلعووك؟؟
علي صار يطالع في عباس ... وفي باله:
ــ يالله انتشر الخبر....!!
حجي عباس وهو يشيل ويحط :
ــ هالشغله ما تأكلك عيش يعني وقمت تشتغل غيرها!! ...
علي صار يطالع فيه ,, وسااااكت..
الحجي بعد تقليب وتفحص وهدره ترفع الضغط : ــ عطيني كيلو و نص ميد ..
علي صار يكيل له السمك..
خذه الحجي .. وعطاه ثمنه وقال له:
ــ مره فانيه .. الواحد يقنع برزقه .. ولا يتعدى على حقوق الناس .. على شان الله يبارك فيه..
علي جاه الكلام زي السهام... ما تحمل ... و رد على الحجي:
ــ الله وحده اللي يعلم بحالي واللي بيطلع الحقيقه..
حجي عباس : ـ ايه.. زين...الله كريم..
ومشى عنه...
علي في باله... لو فيك خير رحمت مرتك وولدها والناس .. بدل لا تعطيني نصايح وتتشطر علي... كيلو و نص !!!
بخخخل ,, استغفررر الله ربي...


اشرف كلم ابوه من فتره بخصوص جاسم... و قال له ابوه...
بما انك قعدت ويا حجي ابو جاسم.. و انت اللي ذكرتني .. روح وبشره يقدر ولده جاسم يشتغل سيكورتي ( موظف أمن ) في السوبر ماركت حقتنا...

اشرف فرح.. وقرر يقول لأبو جاسم.. بس يوم شاف حالتهم مع سالفة علي سكت وقال لوقت ثاني ... ولما علي طلع بالسلامه...
راح بيت ابو جاسم...
طق الباب... وزينب كانت لابسه عباتها بتطلع بتروح بيت عمتها..
ماليها باله .. وقفت ورى الباب...
ــ ميين؟؟
ــ اشرف..
زينب ما سمعته:
ــ ميييييييين؟؟؟
اشرف ابتسم :
ــ اشرررف...
زينب هالمره ما عرفته مين اشرف ؟؟.. بعفويه تامه ردت وقالت:
ــ ميين؟؟
اشرف خلاص فيه الضحكه.. قرب بوزه من بابهم..
ــ اشررررف عبدالله آل ....
زينب انصرعت الصوت قريب وهي مقربه اذونها للباب.. و استوعبت الموضوع.. واختصرت..
ــ ابوي مو هنا.. في الزراعه...
اشرف ابتسم : ــ زين .. مع السلامه..

زينب تغطت وعدلت عمرها .. وهي تهربد ويا روحها :
ــ الله يسلمك يللا حرك عن الباب بطلع...
مهلت شووي.. وطلعت ...
اشرف في سيارته .. لمحها وهي طالعه من البيت.. شافت اشرف قريب بيتهم في السياره .. عرفته .. وفي بالها..
ــ يوو هذا اللي كلما طفر لي عادلوه طلع له ..
وعبرت جنب السياره ومشيت..
اشرف في باله : ــ ههههههههههه بتطلع كانت .. زاده خوبلتني ماليها باله..

الا بعادلوه جاي من بعيد..
زينب في بالها
ــ اوهووووووو واني ما اطلع الا يصادفني هالخبل .. انا لله..

وغيرت طريقها لا يلحقها
الا بصرخته,,
ـــ وققققققفي ....
زينب :
ــ يمااااااه,,,
و تصروعت كالعاده وهالمره خلاص صارت تصيح قهر ... وتمشي بسرعه وهي تهربد ويا روحها:
ــ الله مسلطنك علي .. حسبي الله عليك من رجال ...
وعادل وراها..
اشرف كان ساعتها يكلم جوال:
ــ باي باي اكلمك بعدين..
سكر الجوال بسرعه وفتح باب السياره... وزينب كانت بتعبر من جهة باب اشرف كانت الأرض يابسه .. لأن الجهه الثانيه فيها ماي ....
بس من شافت باب السياره انفتح فجأه واشرف ينزل ويصرخ ينادي على عادل...

شهقت شهقه قويه ورجعت على ورا وراحت بتعبر من جهة الماي ..
اشرف انحرج حس روحه صروعها فعلا .. تنحنح..
ــ احم.. يالله .. يالله .. تفضلو ..
.. ومشى بسرعه ناحية عادل ووسع ليها مجال تعبر .. ورجعت تركض تعبر لا تتبلل عباتها وثيابها بالماي..
اشرف مسك عادل ..
ــ وتاليتها وياك؟؟؟ هااااا...؟؟؟!! كل مره اصيدك تلاحق وحده!!
ــ ووووالله ما لااااحقت احححد الاااا زييينب...
ــ في عينك.. عييييييييب.. استحي على وجهك.. رجال انت كبير...
ــ مااااسسسووويت شششي....
ــ تعال تعال.. اركب باوصلك بيتكم..
ــ ما برررروح
ــ لا اجل تقعد تخوبل الرايح والجاي..؟!!!
ــ خخخلاااااص ما بخوووبببل احد...
ــ..وامش اركب وياي السياره باوصلك بيتكم اسمع الكلام يللا
ــ زين بس مااابغى بييتتتنا يزههقني عببباااسسوه ويطقققني وديييني البحررر
ـــ زين اوديك بس بشرط ..ما تلاحق النسواان فاهم
ـــ هههههههههههههه ويش فيييك انت اقووول لك ما الاحححق الا زنبببوه

و ركبو السياره..

تابع<<

[Princess]

اما زينب فمن الخلعات اللي انتابتها رجعت البيت
دخلت وكفخت الباب ودخلت الحوش وهي محمقه::
ام جاسم : ــ بسم الله الرحمن .. مو توش رايحه بيت عمتش ويش اللي عودش.؟؟.
زينب و عيونها حمرا بتصيح:
ــ عادلوه.. زفتوه.. فاضحني في الفريق فضيحه ما تسوى علي شوفته لي داك اليوم
ــ وعلى قلبي .. غربله الله هالخبل غرباله.. قايله لش خبل قلتي مافيه شي عاقل ويفهم..
ــ حريقه .. ايه عاقل .. اقول لش فاااااضحني.. ولا عاد عند اشرف..
ــ اشرف ولد جيرانا.. عبدالله آل .... لو غيره؟؟
ــ ولد جيرانا عبدالله آل .. ,, ليش في غيره اشرف في الفريق ؟؟؟
ــ ايه ولد ام فتحي بس صغير توه يمشي ..
ــ امااااااااه .. ناقصه اني خوبال.. اقول لش فاضحني ولا عاد عند اشرف تقولي لي اشرف ولد ام فتحي .. تهي تهي .. ياربي ..
ــ هههههههههههه اهوو عن الدلاعه... لويه ويش مسوي عادلوه بعد ؟؟؟..
ــ كم مره طفره اشرف عن دربي .. ما اطلع الا هم ثنينهم في وجهي واحد يخوبلني وواحد يطفره.. واني اطفر من الخلعات.. ناقصتنهم اني..
ــ زين فيه الخير يطفره عنش..
ــ الله يستر كان ما وصفني له من خناقه..
ــ تتوقعي يسويها..؟؟ حسبي الله عليه من ولد اذا صدق ... باجر باكلم امه .. تأدبه..وعلى عمر العدو..عاد قادره هي على حجي عباس حق تقدر على ولدها الخبل .. ايييه يا بتي اصبري بس اصبري
ــ اصبر .. لين ينشهر بي من تحت راس عادلوه.. لا بالله مافيني صبر ...
ــ قلتي لي اشرف ولد عبدالله..؟؟
ــ ايه ., ويش فيه؟؟
ام جاسم بطريقه تمني .. وبهمس
ــ ايه.. الله يكتب الخيرمن ورى هالخلعات ....
زينب فتحت عيونها :
ــ اماااااااااه ويش تقووووولي ...؟؟؟
ــ ههههههههههه علي ياعلي .. ماشي ..
ــ ايه .. حسبالي...

وفي السياره..

اشرف بعفويه : ــ لويه يعني ؟؟ شمعنى هي ؟؟
ــ لأننها طيببه .. وووو احححليييوه
اشرف ضحك ومسك اذون عادل :
ــ استح .. عييييييييب .. فضحت البنيه ما قصررت فيها.. ويش عرفك بها ووين شايفنها..؟؟؟
ــ آآآآي آآآه لا تمصع اددووووني واعلللمك بالسسسالفه
اشرف قال في باله خلني اسمع سالفته هالخبل لا اظن في البنيه ظن سوء غصبن عني..
ــ ها قول يالله.. تركناك..
ــ ههههههههه هاااداا من زمممااان ررحتت ويياا امي بيتهم .. مو بيييت امي يعني بييت زييينب ,, فهمت علي لا تخخخررربط بعد لووو شي ترررى مااانى عاااايييد
ــ ههههههههههه ياربي عليك فهمنا,,, ما اقدر على اللي ما يعيد .. كمل...
ــ دخلوووني اقععد في الحوووش عن بررى الطرريق واممي دخخلت ويااا ام جااسم داخخخل سوااالف حررريم ماادرري ويش يسووو.. وعييب اقعد ويااهم... و زنبببوه..
ــ عيب يا رجال ويش قلنا ... لا تقول زنبووه..
عادل مسوي روحه شخصيه:
ــ لااااتققاااططعنيي لااا ما بكمممل الساااالففه..
ــ هههههههههه لا بالله انا اللي بفلعه هذا.. كمل بس نشوف آخرتها وياك ...
ــ ايه.. وويناا وصصصلت .. نسسسيت...
ــ امك وام جاسم يسوولفو و زينب .. تالي ويش فيها زينب؟؟
ــ ايه .. و كان الجو مسمش ..
ــ ههههههههههههه الجو ويه.. مسمش .. هههههههههههههه من وين دي بعد هالكلمه.. مشمس حبيبي مشمس مو مسمش.. ومن وين جايبنها هههههههه
ــ اهووو ويش دررراني في التلفزيووون يقولو كدددا.. يععني في شمممس قوووويه
ــ هههههههههههه ايه افندينا وبعدين...
ــ وزييينب ماهي في البببيييت ,, ششوووي رجعتت ودخلللت تركض وشكلها فااطسه من الشممس هي داااخله ما تدررري بي في الحوووش كنننت قاعدد في زاااوييه ويااا الدجاجاااات
ــ ههههههههههههههههه لويه ...؟؟ تحرسهم؟؟
ــ لاااااااا.. احبببهم...
ــ زين وبعدين ؟؟
ــ ههههههههه دخللت وهي مااتدددري وشااالت عباتها و بوووشيتهااا انااا شفففتها وسكتت وهيي ما شااافتتتني ... وررراحت لأممها ويا امممي وشافووها مفصصصخه
اشرف ما تحمل : ــ ههههههههههههههههههههههه غرباااااااال يغربلك .. مفصخه وييييييه...!!!!!!!
ــ هاااا .. يعععني ما علييييها عبااااااااه..
ــ هههههههههههههه حتى اختيارك للكلام عجيب .. خلف الله عليك...
ــ تتتتلعب علي.. خخخلاص مااابكمممل القصصصه..
وتكتف ومد برطمه .. يازعم زعلان..!!

اشرف مو قادر فيه ضحك.. صار يدلدغ فيه..
ــ خلاص لا تزعل.. امزح وياك..
ــ ههههههههه لا تدللللللدغ خلالالااااص...

ومشى اشرف بالسياره.... سكتو شوي ورجع عادل يهربد..
ــ ايييه بااكككمل السسسااالللفه..
اشرف ابتسم : ــ بتكمل..... كمل..
ــ ورررراحت لأمممي وأممها .. قااالت امممهااا .. ان شششاااالله فصصصختي عبباااتش في الحوووش؟؟؟
قالت زيينب ايه تششيييه كل مرره وييينا افصخهااا...!!
قاممت امممي تضضحك وقااالت عععادلوووه وللدي هناااك ما شفتتتيه؟؟؟
قاااالت ززينب لأاا.. امممي انصرررعت فكككرتتني انحشششت.,, طلللعت بسسرعه الححووش هيي وياا زييينب وامهاا..وصااارت تطااالع فووين ... الاااا الديش حقهم يصرررخ كااااااااااااااااااك.... امي شافتني وووقاااالت اشششوى ما انححاااش اكووو.. واانااا افاااغص في ديييشهم...
ــ هااا هههههههههههههههههههه اجل ذبحته ورملت الدجاجات
ــ ههههههههههههههه ايه..................يعععني ويييه رممملت الدجااجات..
ــ هههههههههههههههههه اجل على ويه.. إيه.... ولا شي خلاص هههههههههههه,,,
ــ ايييه دبححححته... بسسس مااماااات..
ــ هههههههههههههه ياربي ..
ــ ههههههههههههههه تتتااالي زنببوه لما شااافتني صفففقت صدرررها و قاالت
يووو... وررراحت تررركض غرررفتها... وقققامت تصصصيح...
ههههههههههه اممي قااالت ليهااا لا تصصييحي ولدددي ما عللليه شررهه..
ــ أي والله ماعليك شرهه.. هههههههههههه
ــ عللللللي شررررهه الحين تشيه مااااتششششووووف؟؟؟؟؟؟؟؟؟؟
اشرف انصرع : ــ ههههههههه اشوف ويه..؟؟
عادل يرفع بلوزته : ــ الشرهه هاا بعععد... لونها زرقا ....
ــ هههههههههههههههههههههههه صارت البلوزه شرهه
ــ امي اللي تقوول دااك اليوم لمماا سالتها يعننني ويه شرهه قالت بللوزه وانا ككككان علي ثوووب لما شفففت زنبوه
ــ ههههههههههههههههه خلاص اسكت.. تكفى .. لا اسوي بك حادث..
ــ يماااه خلااااصصص بسسسكت ..لا نتشفففخ
خمس دقايق ونطق عادل..
ــ احللليوه بيضضاا و عيووونههها كبييره
اشرف فتح عيونه:
ــ عادلوه.. عييييييييييييييييب ..
ــ زين خلاص خلاص..

مهل شوي ورجع نطق
ــ شعرررها نااااعم..
اشرف طالع في عادل وبعصبيه:
ــ وبعدين وياك.. حرااام بتروووح النااار...
ولا ينتبه اشرف الا ياهل يركض بيعبر ..
ويضرب بريك ..ححححححححح..
بييييييييييييييييييييييييب
ويطفر عادل ويطيح على ارضية السياره..
اشرف يصرخ عليه:
ــ شفت لأنك تلاحق الحررريم وتوووصفهم بغينا نسوي حادث ونمووت.. حررررراااااااااااااااام.....
عادل وشوي بيصيح : ــ والله.. ووووالله ما اعييييددددها...
وحط ايده على بوزه طول الطريق لييين وصل البحر

.. نزل من السياره وهو لسا حاط ايده على بوزه .. واشر بأيده مع السلامه.. وسكر الباب..

اشرف : ــ هههههههه غربلك الله يابو شرهه زرقا..


...

سجاد: ــ اماااه ابووي صار زيي رجوله منكسره..؟؟
ــ لا امي .. كم يوم بس و تصير عدله...
ــ هو كان عدله تالي انكسرت وبتصير عدله مره تانيه.. يعني انا الحين منكسره بتصير تالي عدله وبترجع تنكسر مره تانيه؟؟
ــ لا بسم الله عليك امي... تعتدل ان شالله على طول...
ــ امااه .. كنت افكرر لول كيفا اصلي اذا تعلمت الصلااه.. الحين عرفت من ابووي..
ــ فديتك ياعمري .. جعلك الله من المصلين..
كان حسين يصلي على طاوله وكرسي .. لأنه ما يقدر من رجوله المكسوره يركع ويسجد...

سجاد يصفق وينشد:
ــ صوت الأذان يرن بالمسامع روح المعاني بساجداً وراكع ,, نعوذ بالأله من تارك الصلاة...
وصارت تنشد وياه ...

تابع<<

[Princess]

علا كانت قاعده في زراعتهم اللي في البيت... بلاب توبها...
جتها عمتها سميره...
ــ ويش تسوي؟؟
ــ افرفر في المواقع..
ــ مواقع ويش؟؟
ــ ازياء .. فنون.. ديكور ..
سميرة ببرود وكنها مهي مصدقه:
ــ ازيااااء .. وفنووون..
علا رفعت لاب توبها وفرته عليها..
ــ شوفي...
سميره : ــ زين خلاص.. المهم اتصل ابوش العصر وانتين نايمه .. ويسلم عليكم.. يقول احتمال قبل العيد بكم يوم يرجع..
ــ والله.. تمام.. وحشنا وايد..
ــ متى بتنامي؟؟
ــ اذا نعست...
ــ زين قومي داخل .. بنقفل الباب..
ــ اني باقفله اذا قمت.. حليو الهوا بقعد شوي..
ــ لا ما تقعدي ... قومي الحين يمكن تنسيه..
ــ ما بنساه..
ــ علااا..
قامت علا وهي محمقه وفي بالها::
ــ حكم قرقووووش..
وركبت وهي فيها غصه..
ــ مالكوه لآخر للفجر سهر برى واني كم ساعه في حوشنا مافي...

ليلى كانت تكنس الصاله. بعد العشا... وريما ماسكه كتاب وقلم تشخبط فيه و متملله تذاكر... ماباقي شي على اختبارات الثانويه العامه وهي لا تعب ولا هم يحزنون...

الا تلفونهم يرن ..
طفت ليلى المكنسه.. وردت عليه..
ــ الو..
ــ السلام عليكم ورحمة الله...
ــ عليكم السلام..
ــ هذا بيت علي حسن آل ...
ــ ايه..
ــ وين علي الله يسلمك؟؟
ــ لحظه...

ليلى اول مره يمر عليها هالصوت وهاللهجه..
نادت علي كان منسدح في المجلس يقرأ كتاب...

ــ علي..
ــ نعم..
ــ واحد يبغاك في التلفون..
ــ مين ؟؟
ــ مادري !!

رد علي على المكالمه..
ــ مرحبا
ــ ياهلا ,, الأخ علي؟؟
ــ ايه نعم انا علي
ــ لو سمحت بكره الصباح تشرفنا القسم طالبينك ضروري ...
علي بنبرة متكسره...
ــ ان شالله.. خير ان شالله


سكر التلفون.. ليلى لاحظت على اخوها التعب...
ــ مين.؟؟؟ وويش صاير؟؟؟
علي يهمس ليها..: ــ لا يسمعو امي وابوي... هذيلا القسم يبغوني بكره..
ليلى ضربت صدرها:
ــ ويش يبغووو فيك.؟؟
ــ اشششش,, لا تخافي ولا تسمع امي ولا تنام الليله وتصير تصيح.. بس بيكملو تحقيق .. كم سؤال وبطلع ان شالله..
ــ ان شالله.. عساه خير
ــ يللا باروح انام .. تصبحي على خير
ــ وانت من اهله..

ريما :
ــ وِت وِت وِت وِت.. كل يوتوتو.. ويتهامسو .. اسرااار
ليلى : ــ اسرار وجهش..
ــ يبااا شفت ما كنهم خواني كل عندهم اسرار وسوالف واني برى ..
ابو علي فيه النوم:
ــ ما توبي انتين لو بتوبي ...
ويتثاوب حد ما عنده ... وهو يكمل كلامه..
ــ تبتي... اقوم انام.. تصبحو على خير
ريما : ــ خخخخخ ذكور هالبيت زي الدجاج ينامو من بدري..
ليلى : ــ الساعه 10 الحين .. زين وقت النومه.. دجاج ولا بومه...
ــ ويش قصدش هاا .. ويش قصدش..؟؟
ــ اهووو سكتي....
ــ اقوم غرفتنا احسن لي..
ــ ايه قومي لمسجلش الصنم احسن لش...
وكفخت ريما الباب..
وشالت ليلى المكنسه .. وراحت تقعد ويا امها شوي وهي تخيط
ام علي : ــ نام ابوش..؟؟
ــ ايه .. وعلي بعد...
ــ زين..

ليلى انسدحت على جنب ...
ام علي طلعت من الكبت قطعه حمرا..
ــ ويش رايش بها ..؟؟
ــ الله حليو لونها... وخامها بعد..
ــ من عند جارتنا جايبه امتار وايد لبناتها التوأم تبغاني افصل ليهم فساتين عرس ,, عندهم عرس قبل عيد الأضحى.. فصلتهم وبقى 3 امتار قالت لي اخذهم... ويش رايش اسوي لش قميص بهم.. للعيد ؟؟
ليلى ابتسمت : ــ كل شي منش حليو ربي لا يحرمني منش ..
ــ يا بعد ابوي ولا يحرمني منش ..
ــ بس ريموه.. ما بتعترض ؟؟
ــ ريموه ما يعجبها العجب .. خلها تاخذ اللي تاخذه للعيد .. ربش يفرجها بس..
ليلى : ــ يارب...

وبين ما ام علي تخيط...
انكسرت ابراة المكينه...

الى الملتقى...

[دمعة على السطور]

البارت روووووووووووووووووعة
بصراحة كل يوم اتعلق أكثر بهالقصة وبأبطالها
بس اليوم ضحكت عدل ههههههههههههههههههههههههههههههه
ههههههههههههههههههههههه
على عااااااااااااادلووووووووووووة موتني ضحك
هههههههههههههههههههههههههه
مابقى شي من البنية ماوصفه


بانتظار الغد بكل شووووووووووووووووووووق
موفقة لكل خير إن شاء الله تعالى..
..دمتي بعين المولى الجليل..

[MOONY]

ربي يعطيك ِ العافيه
بجد حلووه
وممتعه بنتظار البقيه
تحياتي

[جـــــوان]

مسكينة زينب
عادلوه مغربلنها تغربل


بس لا يآخذها اشرف عن علي

[عوامية صفوانية]

هههههه
عااادللللللوووه ه ه ما قصر وصف زينب عدل هههه

ان شاء الله ما يوقفوا علي مرة ثانية عند الشرطة الله يحفظه من كل شر



و لكن عندي تعليق ...
على بين ما أم علي تخيط انكسرت ابرة المكينة

(( كسر الإبرة عند الخياطة بها يدل على فراق ووداع شخص ))
الله يعين ام علي ويصبرها

من كتاب < كشف المكتوم > في دلالات حوادث الإنسان

تقبلو تحياتي
وننتظر البارت بفارغ الصبر

[دمعة على السطور]

صدقتي خيتي عوامية صفوانية
أني بعد إحساسي كذا إن انكسار الإبرة أكيد ليها دلالة مو زينة..
إن شاء الله خير


موفقين جميعاً..

[fatemah]

السلام عليكم ورحمة الله وبركاته
جزء حلو مرة اما ضحكت على عادلوه ضحك ههههه
بنتظار الجزء القادم
..}{..تحيـــــــــــــــــــــــاتيـ..}{..

[آسوآآر الآلــمـ]

جميل اختي أميرة

كل يوم تشوقينا أكثر

الله يعطيكـ العافية يارب

موفقة

___________

[ارجوان]

مااقصرتي ميروا على هالبارت الروعة والمضحك
اما حميدوا يااعساه الماحي ان شالله مااني طايقتنه وعسى الذيب يغدر به ان شالله.
ومسكينه زينب عادلوه مااقصر عليها حتى الوصف وصفها اه لوتدري بتفقع عيونه الثانية وشكله اشرف ماابينام في الليل<<<<<استحي ماايقولوا ذا الكلام خخخخ
اما علي الحمدلله على سلامته اول وبعدين شكله التلفون مومن الشرطة شكله الي ماايتسمى متفق مع عربجيه يضربوه <<<<<<اللله يغربلش ويش هالتوقع عليش
ويااعلي ام علي ان شالله الابرة بس انكسرة كذا من دون مااتكسر قلب صااحبتها ويعيشوا العيد سواى يارب يااكريم

((ترجعي بالسلامة عوامية صفوانيه وقلدناش الدعاء والزيارة))

جاري الانتظار خيتو

[زهور الريف]

بسم الله الرحمن الرحيم
اللهم صل على محمد وآل محمد
وعجل فرجهم

جزء روووووعة

وصحيح عادلووو رايح فيها خخخخ


فضح البنت

تسلم الايادي

بالانتظار

[Hussain.T]

اما عاادلوووه نوكته

الله يعطيك العافية

وبنتظار التكمله

تحياتي

[*زهرة البنفسج*]

الله يعطيك العافية امورة

ننتظر الجزء الجاي

[آخر شقآوهـ ..~]

يسلمو حبيبتي ع الجزء الحلو
ربي يعطيك الف عافيه
ننظر جديدك