ضعنا يا صبرنا...

[Hussain.T]

كلمة روووعة قليلة بحق هذه الرواية

ننتظر التكمله.

تحياتي

[دمعة على السطور]

ياعلي خيه لو تدري القصة كيف أثرت فيني...
عشت مع كل شخصية..والأحداث اللي تجري ليها..
وكل هذا دليل على مهارتك وقدرتك المميزة حقاً...ماشاء الله عليك...
اللهم صلي وسلم على محمد وآل محمد وعجل فرجهم..

بانتظار الغد بكل شوق...وحماس...
موفقة لكل خير إن شاء الله تعالى..
..دمتي بعين المولى الجليل..

[الجعفرية]

الله يعطيكِ الف عافية على القصة الروعة
ننتظر البارت الجاي بفارغ الصبر
ويش بصير في علي وحسين
تقبلي تحياتي لكِ:الجعفرية

[كبرياء]

هــــــــــــلا أميرروووه

جزززززززء مررره رووعهـ ..

وحريقه تحرق حميدوو الحيوآن << طوووط ..

وهذآ جآسموه قليل الذآت لكن ..

تووقعي بعد مثل دمعه عن دفتر ليلوو دي هع هع

يسلمووو على الجزء الحلوو

ويلآ ننتظر الجزء الجاي

مووفقين

[آخر شقآوهـ ..~]

وعلى طوول دقو على البيت ورفعتها أمل وقالو ليها وقالت امل كان حاس قلبي ....طووووط عجر المخ
تسلمين أموور ع الجزء
ربي يعطيك الف عافيه
ننتظر الجديد..

[fatemah]

السلام عليكم ورحمة الله وبركاته
جزء رائع جدا تسلميي امورة
وبنتظار البقية
..}{..تحيـــــــــــــــــــاتيـ..}{..

[آسوآآر الآلــمـ]

جميل أختي ..

أنا أكثر واحد متأثرة معاهـ سجاد

لإن نفس حالة ولد خالتي

ويع عليه عليهم

الله يفرج

والله يعطيك العافية أختي

موفقه وونتظر جديدكـ

.........

[ارجوان]

يؤاتوقعت علي بيطلع ميرو طلبتش لا تخلي الشرطة اتكفخه على شان يعترف تعرفي اسلوبهم ماايجو الا بالطق اولاد الابلسه<<<<<<اقول بلا دخل ملقوفة ولاتشااهدي وااجد
ريموا هذي بنتف شعرها عديمة الاحساس والله يصبر ليلى وامها وابوها وعلا طلعت خوش بنت
اما عاادل تفقيع هالولد بصرااحة فشل زينب<<<<<< انيهااااااااااااااااااي
بالنسبة الى دفتر الذكريات توقعي مثل دمعة شكلها ليلى حركتات<<<<<<بلا تقليد اقول على دمعة
احم احم على الاحساس الي عند امل الله يحفظ ولدها ويمشي بمشيئة رب العالمين<<<<< عايشة الدور ومصدقة السالفة صج
وحميدوا يااعسااااه عقرب يقرصه وهو ناايم في صندقته<<<<<<ماهي طايقتنه

تحياتي وموفقة وبحفظ الباري

[اسير الهوى]

طق طق طق..

يالله عاد خية نبغيك تكملي يالله ههههه كأني باصيح موراكبة عليي ههههه

اي هذي القصص مو مسلسلات هالزمن وخرابيطها..

نحن بالانتظار

الله يعطيك العافية وسلمك من كل سوء

[دمعة على السطور]

وين الجزء خيتي..
جاري الانتظار..........................

لاتضغطي نفسك..
على راحتك
بس نبغى الجزء هههههههه


موفقة عزيزتي..
..دمتي بعين المولى الجليل..

[Princess]

مرحبا

هذه هي احوال الدنيا..
وما بين غمضة عين والتفاتتها.. يغير الله من حال الى حال...

تواجد يثلج الصدر .. وتعليقات رائعه.. سلمتم من كل مكروه
اخجلتوني والله... احد احلامي واحسه حلم كبير بالمره.. ان رواياتي يمثلوها فلم او مسلسل ...
خلني احقق حلمي الأول اني اطبعها روايات مكتبيه بعدين افكر هالتفكير...
دعاكم بس لي احبتي
الله يجزاكم كل خير
تفضلو الجديد..

[Princess]

الحلقة الحادية عشره..



اذن اذان الفجر... وعلا وليلى لسا سهرانين .. ريما نامت...
علا: ــ عاد قبل الصلاه بساعه قاعده ... الحين نامت..!!
ليلى : ــ هي كل كذا .. مالت بس..
ــ قعديها للصلاه..
ــ مابتقوم صدقيني..
ــ جربي..
ــ ههههههه زين وهذا وجهي اذا قامت...
تقربت منها وصارت تهزها :
ــ ريما.. ريمووه... ريمووووه...
ابدا لا حياة لمن تنادي...
علا : ــ ههههههههه ما اصدق ..
ليلى : ــ شفتي.. ابصم لش اصلا تسمع وتحس بس تسوي حالها و تطنش... خلها تولي الخساره من كيسها...
و قامو يصلو... وبعد الصلاه بربع ساعه...
للعليم امرنا .. يعظم لأجرنــــــــا ضعنا ياصبرنـــــــــا..
ــ الوو ..
مالك : ــ زين بعدش قاعده.. يللا اطلعي انا برى..
علا: ــ بسم الله وصلت؟؟
ــ لا بعدني في البحرين.. اقول لش اطلعي انا برى...
ــ زييين...

ليلى : ــ ما شبعنا من القعده..
علا بأبتسامه خجوله: ــ تسلمي الجايات اكثر ان شالله
ليلى بأبتسامة فرح : ــ وعد..
ــ هههههههه وعد...
وصلتها للباب..
علا بخجل:
ــ غناتي .. اسمحي لي على أي تصرف ضايقش .. وحلليني وبيحيني...
ــ فديتش مافي شي خلاص .. زال العتب .. جيتش هذي فرحتني .. لا خلا ولا عدم .. وتسلمي والله ضايقناش ويانا..
ــ الله يسلمش .. والله يفرجها على علي ان شالله... اقول خيه.. بغيت رقم تلفونكم حق اتصل اذا مافيها ازعاج واتطمن عليكم
ــ من عيوني مافيها ازعاج ... بس هااا مو يغنيش الألو عن الزياره
ــ ههههههههههه ما بيغنيني ان شالله....
وصارت علا تكتب الرقم في جوالها كتبت رقمين الا مالك رجع اتصل وقفلت في وجهه و كملت باقي الرقم..
وطلعت...

سكرت ليلى الباب وتسندت عليه... مشاعرها مختلطه بين الحزن والفرح.... مهي عارفه كيف توصفها...

علا ركبت السياره ..
ــ هلا..
مالك مكشر ولا رد عليها..
علا : ــ الحمدلله والشكر..
ــ لويه قفلتي في وجهي...؟؟
ــ والله كنت اكتب رقم...
ــ تكتبي رقم تقفلي في وجهي..
ــ قول لروحك متصله فيك ومتورطة تقوم تقفله في وجهي ..
مالك بإستياء :
ــ والمعنى..؟؟
ــ العين بالعين والسن بالسن والبادي اظلم
ــ ماعليه...هين..

ويصير يسرع في الشارع ولا يخفف عند المطبات..
في البدايه صرخت علا :
ــ هييييييه منت صاااحي...
تالي يوم لقته يعاند..
ربطت حزام الأمان وسكتت... وموتته قهر بسكوتها.. لين هدأت اعصابه ورجع يسوق عادي...

دخلو البيت .. لقو تريزا لسا صاحيه...
انصرعو ..
علا : ــ تريزا ليش مافي نوم...؟؟
تريزا بخوف: ــ مادري ماما.. انا يسمع صوت و يطلع الحين ...
مالك : ــ صوت الكراج لما دخلت سيارتي !!
تريزا : ــ لالا.. صوت واحد.. كلام..
علا : ــ بسم الله كلام ويه ؟؟؟ تريزا بعدش على هالحاله ؟؟؟؟ .. ويش تسمعي ؟؟
ــ والله ماما .. يسمع بيبي يصيح... وكلام واحد
مالك بسخريه : ــ مو وحده ؟؟؟
تريزا حستهم مهم مصدقينها...
مالك : ــ قايلين ليكم بنجيب غيرها كبرت وخرفت وصارت تهلوس انتين اللي متمسكه بها ولا تبغي نغيرها.. خذ لك الحين .. تسمع لينا اصوات عجايب .. تشككنا بيتنا مسكون !!...
علا : ــ بسم الله.. لا تريزا مافيها الا العافيه من سنين وهي ويانا عشرة عمر .. مانبغى نغيرها الا اذا وقفت عن الشغل وقالت ماتبغى خلاص.. ما تشتغل عند غيرنا .. لأ..
مالك : ــ هههههههههههههه ما بتوقف الا منطفيه
علا انقهرت فيه : ــ بعيد الشر عن المره .. يا ثقل دمك اذا صرت تفاول كذا..
ــ فكينا زين... و خذيها واقري عليها,,, خل التابعه اللي فيها يطلع...
ــ لا تعليق
ــ يكون احسن... بروح انام... تصبحووووووون

دخلت علا ويا تريزا المطبخ.. قعدتها على كرسي .. وحطت ايدها على كتوفها..
ــ تريزا ويش فيش؟؟
تريزا بتعب و مهي عارفه ويش تقول:
ــ ماما.. انا مافي كذاب .. والله يسمع صوت...
ــ كل مره تسمعيه... ولا نشوف شي !!
ــ مادري...
ــ خلاص هدي .. بسم الله .. اشربي ماي .. ويللا نوم..
ــ ان شاء الله...

وقامت تريزا غرفتها...
علا تضرب افكار.. مهي قادره تتخيل البيت بدون تريزا.. من ايام امها المرحومه وهي وياهم ولما توفت امها,, تريزا تمسكت بهم... ظلت تقوم بهم وماقصرت.. وكل مره يجددو ليها وياهم... لا تعبت ولا ملت ولا اشتكت...

ركبت علا غرفتها.. شغلت الثريا ضوا خفيف وصارت تتأمل اللوحه...
ماباقي شي واسلمش....
انسدحت .. شغلت المسجل... كانت حاطه شريط اولياء للشيخ الأكرف .. وصدفه كانت قصيدة الكاظم ,,, في هالمقطع..

عجيبه .. هالمصيبه .. جرحتاحساس العدم
شيهَونك .. ياللي حزنك .. عالـقلب مثل السهم
خطيه .. شالقضيه؟؟.. بالطهاره متهم....!!

سرحت علا مع الكلمات,, وصارت تفكر في بيت ابو علي وحالهم.. وهل فعلا علي مظلوم ؟؟
من اجواء البيت.. من اهله اللي قعدت وياهم ... تحس انه مظلوم...حست بضيقه عليهم.. وصارت تفكر .. ياترى كيف حاله في التوقيف ... وويش مسوي... مره متعاطفه وياه..
وانتبهت لعمرها... وصارت في بالها..
ــ ويش فيني تعلقت في هالبيت وكأني اعرفهم من سنين...
تنهد من قلب:
ــ يارب افرجها عليهم...

ونامت...

بالطرف المقابل ليلى... ماسكه الدفتر .. تقلب في اوراقه.. بأبتسامه كسيره...
وفاحت ريحة ورد الترنج ( نارنج) .. مجفف في احد صفحات الدفتر حافظتنه في ظرف رسايل...
ريحته بعدها قويه و نفاذه... شقد كانت تحب شجرة الترنج .. وشقد كانت تحب وردها ويعجبها ريحته..
فتحت الظرف وصارت تستنشق شذاه...
ورجعت بها الذكريات.... لما كانت بصف سادس .. وصالح في ثاني ثانوي. وعلى طول وياهم تربي وعاش .. << خبركم لول براءه والله على عهدي بهالعمر صفقه ويا صبيان الأهل وعادي الوضع.. مو زي الحين ياكافي الشر الصبي من صف سادس ينخاف منه صراحه ..

ــ آآه ويلي ...
ــ ههههههههه انتبه لا تطيييح..خلاص مابغى انزل...
ـــ ههههههه ما بطيح .. صبري .. بضرب الغصن بعصاه وحظش طاحت عليش ورود لو ترنجه تفقع راسش..
ــ ههههههههههه .. من خشانتها.. لينه الترنجه ما بتعور..
ــ يللا يللا يا أميره شوفي الورد شلون يتنفر عليش
ليلى وجها احمر خجل : ــ ههههههههه وجهك...
ــ ويييييييي خلية نحل .. نحللللل بيقررصش اهررربي..
وينزل صالح من فوق السور يركض
ليلى خافت: ــ يماااااااااه ....
راحت تركض..

ولا تسمع الا صالح ميت ضحك:
ــ جبااانه صدق .. ههههههههههههههه العب عليش .. شكلش وانتين تركضي هههههههههههه تعالي بس تعالي,,,
وصار يجمع الورد من على الأرض ..
جمع كمية كبيره في كف ايده...
ــ هااش.. ورداتش..
ــ شكرا..
خذتهم وصارت تشمهم...
ــ ابغى احتفظ فيهم..
ــ هههههههه الويه ؟؟ بتسوي عطر؟؟
ــ لأ .. بس..
ــ حطيهم في ظرف ..
ــ خبرررره...
ـــ ههههههههههههه وجهي .. احفظ ليهم...

وقطع على ليلى السرحان.. ريما تكح...
خذت نفس عميق للورد المجفف... سكرت الظرف والدفتر.. و عدلت سريرها ونامت...


الساعه 8 الصباح..
امل مختلعه تحاتي زوجها.. ماتحب تتصل عليه وهو في العمل لأن نادرا اذا قدر يرد من زحمتهم وحوستهم.... بس تأخر هو عادة 7 ونص بالكثير يكون رجع البيت...
اتصلت عليه..
رنه..
رنتين..
ثلاث...

رد عليها:
ــ هلا ..غناتي..
ــ اهلين وينك؟؟
ــ قريب ...
ــ ايه تأخرت خفت عليك..
ــ لا تخافي..
ــ ويش فيه صوتك؟؟
ــ مافيه شي .. هذاني خمس دقايق تقريبا واوصل ..
ــ بالسلامه يارب...

امل تفكر .. ويش فيه متأخر وصوته مو طبيعي ... قالت يمكن من التعب ...
التفتت لسجاد لقته نام على الكنبه..
شالته لسريره... وبين ماهي ترتب المكان وتعدل المخدات اللي عفسهم سجاد..
الا بدخلة حسين... رجوله مجبسه و متكأ على عكاز...
امل فتحت عيونها ..
ــ ويش فيييييييك؟؟؟
راحت تركض له...
حسين : ــ ههههههههههه فديتش لا تخافي مافيني الا العافيه..
امل شوي وبتصيح:
ــ رجوولك من ويش..؟؟؟
ــ منسدح عليها بيب هههههههههههه
ــ هههه نحاستك.. تستظرف... ياعلي جبسوها .. انكسرت بالقوه؟؟
ــ لا الحمدلله فتره بس وبيشيلو الجبيره.. عطوني العمل اجازه ..
ــ ياعلي من متى نبغى اجاااازه ويوم كسروك عطوك حسبي الله عليهم
ــ ههههههههههههه خبرش حادث عمل تبغي بعد يخلوني اداوم .. تالي يروحو بستين داهيه..
امل سندت حسين عليها وودته الغرفه..
ــ اكلت؟
ــ ايه الحمدلله.. بس باقوم اسبح .. جيبي لي كيس الف فيه الجبيره لا تتبلل ...


تابع>>

[Princess]

الساعه 2 الظهر ..
جاسم فتح باب غرفته.. الا امه وابوه واخته في الحوش قاعدين يتغدو..
ابو جاسم ماله خلقه فما كلمه ولا اخذ وعطى وياه.. باله ويا اخته ومصيبتها..
ام جاسم:
ــ تعال تغدى..
جاسم : ــ مابغى مالي نفس..
ــ ايه.. على هواك ...

دخل الحمام وغسل .. ورجع غرفته بدل ثيابه وطلع ..

ابو جاسم ينفض ايده:
ــ سد الله نفسك مثل ما انت ساد نفسي.. لا حيا.. لا مستحى.. لا صلاه.. لا عباده.. لا طوع لا ادب.. آآآه الله يصبرني عليه..
ام جاسم بهدوء : ــ الله يهديه..

وقام ابو جاسم:
ــ روحي بيت اختي وطمنيها اني باروح اليوم لعلي ...
ــ ان شالله..

زينب بعد ماقام ابوها تهمس لأمها:
ــ ويش يسوي ابوي لعلي بالضبط؟؟
ــ والله مادري يابتي .. اللي ادري به يكفله ... يطلع على كفالته لو صار ماصار وما لقو علي بعيد الشر عنه .. ياخذو ابوش بداله..
ــ يعني.. عساه خير.... تتوقعي يحتاجو محامي..؟
ام جاسم بحزن: ــ ويلي عليهم.. لا ان شالله سهاله.. المحامي تكاليفه وايد يا بتي..
ــ اييه.. الله كريم...


جاسم راح الصندقه لحميد... ما لقاه فيها ...
قعد على الباب... ساعه .. ساعتين.. ماجى..
وين راح هذا؟؟
شوي الا بجية عادل..
جاسم في باله : ــ اففففففف ويش جابه مالي خلقه..
ولا شافه الا تعثر ويطيح يتشدخ :
ــ آآآآآه...
ويرجع يقوم ينفض روحه ويشدخ نعاله ويلبسه..
جاسم ماقدر صار يضحك عليه و لا انتبه له الا نعاله مقطوع...
عادل:
ــ قققووووه جججاااسسسموه
ــ جاسموه في عينك...
ــ ووويش تسسسووي برررى... ححممميد ررراح سووووق السسسمك شششفته..
ــ يعني.. وانا اقول وينا راح.. نسيت ... عدل نعالك مقلوب.. و لويه ما تغيره مقطوعه طبقه...!!
عادل يرفع ثوبه ويطالع نعاله تحت..
ــ هههههههههههههههه خبل قققااالللو لك .. مانى خببل حققق اغيييررره.. قطططعته على ظههر حسسسنوووه الأغبررر,,, تمباااني اغييررره .. كل من سأأألني قلت له سااالفته..
ــ هههههههه خبل وربي .. الله يخلف عليك.. عيون ونعال عوران... وعيونك من ويه؟؟
ــ من فججعوووه عببباااسوه.. فلللعني ببترري .. هههههههههههه تصصصدق انهياااكل البتتتاااررري
ــ اصدق انك زهقتني اقوم احسن لي ...
وقام عنه....


وفي القسم.. ابو جاسم يحاول يخلص اجرائات الكفاله...
الضابط سمح له يكفله ويطلعوه يومين على ذمة التحقيق ومو بعيده يرجعو يستجوبوه...
ابو جاسم فرح.. وطلعو علي ...
حضن خاله وصار خاله يصيح.. و علي يمسح على ظهره:
ــ خلاص ياخال...
ابو جاسم يمسح دموعه بغترته .. ويبتسم:
ــ مشينا ياولدي .. والله كريم...

طلعو من القسم.. علي يحس روحه كأنه محبوس شهر مو بس يوم بليله...

وصلو البيت.. وطقو الباب...
وكانو كلهم قاعدين في المجلس ينتظروه..
ام علي مع طقة هالباب قلبها طاح..
قامت هي تركض وفتحته..
الا بدخلة علي عليها..
ــ ولددددي...
حضنته بالقوه ,, وصارت تصيح
طلعت ام جاسم من المجلس وصارت تصلي على محمد وآل محمد بصوت عالي...
زينب حضنت ليلى وصارو يصيحو من الفرح...

علي راح لأبوه وباس راسه.. ابوه مسكه و حضنه ويللا صياح...
الكل يتحمد له بالسلامه..

وبعد ما ارتاح علي .. وسبح .. رجع ليهم المجلس بيقعد وياهم شوي..
امه صارت تسأل فيه..
ــ وكيفا كذا ياولدي .. من ويه ... لويه تهموك..؟؟
علي مو قادر يتكلم ولا يبغى يتكلم ويقول الحقيقه .. وولد خاله جاسم له صله بالموضوع .. يكفي ابو جاسم جى وكفله ... مسكين عالنيات مايدري ولده ورى حبسته..
ــ والله مادري ,, يقولو شافو في طرادي حوايج مخشوشين مادري مين اللي خاشنهم...
ابو علي : ــ زين يمكن حق حميد مو هو وياك بالطراد..؟؟
علي يحاول يكون طبيعي :
ــ لا كشفو البصمات ماعليهم بصماته...
ريما نطت : ــ اجل بصماتك اللي عليهم..!!
علي صار يطالعها بقهر..
ليلى : ــ بصماته في عينش ..
ريما : ــ ويش قلت اني,,, و دام لا بصماتك ولا بصماته .. لويه اجل خذوك..
ليلى عصبت فيها :ــ ريموو وبعدين.. ؟؟
زينب ودها تقوم لريمو وتطيح فيها بدست..
علي مو عارف ويش يقول:
ــ لأن الطراد الي وبأسمي .. ماندري مين اللي كايدنا وناوي لينا بالشر وخش المسروقات فيه..
ام علي : ــ انتقم الله منه.. جعله ما يربح ولا يتهنى..

علي : ــ اخليكم باقوم انام شوي ,,, ما نمت شي ..
ام علي : ــ نوم العوافي يا بعد ابوي...
ليلى : ــ نام في غرفتنا اكو في منام مفروش ما شلته...
ـــ زين...


وراح علي غرفة خواته.. رمى روحه عالمنام.. وعلى طول راح في سابع نومه من التعب..

المغرب رجعو بيت ابو جاسم بيتهم.. وشافو جاسموه قاعد ياكل عيش ويرمي عالدجاج في الحوش يأكلهم..
ابو جاسم وهو داخل صار يتحمق عليه:
ــ ها,, طايح هالحظ,,, يرحم الدجاجات ويأكلهم .. واهله ما ياخذو منه لا حق ولا باطل..
جاسم نفر بقايا اللي في الصحن للدجاج وراح المطبخ ..
ابو جاسم:
ــ ولعنه ,, يعرف يعاند اسود الوجه..


ام جاسم وزينب راحو المطبخ
ام جاسم... يازعم بتبشر ولدها .. لأنه هو اللي جاب الخبر عن علي ليهم ,, وبأبتسامه عريضه:
ــ ولد عمتك علي .. طلع اليوم
جاسم اختلع : ــ هاا.. ويش طلعه؟؟
ــ ويش فيك مختلع..؟؟
ــ لا بس .. كنت احاتيه وسالفته مهي هينه... شلون طلع بهالسرعه.. ... ايه... الحمدلله..
ــ طلع على كفالة ابوك .. كلما بغوه بينادوه ويحققو وياه ما بيحبسوه عندهم.. والله كريم ان شالله و ينفي عنه التهمه..
جاسم مرتبك.. وتعفست احواله زياده.. ولا هو عارف ويش يسوي..
ام جاسم بتساؤل:
ــ اني مو ماكل مخي الا هالحميد..
جاسم : ــ ها.. ويش فيه..؟؟
ــ هو كل ويا علي ومتشارك وياه في الطراد جق ويه خذو علي وخلوه.. قال ويه بصماته مهي على الحوايج... وخذو علي على حساب انه الطراد بأسمه..

جاسم مو عارف ويش يرد:
ــ ايه.. مادري
وطلع من المطبخ..
زينب : ــ ويش فيه هذا..؟؟
ام جاسم : ــ ويش دراني عنه.. حاله مو طبيعي..
ــ اقص ايدي اذا ما يعرف شي و ساكت..
ــ مايعرف ويه؟؟ وويش دخله في حميد .؟؟ ويش عرفه به ..؟؟؟
ــ ويش دراني .. اجل لويه هالأرتباك وهالخوف..
ــ اهوو من يوم يومه اخوش جبنه.. فالح يتشيطر علينا بس..
ــ يجوز...


تابع>>

[Princess]

الساعه 9 الليل .. اتصلت علا بيت ابو جاسم.. علي قعد من النوم نام له بس 3 ساعات وقعد يصلي المغرب و ياكل شي تالي بيرجع ينام....

اتصلت علا ...
ورفعه علي..:
ــ مرحبا..
علا ارتبكت.. معقوله هذا ابو علي..؟؟؟مافي البيت رجال غيره..
وبعفويه.. ــ هلا عمي... اخباركم..
علي مستغرب.. عمي !! واخبارنا.. شكلها غلط...:
ــ الحمدلله خيه.. بغيتي مين؟؟؟
علا شكت بالموضوع:
ــ مو هذا بيت حسن علي آل ....؟؟؟
ــ ايه .. عدل خيه..
ــ وين ليلى؟؟
ــ لحظه...

ونادى على ليلى... ليلى تأشر له مين.. حرك كتوفه مادري وقال:
ــ خخخ وحده اول مره شكلها تتصل وتسمع صوتي .. سمتني عمي ...
ليلى ضحكت :
ــ ههههههههه هذي اكيد علا..
علي في باله وبأستنكار..
ــ علا؟؟ أي علا؟؟
رفعت ليلى السماعه..
ــ هلا..
علا : ــ اهلييين..
ــ هههههههههه توقعتش انتين....
ــ هههههههههه اخباركم... ويش مسووين ها بشري...
ــ فديتش بخيير والبشاره كلمتش..
ــ كلمتني؟؟
ــ هههههههه علي اخوي اللي رد عليش
علا استحت: ــ هههههههه يوو .. الحمدلله على سلامته.. واني سميته عمي .. فكرت ابوش ..
ــ ههههههههه الله يسلمش قال لي هو وعلى طول عرفتش.. اخبارش انتين
ــ الحمدلله ... نسأل عنش ..
صارو يسولفو شوي ... ريما كانت قاعده ,,,
علي صار يسألها..
ــ منهي دي علا...؟؟
ـــ اووووه .. هذي بنيه حركتات... اكشنات... بنت عايله فوق فووق..
ــ ياساتر عليش .. بت مين..؟؟
ــ بنت خالد ال.... .,,, ابو مالك
علي خفس وجهه:
ــ بل .. وويش عرف اختش بها..؟؟
ــ لا تخاف مهي زي ابوها.. تحفه البنيه .. وطيبه مره...
ــ ولو ,,, هالناس ينخاف منهم...
ــ ما شفنا منها الا الخير...
ــ مممم عساه خير...


وفي نص الليل ... طلع جاسم وراح لصندقة حميد.. فتح الباب لقاه قاعد يدخن وحاط ايده على خده..
جاسم: ــ هلا .. جيتك الظهر وشفت عادلو قال في سوق السمك...
حميد ببرود وتعب: ــ رحت اترزق .. خير ويش تبغى؟؟

ــ علي ولد عمتي طلعوووه..
حميد فتح عيونه:
ــ كح.. كح.. متىىىى؟؟ وشلوووون.....؟؟؟؟
جاسم علم حميد باللي صار..
حميد يطفي الزجاير يدوسها بعصبيه...
ــ اوووووووووه... هذا اللي بيودينا بداهيه.. قضينا يااجسووم قضينااا....
ــ ياربي .. تتوقعه ويش بيسوي..؟؟؟
ــ مادري... بس مافي أي شي ضدنا .. الله يستر...
ــ الله يستر .. انا خايف..
ــ فارقني ومن متى ما خفت انت؟؟

قعدو شوي زين.. لين نعس جاسم...
ــ بانام..
حميد بقهر: ــ نام.. اخمد.. خمدت عليك طوفه.. ما غربلنا الا شوفة ولد عمتك لك عندي..

ونام جاسم...
وظل حميد سهران يقلب افكاره.. ويش ممكن يسوي علي .. وكيف راح يمشي الوضع بعد ما طلعوه...

وبعد يومين...

الى الملتقى...

[Hussain.T]

الحمد لله على سلامة علي وان شاء الله يجيب دليل براءته

ويسلمو اميره ع التكمله الحلوه

تحياتي