صفحة 3 من 88 الأولىالأولى 1 2 3 4 5 13 53 ... الأخيرةالأخيرة
النتائج 31 إلى 45 من 1308

الموضوع: ضعنا يا صبرنا...

  1. #31
    عضو فيروزي
    تاريخ التسجيل
    Sep 2006
    المشاركات
    5,003
    شكراً
    0
    تم شكره 0 مرة في 0 مشاركة
    معدل تقييم المستوى
    1247

    رد: ضعنا يا صبرنا...

    الله يعطيش االعافية خية

    عاد انا من قبل كم يوم اقول وش فيها اميرة من زمان ماحطة لينا قصة هههه

    يالله هذا بتعود ايام السهرة بالمكتب عشان نقراها اناس كلهم يروحو غرفهم وانا بالمكتب اتابع الاحداث هههه

    مشكورة ماقصرتي ويعطيك الف عافية

    وتسلم الايادي..

  2. #32
    مشرف منتدى تراث القطيف ومنتدى النقاش والحوار الفكري الصورة الرمزية واحد فاضي
    تاريخ التسجيل
    Dec 2006
    الدولة
    الهند
    المشاركات
    5,799
    مقالات المدونة
    1
    شكراً
    8
    تم شكره 22 مرة في 12 مشاركة
    معدل تقييم المستوى
    1528

    رد: ضعنا يا صبرنا...

    يعطيش العافيه خيتي

    ويسلم هالديات يااااااااارب

    ما شاء الله عليش

    مبدعة دائماً

    فمان الله
    اللهم صل على محمد وآل محمد الطيبين الطاهرين



    -------------------

    لا أحلل ولاأبرأ ذمة من ينسخ أوينقل ماأكتبه دون إذن مني

  3. #33
    مشرفة منتدى الصحة والسلامه الصورة الرمزية أمل الظهور
    تاريخ التسجيل
    Aug 2006
    الدولة
    مملكة المشاعر
    المشاركات
    8,306
    شكراً
    20
    تم شكره 48 مرة في 33 مشاركة
    معدل تقييم المستوى
    2190

    رد: ضعنا يا صبرنا...

    مراااحب


    بااااااااااين عليها خوش روايه تنضم لبناتك الحلوات


    جذبتني من البدايه وتحمست لها


    ريموه حتى عادلوه ماسلم من نحاستها الله يستر منها


    مسكين علي الله يعوض عليه براده ماخلاه له هالفار الله ينتقم منه


    ننتظر الجديد امروشه

  4. #34
    مشرفة منتدى الجمال والأناقة الصورة الرمزية fatemah
    تاريخ التسجيل
    Aug 2007
    الدولة
    آكون ح‘ـيثمآ آكون :)
    المشاركات
    7,953
    شكراً
    0
    تم شكره 0 مرة في 0 مشاركة
    معدل تقييم المستوى
    611

    رد: ضعنا يا صبرنا...

    بسمهـ تعالى
    السلامـ عليكم ورحمة الله وبركاته
    تسلمي خية اميرة جزئين رائعين جدا تسلم ايدك ويسلم لنا قلمك المبدع وبنتظار بقية الاجزاء لاعدمنا جديد ابداعك الحلو
    ..}{..تحيـــــــــــــاتيـ..}{..

  5. #35
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    رد: ضعنا يا صبرنا...

    مرحبا
    و ياهلا وغلا بالجميع..
    اعضاء يسجلو ردودوهم وارائهم... مشكورين غاليين وما تقصرو...
    ومتابعين من خلف الكواليس .. اقول افاا ما نستاهلكم ؟؟؟
    منورين لا عدمت هالنور...
    تسلمو والله على هالتواصل .. على الأستفقاده..
    واني ما ببخل عليكم كلما جى على بالي اي شي جديد..
    دعاكم بس .. هذا اللي اتمناه...

    تفضلو الجديد...

  6. #36
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    الحلقة الثالثه..

    الحلقة 3..



    وبين ما اللعب قايم عندهم على اصول ...
    طفت كهربة الأستراحه...

    الشباب انصرعو اول مره تصير هالحركه وياهم.. كل واحد فيهم طلع جواله وصار يضوي به المكان وازعاج قايم..
    شوي وقف واحد اسمه ناصر .. صديق مالك المقرب وكانت هذي مزرعتهم ..
    ــ ياشباب هدوووء ... و خلنا نتصرف ... بطلع اشوف العداد الظاهر صار ضغط وطفى ..
    ومشى يهتدي بنور جواله الأستراحه كبيره و مشوار لين يوصل للباب بالنسبه لمكان قعدتهم...
    وصل للباب كان مسكر .. عن المطر ... آخر واحد جى ليهم مالك جاهم والمطر يطيح .. حاول ناصر يفتحه ووقف محله منصرع..
    ونادى :
    ــ ياشبااااب البااب مقفل !!!!!
    جو له يركضو .. ووويش صاااير...
    ناصر : ــ جاسم .. المفتاااح كان في الباب جية مالك اخر شي .؟؟ صح لو لا!!
    جاسم : ــ ايه صح..
    جاسم .. كان شاب على قد حاله.. يجي ويسهر وياهم.. وكانو يستخفو به لمشاويرهم و يخلوه يسوي ليهم المعسل والشاي .. عمره 19 سنه.. يموت في قعدتهم و وناستهم وناصر مخلنه وياهم مقابل خدماته... ولد حجي عبدالرحيم ..اخو ام علي ...,, شايب فقير يشتغل في هالمزرعه ..,, ماكان ابو جاسم عاجبنه الوضع,, وكل يوم و الثاني كل يهدر عليه وعلى خيابته .. من تخرج من الثانويه بنسبه زفت .. وهو عطالي بطالي ...

    الشباب طالعو في مالك ..
    واحد منهم : ــ اقول يا خوك.. بلا مزح ويانا وين المفتاح..؟؟؟
    مالك بنبرة استياء : ــ ما اخذته...
    كان بينهم واحد ما يشتهيه مالك دم ضرووسه ولاااا يطيقه... مع انه كان صديقه في الطفوله .. بس صداقتهم انتهت لظروف ..
    ....و اسمه شريف, , وكان هو الآخر من عيله غنيه وابوه رجال معروف بين الناس بحسن سيرته واخلاقه ومساهماته في الجمعيات الخيريه وغيرها من الأمور في ديرته..

    شريف : ــ لوو سمحت اذا عندك المفتاح ,,, عن هالمزح وخلصنا خلنا بنتصرف ويا هالظلمه..
    مالك جت له ضحكه وبأسلوب سخرية :
    ــ ليش يا جبان ؟؟ تخاف!!
    شريف بأستياء: ــ مو مسألة اخاف .. بس مزحك البايخ هذا هون عنه..

    كان مالك مشهور بمقالبه اللي اغلبها سخيفه وترفع الضغط ويا الشباب .. بس كانو يتحملوه لمصالحهم.. بعكس شريف مزحه خفيف ووناسه و حباب والشباب دايما يتجمعو حوله وسوالف وياه..

    ناصر : ــ بس انت وياه .. مالك من جى انا فتحت الباب وانا سكرته و قعد جنبي ولا قام,,,
    شريف : ــ طيب ما عندك يا ناصر نسخه من مفتاح الأستراحه ..
    ناصر : ــ صح عندي
    طلعه وحاول يفتح الباب بس الظاهر المفتاح من برى مصعب المسأله
    ــ افففففففففففف الله يلعن اللي سوى هالفعله.... المفتاااااح بررررررى يعني مو مقلب مثل ما كنتو تتخيلو..
    مالك تكتف وصار ينفخ:
    ــ ايه .. بعض الناس دايم شكاكين و ظنانين .. الله يعينهم على انفسهم..
    شريف سكت عنه..
    شوي الا يسمعو صوت انذار سيارة مالك طلع مفاتيحه وصرخ
    ــ سيااااااااارتي واحد يعبث فيها برررررى...
    الشباب انصرعو..
    ناصر صار يكافخ في الباب :
    ــ هذاا حرااامي .. قفل علينا الباب وراح للسيايير يبووقهم.. يااالله
    طاخ طاااااااخ طااااخ
    لين انشلخت رجوله كان الباب حديد .. وقعد عالأرض ..
    شريف يهدي فيه..
    واحد من الشباب:
    ــ يعني ميييييين يكون ؟؟؟ ماغير اللي قفل علينا الباب نفسه اللي يبوق السيارات الحين... شوفو مين النااقص فينا..؟؟

    الأستراحه كبيره.. والشباب وايد... واحيانا يجو شباب من ديره ثانيه ما يعرفوهم.. يكون احد من شباب الديره عازمنهم.. وفلان يجيب فلان.. والجلسه حلوه وعامره ولا احد يدري بأحد..
    ناصر يضرب كف بكف ..
    ــ قعدو عاد الحين,, تشلحت سياراتنا تشليح..
    مالك مو متهم ذاك الزود,, يعني ويش بيشلح منها.. ؟؟ راديو!!
    ام بي ثري !!
    دي في دي !!
    مو مهم!!
    كل هذا بيعوضه...!!
    وبعد حوالي ربع ساعه والأزعاج قايم.. شريف جت في باله فكره غابت عن بالهم كلهم..
    فتح النافذه وشال الشبك اللي فيها.. وصار يضحك ويضحك:
    ــ صحييييييح قواطي كل ابونا... انحلت المشكله..
    وجى بينط من النافذه ما مداه ناصر بيصرخ ينبهه...
    الا بصرخة شريف..
    ــ ووووووووووووووويع
    ناصر ماقدر صار يضحك يضحك.. وطل من النافذه لقى شريف مفهي ورجوله غايصه في ضلع ماي صغير مليان طين وسماد .. وكان قريب من احواض زراعه...
    شريف يطلع رجوله بلا نعال ويرفعها فوق للرمل ..
    ناصر يضوي بجواله لشريف حق يشوف ...و خلاص انسدح عالنافذه من الضحك.:
    ــ ويييين نعالك ؟؟؟
    شريف يضحك وهو منقهر : ــ غررق ..
    ــ ههههههههههههه ما مداني باقول لك انتبه من الضلع على طول طبيت ..
    ــ هههههههه ويش دراني..
    مالك بلقافه يستظرف :
    ــ اف كفرك غرق ..هيهي الله يعينك يا شرشوفه
    شريف بقهر : ــ كفري .. وجهك.. قالو لك سياره انا..و شرشوفه في عينك...

    وطلع من الضلع والطين موصل للركب .. وفتح جواله حق يضوي له لا يطيح بعدفي مكان ثاني .. ووصل للباب وفتحه ..
    وطلع ناصر بسرعه للعداد .. وشغل الكهرب ..
    وراحو الشباب يتراكضو لسياراتهم .. كلهم انباقت راديواتهم و كل حاجه في داخل السياره ليها قيمه..
    وسيارة مالك كانت المصيبه.. انباقت كفراتها .. كان مركب جنوط غاليين بالمره .. وصاير شكل سيارته البي ام .. وهي بدون كفرات تحفه..
    بس من داخل ماقدرو لأنه مركب قفل امان ومن رن الأنذار اختلعو وخلوها ...
    ناصر وقف جنب مالك.. مالك كان ساكت..
    شريف فيه ضحكه صار يضحك وهو يداريها.. وفي باله ..
    ــ اجل كفري غرق هههههههههههههه استغفر الله
    مالك مفهي .. ناصر يواسيه:
    ــ خيرها بغيرها ياخوك .. الحين اوصلك البيت وبكره نجيب ونش يوديها الورشه و يركبو ليها جديدين ..
    ويطق ظهر مالك : ــ قدها وقدود يابو الشباب
    مالك يسوي روحه مو متهم : ــ ايه على قولتك...
    وهو من داخله مقهور الجنط الواحد كلفه ذاك السعر و يالله عمته رضت تقنع ابوه يركبهم له...
    شريف يعد السيارات :
    ــ يصقعه هالحرامي ... شلح 13 سياره ,, من حظ اللي ما جو بسياراتهم خخخ و تعاسة حظ اللي جابوهم.. ولااا كلهم باقهم على ضوا بس قفل علينا الباب .. شكله يوم شاف جنوط سيارتك يامالك طفى علينا العداد
    مالك بسخريه وقهر:
    ــ تفلسف بس تفلسف .. الله عاد تسوي حالك تدري ... لويه ما باقهم كلهم لما طفى العداد..
    شريف بتحدي : ــ مااايقدر 13 سياره حشا ,, بيفتح المقفولين وبيفك وحده وحده..
    ويوم وصلو لسيارتك وشاف الجنوط قال يبوقهم بس خاف يصير ازعاج خصوصا ان سيارتك اقرب وحده للأستراحه.. قام طفى العداد علينا على شان نلتهي بالظلمه وبأزعاجنا...
    مالك : ــ اف اف .. خبرررره .. لا يكون مخاوي الحرامي بس
    شريف حمق : ــ خاواك بليس ..
    ناصر : ــ يااااربيي,, خلاص انت وياه,, هدو واخزو بليس بلى شباق لينا ... يمكن الحراميه اكثر من واحد.. ماعلينا يللا كل واحد على بيته... في امان الكريم .. حياكم ..
    كل واحد ركب سيارته .. وانطلق الى بيته...

    تابع>>

  7. #37
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    تــــــــــــــــــــابع

    قريب يأذن اذان الفجر باقي عليه ربع ساعه.. وعلا ماغمض ليها جفن.. طلعت برى تشوف الوضع .. وتشوف اخوها رجع لو لا .. الا بدخلته البيت..
    علا من فوق الدرج : ــ هاااا وصلت !!
    مالك انصرع ورفع راسه : ــ بسم الله على عمري .. جنيه ... ما تعرفي تكحي؟؟ تسوي صوت وانتين تمشي خلعتيييييني ...
    علا ببرود : ــ ايه زين.. لويه مختلع كنك حرامي..؟؟؟
    مالك : ــ حرامي .. حرامي ..,, اهوو بس مادريتي ..؟؟
    علا تتثاوب : ــ لا ويش دراني..
    ــ باقو سيارتي
    علا فتحت عيونها.. ونزلت تركض ..
    ــ يابرودك.. ويش باقو؟؟
    ــ على حساب بيبوقو الراديو والدي في دي و الأم بي ثري بس مامداهم..
    اووف وجوازي بعد في صندوق السياره ههههههههههه ما مداهم لكن..
    علا منصرعه : ــ ويش تهلوووس وويش ما مداهم...
    علمها مالك بالسالفه :
    ــ وآخر شي يتفلسف لي اللي ما يتسمى ويسوي روحه خبير تقولي هو الحرامي..
    علا بأستنكار : ــ مين ؟؟
    ــ شريفوو..
    علا .. تميل لشريف .. تذكره من ايام طفولتهم.. هو وحيد امه وابوه..
    كان ابوها شريك ابوه في مشاريع.. وكل ويا بعض .. وياما سافرو وطلعو وراحو وجو..
    من ايام الطفوله ومالك يلعب ويا شريف واذا ضرب مالك علا .. شريف كان يدافع عنها.. ويشتري ليها حلويات و العاب... كان حب الطفوله البريء ..
    كبرت علا .. وكبر شريف . وتغطت علا عنه...
    وبدت المشاكل بين ابو شريف و ابو مالك....مشاكل ماليه في الشركه ابو مالك حمّل ابو شريف مسؤوليتها.. في الخساره لأنه السبب في الأقتراح.. وطالبه بنصيبه فيها وفض الشراكه...
    غير ان ابو شريف تحرى عن مصادر بعض الفلوس اللي يساهم فيها ابو مالك وياه.. ولقى بعضهم فعلا من الحرام .. اراضي اغتصبها من اصحابها .. ومن غش في بعض المعاملات ..
    فلما جت من ابو مالك طلب فض الشراكه على طول وافقه...
    كان متيقن هالخساره من اكل مال الناس بالباطل .. فما يبغى يعيش وياه في الحرام ويختلط حلاله بحرام شريكه ..ولما جت منه .. تقاسمو الشركه ..
    وفوق هذا كله.. ابو مالك بغى يسوي مشاكل تودي ابو شريف للمحاكم .. يطالبه بحقه مع انه عطاه حقه بالكامل .. !!

    هالشي دفع ابو شريف لأعطاء ابو مالك زياده ولو كان فيها اضرار وخساره من جيبه...
    وحسافه .. اكتشف ابو شريف ان هالصحبه كانت ماديات ومصالح....
    رجع يشتغل بالقوه في نصيبه.. ومع كل ربح وربح ما ينسى حق الله في ماله..
    الله بارك فيه ورزقه .. ووسع عليه و اعطاه من نعيمه كل خير..

    كذلك ابو مالك.. تجاراته كانت اغلبها خارج البلد... لدرجة ناس بدت تتكلم عليه وتقول انه اكيد متزوج له وحده من برى ... وعايش اغلب اوقاته وياها..

    علا سرحت مع طاري شريف وما عادت تسمع مالك ويش يقول...
    مالك يمد كف ايده قدامها ويلوح يمين وشمال:
    ــ هيه هيه.. قومي بس اذن .. اللي ماخذ عقلش..
    علا صارت تداري : ــ سرحت افكر بسيارتك ويش خانتها الحين بدون كفرات .؟؟؟ ويش بتسوي الحين..؟؟؟
    مالك رفع حاجب وحاجب : ــ في سيارتي !! اتوقع قلت لش ويش باسوي بكره فيها !! بس صدق اللي ماخذ عقلش !!
    علا سكتت عنه وقامت تمسحت وراحت غرفتها .. صلت ونامت....




    ومن صباحة الله خير...حجي عبدالرحيم ( ابو جاسم ) في حوش بيتهم ...ما ينسمع الا صوت القدو.. كرررررر .. كررررر...
    ــ كحح كح كح .. آآه .. كححححح كححح كححح .....
    ام جاسم طلعت من المطبخ بتشيل تبسي فطور حجي عبدالرحيم ويدور عليها وينفخ الدخان .. ويصير يكح..
    ام جاسم : ــ ايييييهيييي .. اف وع وع... وصااااقعه..
    ابو جاسم : ــ تصقعش .. هذا بدل لا تقولي لي صحه وعافيه ...
    >>> دايم يتعيلفو في بعض ما يعيشو الا كذا .. بس ويش حلاوتهم .. تعيلف مزح ..
    ام جاسم : ــ .. صحه !!! عافيه..!!!.,, أي صحه واي عافيه...
    ويلي منك .. من هالقدو... قايله لك وايد عليك .. تشرب فيه وانت شايب منت قادر تتنفس وتالي كرف في هالزراعه .. وينا الله يجيب الصحه هااا؟؟؟ من وينااا ؟؟ وانت من هالصبح بعد فطورك تحلي به !!
    ابو جاسم يشيل قلم القدو ويدف به ام جاسم وهو يضحك:
    ــ اهوو عني يا ضبيعه سكتي بس قالت شايب قالت...
    ويعدل غترته ويطالعها على جنب:
    ــ ماتدري وانا رايح الزراعه... يتحدفو علي البنات .,,
    ويحرك حواجبه : ــ بس ما اعطيهم وجه..
    ام جاسم غطت وجهها بمشمرها وصارت تضحك وتسخر : ــ يعووه .. ههههههه,,, ويش يبغو فيك ياحسره..!!
    ابو جاسم : ــ ههههههههههه حسبي الله عليش من مره.. الا وين جاسموه ولدش ابغاه يعاوني يشيل وياي السحاحير ينفعونا بالزراعه...
    ام جاسم بخوف: ــ مادري به .. من البارحه ماشفت رقعته.. وللحين سريره على حطته..
    ابو جاسم يضرب فخذه بقهر : ــ حسبي الله عليك من ولد .. انا ما بيدبحني هالقدو .. بيجلطني ملعون هالوالدين جاسموه.. وين ذالف .. وينا يطس وينااام.. جعله حريقه...
    ام جاسم خافت : ــ هدي بالك .. وان شالله مافي الا الخير ..
    ــ أي خير ويا ولدش .. صايع .. ضايع.. عطالي بطالي .. انا سهرته اخر الليل ويا هالشله ما تعجبني .. بدل لا يدور له شغله ينفع عمره بها.. اف من هالصبيان ومن دا زمن...

    شوي الا بقعدة زينب .. اخت جاسم الكبيره .. قد ليلى وكل وياها ...
    ــ صباح الخير ..
    ام جاسم : ــ صباح النور .. هلا امي ..
    زينب تسأل امها بصمت ..؟؟؟ ويش صاير وويش فيه ابوي ؟؟؟
    ابوها ياخذ اخر مزة قدو .. حس عليها ..
    ــ كححح كح ويش فيني بعد غير اخوش نحسوه جاسموه اللي بيدبحني ..
    زينب سكتت وراحت المطبخ..
    ام جاسم مهي داريه ويش تقول .. شالت التبسي ووراها..
    ابو جاسم محمق : ــ ايه هذا اللي اخذه منكم.. صمٌ بكمٌ .. اقوم بس ..
    قام ولايم اللي يقدر عليه من السحاحير .. وهو طالع طاحت وحده على رجوله..
    ورمى اللي في ايده من العوار :
    ــ آآآه وخنااااااااقه تخنق جاسموووووووه...
    جت زينب تركض لأبوها.. لقت ابهام رجوله متورم ... جابت خلقه وثلجه ..
    ــ ما يحتاج باضغط عليه وخلاص .. شيلي شيلي .. كان تعرفي تحطي فلج في قلبي تبردي عليه عن حرته حطي ..
    زينب ساكته .. ومهي داريه ويش تقول ..
    وصارت تلم السحارات لأبوها وجابت حبل وربطتهم به وعطتهم اياه..
    ابو جاسم ابتسم : ــ استر الله عليش .. عساني افرح فيش يابتي .. اااخ من هالزمن اللي البت فيه تعين وتعاون والولد ما لينا به عازه...

    وطلع من البيت..
    تابع>>

  8. #38
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    تــــــــــــــــــــابع

    زينب راحت لأمها كانت تطبخ الغدا وناقعه ساقو في صفريه:
    ــ اماااه اليوم باروح بيت خالي ..
    ــ حق ويه..؟؟
    ــ وحشتني ليلووه..
    ــ متى بتروحي ..؟؟
    ــ العصر ان شالله..
    ــ ايه .. زين طلعتش ودي وياش هالساقو خالش وولد خالش يحبوه..
    ــ ان شالله..


    علي في المطبخ ,, ووراه امه وليلى.. واقفين قريب البراد.. قعد على ركبه .. وحط اذونه عليه يتصوخ في صوت لو لا ..
    علي : ــ ياخوفي ارفع هالبراد ويطفر علينا..
    ليلى : ــ وي وي اجل باوخر ...
    ام علي : ــ لمتى نخليه يعني ..؟؟ اخاف مات وبكره تطلع ريحته علينا.. والله حاله...!!
    علي صار يطق البراد بالقوه .. كان اذا الفار عايش يتحرك من الصوت..
    لقاه مافيه حس..
    ــ عفر مات..
    ام علي .. باجيب كيس زباله كبير .. وشيله و ارميه..
    علي :ــ والله لو اشتهي اخذته طعم للسمش .. عدل كبير يجيب لي خوش صيده..
    ليلى : ــ وووويييي يماااه .. وييييع..
    ــ هههههههههههه شدعوه ويش تاكل السمك.. كل شي لحم قدامها .. حنا نحط حراسين احيانا واحيانا قباقب لو قشور ربيان .. وعلى الله..
    ام علي : ــ ويلي لا تلوع شبدي ها.. ان شالله بتقطعه بعد..؟؟
    ــ هههههههههههه لا ويش رايكم اوديه الجزار
    ام علي تضرب راس ولدها على خفيف من ورى :
    ــ يعوه عليك .. الله يلوع شبدك..
    ــ هههههههههههه انا داري .. مانى مشتهي اشيله الحين مو اقطعه بعد..
    ويرفع البراد .. ويلاقيه فاطس ومنسدح...
    ليلى برعب : ــ ماااات!!
    علي يسخر : ــ لأ... الكاميرا الخفيه..
    الا بقعدة ابو علي .. وجاي ليهم المطبخ..
    ــ صبحكم الله بالخير .. ويش فيكم متجمعين.. ومين الكاميرا الخفيه..
    ام علي : ــ هلا .. صبحك الله بالنور.. تشيه انت تدري بشي .. نمت البارحه نومة دجاج.. فار يا طويل العمر فار..
    ــ هاا.. فار .. فار .. من وينا طالع..؟؟
    ام علي بأستياء : ــ من ارض الله الواسعه من وينا بعد..؟؟
    ــ عسى ما قروضكم..؟؟
    ليلى : ــ هههههههههه لا لقيناه في المخزن,, اشوى ما قرض شي ..
    ام علي بنبره هاديه ومتكسره: ــ اييييه ماقرض شي بس المطر ما قصر ..
    ابو علي مو فاهم شي .. طلع من المطبخ : ــ ليلى جيبي لي الجدوع..
    ــ ان شالله يبه..

    علي يلبس الكيس في ايده ويشيل الفار ويقلب الكيس عليه ويربطه...
    ويدور لأمه : ــ اف .. تمت العمليه. الفاتحه على روحه....
    ليلى : ــ ههههههههه استغفر الله...
    علي : ــ الا المطر ماقصر ؟؟ في ويش ؟؟؟!!
    ام علي : ــ لا .. ولا شي ياولدي ... << خافت تقول لولدها من الصبح وتكدره مهو ناقص..
    وراحت تحوس في غداهم..
    قام علي وفتح درام مطبخهم بيرمي فيه الفار ...
    وشاف اكياس الطحين على بعضها واصله لثلاث ارباع الدرام .. ومره طين صايرين من الماي...
    علي وقف منذهل ..
    ــ اماااه.. هادااويه !!!
    ام علي شافته وهو فاتح الدرام .. سكتت شوي تالي قالت:
    ــ الله كريم.. من ماي المطر ياولدي خر عليهم..
    علي تنهد من قلب :
    ــ ايه.. الله كريم..
    رمى الفار في كيس الدرام الكبير .. ربطه وشاله بيطلعه برى الشارع.. الا بقعدة ريمو..
    وتتثاوب حد ماعندها .. وتدخل المطبخ تلاقي البراد منقلب على ظهره..
    ــ مااات؟؟؟
    ام علي : ــ ايه الله لا يرده..
    ريمو راحت تشرب ماي ..
    ليلى : ــ خير اللهم اجعله خير .. الا قاعده من الصبح..
    ريما تطالعها على جنب :ــ اففف توقعت منش هالكلام.... بشرب ماي ناشف حلقي.. مو قاعده برجع انام,,لا تختلعي ..
    ليلى تحط الشاي في الماي المغلي ..
    ــ ايه .. لا تعليق ..
    ــ احسسسن..
    ام علي : ــ ريما تعالي دام انش قعدتي نقي لي هالعدس .. شيلي منه الحصى و السوس..
    ريما بملل وهي تحك راسها : ــ ماقعدت اني .. ماقعدت بعدني نايمه..
    ام علي بقهر : ــ روحي . مامنش فايده.. فارقي ... عساني ما احلم بش ..
    ليلى : ــ مره ثانيه باذكرش تحطي لش كاس ماي عند راسش على شان لا تطلعي..
    ريما عطت ليلى نظره و راحت الغرفه.. وكفخت الباب..
    ابو علي في الصاله ويا علي .. طفر من صفقة الباب ..
    ــ هااادااويه اكيد ريموو..
    علي : ــ ومين غيرها..!!
    ــ الله يهديها..
    ــ الا يبغى ليها تكسير راس شان تعقل ..
    ــ هالله الله في اختك ياولدي .. باللين والكلام الطيب..
    ــ يا يبه ما ينفع وياها دي لا لين ولا شده..
    ليلى جابت الفطور ..
    تفضلو...
    علي : ــ مافي جبن؟؟
    ليلى: ــ لأ...
    ــ ولا بنات بتر ..!!
    ليلى ابتسمت وفي عيونها حزن: ــ لأ...
    ــ يعنوو .. وانا اشوفش امس واليوم حليب وصمول .. زين ..والدجاجتين وين بيضهم..؟؟؟
    ليلى ابتسمت : ــ باسوي اليوم كيكه .. امس باضو بيضتين .. واليوم ثنتين...
    علي ابتسم وقص الصموله وغمسها في الحلييب :
    ــ كيكة ويه ياخيه ومافي طحين..

    ليلى كتم وجهها و كشرت حواجبها وبأسى :
    ــ صح.. نسيت...
    ابتسم علي : ــ الله كريم.. ماعليش .. رجعتي اليوم اجيب كيس طحين وغرشة جبن.. وانتظر كيكتش على احر من الجمر..
    ليلى ابتسمت: ــ تسلم ياخوي وعساك عالقوه..
    وراحت تعاون امها في المطبخ
    ابو علي : ــ لويه مافي طحين؟؟؟
    علمه علي بالسالفه..
    ابو علي : ــ الله يكون في عونك ياولدي ..
    وحط الصموله من ايده.. وتغيرت نبرة صوته..
    ــ إييييه.. ما ورثتكم غير الهم والفقر .. ويش بيدي وحالتي كسيفه لا عيون ولا...
    علي يقاطعه .. عارف ابوه و اسطوانة المأساه والشعور بتأنيب الضمير على هالحال :
    ــ عساك سالم يا يبه.. وايد عليك انت من صغرنا راعيتنا وكبرتنا وداريتنا لدرجة انك فقدت عيونك من هالشغل .. دورنا يا يبه نعين ونعاون..
    ــ عساني ما انحرم منك ياولدي .. الله يبلغني فيك.. ويحفظ شبابك ياكريم..
    ابتسم علي .. كمل فطوره.. وطلع لرحلة الصيد الشاقه..

    وصل لصندقة حميد.. طق الباب .. ودخل لقى حميد قاعد ياكل حلوى وخبز ..
    ــ قوووه
    حميد : ــ هلا الله يقويك .. اقعد افطر وياي..
    ــ لا فيه العافيه.. باروح اجهز طرادي و قشور ربياني وعفستي ..
    وانتبه علي لشي مو غريب عليه في صندقة حميد....
    طالع فيه عدل ..
    ــ حميدووه ... ويش يسوووي هذااا عندك..؟؟؟؟؟

    والى الملتقى..




  9. #39
    مشرفه سابقه تستحق التقدير الصورة الرمزية للدموع إحساس
    تاريخ التسجيل
    Dec 2007
    الدولة
    عواميتي الحبيبة ..
    المشاركات
    3,719
    شكراً
    0
    تم شكره مرة واحدة في مشاركة واحدة
    معدل تقييم المستوى
    2432

    رد: ضعنا يا صبرنا...




    صبــــــــــــــــــــــــــــــــــــــاح الخيرات ولليرات ..
    يعطيكـ ربي العااافيهـ خيوووه ..
    أجل باقوهم خخخخ خخخخ < يكبرو وينسو هع هع ..
    بصراحهـ عجبني حجي عبد الرحيم .. ويا مرتهـ .. < مره جخهـ ..
    لكن من إلي عند حميد < أمممممم عجزت خخخخ
    خيوهـ بـ الأنتظار على أحر من الجمر ..
    وعساااااكـ على القوة ..
    تحيااااااااااااتي ..
    للدموع إحساس ..
    ،،، {
    إن لمْ يُجِبْكَ بَدَني عند نِداكَ المُعْلَنِ
    وحال بُعْدُ الزَّمَنِ حتَّى غَداً في كَفَني
    يُجيب قلبي خافِقاً لبيك يا صوت الحسين
    لبيك ثآر اللهـ ،.

  10. #40
    مشرفة منتدى المسنجريات الصورة الرمزية كبرياء
    تاريخ التسجيل
    Jun 2007
    الدولة
    في سمآء الـ جود .. ومشآعر تبحث تفسير !!~
    المشاركات
    12,280
    شكراً
    25
    تم شكره 73 مرة في 42 مشاركة
    معدل تقييم المستوى
    4197

    رد: ضعنا يا صبرنا...


    مررررررررررررره رووووووووووعهـ ...

    يســـــــــلمووو أميرووه على ـآ الجزء الحلوو ...

    أمممممم عجبتني سآآلفه البووقهـ هع هع كلووهآ الشبآب ويلي عليهم

    بانتظآآر الجزء الرآآبع ..

    يعطيكـ ربي الف عآآفيهـ ...

    تح ـــيآآتوو

    كبريآآء

    وكآن أرق العآلم بأسره ..
    أستوطن عينآي!

  11. #41
    مشرفة المكتبة الصوتية الإسلامية الصورة الرمزية عوامية صفوانية
    تاريخ التسجيل
    Jul 2007
    المشاركات
    5,269
    شكراً
    0
    تم شكره 28 مرة في 20 مشاركة
    معدل تقييم المستوى
    6878

    رد: ضعنا يا صبرنا...

    الله يعطيش العافية خيتو اميرة المرح


    قصة مشوقه وكلما ليها تزداد شوق اكثر واكثر


    واني اتوقع انه اللي انتبه اليه علي في صندقه حميدووووه شكله ( عادلوه عدوله) رجع ليهم بعد خخخخخ


    ننتظر باقي ضعنا يا صبرنا

    ويسلم لي الرواياااااااااااات اللي هيك غناتي

    [/CENTER]
    من صغري يتمتني يا بويا وبشوفتك ولهانه
    رحم الله من قرأ سورة الفاتحة

    =================


  12. #42
    عضو فضي الصورة الرمزية جنة الحسين
    تاريخ التسجيل
    Oct 2007
    الدولة
    .. في غرفة الكمبيوتر ..
    المشاركات
    765
    شكراً
    3
    تم شكره 0 مرة في 0 مشاركة
    معدل تقييم المستوى
    216

    رد: ضعنا يا صبرنا...

    الجزء روووووووووعه صراااحه

    ابوعلي و اولاده يعورو القلب

    يعطيش العافيه و ننتظر الجزء القااادم

    إلهِــي
    فاسْلُكْ بِنا سُبُلَ الْوُصُولِ إلَيْكَ ، وَسَيِّرْنا فِي أَقْرَبِ الطُّرُقِ لِلْوُفُودِ عَلَيْكَ،
    قَرِّبْ عَلَيْنَا الْبَعِيدَ، وَسَهِّلَ عَلَيْنَا الْعَسِيرَ

  13. #43
    نائبة عامة الصورة الرمزية شذى الزهراء
    تاريخ التسجيل
    Mar 2007
    الدولة
    بين حنايآآ قلبهـ ^ـ^
    المشاركات
    32,569
    مقالات المدونة
    2
    شكراً
    475
    تم شكره 828 مرة في 652 مشاركة
    معدل تقييم المستوى
    55176

    رد: ضعنا يا صبرنا...

    رووعه
    بانتظار التكمله بشووق
    تحيااااتي





  14. #44
    عضو فعال الصورة الرمزية آسوآآر الآلــمـ
    تاريخ التسجيل
    Jul 2008
    الدولة
    سيهات .. ريحة أهلي ،،
    المشاركات
    55
    شكراً
    0
    تم شكره 0 مرة في 0 مشاركة
    معدل تقييم المستوى
    193

    رد: ضعنا يا صبرنا...

    ياربي جاتني الصيحة على ابو علي وولدهـ

    _______

    ماقدرت ماأعلق
    ماشاء الله عليك بصـراحة مرة شيء القصة

    الله يعطيك العافية وننتظر التكملة

    موفقة

    أختكـ ،،

  15. #45
    عضو متميز الصورة الرمزية روحي في ذكراك
    تاريخ التسجيل
    Nov 2007
    الدولة
    القطيف ...
    المشاركات
    269
    شكراً
    0
    تم شكره 0 مرة في 0 مشاركة
    معدل تقييم المستوى
    204

    رد: ضعنا يا صبرنا...

    مشكورة يالغلاآآ رواية رائعة كاخواتهاا


    كنت متابعة ع السايلنت


    تسلمي مرة ثانيةو ربي يعطيك العافية


    بنتظار البارت بفارغ الصبر


    لاخلا و لا عدم

صفحة 3 من 88 الأولىالأولى 1 2 3 4 5 13 53 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. ارجوكم ضعوا صورها
    بواسطة النيزك في المنتدى منتدى الرياضة
    مشاركات: 13
    آخر مشاركة: 01-12-2009, 07:05 PM
  2. احمى الضائعات بعدك ضعنا،،في يد النائبات حسرى بوادي..
    بواسطة شذى الزهراء في المنتدى كربلائيات ( كربلاء " الطف " )
    مشاركات: 6
    آخر مشاركة: 11-01-2008, 05:12 AM
  3. من الهمني.. (ضعنا ياصبرنا)..\\1\\
    بواسطة Princess في المنتدى منتدى الصور
    مشاركات: 18
    آخر مشاركة: 10-30-2008, 01:59 AM
  4. من الهمني..(ضعنا ياصبرنا ) ..\\2\\
    بواسطة Princess في المنتدى منتدى الجوال الحسيني
    مشاركات: 7
    آخر مشاركة: 10-26-2008, 09:14 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •