ضعنا يا صبرنا...

[المتحير]

والباقي لا تعليق

يسلمو

[fatemah]

والله من زمان ماقريت قريت يمكن 10 اجزاء مع بعض
رواية رائعة يااميرة تسلمييي لنا
وان شاء الله التكملة احلى واحلى ومثل ماقالوا
الباقي نبي ختامها مسك يعني فرح مانبي نهللل دموع هههههه

تقبلي مروري
fatemah

[*زهرة البنفسج*]

سلمو امورة عللجزء الكشوخ

واني اقرا لفت انتباهي هللغنيه شكيت ان معناها مو زين

من قهر ام جاسم

ننتظر البقيه امور

موفقين

,,,

[ميمو الدلوعة]

بااااااااااارت روعه

وفي انتظار الباااااااااااااقي.........

[Habit Roman]

ههههههههههههههههه
الله يسعدك ياأمورة مثل ماسعدتيني على هالبارت الروعة

هههههههه

ويلي على أشرف بيصير وجهه طماطه إذا شافته زينب<<<<<<<< يضرب الحب شو بيذل


ننتظر البارت الجديددددددددددددددددددددددددددددددددد على أآآآآآآآآآآآآآآآآآآآآآآآآآآآآآآآآآآآآآآآحر من الجمر

[Princess]

مرحبا
تسلموو عالتفاعل والتواصل
يللا ياحلوين
اللي عليهم مدااارس
بكره السبت مدرسه..
قومو نامو
واللي ماعليهم مدارس .. بعد ينامو...
واني بعد بنام.. وبقعد قعدتكم الصباح.. بكتب الجزء و بنزله ليكم ان شالله.. اذا الله قدرني ..

موفقين ويعطيكم العافيه
دمتم بخير
وبحفظ الرحمن

[عوامية صفوانية]

اني ما عليي دوووام بكره


الاسبوع الجااااي


بس بنتظر البااارت بفارغ الصبر خيتو
والله يعطيش العافية

مو طولي علينااا

[دموع الوحدة]

هآآآيز
اموورة حرام اني قريت كل الاجزاء اللي خليتهم قلت علشان المدرسة مايمدي خليني اتابع عدل
حرآآم حطي اليوم اهئ بكره بننشغل بنروح نشتري دفاتر وخرابيط وبنسوي الطوابع مايمدي اهئ اهئ
مسآآآكين احنا طلاب المدارس مظلومين حتى في الروايات خخخخخخخخخخخخخخخخخ

ننتظرش

[جـــــوان]

حتى أني اللي ما عندي دوام ولا همك الله

أقوم انام يعنو ؟

يللا عشان نقعد الصبح ونصوور حسوني بكرة اول يوم له بالروضة
متحمسة له ومرة وحدة نقرأ الجزء الجديد


الله يعطيش العافية وبالانتظاااااااااااااااااااااااااااااار

[للدموع إحساس]

مرحبا



مرآآآآآآآآآآآحب ،،
أدري أني ملقوفهـ بس لازم أرد ،،
على فكره... على شان لا احد ياخذ اي فكره
اغنية ابو جسوم وهو في الحمام يسبح
من اغاني اهل لول القديمه..
ومن المتعارف عليه اغانيهم ( وصخه) وفيها ما يخدش الحياء..
عن عبارة لول الناسات على نياتها ،،
ما تحط بالها على شي ،،
زي ماوضحت ردة فعل ام جسوم وقهرها من رجلها وهو يقولها بأنها لا تناسب الوقت الحالي لجهلهم مسبقا بها..
يعني لا احد تعجبه و تصير على لسانه واصير اني السبب في نقلها ليكم..
وهذاني بلغت
هع هع ،، هذي أني أول وحدة جعبتني ،،
بس لا تحاتي خيهـ ،،
بس يا سيسبان الحلو و قلبي حنون عليهـ ،، و نوقف ،،
و إلا نحصل مزقهـ بقلم القدو ،،

لفت نظري رد الغاليه للدموع احساس وحبيت انوه عن هالنقطه
و كاني شفت التنويهـ ،، مع أني متأخرة ،،
بس المهم وصل ،،
و أنا لاحظتهـ كمان من ردة فعل أم جسوووم ،،
يسلموووو غلاااتي ،،

تسلمو عالتواصل حتى التقيكم مع الجديد
لكم مني خالص الشكر
دمتم بخير

وبحفظ الرحمن

و بـ إنتظاركـ ياالـ غلا ،،
قبل لا يجي وقت الدوام ،،
أحتمال الأحد نبدء و اللهـ يستر ،،
بـ الأنتظار ،،
خااالص التحااايااا ،،
للدموع إحساس ،،

[أسيرة الأحلام]

اللهـ ونآآآآآسهـ القصهـ

عجبتني حد الدعسهـ هع

امممممـ

بكتب كمـ توقع اتوقعهـ

اتوقع علا تكون من نصيب هشامـ

وو ساروونهـ من نصيب ابو علووهـ (( علاوي ))

ووو زينب اكيد لشرووفنا هع هع

يلا امووور القمررر ننتظر الجزء الجديد على احر من الجمر

ع ـفكرهـ ترى اني اتابع القصهـ بس من وراء الكواليس هع هع

يلا ثيوووو

[Princess]

مرحبا

جيت ليكم قبل لا ارووح << خوش كلام..
وجبت ليكم الجديد..
مشكورين وما قصرتو على هالوصل الحلو..

للدموع احساس.. يافديتش البدايه اللي اخذتيها هي اعظم شي على فكره << بتتكفخ..
بس شي جميل ينوع الكاتب في الماده اللي يكتبها.. ويتناول اطروحات فيها شيئ من الجرأه الواقعيه
هالجرأه جت في هالأغنيه القديمه اللي مازالت الى يومنا هذا تنقال في بعض الأعراس.. مع الجهل بالمعنى العميق للكلام ... الله يهديهم اهل لول .. << يبغى لي احط اغانيهم القديمه في قسم التراث من غير تشفير >> ايه هين حق تتشفري من الشبكه..

احم.. ماعلينا

تفضلوو حياكم..
والجزء 47

[Princess]

الحلقة 47 ..


اشرف كان يطالع في النافذه.. من الزهق في الرايح والجاي.. وبس شاف ابو جسوم يتمشى ويا زينب من بعيد ..
نزل بلا وعي يررركض من غرفته .. ويطلع من باب البيت ولا ينتبه للدرج عدل .. نسى درجه
وطرررم طرااااخ على وجهه ..
زينب شهقت... وبنفس الوقت جتها ضحكه بس عور بقلبها وصارت تداري ..
ابو جاسم من شافه انشدخ راح له يركض .
ــ بسم الله على عمرك ياولدي قوم قوم.. تعورت؟؟
اشرف مو متعور من الشدخه.. اشرف بيمووت من الأحراج..
وقام وابو جاسم ماسكنه..
ولا رفع وجهه الا مبينه في جبهته الضربه..
ابو جاسم يمسكها..
ــ ويلي .. تورمت.. تعورك..
اشرف يفز على عمره ولا كن شي صار..
وبأحراج:
ــ لالا حصل خير...
ابو جاسم: ــ خير ان شالله .. انتبه مره فانيه ولا تستعجل..
اشرف مره بيموت ويلعن الساعه اللي خلته ينزل فيها ..
ــ ان شالله..
ــ سلم على ابوك..
ــ يوصل ..
ومشى ابو جاسم ووراه بته..
واشرف مره يحس روحه قد النمله ويسب ويلعن في نفسه ياليته ظل فوق ولا طلع..

زينب :
ــ ولا نشوفه الا انشدخ على وجهه..
ريما :
ــ هههههههههههههههههههههههههه ياعلي فاتني
زينب:
ــ حرام عليش عور بقلبي ..
ــ اتحداش ماجت لش ضحكه..
ــ ههههههههه صراحه جتني.. بس بلعتها..
ليلى ساكته بس تسمعهم..
زينب :
ــ ويش صاير ..؟؟
ريما : ــ من شروط الحداد التزام الصمت..
زينب خزت ريما بنظره.. ريما بقهر..:
ــ اف حتى انتين .. اهوو بس..
ليلى بهدوء:
ــ باقوم اسلم على خالي..
زينب :
ــ قومي باقوم وياش نقعد وياهم احسن..
ريما : ــ وراااكم.. عالأقل ناس تسولف...

ما مداها ليلى بتدخل وكانو في غرفة الخياطه امها وابوها وخالها... الا تسمع ابو جاسم:
ــ افاا وليش مهي راضيه؟؟
ام علي بهداوه : ــ ما غير صالح.. رحمة الله عليه .. خبره كدر حياتها وخلاها بهالحاله..
ابو علي : ــ لا ليلها ليل ولا نهارها نهار.. بغيناها تخف وتنسى .. خفت شوي ومن جى مؤيد شاريها اعتفست احوالها ورجعت للهم..
ابو جاسم : ــ انا لله..
زينب تدف ليلى:
ــ دخلي ويش فيش وقفتي..
ليلى دموعها في عيونها:
ــ مابدخل خلاص ..
ورجعت الغرفه..
زينب :
ــ ياعلي ويش صاير؟؟ ويش سمعت..
ريما :
ــ اهوو تزهقو.. بدخل اني وياهم بابسط..
مامداها دخلت..
ــ قواك الله خالي..
ــ هلا هلا بتي .. شحوالش..
ــ حياك الله..

ام علي تبغى تصرف ريما ترجع وياهم ليكملو سوالفهم...
ــ امي ريما.. قومي شوفي عندنا موز لو لا .. نسيت ماحطيت ويا الفاكهه..
ابو جاسم فهم عليها وجت له ضحكه..
ريما ببرود: ــ ماعندنا .. ماشرينا اصلا ..
ام علي : ــ زين روحي شوفي اختش ويش فيها..
ريما بتحمق: ــ ويش فيها بعد كل نكد في نكد..
ام علي :
ــ اوهوو ويا هالعناد..
ريما : ــ قولي افارق ماتبغوني ..
ــ اخيرا فهمتي..
ــ وففففف مادري وين ارووح اني على عمر روحي..
ابو علي: ــ ام لسانين..
ــ اطلع الصاله احسن لي للتلفزيون..
ام علي : ــ احسن لش..
وطلعت
ابو جاسم:
ــ ههههههههههههه مسكينه..
ام علي : ــ الا لساان مغربلنا ومغربلنها..
ــ الله يهديها يارب..
ــ ان شالله..

وصارو يتكلمو عن مؤيد واخلاقه ويفكرو شلون يخلو ليلى توافق..
زينب في الغرفه تحاول تفهم ويش صاير .. وويش فيها ليلى.. بس ليلى شاده على عمرها وسرحانه.. ماشافتها الا قامت فتحت الدرج وطلعت دفتر صغير مسجله فيه ارقام تلفون..
وعلى طول راحت الصاله..
واتصلت..
ريما: ــ يوووووو تتصلي في مين..؟؟
زينب طلعت : ــ ويش صااير؟؟!!

و لا يشوفو ليلى الا ارتبكت :
ــ السلام عليكم..
مؤيد: ــ عليكم السلام...
ــ موجوده ساره؟؟
ــ ايه.. لحظه..

ونادى على ساره..
ساره: ــ مين؟؟
ــ مادري.. خخخخ حلاتي اسأل بنيه مين انتين..
ــ خخخخخ ويش دراني..
وردت..
ــ هلا..
ليلى تحاول تعدل صوتها:
ــ هلا ساره..
ساره بعفويه فرحانه:
ــ هلااا ليلى هلا غناتي..
مؤيد كان بيروح عنده شغله .. من سمع اسم ليلى وقف .. ورجع عند راس ساره يتصوخ..
وبعد سؤال عن الحال ..
ليلى بأرتباك..
ــ ساره.. غناتي.. بقول شي وابغاكم تفهموني وماتزعلو مني..
ساره قلبها حسها.. وبأرتباك:
ــ تفضلي ..
ــ غناتي.. اخوش عالعين والراس.. مايعيبه شي .. رجال والنعم فيه والف من تتمناه.. بس العيب فيني اني ..
ساره جتها غصه وهي تطالع اخوها اللي يترقب خبر حليو من هالمكالمه..
ساره توخر عنه بالتلفون.. هو خاف .. السالفه اكيد ماتفرح..
ساره بهدوء:
ــ ليش يالغاليه؟؟ ويش فيش من عيب .. ؟؟
ليلى : ــ اني انسانه مجروحه عايشه على الماضي..
ريما قامت بالسرعه لغرفة الخياطه:
ــ الحققوووووووووووووووووووو..
ام علي انصرعت: ــ ويش صااااير؟؟
ــ ليلو استخفت اتصلت بيت ام مؤيد واكي تقول ليهم ماتبغى ولدهم..
ابو علي وقف .. ولأول مره يصرخ بحمق:
ــ لاااااااااا لهنااا السالفه مصخت..
طلعو ليها .. لقوها خلصت المكالمه وزينب واقفه ومنصرعه من تصرف ليلى..وفهمت السالفه ..
ابو جاسم طلع ورى ام علي اللي بصريخها لأول مره بهالحال على ليلى.
ــ وين قاعدين حنااا.. سكتناا وايد.. توصل فيش المواصيل تتصلي للناس وترفضيهم..
ليلى سكووت ..
ابو علي صرخ:
ـ وكأني طوف في هالبيت.. لا راي ولا مشوره.. وين قاعدين الرجال جاي ويا اهله وشارينا .. تبيعيه وبهالطريقه.. لا حيا ولا مستحى..
ليلى انفجرت:
ــ لا تضغطو علي قلت ليكم مابغاه.. مابغاه ... وانتون كل يوم هدره علي .. والحين لخالي بعد..
ابو جاسم اثرت فيه كلمة بعد.. وبعفويه:
ــ افااا.. ماتبغيني ادري..
ليلى ارتبكت:
ــ لا مو هذا المقصد.. بس اني تعبانه وماحد يفهمني.. خلوني بحالي مابغاه..
ام علي معصبه.. ومتوتره.. مسكت ليلى من بلوزتها وسحبتها بأتجاه غرفتها..
ــ رووحي.. رووحي عيشي في النكد على طول.. احرمينا واحرمي روحش الفرح.. خلش على ذكرى اللي مات.. وموتي بالحيا وياه.. روحي .. ولا تراويني وجهش..
ليلى تأثرت وايد.. اول مره امها تعاملها كذا..
دخلت غرفتها وسكرت الباب..
ابو جاسم وزينب صارو يهدو في ام علي اللي كانت منفعله:
ــ بتحرمنا الفرح.. مابغينا يجي لينا ونعيش ايامه.. بتقتلنا هالبنيه.. نكدها مو طبيعي..
ابو علي قعد:
ــ انا لله وانا اليه لراجعون..
ابو جاسم:
ــ جيبي لأمش ماي..
ام علي: ــ ولا ادري متى بتفك هالعقده وبيتغير حالها.. مفكره روحها الحين ياهله.. بكره تندم اذا راحت عليها..

ليلى في الغرفه تسمع كلام امها وصياح..


تابع>>

[Princess]

ساره مهي عارفه ويش تقول..
مؤيد:
ــ ساره ويش صاير؟؟ ويش فيش ؟؟ وويش تبغى ليلى؟؟
ساره مرتبكه.. هزت راسها وبهداوه بالكاد تسمع:
ــ رفضت..
مؤيد : ــ ليششش؟؟؟؟؟؟؟!!
ــ تقول ماتقدر ولا بتسعدك.. وعايشه على ذكرى ولد عمتها المرحوم..
ــ يــــــــــــا الله.. يعني انا اللي نسيت المرحومه.. حالها من حالي ويش فيها معقده الأمووور...

ام مؤيد سمعت انفعال ولدها وراحت ليهم تشوف ويش صاير ..
ام مؤيد : ــ ويش فيكم..
مؤيد بعده منفعل: ــ انا مالي حظ اصلا .. ولا احد يجيب لي هالسييره مره ثانيه زييين..
ام مؤيد مختلعه / ــ ويش صاااير .؟؟ ويش فيكم..
مؤيد : ــ بطلع مع السلامه..
ام مؤيد اعصابها تلفت..
ــ ساره,, ويش صااير؟؟؟
ساره:
ــ ليلى .. رفضت مؤيد..
ام مؤيد طقت صدرها:
ــ وي.. ولاااااويه؟؟؟!!
صارت ساره تعلمها السالفه..
ام مؤيد عصبت:
ــ قلة حيا.. اول مره اشوف البنيه هي اللي ترد على العالم.. ما توقعتها منها...
ساره :
ــ اماه.. اعذريها شوي .. صراحه مالومها اني.. عندنا مؤيد وشايفه حالته.. نفس حالتها..
ــ مااادري عن شي خليني خلاص .. ويلي عليك ياااولدي .. ويلي..

مؤيد طالع من بيتهم بالصدفه تقابل ويا عبدالرحمن وعلي ..
علي :
ــ هذا هو.. مؤيد .. اللي تقدم لأختي..
عبدالرحمن : ــ والله..
وضرب له هرن شان ينتبه..
مؤيد ماله بالة احد،، ويمشي بالسرعه..
عبدالرحمن:
ــ ياساتر بلاه متهور..
علي : ــ الله يستر .. مادري غريبه..
اتصل علي عليه .. رن رن ولا رد..
مؤيد في باله..
ــ مابرد.. مو ذنبك احط فيك الحرقه..

ابو جاسم بيرجع البيت..
ام علي :
ــ ياخوي بعد اذنك.. تخلي زينب ويانا الليله.. حاسه روحي ماني طايقه الوضع ولا شي.. خلها ويا ليلى الله يغير الحال ان شالله..
ــ من عيوني خيه.. افا عليش... يللا مع السلامه..
وطلعة ابو جاسم من الباب الا في وجهه بنيه
ابو جاسم اختلع من سواد العباه في هالليل وواقفه قدامه..
شهق شهقه:
ــ بسم الله الرحمن..
علا شهقت من شهقته .. لأنها سمعت الباب ينفتح ودرت ان احد بيطلع.. وقفت وهي منحرجه...
ابو جاسم استحى .. خلع البنيه:
ــ تفضلي يابتي .. تبغي بيت ابو علي.؟؟
علا بهداوه:
ــ ايه..
ــ تفضلي حياش..
ونادى:
ــ خيه جوكم ضيووف..
ام علي : ــ ايه حياها.. هذي علا..

زينب في بالها : ــ بل بل بل الله يستر ،، كملت..

وبعد ما دخلت علا وسلمت عليهم.. لاحظت الحاله اللي هم فيها.. وصارت مرتبكه..
ــ عسى بس .. ماجيت في وقت مو مناسب؟؟
ام علي تتنهد:
ــ لا يابتي .. خذي راحتش البيت بيتش.. بالعكس.. روحي انتين وزينب ليها.. هدوها هاللي رفعت ضغطي..
ودخلت ام علي ويا ابو علي الغرفه..
علا ضايعه..
ــ ويش صاير؟؟
ريما : ــ ليلو.. رفضت مؤيد..
علا حمقت:
ــ هااااااا... يااربي عليهااا..
وقامت ليها الغرفه..
زينب فيها قهر من علا .. مره تتصرف كأنها اقرب منها.. ووراها على طول..
دخلو لليلى اللي كانت قاعده عالسرير .. و ذبلانه..
سلمت على ليلى .. وبدت وياها الكلام ..
ــ ويش فيش .. ولمتى هذا حالش ..
ليلى ماترد..
علا :
ــ حرام تطيري الفرص من ايدش .. لويه رفضتي الرجال وطريقتش مهي عدله..
ليلى بعصبيه:
ــ علا.. علا لا تزوديني قهر وهم.. خلاص .. اخر كلام لي وما بتراجع عنه.. ولا احد يضغط علي..
زينب : ــ مايصير كذا لكن.. اللي مات الله يرحمه .. لويه منتين راضيه تتقبلي الواقع..
علا : ــ ماتوقعتش بهالضعف... كنتي في نظري انسانه قويه وصبوره..
ليلى : ــ اني اضعف وحده في الدنيا واجبن وحده تواجه الحقيقه الصعبه.. خلاص خلووني لا تفتحو هالسيره وياي..
علا : ــ مايصير لكن.. اللي سمعته خوش رجال ..
ليلى بدون قصد من القهر:
ــ اخذيه الش..
علا حمقت:
ــ اخذه الي.. ليش .. لعبه السالفه.. وانتين ما بتقتلش الا الذكريات.. ويا هالصالح ..
ــ ايه .. ماحد يفهم ولا يحس لو تحسو ماقلتو كذا.. يكفي مات في الغربه.. مات وهو ينتظر متى يرجع لي ..
ريما : ــ حررررررريقه تحرق دفاترش .. وحريقه تحرق دفتره اللي رجع ويا اغراضه
ليلى بحمق:
ــ وتحرررقش ولا لش شغل.
ريما :ــ لا اراويش الحين شي ماشفتيه...

تابع<<

[Princess]

زينب :
ــ صلو على محمد خلاااص...
ليلى :
ــ كلكم.. اطلعو برى.. مابغى احد... ولا أي احد..
علا خلاص كرامتها تحس انهانت وعلى ويش عاد.. على النصيحه..
من قهرها فتحت جوالها..
ــ بطلع.. بس قبل لا اطلع.. باراويش حاجه.. بتبين لش مدى الغفله اللي عايشه فيها انتين.. وبتندمي .. وقولي علا قالت..
ليلى :
ــ خلييني قلت لش ولا ابغى اشوف شي ويللا .. ابغى انااااااااام..
زينب بعفويه صارت تصيح على حالة بنت عمتها..
ريما مسكت زينب ..
ــ امشي نطلع.. علا خليها هالنكد دي.. تولي .. ناصحكم يابدو في الناااااار...
علا فتحت الصوره....و مدت الجوال على ليلى ..
ــ شوووووفي...
ليلى :
ــ ويش اشووف
ــ شوفي ولد عمتش صالح..
ليلى خلاص وصلت حدها:
ــ تسخري ويا وجهش ..!!!
علا صرخت فيها.
ــ اسخر طرااق اللي بجيش ويصحيش من هالحاله..
ليلى وايدها ترتعش مسكت الجوال.. وصارت تطالع..
ــ ايه... صالح... صااالح.. من وين ؟؟ شلون جى في جوالش.؟؟ اشرحي لي..
علا لزيادة التأكيد:
ــ صالح ال... صح لو لا..
ليلى تطالع في علا وهي مره مذهوله:
ــ ايه.. علا .. ويش السالفه تكفي ؟؟
ــ الحين تبغي تسمعي لو اطلع برى..
ــ علاااااااا لا تلعبي بأعصااابي.
علا :
ــ هو اللي عالج ولد خالتي امل .. دكتور توه متخرج.. بس شاطر و ووصل لأعلى المراتب والكل يجيه بمختلف حالات ولد اختي..
ليلى صرخت:
ــ ويش .. قصة حياته دي .. ويش تقوووولي وشلوون عالج ولد اختش ؟؟ وهو...
علا: ــ مامات اصلا.....!!
ريما كانت واقفه.. هي ويا زينب..
زينب دار راسها .. وقعدت عالسرير..
ريما شهقت شهقه وطقت صدرها..
ليلى بس عيونها مفتحه.. وتسيل الدموع..وبأبتسامه
ــ مااا .. ماااات !!!!
علا بأنفعال وصارت تصيح هي الثانيه..
ــ ايه .. ما مات...بس .... بس...
ليلى صرخت فيها.. وقامت ليها مسكتها من كتوفها ونفضتها..
ــ بس وييييييه؟؟؟
ــ بس ..متزوج .. وعنده بنيه..
ليلى من سمعت هالكلام.. طاحت مغمى عليها..


على طول اتصلو على علي اللي جى بالسرعه وودوها المستشفى..
زينب حمقت في علا وصارت تصارخ فيها:
ــ كل منش .. انتين السبب ..
علا ماتحملت زينب وصارت تصارخ فيها..
ــ لااااا اجل تسكتوو . وتخلوها عايشه في وهم.. وهو يلعب من وراها وعايش حياته حراام هاللي يصير..
زينب مهي طايقه الوضع:
ــ اسكتي بس ..من تجي بيت عمتي ماتجي الا بمصيبه..
علا ماتحملت.. كلام زينب اثر فيها وايد خصوصا انها كانت تحس بهالشي لول .. شلون يجيها كلام الحين.. اكد ليها هالأحساس..!
ريما بدت تصيح وياهم..
ــ ياربي .. خلاص اهدووو..
زينب قامت وهي مره معصبه:
ــ عمتي راحت ويا ليلى
ريما : ــ ايه وداهم علي..
زينب : ــ باروح بيتنا اني...
علا مصدومه والدنيا ضايقه بها.. اتصلت برجل خالتها يجيها يرجعها البيت...
الا سوسن متصله بالصدفه وكانت مع هشام...
ردت علا وصوتها مخنوق
سوسن: ــ هلا غناتي ويش فيييش؟؟؟
هشام اختلع..
علا : ــ برجع البيت اذا رجعت بعلمش..
ــ مامداش لكن؟؟ ويش صاير؟؟
ــ اذا رجعت اعلمش ..
ــ مين برجعش؟؟
ــ حسين..
ــ لويه اتصلتي .. اتصلي فيه اذا ماطلع لا يجيش هذا حنا قريبين
ــ اتصلت خلاص
ــ علوووه اسمعي الكلام ولا تمشوري رجل خالتش هذا حنا قريبين

ردت اتصلت لرجل خالتها وقالت له...
ومرو عليها هشام وسوسن..
من ركبت علا .. وسألتها سوسن
ويش صاير؟؟
ما تحملت وصارت تصيح
هشام من سمعها تصيح .. بعفويه .. مد عليها علبة النشاف ..
ــ هدي .. لا تصيحي عاد..
<< كان وجهه مبين عليه متأثر وياها عدل..
سوسن لاحظته .. بس غضت النظر عنه بالها ويا علا وويش فيها..
صارت علا تقول ليهم بلهجه زي الأطفال .. متقطعه ..
ــ اني.. شؤم .. وجه نحس.. كل مني اللي راويتها صالح.. وخليتها بهالحاله

هشام مرتبك وضايع..
ــ مين صالح؟؟

سوسن ..
ــ هدي غناتي.. انتين اللي سويتيه عدل ولو كان بطريقه مهي عدله بس الأحسن انها تعرف وتعيش حياتها بدل لا تموت وياه وتبقى عالذكريات..
ــ خاايفه عليها اني.. ان صار فيها شي باموت..
ــ سلااامتش لا تقولي كذا وان شالله مايصير الا الخير..
ــ يارب..

رجعو البيت وكانت سميره تنتظرهم وهي مرتبكه تبغى تاخذ رايهم في الكوافير ومن وين تاخذ الثوب لحفلتها اللي مصرين عليها الأسبوع الجاي.. تحس روحها ماتعرف تتصرف ومحتاجه مساعدتهم..
دخلت علا وهي متوتره وعلى طول غرفتها..
سوسن وراها.. قعدت في الصاله وهي مهي قادره تتنفس..
سميره
ــ ويش صاير ؟؟ ويش فيكم..
سوسن تحك عيونها..
ــ لا بس علا متزاعله ويا صديقتها سوء تفاهم بسيط ان شالله يعتدلو..
ــ عساه خير.. وانتين ويش فيش؟؟
ــ مادري .. بس الزغلله رجعت احس.. ومهي طبيعيه.. ودااير راسي بالقوه..
ــ ياساتر .. ارتاحي زين..
سوسن:
ــ ايه باقوم غرفتي .. بانام ابو مالك بيتأخر في شغله الليله.. تصبحي على خير
سميره بخيبة امل:
ــ وانتين من اهله...

سوسن تحس نفسها مهي طبيعيه.. تجاهلت هالأحساس بحجة انها متأثره على علا والموقف اللي صابها .. ونامت...

3 الفجر.........
الى الملتقى...