ضعنا يا صبرنا...

[Princess]

ام علي تراقبهم وهي عالباب مهي عارفه ويش تقول وويش تسوي..

بلا شعور توجهت لليلى .. وقعدت على ركبها على الأرض وهم على السرير

علي متوتره اعصابه قام وقف ...

ليلى مهي في دنياها من الصياح..

ام علي حطت كفوفها على راسها.. وبلهجه متكسره..

ــ ليش يابتي .. تفكرينا مو مهتمين لأمر صالح لو ناسينه.. صالح عباره ولدي .. ما امتحنت في حياتي كثر ما امتحنت على مصيبة اخوش اللي ربي سلمه منها.. ومصيبة موتته.. ليلى يا غناتي ,, لا تقلبي علينا المواجع.. نبغى نفرح.. الدنيا مهي دايمه.. وكلنا ليها..

حطت ايدها على ركب ليلى .. اللي ماتحملت وضعية امها.. وكيف تترجاها بعفويه..

ونزلت من السرير ارتمت في حضن امها.. وصارت تصيح..

ام علي تمسح على راسها..

ــ استهدي بالرحمن غناتي.. وفكري .. اسبوع.. اسبوعين.. على راحتش.. المهم تتوصلي لقرار.. تحسيه يرضيش ويريحيش..

بعد كم يوم.. امل في زياره لبيت ابو مالك وقاعدين سوالف..

امل بسعاده: ــ فوق سعادتي ان سجاد مشى .. فرحانه انه اللي عالجه دكتور سعودي

سوسن :

ــ والله تمااام.. مو هذي المصيبه خيرنا لغيرنا وولاد بلدنا مبدعين بس مين اللي يلتفت ليهم..

علا : ــ قلتيها هذا انتين مين اللي يلتفت..

امل : ــ لا وقطيفي بعد..

علا : ــ والله.. ويش اسمه..؟؟

امل : ــ ممممممم ناسيه اسمه بس صورته ويا ولدي بالجوال بعد نجاح العمليه..

سوسن: ــ حركااات.. الحمدلله على سلامته..

امل تفتح جوالها: ـ الله يسلمش .. تالي اسال حسين عن اسمه..

ومدت الجوال عليهم يشوفو الصور..

علا تطالع فيه.. وجهه مو غريب عليها.. ملامحه ورسومه.. مرت بس وين مهي ذاكره..

الا صدفه حسين يتصل ..

امل : ــ هههههههههه كنه حاس..

ردت عليه وكان يسالها عن شي

وسألته:

ــ الا بسألك ويش اسمه اللي عالج سجاد...

سكتت شوي .. بعدين ردت..

ــ اهاا.. تذكرت .. زين مع السلامه

سكرت ..

ــ صالح محمد آل .......

علا جاها الأسم زي الصاعقه:

ــ هاااا........

سوسن: ــ ويش فيش..؟؟؟

علا :

ــ جيبي الجواال لحظه..

رجعت تتأمل في الصوره .. وصارت تبلع ريقها بصعوبه..

ــ مااا اصدق..

امل :

ــ ويش فيش ؟؟

علا بتوتر وانفعال:

ــ هوو.. ماغيره.. نفس الأسم.. واني شكيت في الملامح.. هووو

سوسن : ــ من هووووو؟؟

علا : ــ ولد عمة ليلى صديقتي

امل ضربت صدرها:

ــ هااااااا.. تشيه من بيت آل ...

ــ اييييييييه...

ــ يالله راح عن بالي فكرت ولد عمها مو ولد عمتها..

علا مسكت راسها:

ــ دار راسي .. تخيلو يفكروه ميت.. وناااااااااااااسه الحين لو يوصل ليهم خبر انه حي .. يالله ماصدق .. مو عارفه ويش اسوي

سوسن: ــ لالا اياش تتصلي لو تتسرعي لين تتأكدي عدل .. لا تحييهم وترجعي تموتيهم

امل : ــ ايه كلام سوسن عدل.. بعدين هذا شكله تشابه اسماء.. هذا متزوج وعنده بنت ..

علا : ــ هااا.. صدق؟؟؟

امل : ــ ايه جاب بته الصغيره ,,, وصور وياها سجاد بعد..

طلعت الصوره..

سوسن:

ــ تجنن عواينها زرقان وخدود

امل : ــ هههههههههههه ويش تبغي وامها لبنانيه

سوسن: ــ اهااا..

امل تغمز ليها:

ــ الله يعطيش زيها

سوسن: ــ ههههههههههههه يارب.. مادري طالعه على مين

علا سرحانه انتبهت:

ــ احم..

سوسن: ــ فديت الأحم.. قمر لو تطلع عليش

علا : ــ ههههههههههههه حسبااالي..

وقبل ماتطلع امل من عندهم طلبت علا منها ترسل ليها الصور بتتأكد..

ولما راحت امل..

سوسن: ــ علا ويش بتسوي.. خليهم على خبر وفاته احسن من يطلع هو فعلا حي وناسيهم .. ويش حالة ليلى لو درت..

علا بحزن: ــ مادري .. مادري...

الى الملتقى