ضعنا يا صبرنا...

[Princess]

الحلقة 43

حميد وبصوت متقطع ..


ــ علي .. طلبتك...


علي بأستغراب:


ــ عطيتك...!!


ابتسم حميد ابتسامه حزينه:


ــ احس ايامي خلاص قربت تخلص..


علي يهدي فيه:


ــ بعيد الشر عنك .. ربي يطول عمرك


حميد :


ــ لا فعلا .. مادري متى الله ياخذ امانتي.. باطول على هالحاله ايام .. ويمكن شهور... اللي ابغاه منك.. تكون قريب مني هالفتره... تحسسني بوجودك.. خليني احس ان لي احد في هالدنيا.. واذا متت.. يحضر دفني .. ويوقف على قبري .. يترحم لي ويقرا لي الفاتحه.. مابغى اموت موتة غريب...


علي ملامحه تغيرت وبدا عليها الحزن الشديد.. وبهمس مختنق:


ــ السلام عليك ياغريب كربلاء... خلاص ولا يهمك ياخوك.. لك اللي تبغاه..


حميد مد ايده ومسك كف علي وضمه بالقوه..


ــ لا حرمني ربي طيبك .. سامحني .. من قلبك ابغاك تسامحني..


علي بأبتسامه صادقه ونظرات عيونه تشهد..


ــ سامحتك.. والله كريم ..

سالت دمعه من حميد.. كانت احر دمعه واصدق دمعه يذرفها في حياته.. وهو يحس بهالأحساس.. يحس بحقارة نفسه ودنائته على اللي سواه في صاحبه الوحيد..


بلع ريقه بصعوبه وبصوت متقطع:


ــ ايه استريح .. وقول لي ويش اخبارك ويا الدنيا..


وقعد علي يسولف مع حميد...

في الليل علا مع ليلى.. والفرح عامر..


ليلى : ـــ ماجت وياش سوسن لويه..؟؟


ــ تعبانه هي هالفتره.. وهشام اخوها يبغى يطلع وياها من زمان ما شافها.. وصلوني وراحو.. تسلم عليش واايد.. وتتحمد على سلامة علي..


ــ الله يسلمها.. اهاا هذا هشام اللي رد علي ذاك اليوم..


علا بهداوه و خجل واضح..


ــ ايه..


ريما لاحظت.. وصارت ترقص حواجبها...


ــ ياعيني .. ياااعيني..


ليلى تطالعها على جنب:


ــ استحي عيب..


علا وجهها صار احمر..


ريما:


ــ هههههههه استحي ويه.. الوجه مبين من عنوااانوو.. الله يوفق لنصفق..


علا :


ــ ريموه.. استحي..


ليلى :


ــ باساطر بها..


ريما : ــ هههههههههههههه زين خلاص باقوم عنكم اصلا


ليلى : ــ احسن...


ريما : ــ مالت .. طرده هي يعني ... احمدي ربش مسلسلي الحين وقته.. والا شان ماقمت لو ويه...


وطلعت ريما الا بدخلة ام علي المجلس..


قامت ليها علا.. تسلم عليها وتتحمد ليها بسلامة ولدها..


ام علي :


ــ ياهلا فيش ياغناتي والله يسلمش ويحفظش .. ويبلغنا فيش.. شحوالش وشحوال خالتش امل ..


ــ الحمدلله بخير.. وخالتي تسألكم الدعاء سافرو امريكا بيسوو عملية لسجاد..


رفعت ام علي ايدها:


ــ يالله تبلغهم مرادهم وترجعهم بالسلامه..


ليلى وعلا بنفس واحد.. ــ يـــــــــارب...


ام علي :


ــ اخذي راحتش غناتي.. ويش اخبار مرت ابوش.. ماجت وياش..


ــ الحمدلله تمام.. وياها اخوها,,, تسلم عليكم..


ــ يعني.. الله يسلمش وياها من الشر سلمي عليها انتين بعد ...


ــ ان شالله يوصل ..


ــ خذي راحتش غناتي البيت بيتش..


ــ تسلمي ..

وطلعت ام علي من المجلس...


وصارو علا وليلى يسولفو..


الا بطاري سؤال ..


ليلى : ــ الا صحيييييح ويش اخبار المعرض؟؟ جى وقته مع طلعة علي...ومادرينا..


علا .. صارت تعلمها عن سوسن واللي صار فيها بالضبط....

عادل ...


ــ وووووففففففففففففف ابغى اطططططللللللللع


ام عادل:


ــ ويش اسوي لك ماعندك نعال وطلعه بدون نعال في هالنقعات وهالمستنقعات لا تحلم..


ــ مابدوووس عليهم..


ــ ايه تعلمني عنك..


ــ وففففففففففففف..


ــ اركد هااا..


ــ زهقققااااااااان...


ــ انا لله .. قوم نام..


ــ مافيني نوووووووم.. دجاجنا ماننننام انننااام انااا؟؟


ــ ياربي ويش تبغاني اسوي لك.. طالع التلفزيون..


ــ مااااافففففففي شي..


ــ عاادلووه.. ارركد... صخ.. عورت راسي..


عادل ولأول مره في حياته يسأل هالسؤال وبهداوه:


ــ امااه.. منهوو ابووي؟؟ ووين هوو؟؟


امه انذهلت منه..


ــ هاا...


ــ كككل واحد بالدددنيييا له ام وابوو انا حجي عباااسسسو مو ابووويي ويين ابووويي؟؟


ام عادل صارت تفكر شلون بتجاوب عليه...


ــ ابوك ياولدي.. زي حجي عباس


بعدها ماتكمل كلامها صرخ عادل


ــ وييييييعععععععععععععع هووووووووونت مابغااااااااااه


ام عادل مسحت وجهها ..


ــ يالله ترحمنا برحمتك.. خلي الميت بحاله وخلني اكمل كلامي لا بملاس الهريس اشلخ مخك..


ــ خخخخلااااص خلالالااااص


ــ هذا الماخذينه منك .. خلاص وخلاص.. ماعلينا ابوك مات الله يرحمه زي حجي عباس ..من يوم كنت صغير..


ــ شيفا مااات زيييه.. يعني فتح عيييوونه وقققال قلبي قلللبي وانفلت على ججنب؟؟


ــ هههههههه ياربي الهي سامحه عقله على قده .. يارب ترحم موتانا ياااارب.. عادلوه.. يوز عن اللعانه ها.. مات يعني ... يعني.... اهووو ماات يعني ثننيهم ماااااتووو..


عادل توه مستوعب ..


ــ اهااااااااا قققولي مااات وخلالالاااص شدددخل عببباااسسسو


ام عادل في بالها..


ــ يالله تكملك بعقلك و تغير حالك حسبالي ما بتفهم...


عادل يرجع يسال:


ــ يششششبه من ابببووي .. يشبهش لووو يشبهني.؟؟؟


فتحت عيونها :


ــ هاا.. يشبهني ويه بعد..؟؟. اخته قالو لك مو مرته... ما تشبهه انت.. تشبه المرحوم جدك.. ابوي ..


ــ اهااااااا اجل عرررفت.. اكيد ابوووي يشبه حجي عباااسوو


ــ علي يااااااعلي ادركنا.. لويه يعني قلت يشبهه؟؟


ــ لأنهم ثنييييييينهم عررررسو عليش


ــ هههههههههههههههههه ايه واني لا يتغير علي الوضع راح واحد قلت ابغى الفاني يصير نسخه كربون ..استغفر الله ياربي..


ــ يعععني ويه نسسسخه كررربون..


ــ يعني زيه بالضبط..


ــ اييييييييه يعني سيم سيم..


ــ هههههههههههه وتعرف بعد للهنووود..


ــ ههههههههههههه لاااااااا دي مو هنووود دي اساااسااا عنجليززززززززي


ــ اهااا عنجليييزي ومن وينا تعرررف مين اللي علمك؟؟


عادل ملامحه تغيرت وكنه مو طايق الطاري..


ــ اشررررفووو..


ــ ياساااتر عليك....

تابع>>

[Princess]

ليلى فيها فضول تسال علا عن سالفة حميد.. وياترا تدري به لو لا...

وبهداوه::

ــ علا بسألش سؤال

علا استغربت طريقة ليلى في الكلام.. وبريبة..

ــ تفضلي...

ــ انتين عندش عم اسمه امجد..؟؟

علا بأستغراب ::

ــ ايه.. لويه؟؟

ليلى قلبها يراقع مهي عارفه ويش تقول:

ــ لاا.. بس سمعت من اخوي انه يعرفه.. و ماعمري سمعتش تتكلمي عنه..

علا بأستغراب::

ــ يعرفه؟؟؟ ما شالله يذكره...!!!

ليلى باستغراب اعظم:

ــ لويش يعني..؟؟

علا:

ــ الله يرحمه مات من زمان في العراق خذته امه.. و ماتت هي بعد.. الا عاد اذا شافه ويعرفه وهو ياهل قبل لا يروح ..

ليلى جاها الكلام زي الصاعقه.. وفي بالها..

ــ حتى علا .. ماتدري .. ياربي أي قلب هو قلبك يابو مالك....

علا :

ــ ويش فيش ليلى..؟؟

ــ لا بس .. يجوز وهو يهال .. مادري...

وغيرت ليلى السالفه ...

عادل من الزهق قام يغني..

ــ ططططاااح الفاااار في الطححححين.. سسسسموووه عبدالررررحيم.. قققااالت امه... ويييييه وييييييه .. قال اببببوه عزززي عليه..

ام عادل ماقدرت..

صارت تدحن ضحك .. ضحك..

ــ وااااااااااااال بعدك تذكرررها...

عادل يضحك::

ــ اييييييه قولي مــــــــا شالله اول مررره اشششووف ام تحسد ولللدهااا,,, اذكرررها عدددل ما انااام الا اذذذا قلللتها.. تذكككري اماااه لول وانا صصصغير كل تقووليها لي..

ــ ههههههههههه ما شالله عليك عودت بالرحمن..

شوي اعترض عادل..

ــ بسسس لااااااااااااا ويشووووووو فار عبد الررررررررررررحيم عبدالرررررررررررحيم ابووو زنوووب ماااهوو فااار

ــ هههههههههههههه استغفر الله ربي مو لأنه بعد ابو زينب .. الله يخلف علينا لول نهرربد أي كلام وبس .. نبغاكم تنااامووووووو ... ايييه يالله ترحمنا برحمتك...

عادل:

ــ تدررري...

ــ ويه؟؟

ــ باااقوووم انااام..

ــ احسن لك...نومة العافيه.. غسل رجولك واسنانك.. وتغطى عدل..

ــ ان ششششالله...

انسدح .. وتغطى بالبطانيه.. حس روحه استحر.. قام يدور على شرشف ,, لقى له واحد .. كان عرضه اكبر من طوله..

رجع انسدح وتغطى.. غطى روحه بالعرض .. صار الطول قصير عليه.. ورجوله طالعه.. لكن العرض زاايد واايد من الجوانب...

حاول ينكمش بس مايقدر .. يبغى يمدد رجوله لحدها..

ويش يسوي... ويش يسوي..؟؟؟

طلع من غرفته لقى امه قامت غرفتها..

راح يدور له مقص .. حصله.. رجع غرفته ..

وصار يضحك..

ــ موو عللييي هالحررركااات الحييين اراااويك يااا شرشفووه..

هااا شرشفووه... هههههههههههه شششان زييين اقصصصصصصك...

تشييييييييخ...

قص الشرشف نصين من العرض...!!

انسدح وغطى رجوله بنص والنص الثاني بقايا جسمه....

وغفت عيونه.. ونام..

ام عادل قبل لا تنام لازم تطل عليه تشوفه نايم لو لا ,,,

تخاف يستغفلها ويطلع وهي نايمه..

دخلت شافت البطانيه مرميه.. وانتبهت له متغطي بشرشف وفي شي غلط في الوضع..

تقربت وحطت ايدها على راسها.. وفيها ضحكه بس بالعتنها وفي بالها..

ــ غربااال ياعادلوه ... ويش هالحل بدل لا تتغطى بالطول خربته لي وقصيته من العرض نصين.. عساااك السعاده..

تنهدت وبأبتسامه:

ــ يفداك ياغناتي.. عساني ما انحرم منك..

ليلة الخميس .. مؤيد جاينه ارق يفكر في حاله..

ــ لمتى انا كذا.. ولمتى بتظل امي تحاتيني وتحايل فيني وانا عنيد زي اليهال.. بعد لول جود ماليه علي الدنيا الحين راحت وشافت حياتها.. انا ليش ما افكر.. بتفهمني ليلى.. زي مافقدت انسانه غاليه علي هي فقدت انسان غالي عليها.. بتعذرني وبعذرها.. وممكن مع الأيام ننسى ماضينا و نعيش احلى مستقبل... يارب .. ساعدني..

ام مؤيد مع ساره .. عصر يوم الخميس يجهزو العشا لليلى وريما..

ام مؤيد مبرطمه من ولدها اللي مارد ولا فكر ومطنش الموضوع..

الخميس .. الساعه 8 ونص الليل ..

ساره مع ريما وليلى في مجلس بيت ابو مؤيد..

ريما بأستغراب..

ــ ماجى احد .. حنا اول ناس شكلنا..

ساره تسوي روحها ماتدري وهي ماعزمت احد غيرهم لغايتهم اللي ما حصلوها من مؤيد..

ــ مادري اغلبهم قالو يمكن ومو اكيد لأنهم ليلة الجمعه مرتبطين ..

ليلى : ــ اهاا..

ام مؤيد في صالتهم قاعده ومتأسفه حدها على ليلى ..

الا بطلعة مؤيد ليها من غرفته..

ــ قواش الله اماه..

امه بدون نفس:

ــ هلا..

مؤيد فهم عليها وفي داخله ضحكه:

ــ ويش فيه الحلو زعلان.؟؟!!

ام مؤيد مبرطمه ومهي عاطتنه وجه..

مؤيد ابتسم..

ــ واللي يقول لش قومي اخذي اختها و خلوني باروح اسوي اللي في بالش

ام مؤيد طارت من الفرحه وشوي وترقص .. قامت :

ــ من عيوووني .. احلف .. ماصدق..

مؤيد يمزح..

ــ ههههههههههههه يسلم عيونش .. هااا اهووون؟؟

ــ لالالا.. دقيقه باروح اخذ اختها ..

ــ زين...

راحت ام مؤيد .. ونادت على ريما..

ــ ريما امي .. تعالي ..

ريما مستغربه وليلى اعظم منها..

ساره ارتسمت ابتسامه عريضه على وجهها وفي عيونها فرحه عامره ..... فهمت الموضوع...

تابع<<

[Princess]

قامت ريما مع ام مؤيد.. اللي خذتها وياها غرفه وطلعت كذا قطعة قماش وتسولف وياها ..

ــ ايه يابتي .. سمعت ذوقش حليو قلت اخذ رايش ابغى اخيط لي فوب عند امش الله يخليها ومحتاره أي قطعة خام اخيطها

ريما عاد.. ما شي يفرحها كثر ما احد يمدح ذوقها لو جمالها.. ومره مستناسه تقلب في الأقمشه ومحتاره وتفكر أي واحد..

وبالمقابل ..

مؤيد.. طلع برى الحوش ..

لف لنافذة المجلس..

وصل ليها وقلبه يدق ومو عارف شلون يتصرف..

النافذه كانت مفتوحه بحكم الجو بارد..

وقف عندها و القى نظره..

ظل واقف محله... مبتسم ويطالع..

ــ ما شالله تبارك الله

ساره انتبهت لوجهه ورى الشبك.. جتها ضحكه بس شالت عيونها بالسرعه لا تنتبه ليلى ..

كانو يسولفو وينكتو وليلى تضحك ..

مؤيد بعده واقف تسمر محله.. عجبته نعومه ليلى بشكل .. وضحكتها ماقدر عليها..

و بليس اووووووووه... خلاص خلاه واقف مايتحرك وشوي بتصير مو نظره بتصير تبقق وتبصبص...

ساره مهي قادره على اخوها قامت وفي بالها..

ــ يااااارب .. هههههههه هذا اللي مو راضي .. لصق عند النافذه

وصلت للنافذه وبصوت عالي..

ــ الجو احسه بررد ماليها داعي هالنافذه تظل مفتوحه..

سكرتها ...

مؤيد تسند على جدار المجلس.. وابتسم..

ــ والله وشكلي باوافق...

دخل الصاله.. وتنحنح..

ــ يالله يالله.. امااه

ام مؤيد في بالها..

ــ مااااااابغى خوبلت البنيه كلما اختارت قطعه قلت متأكده مو تشنه دي احلى..

ام مؤيد..

ــ خلاص ياغناتي دي .. اخر كلام..

حطتها في كيس مع ثوب للموديل والقياس..

ــ هاش ويعطي امش العافيه ..

ريما:

ــ الله يعافيش.

ورجعت المجلس...

ام مؤيد قامت تركض لولدها وهي تتعثر..

ــ هااا .. ويش قلت..

مؤيد شالق بوزه من الأذون للأذون..

ام مؤيد بفرحه غامره..

ــ لعن الله يزييييييييد لو ما حرمة هالشهر شان جببت.. ياعساااني بالغه فيك برد الله قلبك وعوض الله عليك يااااااارب..

مؤيد باس راس امه.. ودخل غرفته..

ورجعتهم ليلى و ريما البيت..

ليلى مستغربه من ام مؤيد لويش نادت على ريما يعني..

ريما تدلع:

ــ تقوول ذووقي حليوو ويعجبها وخلتني اختار ليها..

ام علي تضحك..

ــ ايه عليش بالعافيه..

ليلى ساكته.. وفي بالها..

ــ يعني اني اللي ذوقي ويع...!! لويش ماجابت القطع وخذت براينا كلنا.. اسكت لا تفكرني ريمو غيرانه..

طنشت ليلى الموضوع.. وماطقت له خبر..

ويمر هالشهر.. شهر صفر,,

و ابو مالك.. خلاله عايش ازمه نفسيه حقيقيه...الحلمه صارت عاده يشوفها في اغلب الليالي... انتحل جسمه وحالته صارت حاله....

قرر اخيرا يروح لشيخ من الشيوخ...

الشيخ:

ــ اللهم صل على محمد وآل محمد.. يا اخي الكريم... هالحلمه ماليها تفسير الا انها نتاج عملك... في عمل بالأحرى اعمال سيئه حلت عليك بسببها غضب الله فطلعت لك في الأحلام ...

اما عن كونها ليش تأخرت هالأحلام وتوك تحلمها.. فالله العالم انها نذير لك بوقوع مصيبه.. اكثر من الصلاة على محمد وآل محمد.. ومن الصدقات.. وارجع الحق لأصحابه... والله يخفف عنك كل عذاب ويحفظك من كل مصاب...

ابو مالك طول ما الشيخ يتكلم..

وهو يربط بين احداث الحلمه واللي شافهم فيها وبين اللي سواه فيهم في الواقع..

يحس نفسه حرااان رغم برودة الجو.. وعرقه يتصبب من جبهته...

عطاه الشيخ كم دعاء يقراهم قبل النوم.. ووصاه على سورة يس لطرد الأحلام المزعجه و سورة مريم للأمن من الخوف..

طلع ابو مالك من عند الشيخ ودقات قلبه تتسارع.. ومهو عارف ويش يسوي...

وفي بيتهم..

علا قاعده مع سميره في الصاله.. سوسن كانت تسبح...

رن جوال علا .. كانت ليلى متصله بجوال اخوها..

علا خزنت رقم علي بأسم ليلى..

من رن الجوال بعفويه علا .. قامت المطبخ,,,

سميره في بالها..

ــ لاااااا الوضع ما ينسكت عنه... لااازم اقول لأبو مالك..

الا بدخلة ابو مالك وهو متوتر..

سميره لا احم ولا دستور.. على طول قامت له..

ــ الحق ياخوي الحقق..

ابو مالك انصرع توه سامع كلام يخوف من الشيخ على احلامه..

ــ ووووووويششششششش صاااااااااير؟؟؟

ــ روح علا في المطبخ.. اني صرااحه مو عاجبتني المكالمات اللي تجيها.. رووح وشووفها مين تكلم على كل وقت..

ابو مالك بلا وعي راح المطبخ .. دخل الا علا مخلصه المكالمه ومسكره.. كانت ليلى تسألها عن امل ويش صار عليها وعلا ردت عليها انهم سوو العمليه لسجاد وباقي علاج طبيعي لمدة اسبوع وان شالله خير....

ابو مالك من شافها سكرت الجوال عصب فيها وصرخ..

ــ ميييين تكللللللمي؟؟؟؟؟؟؟؟؟؟

علا انصرعت من ابوها .. ومهي فاهمه شي..

الا سميره وراه..تسوي روحها طيبه وخايفه عليها..

ــ علا .. اعترفي حبيبتي مين تكلمي.؟؟. ولويش من يتصل فيش قمتي انخشيتي.. ولويش على جوالش قفل..!!

علا فهمت مقصدهم.. الكلام جاها مثل الرصاص حست نفسها مخنووقه.. ويش هالظليمه...؟؟؟

صمت مافي جوااب.. من الصدمه...

ابو مالك ياخذ الجوال وكان لسا ماقفل ..

صار يقلب في المكالمات..

وصل لرقم هشام.. وكان بدون اسم.. فما عرفه .. ولا هو حافظنه.. وكذا مره كذا مكالمه لم يرد عليها.. حاول يخزي بليس بس مو عارف ..

قلب في الرسايل لقى رسايل هشام.. قعد وهو متوتر.. سميره فوق راسه..

ــ شفت ياخوي.. رسايل بعد..

ابو مالك يقرا كان يتسوعب ..

شوي .. قعد على كرسي و ارتخى جسمه المشدود من التوتر والعصبيه... والتفت على سميره وقال ليها ببرود مقهور..

ــ يلعن شكلش فارقي ... اطلعي برى..

سميره انصرعت.. من كلام اخوها.. اول مره يقول ليها كذا...

وبذهول:

ــ ليش .. ويش سويت..؟؟

ابو مالك يفتح ازرار ثوبه يحس روحه مخنوق..

ــ بتي .. اشرف من الشرف .. حسافه وانتين عمتها تشككيني فيها.. المفروض ما اصدقش لش سوابق ويا سوسن.. بس ما يفيد فيش ولا فيني .. فارقي مابغى اشوف خلقتش لا ما يحصل طيب..

سميره مصره تعرف ويش صاير..

ابو مالك:

ــ هذااااا هشاام اخو مرتي يرسل ليها يسألها عن اخبار سوسن لما كانت مريضه.. لأني ما ارد عليه..

سميره حست روحها قد النمله وكن منكب عليها ماي حااار

بس المكابره والأصرار خلاها ترجع وبمنتهى الوقاحه تسال

ــ واللي منخشه تكلمه من شوي؟؟

علا ماتحملت صارت تصيح..

ابو مالك..

ــ سميره اطلعي دام النفس عليش طيبه .. لا ما يحصل طيب... صديقتها اخر مكالمه مستلمه..

سميره خلاص . ماليها حجه.. تحس روحها تفشلت.. طلعت من المطبخ تركض..

ابو مالك ولأول مره في حياته.. فرد ذراعينه لعلا اللي كانت واقفه تصيح.. وبهدوء وابتسامه اسف..

ــ حقش علي غناتي.. تعالي..

علا ارتمت في حضن ابوها وصارت تصيح.. وهو يمسح عليها..

تريزا حاضره للموقف كله.. ابتسمت وحست بفرحه كبيره.. على تصرف ابو مالك..

علي رجع بيتهم فرحان ومستااانس...

نادى باعلى صوت::

ــ ياااااااا اهل بيتنااااااا تعاااااااالو مفاااجأه

طلعو كلهم وابو علي كان مسندح في الصاله قعد قعود..

ــ خير اللهم اجعله خير....

الى الملتقى

[أميرة الشوق]

بعد شوي بقرأ الجزء
بس أكييييييييييييد روووعه

يسلمو أميره
بإنتظار الجزء القااادم

[سفيرة الاحلام]

الجزء روعه

اتوقع مؤيد خطب ليلى من علي

تسلمي على الجزء

لاهنتي

[Habit Roman]

الله الله الله روعة هالبارت يجنن يأخذ العقل
سميرو الدفشة الكريهه تستاهل إلي صار لها
وعدوله والله حركات عليه أجل شق الشرشف نصين الله يديم علينا عمة العقل
يالله يامؤيد متى يخلص الشهر وابلغ فيك أنت وليلى معاريس

أمورة ماتوقفين إلا على جزء يشوق ونحمس فيه ونقعد على أعصابنا

تحياتي

[إيقآعآت قلب]

الله يديم الأفراح لبيت أبوووو علي بس

يااسلام والله رووووووعه الجزء

يمكن علي لقى له شغــل أو على قولته اخذ له الميكروو

يلااا حبيبتي أميره نستنى البارت الجديد

[براءة طفله]

الباررررررررت مرررررررره روعه

واتوقع المفاجأه ان علي شراء الميكرو

يعطيش العافيه خيووووووووووووه

[جـــــوان]

ياي هالجزء جد وناسة


اتوقع ان مؤيد تقدم الى ليلى

كشخة كشخة

[الــــنـــاري]

بصراحة مادري الابداع يتفجر من قلمك
لو انتي تتفجري من الابداع
لاعدمناك خيتو
بارت قصير بس روعة
يعطيك ربي الف الف عافية
رحم الله والديك ماتقصير
تمنياتي لك باللتوفيق

[للدموع إحساس]

مســـــــــــــــــــاء الخيرآآآآآت ،،
توني راجعهـ من طيارتي ،،
و طوآآآآآآآآآآآآآآآآلي عاالروايهـ ،،
البااااارت جوووونآآآآآآآآآآآآآآآآن عاالأخر ،،
و أخيراً مؤيد تلحلح ،،
أقول أمور ياالـ غلا ،، وصلي لـ ريم تنام في العسل هع هع ،،
و عادلووووه هههه هههه هههه هههه ،،
غربال ما لقى حل إلا يقص الشرشف ،،
ياللهـ الحين جا دور حينب ،، و يا شرشوف ،،
و عآآآآآشو ،،
خيهـ لا تقلتي حميد ،،
يعني قدرة قادر و يروح المرض ،،
حرام يكسر الخاطر ،،
و علوووووي وراهـ خبر حلووووو يا ســـــــــلام ،،
أن شاء اللهـ مؤيد خطب ليلى ،،
أو أشترى الميكرو ،،
إلا يصير المهم خبر حلو ،،
و عسى الأيام الحلوة ترافقكـ يا أمور ياالـ غلا ،،
و ينولكـ ربي مرادكـ ياللهـ يا كريم ،،
و يعطيكـ ربي العااااافيهـ ،،
و عســـــــــــــــاكـ دووووم عااالقوة ،،
خاااالص التحاااايااااا ،،
للدموع إحساس ،،

[دمعة على السطور]

ماشاء الله
اللهم صلي وسلم على محمد وآل محمد وعجل فرجهم
رووووووووووعة
ياترى وشو الخبر الحلو اللي عند علي؟؟
مااتوقع بيكون الخطبة .
لأنه يعرف أخته وتعلقها
بولد عمها كان مابيقوله بهذي الطريقة

يمكن الميكرو..
المهم أنه حلو..

بانتظار الغد القريب..
موفقة لكل خير إن شاء الله تعالى..
دمتي بعين المولى الجليل..

[الــــنـــاري]

خيتو متى عادل بعرس على ريموه

في بارت اليوم لو مافيه ؟؟

[Princess]

مرحبا
لا خلا ولا عدم منكم حبايبي.. وزين عجبكم الجزء ودوم الفرح يارب..

فيه بارت.. بس نفس حزة امس..
عصر او ليل ..
دمتم بخير
وبحفظ الرحمن

[آخر شقآوهـ ..~]

توقعآتي لهذآ اليوم هي..
أن علآوي الخبر اللي جآيبنه هوهـ خبر الشغله الجديد
أكيـــــــــــــد حصل ليه شغل عدل<0000 أمآ صآر فيسي قد النمله والتوقع طلع غلط هع
تسلمين يآقلبي ع الجزء الزآآحف<000 وآآل من زمىن مآقلتهآ
ربي يعطيك ألف عآآفيه
لآآآعدم يآرب
تحيآتون
ضحكوهـ البطه