الحلقة 39





اشرف منسدح على سريره ومتكيسل يتحرك.. صار يتقلب وهو يفكر..


ــ مادري اذا جى ربيع افتح لأهلي الموضوع واخليهم يخطبوني..


يمكن ماتبغاني لكن.. بعد الحين ماعندهم ظروف ولا شي يمنع.. ولد عمتهم الله فرج عليه...


الله يعينه كيفا بيدبر رزقه.. وانا شريت طراده... مايندرى عاد فلوس البيعه صرفوها لمحامي لو بعدها عند ابو جاسم.. الله كريم يدبرها له.. اااخ.. امهل يعني للسنه الجايه.. بس.. بس اخاف تطير مني.. ويش فيني اناااا.. افففف.................... معقوله تعلقت بها... انا لله.. ههههههههه والله وطحت يا ابو شريف...



وقطع هالتفكير ... جوال اشرف .. يرن..


رفعه اشرف:


ــ هلا نااصر هلا والله...


ــ هلا فيك يالقاطع لازم الواحد يتصل فيك والا ما تذكره


ــ افا عليك بس.. انت كل اتصالاتك ياخوك طفرات وروحات وجيات.. شوي نغير جو ونعتكف في البيت..


ــ ايه زي الحريمات .. خل عنك القرقر بس .. بامر عليك بعد ساعه بنطلع


ــ وينااااااا كم ساعه وبيجي الظهر وبتنصهر روسنا


ــ الله لا يروعك بسم الله على راسك ... لا تخاف يالحرير .. عازمنك عالغدا..


ــ ههههههه ظررريف.. زين على خير


ــ ويش قاعد تسوي؟؟


ــ منننننبطح..


ــ هههههههه احلى يالشايب.. للحين منبطح.. تفكر في ويه على هالبطحه..


ــ هاا..


ــ من قال ها سمع.. هااااا.. تفكر في ويه...


ــ فيك ياغناة حبايبك..


ــ ايه هين.. هههههه ماعلينا بعد الصلاه بمرك جهز عمرك




ابو جاسم في بيت اخته ام علي..


ام علي تصب له قهوه,,


ــ ايه ياخوي.. ويش اخبار زهرا


ــ الحمدلله.. ما نسمع ليها حس..


ام علي بأسى وفي قلبها قهر على جاسم وفعلته في علي و في اهله :


ــ ايه مالومها.. الله يكون بعونها ويفرج عنه...


ــ ان شالله..



سكت ابو جاسم شوي.. وطلع ظرف من مخباه..


ــ هاش خيه..


ام علي بأستغراب:


ــ داويه..؟؟


وفتحت الظرف الا داخله فلوس..


ابو جاسم : ــ نسيتي ياخيه بعنا طراد علي .. ما سأل عنه من امس؟؟


ــ لااا تشيه مداه يتنفس ... وعلى طول ويا عبدالرحمن بعده ما افتكر لطراد.. خله ينفه شوي.. وانت قاهرني الله يهديك كان حايلت في زهرا تجي للغدا ويانا عبدالرحمن بجيب اهله وبنتجمع نبغاكم تنورونا..


ــ ايه . خليها على الله وبالعافيه عليكم.. من كلمها بعد جاسم اعتفست فوق تحت... مادري برجع احايل فيها رضيت زين مارضيت بعد ما يصير اجي ويا زينب ونتركها في البيت لحالها.. اذا مارضيت مره باجيب زينب و خلني وياها وعلى الله. ... المهم هذي فلوس الطراد ورجعت له وما احتاج محامي والحمدلله.. ياخذهم ويتصرف بهم والله ييسر اموره..


ــ يالله ياكريم. حاسه فيها وربي.... تسلم ياخوي ما انحرم منك .. كنت لينا عون وسند..


ــ شدعوه خيه .. ماسوينا شي..


ــ عساك سالم يارب...




وفي المطعم وبعد ما وصو على الذبيحه ..


علي:


ــ غمرتنا بجميلك يا خوي.. ماكان له لزمه هالذبيحه وهالمصاريف


عبدالرحمن عصب فيه:


ــ أي مصاريف ياشيخ واي جمايل انا اللي جميلك انت وهلك فوق على راسي غمرتوني بعطفكم وحبكم ولقيت عندكم اللي ما لقيته بين هلي وناسي ..


عبدالرحمن يحط كفه على كتف علي:


ــ لا عاد اسمع هالهرج منك لا ازعل عليك..


علي بأبتسامه:


ــ لاااا كل شي ولا زعل الغالي....تصدق.. تذكرني بولد عمتي صالح.. مثله بالضبط .. نشمي واجودي وطيب حده.. الله يرجعه بالسلامه...


عبدالرحمن فهى شوي.. وصار يطالع في علي..


ــ صالح اللي في مسافر بعثه برى؟؟


ــ ايه...


عبدالرحمن مو عارف ويش يقول بس في باله يفكر اكيد اهله ماقالو له..


سكت.. ولا رد ... وراح يشوف الأكل وويش صار على طلبه..




ــ مجبور اعاني الشقا دام هذي افعالي.. محد جبرني اسوي سواتي


درب الحرام و سوء فعلي اردى بي.. شيداوي غير الصبر علاتي..



جاسم ماسك طرف الشرشف ويربط فيه... وسرحان ويا هالموال لواحد وياهم


...


وفي باله يقلب الأفكار..


ــ ايه ياجاسم.. يامااا عذبتك يا يبه.. وما طاوعتك... ياما كنت عنيد وراسي يابس .. سامحني يا يبه...



يتذكر لما راح يكلم اهله.. كلم بس امه .. اللي قالت له ابوه مو موجود وهو يحس ان هذي كذبه على شان لا يكلمه .. وظنه في محله ابو جاسم قلبه يغلي قهر على جاسم وفعلته بس مهو عارف ويش يسوي له .. فما يبغى يسمع صوته وهو في السجن لا يجرحه من قهره..



قطع تفكير جاسم.. انين من حميد.. انين خافت,,,


كان حميد منسدح وعاطي جاسم ظهره.. تقرب منه جاسم.. وبهدوء:


ــ حميد ويش فيك...


حميد مو قادره يتكلم والكلام يقطع تقطيع...


ــ شبدي.. رجعت حالتها..


جاسم انصرع:


ــ يالله.. حميد.. ليش ما اخذت ادويتك..


ــ أي ادوويه.. اففففففف... مو قادر...


ــ ياربي...


وقام جاسم بالسرعه لباب السجن ونادى العسكري..




تابع>>