ضعنا يا صبرنا...

[Princess]

الحلقة 38

قام ابو مالك بيرجع لسوسن .. استدار الا الدرج صار بس درجتين..

نزل لقى محل سوسن رماد.. وورد يابس..

قعد وصار يلمه وهو يصيح..

شوي الا يسمع صوت...

صوت نياح .. قام لناحيته.. لقى مرأه ملتفه بالسواد.. وماسكه البوم صور ..

تقلب فيه وتصيح..

شوي مدت عليه الألبوم..

اخذه وصار يقلب فيه..

شاف ام امجد العراقيه.. شاف امجد ... و ابو عبدالرحيم و عبدالرحيم ( ابو جاسم ) ..

وهو يقلب وكل صوره يشوف ناس .. فاعل فيهم فعايل ...

الا المرأه تكلمه..

ــ ماتوقعتك يابو ولادي تعيش ولادك وتكبرهم على مال الحرام.. بجي لك يوم وبتعرف ان الحرام ما ياكل صاحبه الا كل حسره وندم.. الله بجازيك يا خالد.. الله حسيبك...

وقامت عنه وهو ينادي عليها..

ــ ام مالك.. امينه.. ام مااالك..

وهي ماترد عليه وتكمل مشيها..

ابو مالك يحس بحراره تطلع من البوم الصور اللي ماسكنه..

حاول يرميه من ايده بس عبث

شوي حمى زياده ولصق في ايده..

صار يصرخ وينفضه بس الحاله تزيد..

الا بجية سميره.. قعدت ببرود على كنبه قريبه.. وصارت تطالع فيه بنظرات كلها اسى..

تقرب ليها وحالته حاله..

ــ سميره.. تكفي .. ساعديني.. شيلي هالألبوم من ايدي..

سميره توخره عنها..

ــ اساعدك على ويش .. لا اسمح لي الا في الحرام ما بساعدك..

ــ سميره تكفي ارجووووش.. حاااااااارقني

ــ جرب الحره.. كفاية حرقة قلبي ايام ما ترجيتك وبكيت قدامك .. وانت قاطع لي حظي ونصيبي .. بحجة ما يناسبنا و مو على مستوانا.. ويش تبغى اسوي لك.. وخر عني ..

ابو مالك بعصبيه..

ــ اراويش ..

ويحاول يضربها بالألبوم.. رفع ايده وهو رافعنها حسها ثقلت وطاحت على خده ولصقت وصار يصارخ ودموعه تصب ...

سميره تركت المكان وخلته..

وانتبه من الكابوس .. عرقان وجسمه حار ويتنافض .. التفت على سوسن لقاها جنبه نايمه..

صار يمسح وجهه وشعره وقلبه يتزايد في نبضاته....

رجع انسدح.. ويطالع سقف الغرفه.. ترائت له الحفره اللي شافها في الكابوس..

انقلب على يمينه وحاول ينام بس عبث مافي فايده..

حاسس روحه مكتوم وحالته حاله.. بدت دموعه تسيل .. وشوي بدى ينحب ويصيح...

قام وطلع من الغرفه ونزل للحوش .. اختلى بروحه في الهواء الطلق وطلع كل حرته..

فتحت عيونها لصلاة الفجر

هالفجر احلى من أي فجر...

ام علي و اطمأن قلبها على ولدها.. واخيرا رجع ليهم...

ابو علي :

ــ لا اله الا الله... نقوم للصلاه.. ام علي .. قعدتي؟؟

ام علي بأبتسامه:

ــ ايه..

ــ ايه يللا اجل باقوم قبلش الحمام...

ــ زين

طلعت ام علي وراحت جهة المجلس .. لقت منام علي فاضي.. وصوت ماي في الحمام..

حطت ايدها على قلبها وابتسمت بفرح وعيونها تطغى فيها الدمعات..

ــ الحمدلله اللي ردك لأحضاني سالم..

مرت على بناتها لقت ليلى توها قاعده من النوم...

ــ قعدي اختش وياش..

ــ ان شالله.. الله يعيينني على تقعيدها..

ــ ساطري بها..

ــ حق يفزع الفريق كله من صراخها..

ــ ماعليش ساطري بها قليلة الطوع والمنفعه..

وطلعت عنهم..

ليلى تقربت من ريما..

ــ ريما.. ريمو .. قومي..

ــ مممممممم...

ــ قوومي صلي الفجر..

ــ آآآآه.. ماعلي .. ماعلييييييي..

ــ حشا.. وانتين كل ماعليش قووووووووووومي..

ــ اووووووووه مالش شغل فاارقي..

ــ افارق ها.. افارق..

وترفع ليلى ايدها وتصلخها سطار قوي على وجهها..

ريما تصرخ حد ماعندها ..

ــ آآآآآآآآآآآآآآآآآآآآآآه

الا بجية علي يركض ..

ــ ويش صاير.؟؟؟؟

ريما قعدت من قوة الكف..

ــ سطرتني

علي :

ــ لويه ؟؟؟؟؟؟

ليلى :

ــ ماهي راضيه تقوم للصلاه

ريما :

ــ لأنهااااااا ام حمااااااار

علي حمق :

ــ بسسسس قلة ادب .. قومي لا اكسر لش راسش ..

ريما بدت تصيح:

ـ اوووووه متحكمين وتسوو روحكم علي الله عاد العباده وياكم مقطعه بعضها..

علي يصرخ فيها::

ــ حررركي لا الطخش الحين واعلمش كيف التقطيع العدل..

ابو علي في الغرفه يسمع الصوت ويبتسم..

ــ لا خلا ولا عدم من هالصوت..

ام علي تلبس احرامها..

ــ يااارب..

الصباح...

فتحت علا عيونها.. وشالت جوالها بتشوف الساعه.. لقت رساله..

فتحتها.. الا هي من مالك..كاتب فيها..

ــ وحشتووني.. غناتي ادفعي دافعة بلا بأسمي .. دي كم ليله اشوف كابوس مو طبيعي..

علا قلبها انقبض.. صارت تتصل فيه.. مايرد..

انتبهت ان الوقت معكوس في استراليا وهالحزه اكيد يكون نايم..

قامت ونزلت..

لقت تريزا تقلب في التقويم...

علا :

ــ صباح الخير..

ــ هلا علا صباح النور...

ــ ويش فيش تقلبي في الكلندر؟؟

تريزا ابتسمت:

ــ قريب يخلص شهور وفي روح بلد..

ــ اهاا.. ياعلي تريزا بتوحشينا..

تريزا بأبتسامه :

ــ خلاص انا تعب يكفي شغل..

ــ وين نلاقي زيش عاد... والله تعودنا عليش من ايام المرحومه..

ــ انا بعد يحبكم ويتعود بس لازم يروح بلد خلاص..

ــ بالسلامه يارب.. عااد حزتها لا تنسينا..

ــ لا مافي ينسى..

ــ باقي كم....؟؟

ــ هذا شهر يخلص بعدين شهر ثاني وخلاص في روح..

ــ اهاا يعني في ربيع.. الله يسهل..

تابع>>