ام جاسم صارت تصفع خدودها..
ــ ويلي.. ويلي.. ويش هالمصيبه..
زينب قعدت من الذهول...
ابو جاسم .. مبهوت.. و بهدوء:
ــ روح.. قوم اطلع برى.. روح.. سلم روحك.. زين .. فيك ضمير... بقى فيك انسانيه.. روح .. الله يفرجها على من ظلمتوه..
وشوي صار يصارخ..
ــ ياسودان الوجه.. يا قليلين الذمه والوجدان .. يا يا..
ام جاسم تصيح..
جاسم ما تحمل صار يصيح..
قام..
ــ مع السلامه..
وطلع.. و ام جاسم لحقته بصياحها...


طلعت نتيجة القضيه.. اللي رفعها مؤيد يحاول بأي طريقه يرجع جود لحضانتهم..
طلعت.. وكانت النتيجه لصالح ابوها.. فهو ولي امرها والمسؤول عنها ..
منير يطالع في مؤيد اللي مبين في عيونه القهر.. بس مستحيل يتنازل عن بنته.. وخلاص بيرجع كندا وسفره بيطول..
طلع مؤيد.. بالخيبه.. والألم...
طلع وهو عارف ان منير كان واثق من كسب القضيه ومرتب اموره و بكره بيسافر ..
طلع وحس روحه طلعت وياه.. خلاص.. مابيده حيله.. هذا القانون.. وما يقدر يغيره ...

جاسم يمشي في طريقه للصندقه.. يجر الخطوات.. ومع كل خطوه ياخذ نفس..
هذي آخر ايام لك ياجاسم و انت حر.. الله العالم أي كثر بتصير محكوميتك..

وصل الصندقه.. لقى حميد قاعد عالبحر .. ويدخن..
جاسم قعد جنبه..
ــ اييه.. ماتعبت من التدخين ولا بتتعب.. جهز عمرك بس .. انتهى وقت الحرية
حميد ينفث الدخان.. ويتنهد من قلب..
ــ مشينا...


يتعب صبرنا و للصبر يالغالي حدود ..
و لو هو قلب كل البشر من نسج داوود ..
لو يرحل شننطي الصبر من حيله و يعود ..

طفت علا المسجل... والتفتت لسوسن اللي كانت قاعده عالسرير....بأبتسامه..
ــ بالعكسسس...ما تتصوري قد ويش فرحانه .. لويش هالكلام..
ــ متأكده؟؟
ــ صدقيني.. ماني متضايقه.. هذا حقش تكوني ام.. ومتأكده انش بتصيري احلى ام.. شي يفرحنييكون لي اخو لو اخت اصغر مني .. شلون بعد وانتين امه..
ماشافت علا الا سوسن رافعه كفوفها غطت وجهها وصارت تصيح:
ــ ربي مايحرمني منش ومن طيبش وحنانش..
ــ ياعلي سوسن ويش فيش ؟؟ على ويه تصيحي..؟؟!!
سوسن وهي بعدها تصيح:
ــ كنت ماكله هم التقرب منكم.. كنت خايفه اخرب حياتكم وتفهموني غلط.. ويوم حسيت ان حنا صرنا زينين.. و حسيت انش اقرب لي من أي احد في الدنيا.. جى هالموقف ورجع الخوف ياكل قلبي.. علا لا تخلوني اني احبكم واحتاج ليكم..

علا .. عورت بقلبها سوسن.. حضنت راسها وصارت تمسح عليه..
وتفكر .. قد ويش هي بنعمه.. مع انها فاقده امها.. بس عمرها ما صاحت زي سوسن الحين وعمرها ما حست بالحاجه مثل حالتها في هاللحظه..



فتحو ملف قضية علي...
وتسجلت اقوال جاسم وحميد.. مع استرداد بقية المسروقات.. و القبض على الذيب ..
اللي تحت التعذيب اعترف وعلم على البقيه.. ولحماية جاسم تم ابلاغ الذيب انهم حصلو بطاقة الأحوال تبعه في الزراعه اللي سرقو منها بعد عمل تغطيه لموقع السرقه...

وطلع الحكم..
يتم سجن المتهمين مدة 5 سنوات.. مع الغرامه الماليه كحق مردود .. لمن اكلو حقوقهم...

جاسم ابتسم وصارت دموعه تصب.. تنهد من قلب... اخيرا ارتاح ضميره..
حميد .. يتنافض .. قعد على الكرسي ..
ــ حضرة الضابط لو سمحت..
ــ تفضل..
ــ ممكن اطلب طلب قبل لا تودونا السجن..
ــ تفضل.. بس على فكره لكم يوم تشوفون اهلكم وترتبون اموركم ..مع فرض الرقابه عليكم..و ان شالله بكره راح يتم الحجز واتخاذ الأجرائات القانونيه كامله..
ــ طيب ممكن..........
الى الملتقى...