المغرب .. رجع ابو مالك البيت معاه سوسن..
دخل وصار ينادي..
ــ علا .. سميره.. تعااالو..
جو ثنتيهم..
سميره:
ــ خير ياخوي .. ويش صاير؟؟
ــ اولا .. اتصل مالك ويسلم عليكم..
علا ابتسمت حدها:
ــ الله يسلمك.. اخباره .. زين .. وحششني..
ابو مالك:
ــ عال العال والحمدلله.. وحشش . حق ويه مقفله جوالش.. متصل هو فيش قبل لا يتصل فيني ولارديتي يقول مقفل..
ــ يووووو نسيت ما شحنته من امس خلصت بطاريته..
ــ عفيا عليش.. ماعلينا.. خبرر ثاني .. وبنسوي على شانه حفله..
سميره:
ــ خبر .. وعلى شانه حفله.. خير اللهم اجعله خير,,
ابو مالك وهو فرحان حده..ويطالع في سوسن..
ــ الغاليه.. حامل..
سوسن توردت خدودها خجل..
سميره جاها الخبر زي الصاعقه..
علا ابتسمت وحضنت سوسن.. وباستها..
ــ الف الف مبروك غناتي.. الله يسهل عليش ان شالله..
سوسن بخجل : ــ الله يبارك فيش .. تسلمي غناتي..
سميره بأرتباك.. ــ مبروك..
وتركتهم وراحت غرفتها.. وهي رايحه كانت تريزا عابره حامله تبسي فيه عصير طلبته..
تريزا :
ــ هذا عصير ماما..
سميره:
ــ روحي زين مابغاه..

ابو مالك يهمس بسخريه:
ــ هالأخت.. خوش تبريك.. كنها مرتي الثانيه مو اختي..
هاا علا .. وانا ما استاهل تباركي لي..
ــ ههههههههه افا عليك.. الف مبروك يبا..
وباست راس ابوها..
ابو مالك..
ــ جيبي العصير تريزا..
اخذه من عندها وعطاه سوسن..
ــ اشربيه وتغذي عدل..
علا :
ــ كم شهر صار لش..
ابو مالك...ــ هذا الثاني تخيلي .. وهي ابدا ولا هي طاقه خبر ولا حاسه..
سوسن ذابت من الحيا..
علا :
ــ ههههههههههه خلاص يبا.. ذابت..
ــ هههههههههههههه زين خلاص.. يللا قومي ارتاحي .. و أي شي تبغيه تريزا موجوده..
سوسن: ــ ان شالله..

في قسم الشرطه...
جاسم يسجل اقواله.. وحميد وياه...
والضابط فاتح ملف قضية علي .. ويقلب اوراقها..

ــ يعني تعترفون بجنايتكم...!!
جاسم :
ــ ايه.. ومستعد ابلغ بعد عن واحد ممكن يوصلكم لبقيه العصابه..
ــ صج ..؟؟ منهو؟؟
طلع جاسم بطاقة احوال الذيب..
الضابط..
ــ اووه والله منت هين.. سرقتها منه؟؟
ــ ايه..
ــ والله ما يعرف للحرامي الا اللي مثله.. طابخها زين..طيب بما انكم سلمتم نفسكم.. ارجعو بيوتكم الحين وتركو ارقامكم.. و عناوينكم.. راح نفتح القضيه و نسجل اقوالكم.. ونقبض على بقية العصابه.. ونتخذ معكم الأجرائات القانونيه.. تقدرون تتفضلون الحين..
جاسم..
ــ مشكور.. مع السلامه..

وطلع وهو ماسك حميد.. اللي كان متيبس .. ويحس نفسه لا حول له ولا قوه.. ماتكلم ولا كلمه طول فتره التحقيق حده اسمه.. ويجاوب بإيه او لا..

جاسم يحس بالراحه اخيرا.. ابتسم ابتسامة رضا.. فرح .. اخيرا صحّا ضميره من بعد سبات عميق..

حميد الذبول طاغي عليه.. ويتمنى الله ياخذ عمره اليوم قبل بكره.. بس قبل هالأمنيه.. يتمنى يتواجه مع علي.. ويطلب منه العفو والسماح..


امل مع حسين في الصاله يسولفو.. سجاد راسم عصافير تطير .. و شجر .. شمس وغيوم.. ومتفنن.. وفرحان بالرسمه..وجاي بيراويها امه و ابوه.. وقف وهم مايدرو به وصار يسمعهم..
حسين:
ــ مابقى مستشفى صدقيني.. هنا مافي امل.. اعصاب سجاد مره ضعيفه ولا تتحمل تشيله..
امل بنبره حزينه:
ــ اسأل ودور اكثر .. لو ادفع عمري بس يسوو له أي شي .. أي حل .. تعب ولدي من حالته وتعبت وياه .. احس كل يوم اعطيه امل والأمل يوم عن يوم يموت..
حسين يحط ايده على خده..
ــ اآآآخ .. انا لله.. والله كلهم قالو لي حالته ميأوس منها.. ويش بيدي.. الحين اعرف واحد في العمل عنده اقارب في امريكا بيسألهم عن المستشفيات المتخصصه بهالحاله هناك وتكاليف علاجهم.. وان شالله خير..
ــ يارب خير..

سجاد.. فهم كلامهم كله .. تحجرت دمعه في عيونه,,
كفس الرسمه واستدار بكرسيه لغرفته..

المغرب..
رجع منير جود بيت امها..
من شافه مؤيد.. جن جنونه وصار يصارخ فيه..
منير:
ـ هيه .. هيه.. خوش استقبال.. ويش فيك علي؟؟ بنتي وطلعت وياها خير ان شالله..

ــ وين وديتها.. وليش تاخذها بدون ما ندري..انت ويش فيك؟؟ منت صاحي ..؟؟

ــ اخزي بليس يا مؤيد ولا تسوي حرايب .. خلاص الحين جود من حقي اخذها انا ولي امرها.. وعلى فكره انا خذتها حق اصورها للجواز والحين جبتها ليكم كم يوم لين يطلع .. تقعد وياكم وترتبو اغراضها و امورها حق باذخها كندا..

ــ ولااااااا حتى تحلم..

ــ اللهم طولش ياروح.. الكلام وياك عقيم.. امشي احسن لي..
طلع منير .. مؤيد بعفويه.. حضن جود.. وصار يهمس ليها..
ــ صدقيني مابخليه ياخذش وبيننا المحاكم..
الى الملتقى