ظلت تحن.. وتزن وهو مطنشنها..
شوي وهو يمشي بالسياره فتحت الباب..
منير اختلع .. ضرب بريك .. وسحبها.. ووقف ومد ايده ..
سكر الباب.. وبعصبيه... بدون وعي.. من خلعته..
صرخ عليها صرخه..
جود زادت في الصياح..
منير يتنفس بعمق .. ماقصرت فيه هالحركه.. قفل بيبان السياره.. وكمل طريقه..


ام عادل قاعده تخيط مخابي ثياب عادل..
وهي تتحمق:
ــ مايبغى يلبس الا فوب.. طالع لي فيها رجال.. وحالتهم حاله.. بس اموت واعرف كلهم مخابيهممشققه لويه..
وتصرخ حد ماعندها..
ــ عادلوووووووووووووه..
عادل جاها وحالته حاله ثيابه مليانه غبار... وشكله معفن..
ام عادل فتحت عيونها..
ــ ووويش مسوووي.. لويه هالجرفله.. وين كنت.؟؟؟
ــ فففييي الببببيييت ما طلللعت..
ــ اجل ويشوو دا.. ويش هالحال من صاقعه..
ــ من الفيللله..
ــ أي فيله بعــــــــــــــــد !!!!!!
ــ المكككنسسسه.. سحبببتها بالللققووه وانفتحت.. تنفررر اللي فيها حاولت اركككبها ما قدررت..قمت تشااابقت وياها راقققعت بها مراااقع..
ــ رقعو بك بلا رقعووو بك يالخناقه .. ياربي .. والله كان المرحوم الحجي مفيد في هالبيت..
ــ منههووو داا بعد حجججي مفيييد.. لااايكككون واااحد فاااني بتشتررريه..
ــ حسبي الله على شرك من صبي.. وقول لي ويش سالفة هالمخابي المشققه كلها.. ولا فوب عندكعدل كلهم مخابيهم..ماكلتنهم الفاره..
ــ لاااا هههههههه فااارة ويه.. انا اشقققهم
ــ لويـــــــــــــــــــه !!
ــ اذا خلصصصت الفللوووس .. احاااول ادخل ايييدي اكتررر يمكن اشوووف شي داااخل .. فينشترررو..
ــ ياعلي.. ياعلي .. مو صبع.. الله يساعدني عليك..
ــ الحين ويشش اسسسووي في الفيييله..
ــ روح.. روح الحمام غسل هالجلخ اللي عليك.. وخلها اني باقوم ليها..
ــ ززييين.. باررروح الحماام اللي في غررفتكم..
ــ لويه يعني..
ــ بااغيررر جو..
ــ ايه مسوا بتروح لندن.. روح اللي تروحه..ا خلص..
ــ وينا دي بعد لندددن..؟؟
ــ في مخباك المنشق ..
ــ ههههههههههههههههه يعننني باااررروح مخباااي..
ام عادل تلفت اعصابها.. وهي تخيط شكت الأبره في صبعها:
ــ آآآآآه اذلللللف..يالعله
ــ اه.. تبقررر رووحها.. وتسبني ... عساااش تنسسسمي..
ــ هههههههههه غربال يغربلك.. شان زين.. فارق يللا بس واخلص.. تسبح عدل ولا تلعب في الصابون وتكت الشامبو لا اكت بدنك..
ــ تشششيه البدن ينكككت؟؟
ــ والآآآآآآآآآآخيررررررررر
ــ خلاصصص خلااااص..



دخل الحمام.. وصار يطالع في المرايا.. وفي الحوايج المصفوفين على رف المغسله..
لفت نظره موس الحلاقه.. و كان فيه شنب خفيف..

مسك الموس وشال نص شنبه.. ويوم شاف النتيجه اختلع .. وخلى الباقي..
تسبح ولبس .. وبسرعه طلع من غرفة امه..
ــ مع السلامه بطلع..
ام عادل تخيط ماليها بالته..
ــ لا تتأخر وانتبه لروحك..

طلع عادل .. ولسانه فوق شفته يلعب محل اللي مافيه شنب.. وكل شوي يضحك ..
الا بطلعة اشرف ....
ــ عادلوه.. ههههههههههههههههه ويش هالحلقه ..؟؟
عادل يضحك: ــ جدددييييده ويش عررررفك..
ــ احلف عاد ههههههههههههه .. ويش اسمها...؟؟
ــ اسسسمممهااا عبااسوو..
ــ هههههههههههههههههههه الله يرحمه .. لويه يعني اسمها كذا؟؟
ــ هههههههههههههههه لأننننه اعوووج في كللل شي يسسسووويه..
ــ انا لله وانا اليه لراجعون.. هههههههههههه صاير شكلك يضحك غربال يغربل شرك.. بستصدق لو تقول موضه قلدوك كلهم..
ــ بوظه.. ابغغغغغى بووووظظظه..
ــ هههههههههههههههه من جاب طاري البوظه.. حسبي الله على بليسك.. زين ولا يهمك نشتريلك الحين بوظه..

وهم يسولفو.. الا زينب ماره عليهم بتروح بيت عمتها..
الا عادل يريوس بسرعه على ورى ..
ــ حححححححححححح من زمان ما شفناش..
زينب اختلعت وسكتت ولا ردت عليه مستحيه من اشرف..
اشرف عرفها. وصار قلبه يدق... وفي باله صار يضحك..
ــ عرفتها.. مالوم عادلو.. لما استغرب منه كيفا يعرفهم..
عادل:
ــ ويش رررراااايش في حلللقتي.. تبغغغي احلللق كذااا ليلللة عرررسي
زينب فتحت عيونها:
ــ واني ويش علي منك ليلة عرسك.. وخر بعبر..
ــ ماانى موووخررر.. بتررروحي بيت عمي ابوو علي باااررروح وياش..
زينب بهمس ومقهوره:
ــ راحت روحي زين.. رااحت روحي..
اشرف سمعها وفي باله:
ــ بسم الله عليش.. عدوينش ان شالله..
وصرخ على عادل:
ــ عادلوه.. تعال وعن قلة الحيا. ما يفيد فيك.. تعال بشتري لك بوظه..
ــ زززين .. لي وحده .. ولزينبي وحددده..
زينب وهي تمشي سمعته وهو يقول زينبي .. فتحت عيونها.. وصارت في قلبها.. تسب في عادلوه من القهر ..
الا تسمع اشرف يرد عليه..
ــ زينبي في عينك ..انا لله الهبلان يفهمو ويش خلو للعقل..
زينب ابتسمت.. وصار قلبها يدق بالسرعه..
وصارت تركض تتباعد عنهم..
اشرف انتبه لعمره.. وفي باله..
ــ ياربي ويش فيني ؟؟ ما اهبل غيري.... الحين بتاخذ عني فكره اني مغازلجي .. يارب ما تاخذ عني فكره شينه..

وصلت بيت عمتها.. وقعدت ويا ليلى وصارت تقص ليها السالفه..
وهي كل مره يصير موقف ليهامع اشرف تقصه لليلى..
ليلى ابتسمت:
ــ ويش رايش فيه انتين؟؟
ــ حلوه دي ويش رايي فيه.. ما في راي..
ليلى تغمز ليها وتتعيلف:
ــ متأكده..؟؟
زينب تلون وجهها احمر وطغت دموع في عيونها..
ــ ليلوه ويش تقولي..
ــ ولا شي امزح وياش غناتي ويش فيش اعتفس حالش..
زينب بصوت متقطع:
ــ الله يفرج عن علي .. وبلا هالسوالف
ليلى ضاق بالها على اخوها من جهه.. وعلى بنت خالها اللي رابطه روحها فيه من جهه ثانيه..
حطت ايدها على كتف زينب وبهداوه:
ــ غناتي .. اللي ابغاش تفهميه الحين.. وتحطيه في بالش زين مازين.. انش ما تربطي روحش ومستقبلش بعلي اخوي.. هالكلام صار من سنين.. ومجرد سوالف .. والله يعلم وين نصيبش وويش نصيبه.. يمكن تكونو لبعض .. ويمكن لا.. اللي ابغاه منش اذا الله جاب لش ولد الحلال اللي يسعدش .. اخذيه ولا تفكري لا في علي .. ولا فينا..
زينب سالت دموعها بعفويه:
ــ الله يفرج عنه.. ليش تقولي هالكلام... هو قال لش ما يبغاني...
ليلى سكتت..
زينب :
ــ قولي لي الصراحه ليلى.. هو ما يبغاني واهلنا رسمو في بالنا هالخيال ان حنا لبعض..
ليلى بهمس متكسر:
ــ الله كريم.. الله يفرج..
زينب تمسح دموعها وتبتسم..
ــ ماعلينا.. من زمان ما سولفت وياش..
ــ أي والله وحشتني سوالفش..
سكتو شوي ..
ليلى جى على بالها سؤال..
ــ الا صحيح.. مره من فتره .. قلتي شي جاب لي فضوول.. اتصلتي لي وقلتي لي عنه وتالي اجلتي التفاصيل وجت ظرووف وما عرفت ويش السالفه بالضبط..
زينب مستغربه..
ــ سالفة ويه؟؟
ــ تخص حميد ..
ــ ايييييييييه.. صح صح.. اسمعي .. آآخررررررررر خبرررررر عرفناه...

وصارت تحكي لليلى الأشياء اللي عرفوها من جاسم.. انه ولد عبدالكريم آل .. و ابو مالك اخوه .. و ان امه عراقيه.. يعني تفاصيل النسب..
ليلى ..
ــ احلللفي..
ــ والله هذا اللي عرفناه من جاسم.. جت له فتره مو طبيعي.. الحين اعتدل من اشتغل وينشووين.. بس تصدقي البارحه مارجع البيت ما يندرى وين ذالف .. الله يستر شان ما عود لصايعتهوبطالته..
ليلى تضرب فكر ومستغربه..
ــ الله يستر.. بس .. يعني معقول.. عم علا يصير.. لااااااا.. ما تدخل مخي ابدا..
ــ والله ولااا اني.. بس مادري هذا اللي توصلنا له..
ــ ايه.. بكره اذا في شي مستخبي بيطلع..

تابع>>