ضعنا يا صبرنا...

[براءة طفله]

يعطيش العافيه خيوووووه

وعاااااد لااطولي علينا

موفقه غناتي

[عوامية صفوانية]

اختي اميرة

اذا ما عليش كلافه

مطلوبه في قسم التوقيع خخخخخ
وموضوع شرح تثبيت الفوتوشوب

ويسلمو على القصة الروووووعة
بدون تعليق لانه علقت من قبل ( والسموحة

[الــــنـــاري]

في اليوم لو نقوم ننام بعد
متسحر من حين اليوم
يعني مافي الا قعدت الصلاة
وبعدها نومة لظهر
اذا بجي القصة قبل الصلاة بستنا
عشان نصلي ونام احسن لينا

[الــــنـــاري]

بصلي وبرجع اذامافي شي بقعد
>}{اصــ~ْ!ْ~ـح}{<
لين اناااااااااااااام

[Princess]

مرحبا

يعطيكم العافيه وتسلمو لي يارب
سامحوني على القصور فوقتي حاليا مهو ملكي..
تفضلو الجديد

[Princess]

الحلقة 28



ويوم تاسع .. قريب المغرب..
باب بيت ابو علي يطق..
لبست ليلى عباتها..
ــ مين..؟؟
ــ هذا بيت حسين آل ...
ــ ايه وصلت.. خير ياخوي...؟؟
ــ ياهلا فيش اختي... معاش عبدالرحمن صديق علي اخوكم

ليلى من سمعت طاري علي حست بفرح ممزوج بغصه.. من خذو علي هذا الشهر الثاني...
وما قدر خالها يروح اول زياره .. ماله قلب يشوف ولد اخته بعد مصيبة المحامي وهروبه..

وثاني مره صادف وقتها مع فاتحة ولد عمتها صالح.. والزيارات مهي مفتوحه كل شهر مره.. والمكالمات في المناسبات ...

علي.. يالله مقصرين وياه وما يملكو لجله الا الدعاء والدموع..
ــ لحظه ياخوي..
راحت ركض لأبوها.. وكان منسدح
ــ يباا قوم وياي واحد عالباب من طرف علي..
ابو علي قام قومه .. ووجهه متهلل ومستبشر ..
ــ خير اللهم اجعله خير..
وقام للباب..
ام علي وما تنعرف ملامحها معقودة الحاجب ومبتسمه.. والدموع في عيونها محتبسه..:
ــ مين ؟؟ ولدي خبري به ماله صاحب الا حميد.. ومنقطعه اخباره من بعد علي..
ريما : ــ مافيه خير هالحميد لو فيه خير شان جا وزارنا وشاف ويش اخبارنا..
ليلى ما تشتهيه : ــ باللي ما يجيبه ويش تبغي فيه يولي .. يكافينا ربي خيره وشره..
ام علي : ــ ويش مسوي فيش الرجال..
ــ ولا شي بس.. ما ارتاح له ..
ريما : ــ انتين ترتاحي لمين.. الكل ماتحبيه وماترتاحي له..

ابو علي :
ــ تفضل ياولدي..
عبدالرحمن :
ــ يالله..
وانتبه عبدالرحمن لأبو علي انه اعمى..
من تحسسه للجدران وهو يوديه للمجلس..
حس بالغصه في قلبه وفي باله:
ــ يــــــــالله تلطف بحالكم.. ما قال لي علي انك يا عمي ما تشوف.. والله و فقدتك حيل تكسر الظهر ياعلي .. ياربترجعك لهم سالم ..
وقعد وياه في المجلس..
عبدالرحمن: ــ ايه ياعمي.. معاك عبدالرحمن سعود آل.... ,, خوي علي بالسجن.. قضيت سنه من محكوميتي وشملنا العفو.. عقبال ولدك ان شالله..
ابو علي بأبتسامة امل و حس كله رجاء:
ــ يالله ياكريم.. انت خويه هناك يعني مو من قبل..
ــ لا ياعمي .. خويه هناك..
ابو علي بصوت متكسر ومختنق بالعبره:
ــ ياولدي .. علمني شحواله.. وويش مسوي .. ومين وياه.. و زين الوضع عندكم هناك لو ضيقه..

عبدالرحمن عور بقلبه حالة ابو علي ماحب يزيده هم .. فصار يواسيه ..
ان حالته تمام وما ينقصه الا شوفتهم.. و ماحب يقول له انه الوحيد خويه هناك لا يتضايق عليه ..
ابو علي : ــ ايييه.. عساك سالم ياولدي ما تقصر..

ام علي واقفه عند باب المجلس تتصوخ.. مغطيه وجهها بمشمرها وصياح..
شوي جت ليلى حامله تبسي فيه تمر وقهوه عربيه.. وبخوف
ــ اماه.. ويش صاير..؟؟ ويش فيه ..جايب اخبار عن علي ؟؟؟
ام علي تمسح دموعها وتبتسم:
ــ خويه هناك وشمله العفو وجاي يعلمنا عن اخباره..
ليلى فتحت عيونها وبأبتسامه كسيره:
ــ ويش اخباره..
ام علي تأشر عليها .. تصبر شوي .. وخذت التبسي من عندها.. تغطت وطقت الباب ودخلت..
ــ قواك الله ياولدي..
عبدالرحمن قام واقف:
ــ هلا ياخاله .. يقويك ربي ويبارك فيك..
ام علي : ــ الله يسلمك ...
عبدالرحمن يبغى يفرحها شوي :
ــ تطمني ياخاله,, علي تمام وبخير وعال العال وهو اللي دلني عليكم ..
والتفت لأبو علي:
ــ ياعمي ولو انه طلب صعب يمكن بس ياليت تعدوني مثل ولدكم .. ياليت تسمح لخالتي تجلسمعنا ابيكم بسالفه..
ابو علي : ــ ايه ياولدي عالعين والراس.. قعدي ام علي ..
ام علي قعدت وكلها لهفه لسوالف عبدالرحمن..
اللي استلمته تحقيق ويش ياكل علي وويش يشرب وينام لو لا ..
والناس هناك زينين لو شنين .. يأذوه لو مرتاح..؟؟
عبدالرحمن يهدي فيها ويجاوب عليها ويطمنها..

ابو علي : ــ اهدي يامره تعبتي الرجال.. الحمدلله ماعلى علي قصور ان شالله وربي يفرجها..
ام علي بدت تصيح : ــ يالله ياكريم.. شهرين مرو كنهم سنه..
عبدالرحمن عورت بقلبه.. تنهد :
ــ الله يفرجها ياخاله.. اصبري وتمسكي بأهل البيت ما يخيبونك ان شالله

ابو علي انتبه له.. وصار يضرب فكر اسمه سني .. عايلته من القبايل السنيه؟؟ ..
وجت له الجرأه يسأله:
ــ ياولدي... انت .....شيعي؟؟؟
عبدالرحمن ابتسم :
ــ مو هذي السالفه اللي ابيكم فيها..

وصار عبدالرحمن يسولف ليهم عن رغبته في التشيع وانه امنيته يكونو له سند وعون.. وعلمهم عن مرته رزان.. وطلب من ام علي هي ويا بناتها يوقفو جنبها و يعلموها..


ابو علي :
ــ ما شاء الله تبارك الرحمن.. الله يحفظك ياولدي ويكثر من امثالك .. حاضرين على عيناوراسنا..
عبدالرحمن:
ــ عساك سالم ياعمي.. الله يخليك ويرفع شانك..

ام علي : ــ ياولدي جيب مرتك بكره معانا من الصبح.. العصر في تمثيليه نسميها الشبيه.. شبابنا الله يخليهم يمثلو واقعة كربلاء كلها.. بالمره تشوف وتفهم وتركز في بالها..

عبدالرحمن : ــ صدق ؟؟ بس حريم لو في رجال..
ابو علي : ــ فيه للرجال من جهه ثانيه ...
وبهداوه يكمل كلامه: ــ ايه ...خلف الله علي ...
عبدالرحمن عوره قلبه ,, حط ايده على رجول ابو علي وبهداوه:
ــ ياعمي .. تشوف كل شي بقلبك.. ما اعمي الا اعمى القلب ..
ابو علي حط ايده على كف عبدالرحمن:
ــ الله يحفظك ياولدي ويبلغك في ذكرك.. استأذن انا .. ونشوفكم بكره ان شالله..

تابع<<

[Princess]

أرأيت اختا قدمت لشقيقها فرس المنون ولاحمى وكفيل
فتبادرت منه الدموع وقال يا اختاه صبرا فالمصاب جليل
فبكت وقالت يابن امي ليس لي وعليك مالصبر الجميل جميل

وودعت زينب حسينا...
وارتفعت الأصوات الولائيه.. بالبكاء والنحيب.. تندب السبط الشهيد...

طلعة ليلى وزينب من الحسينه...
زينب : ــ ريموه ماحضرت ولا مجلس..
ليلى : ــ يازعم تذاكر ولا كني ماعرف حركاتها بكره اذا خسفت بتقول.. من حسرتي على محرم شلون اذاكر فيه..
ــ متعيلفه ومتحججه عالميه..
ــ أي والله.. اما اليوم امي و امش مكيفين في الطريق .. الا صدق اول امس ولا امس امش ماحضرت.. ويش فيها؟؟
ــ داير راسها ,, ماندري من ويه.. وكلما وقفت تطيح..
ــ ياعلي .. من فقر الدم..
ــ ايه.. ماكله طاسة فول وين ما تطيح. حاولت اول امس العصرماقدرت,, و امس اشوى.. شالت عمرها .. . خخخخ فاتش ابوي يسخر عليها خلاها تشب حريقه..
ــ على ويه .؟؟
ــ يقول ليها ... مفتر راااسش و مفتر راااسش.. مبروك انتي حامل..
ــ هههههههه استغفر الله اعقلي ها..
ــ خخخخخخ شدراني عنه.. عصبت منه وصارت تهدر .. وهو ضبعتي وهي يالشايب..
ام جاسم:
ــ علي ياوكالة الأنباء.. مسرع ما تقصي الأخبار...
زينب حطت ايدها على قلبها:
ــ بسم الله الرحمن ههههههههه متى وصلتو ؟؟
ام علي : ــ خوبلتني امش بارده.. سحبتها سحاب..
ام جاسم : ــ اهووو رجولي متشلخه..
زينب : ــ امشو بسرعه لا يطفر عادلوه..

وصلو بيت ابو علي قبل .. وينصرعو بعادل قاعد على الباب...
ومنكس وجهه على ذراعينه كنه يصيح..
زينب : ــ خنااااقه.. اماه بنغير الطريق..
ام جاسم: ــ وينا تبغينا نرووح نخبط في المطرات والنقعات مافيني شده امشي لا طراقات..
ــ ويليييييي عادلوه على باب بيت عمتي بيخوبلنا..
ــ خوبال ماعليش منه..
ام علي :
ــ الله يستر عمره ماسواها .. ويش مقعدنه على باب البيت..وويش فيه كنه يصيح

ليلى ــ ياعلي قعدته تعور بالقلب..
تقربت منه ام علي:
ــ عادل.. امي .. ويش فيك؟؟

عادل رفع راسه وعيونه غرقانه دموع,, وحضن رجول ام علي وهو يصيح..
زينب وام جاسم ماكملو طريقهم وقفو يشوفو ويش صاير
ليلى انصرعت من حركة عادل صارت تصرخ فيه ..
ــ عيب .. عادل.. وخررر...
عادل يصيح ويضغط على رجول ام علي :
ــ ابغغغغغغغىىى اممممممي
هو ماقال كذا..
ام علي ماتحملت..

ذكرت ولدها علي.. اللي اصلا ماغاب عن البال ولا الخاطر..
وصارت تصيح..

حطت ايدها على راس عادل وصارت تمسح عليه:
ــ امي.. خلاص لا تصيح.. وينهي امك...؟؟

ـــ رررااااحححت لعببباااسسسوه... مسسسكتتتها طلللعتتتها قلللت لييها لااااتررروح قاااالت اقعععد هنااا عببباااس مررريض قلللت ليهااا برررروح ويييااااش مااارضيييت تاااخدددني..

ام علي : ــ انا لله.. الله يفرجها عليه ان شالله ومايشوف شر .. قوم امي .. برد برى وكم مره اقول لك البس عدل مايفيد فيك.. قوم داخل..
زينب تهمس لليلى : ــ صار بيتكم فندق ..
ليلى حمقت فيها: ــ مسكين.. خليه..
زينب تستنحس على ليلى .. رفعت ايدها:
ــ يااااااارب يحول عليش ويخوبلش بداااالي ياااااااااااالله ياكريم..
ليلى تفلص زينب فلصه:
ــ انقلعي بيتكم لا كف.. يللا .. فااااااارقي.. وعادلوه ما يملى عينه الا انتين...
زينب : ــ آآآه .. ماعليه لكن ههههههه يالنحووس اراويش وين امي؟؟
ليلى : ــ ههههههه خلف الله عليش قالت مع السلامه وتقدمت.. وامي دخلت ويا عادل ويش دراش وانتين تتعيلفي . ..
زينب : ــ يؤيؤ.. ولا كني وياها ابدا.. يللا نشوفكم على خير مع السلامه..
ــ خخخ الله يسلمش..

دخل عادل صالة بيت ابو علي.. راحت ام علي لريما بتقول ليها عادل هنا لا تطلع فجأه... لقتها نايمه..
شغلت ليلى التلفزيون حطت محاضره....
وقعدت وياها ام علي.. وشويات جى ابو علي...

دقايق ولا شافو الا عادلو طلع من مخباه مجموعة تيل .. وصفهم قدامه وبدى يلعب..
وكل شوي ينبطح ويدحن .. ويغمض عيون وحده .. ويطلع لسانه.. يازعم يبغى يصوب الهدف..

ام علي :
ــ هههههههههه حق ويه اللسان بعد يشتم الهوا..
عادل : ــ حقققققق ارررركززز..
ابو علي : ــ ويش يسوي ويش هالطقطقه.. تيل ؟؟
ام علي : ــ ايه..
ابو علي : ــ رحم الله ايام لول يوم كنت العبها وانا صغير .. هههههههه ياما تفلعت بها... من الحمق الصبيان يرموها على بعضهم..
عادل : ــ هههههههههههه ايييييييه انااا فلعوووني مرررااات وووايد بهااا تعووور.. صااارت في جبهتي طمااااطططيه صغيييررره بسسس فلعتهههم سووويت فييهم سحااارة ططمماااط
ام علي وابو علي وليلى .. ضحكو من هدرته..
ام علي : ــ لعن الله يزيد غربال ياعادلوه غربااال..

شوي تلفونهم يرن على طول عادل ماصدق خبر ورد هو..
ليلى فتحت عيونها: ــ اه.. خذ لك..
الا عادل : ــ اماااه وينش انتيييييييين... ززززين احححين باااجي ...
وسكر السماعه..
ام علي : ــ ماشالله عليك .. قلبك دليلك.. على طول حسيت بها هي...هاا.. رجعت البيت..
ــ اييه تقققوول اتصصلت من محححل لمحللل وهي تداااور ماحصلتني
ليلى : ــ كيفا دي بعد ترجمو لي .. اتصلت ومن محل لمحل وتداور..
ام علي :
ــ ايه.. المهم فهمنا له.. الله يعين امه ويفرجها عليه..
عادل :
ــ مععع السسسلااامه..
ام علي :
ــ الله يسلمك انتبه لعمرك.. وشوي شوي في الطريق ...

ساره تقلب في التقويم..
ــ اففففف .. ياربي اول سنه بعد االتخرج.. عساها فال خير علي يارب...
وصلت لربيع ثاني:
ــ عساك ماتجي الا واني متوظفه
وبلا شعور شالت الورق كله لين نص ربيع ثاني..
مؤيد مر عليها وانصرع:
ــ وووووووويش صااااااير..؟؟ حق ويه شقيتي الورق؟؟؟
ساره انتبهت لعمرها...
مؤيد يطالع فيها:
ــ ماباقي وايد على ربيع..
ساره فهت:
ــ هااا.. يعني ويه..؟؟
ــ ويش دراني عنش ,, حق ويه شقيتي التقويم لهالتاريخ..؟.؟ تحاتي ويه.. المهم نطمنش ماباقيوايد على ربيع..
ــ صحيح متعيلف اغبر .. ماحسيت اصلا ولا انتبهت..
ــ هههههههههه زين ماباقي وايد وخلاص..وين جودي؟؟
ــ نامت..
ــ واحشتني دي كم يوم ماشوفها عدل من زحمة الشغل للمواكب
ــ الله يعطيك العافيه..
ــ الله يعافيش.. اخبار ناديه ..
ــ الحمدلله تمام.
ــ اخبار رجلها ماغيرو رايهم على حساب شغله
ــ لا ما سمعت شي جديد.. وعلى قلبي ندووش تحاتي .. احتمال كبير في ربيع يتم نقله .. ويليعلى اختي ويش يعيشها في الجنوب بتتخوبل ويا ولادها
ــ ههههههه يا ترسلهم الطايف لو يرسلوها.. << اكبر مستشفى مجانين هناك..
ــ ههههههههه غربال بيرسلوها هم..


علا في غرفتها .. شوي طقت عليها سوسن الباب ..
دخلت سوسن وهي تكلم جوال وسألت علا :
ــ ويش تبغي تاكلي بنطلب عشا من مطعم..
ــ هههههههه قصدش سحور..
ــ خخخ اللي هو يوعانه اني ... هذا هشام بجيب يللا بسرعه ويشو
ــ بس فيه العافيه..
سوسن : ــ ماتبغى علا بس اني..
حمق هشام.. سوسن تغمض عيونها::
ــ زييييين بطيت اذوني ههههههه حشا..
علوه يقول لش ويش تبغي يللا محمق ولازم تطلبي..
ــ ظرريفين... شبعانه اني فيه العافيه..
ــ ماااااالي شغل .. هشام ويش اسوي جيب اللي تجيبه... باي بااااي..
وسكرت...:
ــ اف الا غصب ويش تبغى.. اقول له ما تبغى يقول تستحي مني افا ومدري ويه.. فاضيه ليكمأني كل واحد يتدلع عالثاني..
علا فتحت عيونها وصارت تطالع في سوسن..
سوسن ابتسمت : ــ احم ..امززح...


ــ خنقه المحل.. حميد.. خلنا نطلع..
ــ شااااااايفني قادر اطلع وماطلعت.. اسكت عني..
ــ حميد.. انا خايف المحل مو طبيعي..
ــ جاسمو بتسكت لو ويش..
ــ حميد ويش فيها ايدك..
حميد يطالع في ايده.. متورمه ويطلع منها الدم..
ــ آآآه.. مادري .. ويش فيهاا يااربي..
جاسم : ــ بطني بدى يعورني.. حميد تكفى دبرنا خلنا نطلع..
حميد يطق في ايده وكلما طقها زاد الورم فيها.. وصار يطلع منها دود...
جاسم خاف وهرب .. شاف باب فتحه الا تلفحه منه حراره مهي طبيعيه...
ــ آآآآآآه
الى الملتقى..

[Hussain.T]

مع ان الجزء قصير

بس

ابدااااااااااااااااااآآآآآآآآآآآآآآآآآآآآآآآآااااا ااااااااااااع

يسلمو اميرة ع البارت الحلو

وبنتظار البارت القادم على احر من الماي قصدي الجمر<<شكلي عطشان من الحين ههههه

ولا تتعبي حالك قد ما تقدري

تحياتي

[آخر شقآوهـ ..~]

يـآآي جزء رووعه قسم بالله
أني أتوقع حميد يحلم يمآآآآه يخووف
تسلمين قلبو ع الجزء
ربي يعطيك العافيه
تحياتون ..ضحكوه البطه

[فاطمة المعصومة]

شكرا على القصة بس بسرعة نزلي الجزء الجديد بليز

[اسير الهوى]

يسلموووووووووو اميرة

والله يسهل لك امورك

[جـــــوان]

الجزء رووعة

بس آخر شيء شكله حلم

ويخوف وايد

مشكورة غناتي اميرة

[زهور الريف]

بسم الله الرحمن الرحيم
اللهم صل على محمد وآل محمد
وعجل فرجهم

تسلم الايادي يالغلا

جزء روووووووعة


ابداع صراحة

تسلم الايادي

وموفقة خية.

ومتباركة بالشهر الفضيل


بالانتظار

[عوامية صفوانية]

الله يثبت قلب عبد الرحمن على ولاية امير المؤمنين
ويفرجها على علي



و يووووووووو
ويش صاير ويااا حميد وجاسم

يخووووفوا هالاثنين غريببين بالمره ....


يسلمو على البارت ولا عدمناك

[سفيرة الاحلام]

تسلمي اميره على الجزء


في اكشن شوي

صح قصير بس حلو


لاهنتي