ضعنا يا صبرنا...

[*زهرة البنفسج*]

ياعمري امور

حمد الله علسلامه وحشتينا كفاري يادبه

كم مره قلتها الش وحشتينا وحمدالله علسلامه

المهم ننتظر تري وحشتنا القصه هي الي تحمسنا وتخلينا ندخل المنتدي

موفقين لكل خير

[Hussain.T]

ههههههه

واخيرا جاء الفرج واعصابي بتبرد شوي

الحمد لله ع السلامة اميرة

وطبعا وحشتنا القصة وااااااااجد

ننتظر البارت على احر من الجمر

تحياتي

[ارجوان]

كووووووووووووووووولو ليييييييييييييييييييش
واخير رجعوا الحلوين الحمدلله على السلامة اسفرت وانورت تو مانورت الشرقية خيوه وعسى جبتي الي صوغة محترمة<<<<<امزح معاش

يالله خيتو وااجد انتظرنا

لاعدمناش ان شالله

جااااااااااااااااااااااااااااري الانتظار على احر من الجمر

[جـــــوان]

الحمد لله على السلامة اختي اميرة الله يتقبل

[Princess]

مرحبا
هداياكم دعائي
وصوغتكم المحبه من قلبي..
عن جد يالحبايب ليكم وحشه..
ياليت لو تقرو الجزء 21 تهيأه على شان تسترجعو الأحداث وبكره 22

امززززززح...
تفضلو الجديد .. غاليين وماقدر على زعلكم...

[Princess]

الحلقة 22

يوم ثاني الصباح.. قعدت علا .. وجهزت اغراض لطلعتها .. ولبست عباتها ونزلت.. لقت في وجهها عمتها قاعده..
ــ صبااح الخير ..
عمتها ببرود :
ــ صبااح النور..
علا ببرود اعظم :
ــ ويش صار البارحه ؟؟
سميره تتمسخر وتتدلع :
ــ ايه فاتش فلم رومنسي ما حصلش..
علا انقهرت :
ــ المهم بطلع الحين الليله حنى حماة خالتي وبروح اتغدى وياها والعصر بروح وياها للحنايه والليل الجلوات ,, الزبده.. ما بتشووفو رقعتي..
ــ حشا حشا.. ابوش ما يدري .. وبيعصب وبيسوي سااالفه ومافيني شدة هدرته..واخووش للحين ما رجع ما يندرى وين ارضه .. !!
علا بأبتسامه بارده:
ــ مالي خلق .. و كل مره اني اطلع استأذن منش مو جديده.. مع السلامه..
ــ تعااالي .. مين بوديش؟؟
علا وهي طالعه :
ــ حسين ريل خالتي اكو برى.
سميرة : ــ خوووش خووش .. ويا زعم تستأذني وانتين حزة الحزة تقوولي لي
ــ مع السلامه << قالتها وسكرت الباب وراها..
سميرة بقهر :
ــ ماااااااااالي شغل في احددد...
وطلعت علا ,, سلمت و ركبت السياره كان فيها سجاد مع ابوه..
سجاد دار ليها بأبتسامه :
ــ بتتحني ويا امي ؟؟
علا :
ــ خخخخ .. لا.. بس ضيفة شررف..
حسين : ــ خووش والله.. حق ويه ما تحني في عرس اختي .. لو ما نستاهل..
علا استحت : ــ هاا.. مادري ..
حسين : ــ افااا.. لا تقولي بعد ما بتكشخي ,, خبرش خالتش ماليها احد الا انتين عباره اختها وبت اختها وصديقتها.. افاا عليش بس .. ؟؟!!
علا : ــ لالا.. بكشخ جبت وياي عفستي وبروح ويا امل بكره الكوافير .. بس ما بتحنى..
حسين يطالع على جنب وبأبتسامه : ــ ايه.. كملي جميلش و تحني..
علا : ــ تتوقعو..!!
سجاد : ــ اييييييييه ,, خلي امي تستانس ..
علا : ــ ماحب الحنى وايد
سجاد : ــ على شان امي عااااد..
حسين يتغلى :
ــ خلاص ياولدي خلها براحتها.. ايه.. ما نستاهل حنا..
علا ابتسمت وصارت تفكر في الموضوع
...وهي تفكر .. اقتنعت على شان حسين واخته من جهه وعلى شان ليلى تنفعها من جهه ثانيه..

سوسن قعدت ونزلت تحت بروب النوم ,, سميرة فققت عواينها .. وفي بالها..
ــ هاااداااوووويه..
سوسن : ــ صبااح الخيررر..
سميره مفهيه: ــ صباح... النور..
سوسن : ــ قعدت الشغاله لو لا ؟؟
وهي رايحه المطبخ ...
سميره ما سكتت ولا قدرت تخبي اللي في بالها :
ــ اقوول سوسن.. البيت ترى فيه رجال ..
سوسن رجعت منصرعه :ــ هااا .. مين؟؟
سميره بأبتسامه بارده : ــ مالك..
سوسن تطالع سميره بأستغراب : ــ ومالك ؟؟!! خير يالله..
سميرة انقهرت : ــ لا والله.. مالك مو رجال ..!!؟؟
سوسن : ــ ما اقصد .. بس ويش قصدش ؟؟؟!!ليش يعني تقولي لي ... اتغطى يعني ؟؟!!
سميره تأشر على لبس سوسن بسبابتها من فوووق لتحت.. :
ــ ليش هاللبس بنظرش ساتر !!
سوسن طلع في روحها من فوق لتحت وترفع كتوفها :
ــ ويش فيه... صحيح روب بس اياديه طويله و طوويل .. ولا هو شفاف ولا شي.. ساتر الصراحه .. !!
سميره رفعت حاجبها :
ــ اسسسسسسمه رووب .. علا اخته ما تطلع كذا قدامه..
سوسن مستائه من الوضع .. ابتسمت ببرود :
ــ ان شالله بس باخذ لخلوودي كاس حليب وبركب ولا بنزل الا مبدلتنه..
وراحت المطبخ ..
سميرة شبدها لاعت وصارت تهدر بينها وبين نفسها ..
ــ خلوودي .. يعووه .. رجال كبير ابو عيال .. خخخ استغفر الله ربي ..بيت عجيب غريب ما يجيب الا الهم ..

وراحت غرفتها..

صارت سوسن تحوس في المطبخ .. صبت كاس حليب وتريزا تدليها وين الكاسات وين السكر وين كل غرض ... شالته في صحن بتطلع من المطبخ الا برجعة مالك البيت ..
هو دخل وشافها في وجهه اول مره يشووفها ولا يعرفها .. و هي بعد ..
وتتصروع وترمي الصحن من ايدها وتصرخ صرخه...

مالك عفوي بلا شعور هو اللي اختلع وغطى وجهه وعطاها ظهره .. تريزا طلعت تركض ,, سميرة انصرعت وطلعت..
ــ ويش صاااير؟؟؟

من شافت سميره مالك وهو بهالوضعيه وهالأرتباك وما سكت من قولة : ــ يالله .. يالله..
ما مسكت نفسها.. واول مره تضحك بهالشكل .. ضحك وهستره مهي طبيعيه...

مالك نزل ايده ولسا داير بظهره ..و بأرتباك :
ــ عمه.. ويش صاير !!

سميرة و الضحك زايد و تكلم سوسن: ــ قايله لش البيت فيه رجاااال...

سوسن ما تحملت تلون وجهها احمرر ودموعها طغت في عيونها ركبت فوق على طول ..

تريزا فيها ضحكه على سميرة اول مره تشوفها كذا.. كانت تضحك ضحكة شماته وتشّفي ..
صارت تريزا تمسح في الحليب وتلم الزجاج وهي مستغربه.. وفي بالها .. مسكينه سوسن..

مالك اعصابه تلفت ما توقع روحه يدخل في امان الله بيتهم ويشوف كذا..
قعد عالكنبه .. ــ اوووف خلعتووووووني ... وحق ويه هي تصرخ كذاا..

سميره : ــ ههههههههههه ويش تتووقع .. مع لبسها ووضعها ولا في حياتها شافتك ... ما تبغاها تنصرع..
ــ ههههههههه ما قصرت فيني قلبي طاح في بطني .. بس ... سبحان اللي خلقها خخخخ والله ابوي يعرف ينقي ويختار..
سميرة بقهر : ــ استح ... لا يسمعك ابوك ويقص لسانك... وبعدين مافيها شي زود اني واختك احلى منها..
مالك: ــ ايه علا .. مافي زي اختي اكيد احلى
سميرة تطالعه على جنب : ــ احم..
مالك شلق البوز شبرين :
ــ ايه وانتين ياعمه... افا عليش طالع على مين انا .. عليش

سوسن دخلت الغرفه وصياح صارت..
ابو مالك طلع من الحمام .. شافها تصيح .. راح ليها يركض ..
ــ ويش فيش غناتي...؟!!

علمته بالسالفه ,, صار يهدي فيها :
ــ عسى ما قال شي ولا سوى شي ؟؟
ــ لا حرام.. اني اللي صروعته وخليته يصرخ .. هههه مسكين غطى وجهه..
ــ ههههههههههه مالكوه خبل ..
ــ الا يعرف الأصول و شكله خوش رجال من هالتصرف..
ابو مالك ما عجبه كلام سوسن :
ــ ايه.. هذا ولدي زين.. انتبهي..
سوسن مهي فاهمه : ــ هاا.. ايه ادري ...
ــ زين انتبهي ولا تاخذي وتعطي وياه وايد..
سوسن مستغربه : ــ لويه ؟؟
ــ انا اقوول لش لا تاخذي ولا تعطي وياااه وايد وخلاص ...
سوسن خافت اول مره تشوف ابو مالك كذا..
وبهمس هادئ : ــ ان شالله على امرك...
شوي انتبه على لبسها: ــ وان شالله شافش كذا..

سوسن قلبها انقبض ..
سميرة من شوي والحين ابو مالك شكله محمق .. بخوف وتردد:
ــ اييه...
ــ وللللللعنه... مره ثانيه هاللبس ما تطلعي به برى الغرفه.. انا قايل لش باسكنش في بيت لحالش ما رضيتي تبغي وياهم وتبغي تتعرفي عليهم ولا تحبي تصيري لحالش .. فتحملي والا غيري رايش ..
سوسن : ــ لالا.. بتحمل .. وعد ما بطلع مره ثانيه كذا .. خلاص ..
ــ ايه انتبهي ...
ــ ان شالله على امرك...
ابو مالك ابتسم : ــ ايه تعجبيني كذا سوسني..
سوسن بهمس و بخجل : ــ من يمينك لشمالك كم خلوود عندي..
ــ يسلم لي ربي هالحس وهالخجل...


امل طلعت من الغرفه وصارت تدور حول نفسها:
ــ ويش رايش .. حليوه الجلابيه..
علا : ــ مرره فن.. صراحه اول مره تلبسي كذا وما كنت موافقتنش عليها .. خصوصا ان الجلابيات حليوين على جسم مليان .. والله وعاندتي واخذتيها من وراي .. بس صراحه رروووعه..

امل : ــ خخخخخ افادي فيها الصراحه.. و بلاش ما تدري طفشت عمر الخياط ,, واني ضيق ثنين سانتي ,, ضيق صبعين ... طفرت روحه..
ــ اهاااااا يعني فيها تضييق وتلاعب ,, هههههههههه اقووول من وين جبتي حجمش ..
ــ ههههههههههه كف عن المسخره هااا...
ــ ههههههههه ما اسخر.. تجنن عليش بالعافيه.. بس تعالي ... لويه خياط ..؟؟ لويه ما وديتيها لأم علي ...؟؟
امل بتردد : ــ قلت باوديها .. بس استحيت وضعهم ونفسيتها على ولدها .. واني ماصار ليها اسبوع من اخذتها .. مادري ترددت حسيت مو وقتي..
ــ بالعكسسسسس تنفعيهم حرام عليش ..
ــ مادري ..
ــ ماعلينا... الحين متى بنروح لليلى ونتحنى
امل : ــ نتحنى!!
وابتسمت ابتسامه عريضه : ــ بتتحني ويااااااااااي ؟؟!!
علا طلعت لسانها وغمزت : ــ ايييه..
ــ فديييييييتش ياغناتي .. ههههههههه حركات .. ويش اللي غير رايش ؟؟
ــ هههههههههههه ابو سجاد ماقصر علي في السياره.. وفكرت في ليلى قلت انفعهم يعني..
امل تغمز ليها : ــ اييه ياعيني عالأنسانيه .. افااا و اني .؟!! لو ابدا مالي خاطر ..؟؟ !! مالت علي ..
علا : ــ ههههههههههههه يللا عاااااااااااد ..
ــ ههههههههه امززززح ويااااش ...
ــ ما جاوبتيني متى بنرووح ؟؟
ــ العصر ان شالله ,, كلمت ليلى اني امس ..

جاسم يقلب الأفكار .. وقلبه مليان خوف ورعب .. اشياء وايد عنده مهمه وتخوف .. محتار في عمره .. يبلغ عن الذيب و جماعته... لو لا .. خصوصا ان الذيب ما انتبه له ولا حس عليه... بس اذا بلغ راح يكون شريك معاه في الحكم... مو عارف ويش يسوي .. خايف على روحه وبنفس الوقت تعب قلبه من الملامه.. وروحه بلغ فيها الألم اقصاه.. يحس نفسه مثل الطفل الضايع ..

تابع>>

[Princess]

طقت عليه زينب الباب ...
ــ جاسم.. جاسمووه.. نايم ؟؟
جاسم بتعب : ــ ويش تبغي ...
ــ قوم تغدى ...
ــ مابغى..
ــ ويش فيك .. ناوي تصوم الدهر...؟؟
ــ قلت لش مااااااااااااااا بغى...
ــ علي ياعلي .. زين.. تووفر ...

راحت المطبخ لأمها :
ــ ما يبغى حظي ..
ام جاسم كانت تنشب الغدا .. تركت الملاس عالصحن .. :
ــ وويش فيه ولدي .. انا لله..
راحت له فتحت الباب الا هو مقفول .. طقته :
ــ جاسم .. امي .. قوم تغدى ..
ــ مابغى ..
ــ ويش فيك امي .. صرت كنك كركمه اصفر من قلة الأكل .. ويش يعورك .. ويش فيك ..
زينب تستظرف : ــ عشقان يمكن ..
جاسم : ــ عشقان في عينش عن الظرافه لا اطلع لش ارويش شغلش ..
زينب : ــ اطلع اشووف اطلع ..
جاسم وصل حده : ــ خلووووووووووني بروووحي مابغى شي خلاااص ..
ام جاسم : ــ انا لله .. نلاقيها من وين لو من وين .. الله يصبرنا ويساعدنا...

وراحت المطبخ ولحقتها زينب ..
زينب : ــ اقص ايدي اذا ما ورى جاسموه سالفه خطيره..
ام جاسم بخوف و عيونها غرقانه دموع : ــ خوبليني انتين بعد هاا.. خوبليني .. خليني اهووس .. ويش سامعه .. ؟؟ زينبوه حلفتش بالله ومحمد وعلي .. اذا تعرفي شي عن جاسموه الا تقوليه..

زينب اختلعت من حالة امها :
ــ لالا.. اني خبله.. والله العظيم مادري عن شي و اهربد من عندي ما عليش مني...
ام جاسم ترفع مشمرها وتمسح دموعها ...
الا بدخلة ابو جاسم الحوش :
ــ احححااااا.. وينكم...؟؟
زينب طفرت من المطبخ :
ــ هلا يبا .. هلا قواك الله..
ــ الله يقويش .. وين امش ؟؟
ــ تنشب الغدا .. الحين بنحطه..
ابو جاسم راح المطبخ :
ــ لا اله الا الله.. لعن الله يزيد...
و صار يصب له ماي ... وانتبه لأم جاسم
ــ ويش فيش ؟؟
ام جاسم تداري دموعها : ــ لا مافيني شي .. الحين بنحط الغدا على ما تغسل و تقعد ...
ــ انا ما سألت عن الغدا .. ويش فيها عيونش حمرا ... زينب .. ويش فيها امش ؟؟
هدووء مافي رد ..

ابو جاسم حمق .. و يصرخ فيهم :
ــ اكلم طيفان انا.. ولللللللعنه .. ويش فيكم ؟؟ ويش صاير لا اشيل قلم هالقدو واشلخ ظهوركم..

زينب ابتسمت بخوف و ببرود : ــ لا .. لا مافينا شي .. على جاسموه مو راضي يتغدى ...
ابو جاسم استنكر : ــ عمره.... ويش نسوي له.. نراشي فيه و نلقمه بيدنا لقمه لقمه.. و كِلْ يا بعد امي .. كِلْ يا خلف ابوي .. خلوه يولي ..

ام جاسم بحزن : ــ بيمووووت.. ما ياكل هالمده.. حده ماي .. صار جلده على عظمه..
ابو جاسم : ــ انا لله... مادري ويش حال عليه هالصبي من مصيبه.. ما ممرضنا و قاضي علينا الا هو .. لا في صحته مريحنا ولا في مرضه.. يمكن على خويه حميد .. متأثر ..
زينب : ــ ايييييييه صح صح.. يمكن اماه صحيح متأثر .. عاد ما ينلام .. يادافع البلا ... الله يفرج عنه...

ام جاسم : ــ يارب ياكريم يفرج عن كل مريض و اسير ..

ابو جاسم : ــ ايه نسيتوني ويش باقول .. الطراد حصلت له شرااي .. و هالشراي نفسه كلمني على جاسموه وجه القوطي دبر له شغله.. وين يشتغل هالولد وهذي حالته...
ام جاسم استبشرت : ــ اللهم صل على محمد و آل محمد.. يارب يفرجها.. مين هالشرااي..
ــ اشرف ولد عبدالله آل.. .. جيراننا...
زينب ارتبكت وتذكرت موقف الصوره وياه وصخنت وفي بالها..: ــ بل .. اشرف ..
ام جاسم : ــ الله يجزاه خير .. ما قصر ..
ابو جاسم : ــ ايييه هالولد ماميش زيه الا بالتفق... الحمدلله ماعند ابوه الا هو و الله هاديه جعله يارب على طول.. اخلاقي و طيب .. من درى بي بابيع هالطراد.. مسكني و اصر يعرف لويه با بيبعه خصوصا انه يدري عن علي و يدري ان الطراد له.. ولما درى قال بيشتريه بالسعر اللي يرضيني...
ــ الله يبارك له ويوفقه و يكثر من امثاله ياااارب.. وويش الشغله..؟؟
ــ سركتي مدري ويش سماها في بقالتهم الكبيره..
ام جاسم : ــ سركتي ويه بعد ؟؟
زينب جتها ضحكه : ــ سيكيورتي ..
ابو جاسم : ــ ايه .. هادي هي .. ويش عرفني انا كيفا تنقال دي بعد..
ام جاسم : ــ ويعني ويه سكررتتري...
زينب تبلع الضحكه : ــ يعني موظف امن..
ام جاسم : ــ شرطي ؟؟
ابو جاسم : ــ تخسي الا هو .. بكره قال خله يمر يفصلو له بدله .. يقعد برى و ينتبه للبقاله..
ام جاسم : ــ حرستي ؟؟
زينب ضحكت ما قدرت : ــ يعني ههههههههههههه تقريبا حرستي بس متطور..
ام جاسم رفعت ايدها والملاس وصارت تدعي : ــ يااااااالله توفقك يا جاسموه وتفتحها عليك .. وياااااااالله تحرسك يا اشرف يا ولد الأجاويد يبلغ اهلك فيك ويرزقك بت الحلال اللي تسرك و تبرد قلبك...
ابو جاسم :
ــ يالله يا كريم.. من بختها فيه الصراحه .. رجال والنعم فيه .. خوش واحد..
زينب بلا وعي حست خدودها يمشي فيهم الدم بالقوه وخجل مو طبيعي .. انتبهت لعمرها.. وفي بالها :
ــ ويش فيني اني انخبلت..!!

العصر..
عادل زهقان يروح ويجي في صالتهم... حجي عباس منسدح يتابع الأسهم وينتظر اسهمه متى يجي دورها .. مشتري له مجموعه كبيره في كذا شركه..
وطلعت اول شركه.. طايحه شوي.. قعد حجي عباس قعود وضرب فخذه ,, و صرخ :
ــ صااااااااقعه...
عادل لسا يروح ويجي ... ولا يشوف الا ريموت التلفزيون انرمى عليه وصرخه :
ــ اقعد و خناقه تخنقك خليت راسي يفتر .. وايد علي هالفره من هالشركات طاح حظهووووووووم

عادل قعد في الزاويه وهو خايف لا يقوم له و يشلخ بدنه تعقد منه .. وفي باله يدعي على حجي عباس :
ــ طاااااااححح حظظظظظك انت جعلك حرررريقه لين تصير فححححححمه و يحطو عليك بخوووررره للعييييد خخخخخخ..
شوي الا امه تنادي عليه ..
طفر عادل يركض لأمه..
كانت في المطبخ تقصدر صحن وتحطه في كيس ..
وتساسر ولدها : ــ اسمع امي .. هذا صحن معمول تمر .. ابغاك توديه بيت ام مؤيد .. لا يسمعك ولا يدري بك حجي عباس لا يودينا بداهيه..
عادل يضحك بهداوه : ــ خخخخخ زززين بخيلووه هذذذااا رررجلش ... بااوووديييه بدووون لا ييدددررري...
ولا يسمعو الا صرخة حجي عباس :
ــ آآه قلبي باموت .. ونايبه تصككم من شركات .. ويلي ما بطلع الا براس المال ولا بعضهم خساره.. اوووووووووووف...
ام عادل تساسر ولدها : ــ يللا يللا روح .. وانتبه في الطريق ولا تلاعب الكيس وتمرجح فيه ما توصله الا طحين مفتفت ... شوي شوي هااا .. امانة الله..
ــ ان شششااااللله..
وطلع عادل ...
ام عادل في بالها : ــ يارب تسامحني .. من وراه اسوي هالشي يارب انت اعلم بحالي .. مفشلني هالرجال و منشف ماي وجهي .. يارب الطف بي ..

وعادل في الطريق .. طلعو له صبيان اعمارهم بين 12 الى 15 سنه... ..هوايتهم المفضله التحرش في عادلوه والتعيلف فيه ..
ــ عادلوه .. ويش عندك ؟؟
عادل حضن الكيس : ــ مووو شغغغلللكم ..
ــ بنشووف دقيقه ..
ــ وخرررررو...
حوطوه ... واحد منهم وراه صار يشلوط فيه وواحد جنبه صار يدلدغه وواحد يفلصه ..
خلاص عادل مو عارف كيف يتصرف وياهم ..
شان يرفع الكيس ويلوحهم به شدخ .. نفرهم تنفير ...
لين تركوه في حاله ..
صار يعدل في الكيس .. وهو خايف :
ــ ييياااااعلللي صصصاااار طحححييينه...
وكمل طريقه لبيت ام مؤيد وقلبه يراقع ...
وصل وطق الباب ومن فتح له مؤيد .. هجم داخل ولصق روحه بالجدار وصار يصيح وهو ماد الكيس ولا ينفهم ويش يقول ..
مؤيد مستغرب : ــ ويش فيك عادل ؟؟ ووش هالكيس ؟؟ وويش تقول ؟؟ شوي شوي خلني افهم..
دخله المجلس ونادى على امه قال ليها تخبر اخته ان عادل هنا...
جت امه وقعدت وياهم في المجلس .. فتحت الصحن ..
ــ يوو .. هادا ويه امي ؟؟ متفتفت البسكوت...
عادل وجهه انقلب احمر . : ــ مووو مننني ...
وصار يصيح عور بقلبهم..
ام مؤيد فطر قلبها شكل عادل .. صاير زي الطفل الصغير رغم كبر حجمه..
مؤيد يهدي فيه وخلاص حصل خير .. ويبغو يفهمو منه ويش فيه..

عادل علمهم السالفه..

ضحكت ام مؤيد .. وتبغى تخفف عن عادل خذت نتفه واكلتها وهي تضحك :
ــ ههههههههه حلووو .. وحلاوته انه مفتفت .. مافيني ضرووس يا ولدي زين فتفته اريح لي..

عادل صار يضحك.. و مؤيد ابتسم .. و صار ياكل وياها.. ونادى على جود وعطاها...
عادل مستانس ,, وبرد قلبه.. وطلعته .. مؤيد قال له بيوصله .. و ام مؤيد قالت له لا يقول لأمه انه تفتف البسكوت...
وفي بالها على حساب لا تنجرح المسكينه وايد عليها احراجات.. وطلبت منه تسلم عليها و تطلب منها تزورهم ...
وطلع عادل ويا مؤيد ... راجعين البيت..

تابع>>

[Princess]

في السجن...
اشاعات بين المساجين تروح وتجي ...
عبدالرحمن : ــ سمعت ياعلي .. يقولون مع بداية السنه الجديده في شهر محرم راح يطلع عفو ملكي عن بعض المساجين.. يارب يشملنا ..
علي تهلل وجهه وفرح : ــ مين قال لك ؟؟
ــ سمعت الشباب يتناقلون هالحكي بينهم .. وقبل فتره طلع عفو فعلا و افرجو عن جماعة مهي بشويه..
علي رفع ايده برجاء : يــــــــــــااااااااارب..

حميد .. فتح عيونه بعد غيبووبه طويله .. رفع ايده لقى المغذي .. نادى على الممرضه.. جت له و صار يسالها انا ليش هنا..؟؟؟ وويش فيني ...؟؟؟

الممرضه مافهمت عليه... نادت عالدكتور . الدكتور من دخل :
ــ يعطيك العافيه خيي امجد كِيفك اليوم..
حميد فتح عيونه : ــ امجد !!
الدكتور : ــ شوو في؟؟
حميد : ــ انا اسمي حميد ليش قلت امجد؟؟

الدكتور مستغرب طلب من الممرضه تروح تجيب ملف حميد والمعلومات,, جابت الممرضه ملفه.. فتحه الدكتور وقلب بين الأوراق وطلع نسخه من جواز سفر..

و قال : ــ ايه هيدي صورتك بالباس بوورد من كم سنه .. وهيدا اسمك امجد عبدالكريم ال.. لك شوو في خيوو فأدت الزاكره !!؟؟
حميد منصرع .. ويحس روحه خلاص دار راسه و مهو قادر يستوعب الأمر ... وبتعب وخووف سأل .. :
ــ من وين جبتو هالصوره للجواز ؟؟ وشلون جيت هنا .. وويش فيني اصلا ؟؟!!
الدكتور ابتسم وصار يكلمه بهداوه .. وحميد شوي شوي يغيب عن الوعي ...:
ــ واحد من أرايبينك .. جابك لهون و لما استأبلناك وطلبنا منو شي معلومات عنك .. تعب وهو بيدور على هويتك ... عطانا صورة من باس بوردك.. واستكفينا فيها ... ريح نفسك خيوو و ان شالله ما تحصل مضاعفات و ...
خلاص حميد غمضت عيونه وغاب عن الوعي...

العصر في بيت ابو علي . في المجلس .. ليلى و علا و امل و ريما. ليلى تنقش آخر شي لعلا ... النهايه.. و امل قاعده تقلب في ايدها المنقشه و تمدح في ليلى و شغلها..
امل : ــ ما شالله على شغلش ليووول يجنن ..
علا مقهوره فيها : ــ يجنن وبس .. اللهم صل على محمد و آل محمد .. ودافنه هالموهبه و ساكته عن روحها ..
ليلى تلون وجهها : ــ خلاص عاد خلوني اخلص بقايا هالأيد لا اخربشها
ريما : ــ ههااااااااي استرر عالخجل ..
ليلى تطالعها على جنب وهي تضحك : ــ انشبي هااا..
ريما تحط ايدها على بوزها : ــ هاا .. انشبيت ... خلاص ..
ريما بهداوه وهي تقلب في ايدها اللي خلصت :
ــ عاد حماتش يا اموله ما دورت تعرس الا في ذي الحجه .. ما باقي شي على محرم بترووح زهوة العرووس..
امل : ــ ويش اسووي تشيه على كيفي .. يبغو في عيد الغدير .. يمديهم اسبوع وكم يوم ..
ريما : ــ متى عيد الغدير ؟
امل : ــ في اليوم اللي قلت ليكم تشرفونا اذا تقدرو.. ليلة 18
ليلى ابتسمت وبهداوه : ــ الله يفرج عن علي وهو اللي يجيبنا ان شالله
الجميع بنفس واحد .. يــــــاااارب

تلفوونهم يرن ... ليلى : ــ قومي ريما شوفيه...
ريما : ــ اهوو اكم امي وابوي برى بيشوفوه..
ــ صحيييييح عاجزه .. قووومي.. ... اكو بعده يرن.. يمكن علي
ريما: ــ علي ما يخلوه الا في المناسبات..
ليلى حمقت : ــ سكت.. اكي رفعته امي شكلها .. و اي مناسبااات يا حسره .. مافي الا العيد ,, وبكره بيروح له خالي زياره..
علا :ــ اول زياره..؟؟
ــ لا كل اسبوع وحده,, هذيك المره ما قدر يرووح .. من طلعت سالفة المحامي انسدت نفسه وما قدر يروح ويشوفه على هذيك الحاله بعد هالخبر..
علا : ــ الا صحيح وويش بتسوو..؟
ليلى تنهدت : ــ خليها على الله.. اكو خالي يفكر يبيع الطراد حق يوفر تكاليف لمحامي ثاني ورفع ويا الجماعه قضيه على المحامي ..الحرامي الزفت .. وللحين مو شايف سعر يناسب و يغطي التكاليف ..

امل : ــ الله كريم.. يفرجها ان شالله ..
ــ ان شالله..

ولا يسمعو الا صرخة ام علي بألم و حسرة و صياح : ــ يـــــــــاااااعلي ...

الى الملتقى..

[للدموع إحساس]

سلمت يمينكـ غلاااااتي ،،
الجزءء رووووووووعهـ ،،
شفيت على الحنى ،،
شكلي بتحنى في الناصفهـ ،، < تصقع إبليسي ما أخلي شي إلا و أندلع عليهـ ،،
لكن اللهـ يستر ،،
و يش كان ورى صرخة أم علي ،،
أن شاء اللهـ خير يارب ،،
بـ إنتظاركـ خيووووه ،،
لا تطووووولي علينا ،،
يعطيكـ ربي ألف عااااافيهـ ،،
خااالص التحااايااا ،،
للدموع إحساس ،،

[*زهرة البنفسج*]

تسلمي امورررررررررررر ياقمر


عللجزء الفله

ننتظر البقيه وش صايرر ياعلييييييييييييييييييي خلعتيني امور وش بصيرر

موفقين لكل خير

[أمل الظهور]

يوه يوه سوسن شكلها طيوبه بعفويه


وجاسم يارب قريب يتحرك و يريح ضميره


وحميد عقب ماعرف انهم عرفوه الله يستر مدري ايش بيسوي وكيف بيتصرف


ياربي بعد ويش فيها ام علي


هالعلا من تزورهم الصريخ في هالبيت الله يستر بس الله يستر


موفقه وتسلم اناملك

[Hussain.T]

ياسلام

اخيرا جا الجز 22 اما الجزء روووووعه

ويش اخرها ويا جاسم وامجد وعلي والذيب

بنتظار البارت القادم

تحياتي

[آخر شقآوهـ ..~]

أحلى أحلى
أمووور شرفتنآ
الحمد الله ع السلامه ياقلبي
تقبل الله ..
والله ولكم وحشه ولا عاد في المسن
...
تسلمي حياتو ع الجزء
ربي يعطيك العافيه
لآعدمناك يارب
تحياتوون

[اسير الهوى]

يسلمو اميره

مسكين على رحتي المدينة ونقعتيه بالسجن وحميد بعد خليتيه من ذاك اليوم لليوم بغيبوبته

الحمد لله على السلامة والله يتقبل منك صالح الاعمال

كوني بخير

[الــــنـــاري]

تشكراتي & تحمداتي على السلامة
=
يسلمو هالانامل على هيك اطروحات
لاعدمناك خيتو دوم مبدعة ماشاء الله عليك
وعقبال الـ 50 % ^_*
تمنياتي القلبية لك بالتوفيق
دمتي بحفظ الباري