ضعنا يا صبرنا...

[زهور الريف]

بسم الله الرحمن الرحيم

جزء ابدااااااااااع

بس اني مو ركزة الظاهر يعني علا تحب أشرف والله شلوون...؟؟؟؟

المهم حميد النحس

يستاهل عساه من هالحال وأردى بعد

جزء كشوووووووخي يالغلا

تسلم الايادي

موفقة لكل خير

بالانتظار

[fatemah]

السلام عليكم ورحمة الله وبركاته
انا اقول يمكن فلوس حميدو من الاغراض اللي يبوقهم
ننتظر الجزء الجديد
..}{..تحيــــــــــــــــــــــــاتيـ..}{..

[دمعة على السطور]

يووووووووه وشو بعد المغبى وما خفي أعظم..
الله يستر بس


أميرة الجزء مع قصره إلا أنه مرررررررررررررررررررررره روووووووووعة كالعادة يعني..
موفقة غناتي إن شاء الله..
..دمتي بعين المولى الجليل..

[دمعة على السطور]

حبيبتي..أمورة...
بانتظارك..وبانتظار البارت الروعة دايماً..
موفقة عزيزتي..
..دمتي بعين المولى الجليل..

[*زهرة البنفسج*]

جزء روعه مو أشرف كان صديق ماللك

يمكن علا اتحبه من كان مع اخوها اصدقاء

ممكن

وعساه اكثر حميدوه

ننتظر الجزء الباقي

موفقه

[الــــنـــاري]

السلام عليكم
كيف الحال خية
قصة في غاية الروووووووعة
ابدااااااااااااااااااااع لبعد حد
انا تابعت القصة من 3او 5 ايام وندمجت وياها وخلصتها على طول
بس وين الباقي خية لو تنزلين جزئين جزئين يكون افضل

يعطيك ربي الف الف عافية
وماننحرم منك يارب
تمنياتي لك بالتوفيق

والـ10% وتوصل 200%

انتظر التكملة في اسرع وقت

[Princess]

مرحبا ...
ربي يسلم لي هالتواجد الجميل لا عدمته يارب ولا عدمت هالتخمينات الحلوه

خيو النااري هههههههههه عجزت افهم سر هالأقتباس ويش سالفته..؟؟
وجزئييين ... ويلي لا ماقدر ياخوك اسمح لي .. اني في اليوم يالله اكتب جزء واحد ارتب افكاري والأحداث والسيناريو ..
اكتب كل يوم بيومه.. خليك متابع ويانا اول بأول او امهل عليها كم يوم وطل .. تكون تجمع كم جزء.. نورتني والله لا خلا ولا عدم...



تفضلو الجديد..

[Princess]

تابع الحلقة السابعة عشر...

وسحب جاسم الغطا ,, واستغرب االلي شافه؟؟!!

... مجموعة اوراق وملفات.. شكلهم شهايد دراسيه
شال وحده من الورق وفتحها... فعلا شهاده .. وكذا وحده لعدة مراحل من الأبتدائيه للمتوسطه والثانويه...
شوي طلع شهادة ميلاد... صار يقرى الأسم..: ــ امجد عبدالكريم ال....
الجنسيه : سعودي..
الأب : ــ عبدالكريم علي آل ...
الأم : ــ ماجده عبدالقادر ال...
الجنسيه : ــ عراقيه..
جاسم يقرا ويحس روحه تايه .. ويش السالفه؟؟؟
شوي الذاكره اسعفته على اسم العايله..
وحس نفسه صخن..
آل ....
وصار يهلوس في باله
نفسها عايلة بيت ابو مالك...؟؟
مين امجد...؟؟؟؟
وويش دخل حميد.؟؟؟
وويش جاب هالشهايد عنده ولويش..؟؟؟
جاسم رجع لشهادات الدراسه .. لقاهم كلهم بأسم امجد... ولقى كم نسخه لشهادة الميلاد..
صار جاسم يقلب وهو محتار ولا هو عارف كيف يتصرف ..
باق وحده من نسخ شهادة الميلاد .. عفويه منه من بعد الصدمه .. حطها في مخباه .. وسكر الخشبه ورجع الرمل اللي فوقها.. وقعد على المنام جنب حميد وهو يضرب اخماس في اسداس...

شوي حميد صار يون ويعرق مع ان الجو بارد.. جاسم خاف .. حسه يحتضر بيموت..

قام طلع بالسرعه واستنجد بأهل الفريق .. اللي اتصلو اسعاف وعلى طول نقلوه المستشفى وجاسم وياه مرافق...

عادل فتح عيونه.. وصار يطالع في الغرفه..
قعد بالسرعه وشال الكمادات.. وكانت ام مؤيد قاعده برى الحوش تخبز تاوه معاها حفيدتها جود تصفق و ترد ورى جدتها ....
حبيبتي ربى الحوش
سنين الخير ربوش
قدم الأزهر على امش
قدم الأخضر على ابوش
حبيبتي وأني أمها
والغبرة ما تضمها
وسكين السنينة
على من تبغضأمها

ما يشوفو الا بطفرة عادلوه ليهم من الغرفه للحوش طيرااان وهو يرقص على جنب ورافع ثوبه ووياهم متفاعل..
ــ هلا هلا هلا..

ام مؤيد حطت الخبزه عالتاوه ومن خلعتها من طفرة عادل عليهم فجأه..
ــ بسم الله الرحمن .. هيبة الله عليك من اصبي ..طفرتنا خلعتنا ...
وخلت الخبزه مع انها المفروووض بسرعه تلفها لا تحترق...

وتقوم وهي تتسند على الجدار .. خايفه لا ينحاش ويعود يسوي مصيبه...

وتروح بسرعه تقعد مؤيد كان في غفوه..
ــ امي .. مؤيد.. قوم بسرعه قعد عادلو .. قوم خلنا نوصله بيتهم..
مؤيد فتح عيون وحده ومهو قادر: ــ ويلي توها غافيه عيوني.. ان شالله هذاني باقوم..
وطلعت ام مؤيد.. وتصرخ :
ــ ضوووووووو على ضوووووووو.. وخررررررررر
جود ميته ضحك..
عادل فصخ ثوبه وحطه على التاوه فوق الخبزه ودخان الخبزه طالع حده.. احترقت..
ام مؤيد شالت مخمه وراحت لعادل... تباااعد ويش تسوووي..
عادل وخر وهو خايف لا تحوشه ضربه:
ــ ااااببببخررر ففففوووووبي...
جود : ــ ههههههههههههههه يفكره مبخر...
ام مؤيد : ــ ههههههههههه غربلك ربي غربال.. وخر احترقت الخبزه كل منك ومن سواياك.. اقعد بعطيك خبز..
مؤيد طلع من الغرفه من الصريخ:
ــ ويش صااير اماه؟؟
ــ ههههههه ما صاير شي .. يبخر فوبه بحريقة التاوه . غربله الله من اصبي..
مؤيد : ــ ههههههههههه خلف الله عليه.. يللا اماه حاولي تتصرفي وياه شوي وتلهيه مدة اسبح بالسرعه ونروح نوديه..
ــ ان شالله... يللا اقعد منا تعال.. بعطيك خبز
عادل : ــ ويا اسسسستكككااانة ششششاااي
ــ ههههههههه بعد متشيرط.. ولاااا يهمك حجي..
ــ وع .. وووع اننناااا مو الحححجججي..
ــ يوووووو استغفر الله ربي .. الحجي زينه ياولدي مهي سبه.. يعني تروح بيت الله وتحج ..
ــ مممااانى... عبااااسووه يسسسمووه حجيي.. وامممي ما تننناااددديه الا الحححجي .. ماااابغاااه مااا طيييقه...
ام مؤيد تصب استكانة الشاي لعادل:
ــ يعني ريل امك اسمه عباس..
ــ لالا.. حجججي عباااس..
ــ هههههههههه ولا يهمك .. الحجي عباس.. كم مكعبة سكر تبغى احط لك في الأستكانه..
عادل بأصابعه مهو عارفه مره يسوي 7 مره يسوي 6 اخيرا رسى على 10..
ام مؤيد:
ــ الشرهه علي اللي سائلتنك..
حطت له مكعبتين و عطته الخبزه وقعد شوي ياكل ويشرب شوي يغمس ويذوب الخبز في الأستكانه..
لين ذوب شوي زين .. ومدها على جود ..
ــ خذذذي اكككليييه..
جود تنرفزت:
ــ ويع .. مابغى..
عادل فتح عيونه وحط صبعه في الأستكانه .. وطلعه ومصه:
ــ مممااااايقوووولوو ووويع على نعمممة الله .. حرررااام..

ام مؤيد : ــ ههههههههه والله ويطلع منك .. سمعتي غناتي ما يقولو ويع.. يقولو الحمدلله..
رجع عادل ومدها عليها..
جود : ــ الحمدلله.. مابغى..
عادل : ــ ايييه هلللون خخخوووش بنننيه..
ام مؤيد : ــ ههههههههههههه ماني قادره عليك وعلى سوالفك.. خلف الله عليك..
عادل وهو ياكل في خبصته اللي سواها:
ــ وووو عللليش
ــ ههههههههههههه وعلي .!!. زين,, وعلي .. الله يخلف علينا ياكريم..

وخلص مؤيد .. وطلع ويا عادل يحمي السياره.. ولبست ام مؤيد عباتها.. وخذت جود ,, مرت على بتها ساره ,, كانت نايمه بعد الغدا:
ــ امي.. ساره.. قومي غناتي .. قفلي عليش الباب .. بنروح نص ساعه وبنرجع..
ساره بتعب: ــ وينا..؟؟
ــ سالفه طويله عريضه قومي بس قفلي الباب...
ــ بتجي ناديه الليله صحيح نسيت ماقلت لش .تقول عندها سالفه مهمه...
ــ حياها الله. قوومي يللا بنطلع..
ــ زين..
قامت ساره بتقفل الباب ,, الا ام مؤيد..
ــ تعالي قبل لا تقفليه.. شيلي هالأستكانات والتاوه داخل .. لا يطيح المطر ويتغربلو..
وهي تشيلهم .. لفتت نظرها استكانة عادل.. وصارت تحاول تفتح تميز هالخبصه
ــ داويه.. ويييييييييييع..
جود ضحكت:ــ ههههههههههههه خاله مايقولو ويع.. يقولو الحمدلله..
ساره : ــ خخخخ يغربل بليسش.. الحمدلله ربي..
وشالتهم ودخلت وقفلت الباب...



وفي السياره .. قعد عادل قدام... مؤيد مو متعود عليه .. فخايف منه لا يتصرف أي تصرف طايش ويوديهم بداهيه.. قام ربطه بالحزام .. ويحذر فيه لا يتحرك ولا يسوي شي..

ومشو..

عادل متضايق وشوي ويصيح.. وبعد كم دقيقه صار يترجى في مؤيد يفتح له الحزام..
ام مؤيد: ــ ماعليك منه.. ما به امان يفتح الباب لو يسوي شي..
عادل بدى يصيح .. ــ عااادااا والله ما بسسسسوووي شي..
مؤيد عور بقلبه.. فتحه له الحزام وقفل بابه.. وصار يطلع فيه ويش بيسوي..
تربع عادل وقابل النافذه.. لزق وجهه فيها وصار يطلع..
مؤيد صار يضحك عليه..
جود عجبتها الحركه وسوت زيه..
ام مؤيد : ــ هههههههههههه ماقول الا خلف الله عليش..
عادل : ــ وعليشششش..
مؤيد : ــ هههههههههههههه انا اشك يفكرها سبه..
ام مؤيد : ــ ههههههههههههه عفر...


وفي السجن...
للعصر علي مافتح ولا تحرك من منامه.. عبدالرحمن تهوس عليه.. في البدايه قال يمكن سهران مانام وطول ليله يتقلب زي عوايده.. فخلاه نايم.. بس لما طولها ووصل للعصر ..
قرب منه..
ــ علي .. علي..
علي بتعب : ــ هاااه...
ــ شبلاك يا اخي مابقى الا كم ساعه عالمغرب .. قوم .. قوم صل تحرك..
علي تنفسه صاير ثقيل.. ولونه متغير... وحده بس يقول : ــ هااه
عبدالرحمن خاف عليه.. ويش فيه ..؟؟
مد ايده على جبهته.. لقاها حاره..
عبدالرحمن: ــ ياربييييييي... صخنت يا رجال.... انا لله..
وراح لعند باب السجن ونادى.:
ــ ياا عسكرري.. ياهووووو... تعالو في مشكله..
جاه العسكري :
ــ خير ان شالله؟؟؟
ــ معانا بالعنبر واحد مصخن..
ــ يرجِع ؟؟
ــ لا..
ــ يغمى عليه..؟؟
ــ ما تحرررك على شان اعرف..
ــ طيب طيب راح نجيب له بندول.. او فيفادول
عبدالرحمن بقهر:
ــ لا عاد.. وش بيسوي البندول والا الفيفادول..
العسكري عصب فيه:
ــ اسكت ولا هو من اختصاصك.. هذا اللي نوفره هنا.. والله مو مستشفى ولا فاتحين صيدليه .. فيفادول وبندول وبس .. شوي وبجيبهم..

عبدالرحمن وخر عن الباب وهو محمق:
ــ لا بارك الله فيكم ..

وراح قعد جنب علي .. شال عنه البطانيه..
علي : ــ لااا.. برددااان..
ــ يبغى لك بروده اكثر .. مصخن يا اخي..




تابع>>

[Princess]

ام علي في غرفتها قاعده همها على مكينتها. بناتها في المجلس ويا علا بعدهم. قامت تبغى تتناسى همها شوي .. راحت المطبخ وصارت تحوس ..
فتحت كبت .. بتاخذ منه شي .. هالكبت فيه طاسه زجاج ملونه حليوه واسعه ومره جميله. ومليانه نقوش وزخارف...
شارتنها وخاشتنها.. ناويه تغسل رجول ولدها ومرته ليلة زفتهم فيها..

شافتها..
شالتها وصارت تتأملها.. وعيونها غرقانه بالدموع.. حست ايدها ترتعش .. جت بترجعها محلها زلقت وطاحت من ايدها وانشلخت..

ام علي صرخت ..
ابو علي في الصاله قام ليها يركض..
ليلى طلعت من المجلس وجت ليها تركض ..
زينب ما عرفت تقوم على حساب علا .. حست عيب يخلوها لحالها..
ابو علي دخل المطبخ..
ــ ام علي.. ام علي .. ويش صاير..
ام علي تصيح وهي الزجاج المنفر:
ــ لا تدخل.. زجاج متكسر ..لا تتصوب..
ابو علي :
ــ انكسر الشر بسم الله على عمرش الرحمن..
ليلى ماهي عارفه ويش تقول .. صارت تلم وياها الزجاج.. وتطالع في وجهها اللي صاير شاحب.. وبهمسات مخنوقه تصيح وهي تدعي:
ــ يفرج الله عنك.. بالغه فيك يا عيني.. عساني ما انحرم منك..
ودموعها تصب ..
ليلى مهي قادره صارت تصيح هي بعد..
الا بطيحة ريمو عليهم المطبخ ..
وتصفق صدرها بالقوه:
ــ افااااااا خسااااااااره .. طاسة الأحلام والأماني..
ليلى خزت ريما ..
ريما : ــ اوهو ما شغلتش الا خز وبس ..
ام علي ماليها خلق ولا كأنها تسمع..
ريما تمزح:
ــ صمغوها تتعدل..
ليلى : ــ ذلفي وعن الظرافه..
ريما بأستياء: ــ زيييييييين ..
وراحت ليهم المجلس..
زينب .. ــ ويش صاير؟؟
ريما : ــ طاسة الأحلام انشلخت..
ــ أي طاسه؟؟؟
ــ طاسه امي شارتنها من زمان على حساب ناويه تغسل رجول علي اخوي ومرته فيها ليلة زفتهم..
زينب بغصه: ــ اهاا.. الله كريم.. انكسر الشر..
علا : ــ الله كريم ..
ريما : ــ هاااااا ويش الحين بتحني ليلوو
علا: ــ ايه ان شالله على خير..
ــ حركااااااات...
رجعت ليلى ليهم الا بقومة علا من بعد ما رن عليها اخوها..
ــ يللا غناتي بمشي مع السلامه.. وبس اعلم خالتي بخليها تتصل عليش وتحدد متى تجيش ..
ليلى : ــ حياش الله غناتي.. على خير ان شالله..


وعلى باب بيت حجي عباس وقفو مؤيد و ام مؤيد وجود و عادل..
مؤيد:
ــ متأكد هذا بيتكم .؟؟
ــ إإإإيييه متتأأأكد..
طق الجرس .. مهلو شوي زين.. فتح حجي عباس الباب.. ووجهه مكشر كدر ونفسه في خشمه..
من شاف عادل:
ــ هاااااا .. عودت لا بارك الله فيك.. دش .. دشت بدنك النوايب والمصايب دش..
ام مؤيد بعفويه:
ــ بسم الله عليه..
حجي عباس انتبه عليهم.. وبدل السلام والترحيب..
ــ خير..؟؟ نعم...؟؟؟
مؤيد تغير لونه واستغرب من هالتصرف :
ــ لا .. خير ان شالله. بس شفنا عادل في فريقنا طقوه صبيان قلنا نرجعه...
قاطعه حجي عباس :
ــ جعله ما رجع.. جعلهم رضرضو ضلوعه ترضرض..
ام مؤيد : ــ هااداويه هالدعاوي على هالفقيررر ..
حجي عباس .. ولا داق لأم مؤيد خبر...:
ــ عادلو.. دش لأمك لا بارك الله فيك ولا فيها..
دخل عادل وهو خايف وانحاش داخل...
حجي عباس بلا احترام وبلا أي اصول .. سكر الباب في وجه مؤيد و امه ...

الى الملتقى...

[Princess]

هههههههههههههه
رجعت..
وربي من التعب والدوخه

الناري
مافهمت الأقتباس في البدايه
الحين فهمته

تسلم خيو
وربي يحقق احلامك انت الآخر
لا عدمنا هالروح الطيبه

يسمع منك ربي ويزيد معدل وسرعة التحميل نبغى 80 % مو طماعين..

دمت بخير
وبحفظ الرحمن

[آسوآآر الآلــمـ]

يسلمو أختي أميرة على هالجزء ..

مبدعة دائماً

موفقة لكل خيــ ــ ـــر ،،

في أمان الله ..

[الــــنـــاري]

يسلمو خيتو على هل حركات
دووووم قصصك ابداع
يعطيك العافية وماننحرم منك
يوم ا طلب جزئين كنت اعتقد انها مكتوبة بس يبي ليها اشوي تنسيق
بس طال ما انها كل يوم تجي فرش نتابع كل يوم بيومه وطمع مو زين
>>خلاص بتابع اول باول حالي حال غيري<<
تمنياتي لك بالتوفيق

[Hussain.T]

يسلموو ع التكمله الرائعة

مسكين علي يكسر بالخاطر

تحياتي

[جـــــوان]

بصراحة هذا حجي عباس ما عنده حشيمة لأحد ابد

مشكل عليه

وعلي الله يعينه على السجن وبلاويه


وكسرت الطاسة ان شاء الله خير ،، ويشترو احلى منها


بس الاوراق اللي شافهم جاسم لايكون تخص حميدوه وهو نفسه امجد ؟


كل شيء يصير


بانتظار الحلقة الجديدة

شكراً لكِ اميرة

[دمعة على السطور]

مره مايستحي حجي عباس
المشكلة اسمه عباس هذا القهر..
سلام الله على العباس..


وهذا حميدو شكله ينسب لمالك يمكن يصير ولد عمه يمكن؟؟؟


وعلي مو وقته يصخن بعد خخ
على كيفي...استغفر الله..



والأم لازم تحس لولدها يوم مرض طاحت الطاسة..



بانتظار الغد
ياالله بسرعة متى يجي بكرة بسرررررررررررررررررررررررعة


موفقة حبيبتي..ويعطيك العافية يارب..
..دمتي بعين المولى الجليل..