ضعنا يا صبرنا...

[أسيرة الأحلام]

رجعنا للمنتدى واللي جمعتنا كالعاده الغلا كله اميروووه

وحشتيني دبدوووب ووحشني المنتدى وآآآآآجد << اهم شي فجيت عليكم هع

اخبارك انشالله تمام..؟!

طبعاً اني متابعه القصه بهدووووووء

بس الأحداث اجبرتني اني ارد عليش
واصفق لش بحراره على هالإبداع

ماشاء الله القصه مرره روووعه

وبإنتظار الجزء الجديد

ومو تطولي علينا

يلا سي يوو

[Princess]

وتمضي الأيام...
طارحة الأماني على شطئانها..
لتموت عطشاً ...

فهل سيأتي يوم لتعود الحياة لشرايينها...!!


احبتي المتابعين.. والمنضمين.. واللي وحشوني ونوروني ..
فديتكم والله اني بخير .. واكيد ما انساكم.. وشهاده اعتز فيها تواصلكم معاي ...
يعطيكم الف عافيه
تفضلو الجديد..

[Princess]

الحلقة الرابعه عشره...

....



اااه ايها العيد الحزين

يا ثاني عيد.. سيحل علي.. في سنتي هذه.. و انت بعيد..
عادة في العيد تعزف سيمفونيات الأمنيات والسعاده
وتهل الأفراح.....

ولكن عيدي بدونك.. اعزف به مقطوعة الحزن والألم..

والوحشة تهل علي تسقيني من كؤوسها مُر الشراب

كيف بي ان افرح..؟؟
مللت وانا اصطنع الإبتسامه !!
مللت من ظل رسمته لنفسي اسميته ظل السعاده !!
مللت من الأمل نفسه..............

والصبر قد فر مني هارباً.....................!!

حتى الدمعه في برد شتائي هذا حينما تنحدر .. تنحدر وبكل جفوة وقسوه

تتجمد على خدي.. وكفي البائس مل ان يمسحها....!!!

احساسي طالت غربته, ومشاعري حبيسة هناك معك
أيــــــــــــــــــا غائباً ..
لن اقول لما غيابك ؟؟
.. فإني اعلم اسبابه.......
ولن اقول طال علي..
فإنني اعلم انه ليس بيديك حيلة لتحتالها........

ولكنني ابث شكواي والم والديّ هنا في دفتري..
لعلي اداوي المي وجرحي المرير

فكما يقولون" كل همه أشقاه في ليله""

وانا همي انت...

وستظل انت...

الى ان تلمس كفي كفيك

واعانقها بحرارة المكتوي من الشوق

اخي الغالي .. علي..
ليت كلامي يصلك
وبوحي يخترق مسمعك...

تيقن انني معك.. وان كنت لا تدري .. فإني اصارع القدر بدونك..

فلك ايامك الحلوه التي لن انساها مهما طال بعدك..
اظل احبك ..
بل متعلقة فيك..

ليتني استطيع ان التمس لنفسي العذر في التقصير معك ...
ولكني لا املك بيدي سوى خالص دعائي ورجائي بالفرج لك وتخليصك من ظالميك...

وان انثر حرفي الباكي الشاكي في سطور ترتل بين طيات صفحاتي الماً اعتصرني وهماً كسرني....
وبقلبي الدعاء..لك يا غلاة اروحنا .. يا شمعة بصيصها يضئ عندنا وان قست علينا الأقدار و جعلتك عن ناظرنا بعيداً...
.
.
.
سكرت ليلى دفترها.. في ليلة العيد الكئيب .. عيد الحاج .. واخوها مسافر وموطنه ديار الظلم ...
اسبوع مر على هالوضع...
سالت دمعتها على خدها.. وهي تتذكر حالتهم في الأيام اللي فاتت..
تتذكر كلام خالها وهو يقول لازم له محامي ... والمحامي تكاليفه غاليه..

تتذكر وجه ابوها الشاحب اللي ما يملك الا الدعاء و دموع الرجاء..
تسلف خالها على شانه من عند ابو ناصر كم قرش..

ومن عند ابو اشرف شوي..
وحفظو ماي وجههم عن حجي عباس... وهدرته و اذلاله للعالم وما قربو له..

وزينب.. اللي صيحتهم كلهم لما قدمت ليهم سلسال ذهب هو الوحيد الغالي عندها .. لأجله...وبالموت والف رجاء يالله رضى ياخذه ابو علي ...

لكن ..
للأسف ما توفقو في محامي راعي ذمه وضمير...
ظل يماطل وياهم كل يوم يقول اليوم... وعلى حاله بهالمماطله الى ليلة العيد...

اذن اذان الفجر .. يوم جديد على امة محمد يحمل الخير و البشاير...

اللهم اهل الكبرياء والعظمه واهل الجود والجبروت و اهل العفو والرحمه و اهل التقوى والمغفره .. اسألك بحق هذا اليوم الذي جعلته للمسلمين عيدا ولمحمد صل الله عليه وآله ذخرا وشرفا وكرامة ومزيدا .. ان تصلي على محمد وآل محمد .. وان تدخلني في كل خير .. ادخلت فيه محمدا وآل محمد وان تخرجني من كل سوء اخرجت منه محمدا وآل محمد..

تردد صدى هالدعاء في بيت ابو علي .. مع صلاة العيد.. تزفه الدمعات والزفرات الأليمه..
وبعد الصلاه.. ام علي ما تحملت وصارت تصيح و تدعو الله يرجع ليها ولدها .. وتنذر و تترجى انها ما تخيب..

زينب على سجادتها.. تدعي بالفرج لعلي ... ودموعها على الخد شلال..
جاسم ... يتقلب على سريره... والهم معتليه... ولأول مره يقوم ويصلي الفجر في وقتها... وكانت لغرفته نافذتين... نافذه تطل على الحوش ونافذة تطل على زرنوق ...
بعد ماخلص صلاه.. ظل على سجادته... ضم وجهه بأيده وصار يصيح.. ويهز,,, يحس روحه مخنووق..
مرت زينب عليه وانتبهت له من نافذة الحوش.. وصارت تراقبه.. وهي منذهله اول مره تشوف جاسم بهالوضع...
غرقت عيونها وياه دموع.. وظلت واقفه تراقبه ودمعاتها تسيل...

شوي الا تسمع احد يطق نافذته اللي تطل عالزرنوق ..
جاسم اختلع..
التفت ناحية النافذه... صار يطالع... مافي شي.. شال سجادته وانسدح على منامه..
زينب طنشت الوضع .. راحت المطبخ بتشرب ماي ورجعتها طلت على اخوها لقته واقف عند نافذته الثانيه ويهدر بهمس:
ــ ويش جايبنك .. وويش تبغى هالحزه..؟؟
حميد: ــ ويش ابغى ..؟؟؟ جاي اعايد بك مالت عليك... باموووووت بطني يا جاسموه رجع دق علي من امس احس بينفجرررررررر مانى قادر..
ــ ومين قال لك بيتنا صيدليه لو مستشفى؟؟
ــ اف اف منك.. تكفى.. شوف لي أي شي .. رمان مثلا ...

ــ ههههههههههه احلف عاد احلف .. رمان !!... ما تبغى خوخ ومشمش بعد... روح أي زراعه وشوف لك وحده خضرا محصرمه ماااعندي شي هنااا .. وخليني في حالي.. مالي خلق هااا..

ــ والله و طلع لك لسان. ياجاسمووه هين بس اطيب اراويك.. يا شلب.. افففففف وربي رحت المستشفى قالو مافيني شي الحين لويش رجعت الحاله.. دكاتره قوااااااطي... عاد شوف لي دخيل الله اكياس شاي ... قررفه.. تفااح.. أي شي يوقف بطني ....
ــ ههههههههههههه جاي بقاله لو سوق الخضرا.... ماعندنا شاي الا تلقيمه..
ــ جييييييب اللي تجيبه...
وطلع جاسم من غرفته الا زينب في وجهه..
ــ مين هذا؟؟ وويش صاير..؟؟
جاسم ببرود:
ــ اففف .. اصدق ما تصوختي وعرفتي..
ــ ما سمعت عدل.. مين؟؟
ــ فكينا.. حميدو
ــ ويش فيه هالحزه جاي ومن ورى النافذه زي الحراميه... لا يكون بيبارك لك بالعيد << زينب ما تطيقه ولا تشتهيه من يوم يومها
ــ انا لله.. بطنه .. يبغى شاي ..
ــ وحنا فاتحين قهوه..؟؟!!
ــ وخرري عني زين.. هدرتش ما تخلص...
زينب في بالها: ــ الله يلعنك انت وياه ماخربك الا هالزفت..

ودخل المطبخ .. طلع كيس وحط فيه شوية شاي ووداه لحميد..
ــ هاك.. خذ لعل وعسى يمسك بطنك
ــ مشكووور ...
وصار يطلع الشاي ويحاول يبلعه بلع...
جاسم بيسكر النافذه..
حميد يحط ايده :
ــ هيه.. ويش قلالة هالحيا اللي عليك...؟؟
ــ بردان..
ــ الله عاد... صدق ما تستحي.. ما بتطلع؟
ــ لأ نعسان..
ــ اهوو فارق .. يللا باي.. نشوفك ..
ــ باي ..
وسكر النافذه..
حميد صار يمشي وهو يهلوس ويا حاله:
ــ الله يستر منك ياجاسموه بس ...



تابع>>

[Princess]

الساعه 9 الصبح.. علا لبست الجديد ... وقبل لا تنزل .. صارت تطالع المرايا وسرحت تذكرت ليلى... وفي بالها ..
ــ آآآه... الله يفرجها عليكم.. ودي اتصل بس اخاف تكونو لاهيين واتصالي يذكركم.. لو اخاف اتصل وتسمعو بعد اتصالي خبر ما يسركم.. الله يعينكم... ونزلت ..
نزلت تحت.. عمتها صاحيه ومعاها مالك...
ــ صبااح الخير.. وكل عام وانتون بخير..
سميره : ــ صباح النور وانتين بخير...
وصارت تطالع في لبس علا .. وبلهجة اللي ما عجبه الشي .. بأستنكار:
ــ من وين ماخذه هاللبس ...؟؟؟
ــ من المحل الفلاني ...
سميره باستياء: ــ كم مره قايله لش لا تاخذي لش ثياب من هناك...!!
علا بتحدي : ــ ليش يعني على شان سعرهم معقول ولا هم غاليين ؟؟
ــ خلاقين .. مهم شي مرتب.... ؟؟؟ ولا عليهم القيمه..
كان مالك قاعد وياهم .. نط بالموضوع:
ــ بالعكس مره ستايل ومرتبين... كشخااات ام الشابات..
سميره:
ــ مالك.. التهي بحالك...
مالك ابتسم وصار يستظرف :
ــ اووووووه العمه صارت شاعره.. اووووووووووه...
سميره تخزه بهذيك النظره بما معناها اسكت..
مالك يحط ايده على بوزه..

علا تبتسم..
ــ واللحين اعتراضش على ويش ؟؟؟
ــ لا تلبسي الا لبس عليه القيمه.. الناس يشوفوش يقولو بنت خالد ال... وكذا لبسها زي الناس العاديين.. مبين عليه الجرفله روحي غيريه..
ــ هههههههههههههههههههههههههههههههههههه
ــ على ويش تضحكي .. قلت شي يضحك؟؟؟؟
ــ لا بس ... مو قادره..
ورفعت علا بلوزتها من تحت شوي وطلعت الستكر حقها وعليه ماركة محل مشهور..
ــ ههههههههههههههههه هذا الجرفله يا عمه..
سميره تلون وجهها و كشرت حواجبها.. ولا هي عارفه ويش تقول... وبلهجة قهر:
ــ ليش تكذبي ؟؟
ــ هههههههههههههههه مو اكذب .. الصراحه اذا انتين بنت النعمه والخير على قولتش ما فرقتي وجايه من الصبح تهزأيني عليها وانها جرفله وهي بالعكس حليوه.. حجتش انها مهي ماركه.. وهي اساسا ماركه ومن محل كل تروحيه.. عمه المظاهر كذابه ترى...
ــ لا .. تعلميني بعد.. اقول بس قولو لتريزا تحط لينا فطور...
ــ إن شـــــــــــــــــالله....
مالك مو قادر صار يطلع صوت من داخله ضحك::
ــ خخخخخخخخخخخ كككككككك خخخخخخخخخخخخ
سميره تطالع فيه.. قام يركض لاحق علا :
ــ علا ااا وين ناووويه تروحي اليوم ؟؟

سميره بقهر في داخلها:
ــ جيل اخر زمن.. طويل لسان...

وفي المطبخ ..
علا : ــ كالعاده بروح ويا خالتي امل .. بنتغدى في مطعم بعدين بنتمشى في مجمع بعدين بنروح الملاهي بعدين بنتعشى بعدين شوف عاد ننوي نسوي شي بعد لو نرجع البيت...
ــ مع مين .؟؟؟ لحااالكم؟؟
علا بأستنكار.: ــ لأ .. كالعاده مع ابو سجاد الله يجزاه خير ..
وبصوت متكسر .. تكمل كلامها:
ــ اللي متحملني ومعتبرني اخته الصغيره...
مالك حس ضربات الكلام اله:
ــ اا.. احم.. ليش رجوله طابت؟
ــ ايه من زماااااااااااااان خبرك عتيق...
ــ اهاا... مممممم.. انا ماوراي شي .. ويش رايكم اوديكم انا ونتفسح سوا..
علا طارت من الفرحه: ــ صدددددق.. احلللف
مالك قام يضحك: ــ هههههههههههههه حق ويه الحلف... اتصلي بخالتش وقولي ليها..خبرش بعد العيد برجع اسافر استراليا للدراسه وبتوحشوني..
علا :
ــ مع اني ما احس بتواجدك وايد.. بس فعلا بتوحشني.. وبيرجع البيت موحش لا ابوي ولا انت.. وعمتي من عدمها.. اشوى وياي تريزا..
مالك ابتسم :
ــ الله كريم.. ادعي لي اخلص هالسنه اخر سنه...
ــ يارب تتوفق ..
ــ وابوي اللي على حساب قال بيرجع ... لا حس ولا خبر..
ــ مادري به والله .. ليش من متى قال بيرجع ورجع في الموعد نفسه.. يا يقدم يا يأخر .. حسب ظروفه..
ــ وانتين الصادقه..

اتصلت على امل وعلمتها.. امل قالت ليها حسين بعد ماوراه شي فبيطلعو جميع ... وبيتفسحو..
تريزا مسويه كيك وحلويات للعيد..
علا : ــ تسلميي ثاااانك يووو تريزا
تريزا : ــ ولكم حبيبتي .. هذا على شان لما انت يروح بيت خاله امل .. سلم عليها وااااجد..
علا بأبتسامه وهي تفكر في بالها..
ــ باشوف عمتي اذا ما تبغاش وبتطلع باخذش ويانا هالعيد تنفهي و تطلعي...
راحت لعمتها :
ــ عمه ..
ــ نعم..
ــ بتطلعي؟؟
ــ ايه ..
ــ تريزا؟؟ ما تبغيها؟؟
ــ لأ ما توقع .. تزهقني اذا ارتبطت بها وصارت كل وراي .. ليش؟
ــ باخذها..
ــ خذيها..

فرحت علا وراحت ركض المطبخ ومالك قاعد يفطر... وبفرح:
ــ ترييييييزااا
تريزا مختلعه من طريقة علا في النداء ,, وبادلتها الطريقه في الرد:
ــ يييسسسسس
ــ بتطلعي ويانا بعد شووي اوووكي
مالك شرق بالحليب..
تريزا منصرعه.. ومرتبكه ::
ــ هااا.. ويشو.. وماما سميره..
ــ ماما سميره بيطلع مافي احد في البيت.. بتروحي ويانا اليوم عيد .. فسحه .. بريييك..
تريزا و الأبتسامه انرسمت على وجهها ..
ــ شوكراا ..

مالك : ــ كح كح.,,, وينا بتاخذيييها؟؟؟
علا بقهر : ــ مالك شغل...
تريزا حست ان مالك ما يبغاها.. وبهمس مخذول:
ــ خلاص علا .. روحو انتو.. انا يبقى هنا..
علا تمسك ايدها :
ــ لأ بتروووحي ويااانا... لو ماااني طالعه... اني وماما امل مع سجاد..
تريزا تحب سجاد.. تموت عليه..
مالك : ــ انا لله.. حكم القوي ...

شوي الا جايه لمالك رساله.. وما مهل دقيقه وجت لعلا هي بعد..
ابتسمو ثنينهم وصارو يضحكو.. وبنفس واحد:
ــ ابونا..

وفعلا كان ابو مالك راسل ليهم... يبارك ليهم في هالعيد..
علا بهدوء:
ــ تمنيته يجي .. لو عالأقل يتصل ..
مالك يحاول يواسيها:
ــ مشاغل ياخيه مشاغل الدنيا ما تخلص..
ــ العمر يخلص والشغل ما يخلص .. ايه ..الله كريم

تابع>>

[Princess]

وفي بيت ابو جاسم.. ام جاسم محتاره ويش تطبخ ناويين يروحو بيت ابو علي بيودو غدى و يقعدو وياهم يواسوهم شوي عن هالهم اللي هم فيه...

ام جاسم :
ــ ماني عارفه ويش اسوي شي حالي.. ولا ودي اسوي ساقو...
زينب بصوت متكسر:
ــ ايه.. لا يذكرو علي.. الله يفرجها عليه...سوي كيكه..
ــ هذا القول .. ويش رايش تسوييها يابتي مدة اخلص بقايا الغدا..
ــ ان شالله..

ابو جاسم برى الحوش يشرب قدو... وممصخنها شفط وتارس الدنيا دخان..
ام جاسم طلعت بالملاس وبلا وعي:
ــ يااااارب ارحمنااااااا برررحمتك.. اليووم عيد والناس تتعطر وتتبخر ..
ابو جاسم يطالعها على جنب :
ــ تعالي.. تعالي لوحيني بالملاس .. تعالي اشدخي بدني..
ــ لو ما الحيا والحشيمه سويتها.. مرضنا من الريحه.. خسنا..

ابو جاسم يشيل قلم القدو..
ام جاسم عرفت السالفه فيها شدخه.. مع ان ابو جاسم ما عمره شدخها بس تخويف .. بس تتحاشاه دايما وتتحاشى تخويفه..

ويشيله فعلا ويشدخ به على الأرض:
ــ ررررررروحي.. حاصله ليكم .. بخوور صنفي اصلا ..

زينب ماقدرت صارت تضحك كانت في المطبخ تتصوخ سوالفهم..
وفي بالها:
ــ ياغناتي ابوي.. من زمان ما ضحكنا...

ودخلت ام جاسم المطبخ ورفعت ثيابها.. تشمهم
ــ اف .. اووووووووف .. اف اف اففف.. علقت الريحه.. اشوى ما تسبحت للحين.. والله ريحة طباخي اخن من قدووه
زينب : ــ هههههههههههههههههههه مافي شك..

الا بقعدة جاسم..
ابو جاسم كان يشفط شفطه قويه من شاف باب جاسم انفتح..
ــ كححححححح كح احححاااا...
وصار يطالع فيه مستغرررب وجود جاسم وقعدته الصبح؟ ...
جاسم راح لأبوه:
ــ صبحك الله بالخير يبا.. وعيد عليك مبارك..
ابو جاسم خلاص مو مستوعب الموضوع وبهدوء :
ــ صبحك الله بالنور.. .. علينا وعليك مبارك...هداك الله ياولدي
وراح المطبخ يعايد على امه واخته...

ابو جاسم دايما يفلت كلام... وما يقدر يخبي..
من طلع جاسم من المطبخ.. قال له:
ــ خير اللهم اجلعه خير.. ترى عيادي مافيه.. مافيني شده...

جاسم كشر حواجبه وحس بغصه,, ما تعودو منه اهله هالحركه.. فابوه على طول ظنها رشوه ليهم على شان اليوم عيد ويبغى عيديته..
جاسم بصوت يبين عليه الزعل:
ــ مو هذا القصد.. الله يغير الحال ان شالله..

وطلع من البيت..
ام جاسم .. حطت ايدها على قلبها:
ــ وعلى قلبي ولدي..
وطلعت لأبو جاسم:
ــ وانت ويش فيك هااا.. ويش فيك على الصبي.. يوم ان الله هداه.. تقهره حق ويه هااا..
ــ بتروووحي لاااا..
ــ انــــــــــا لله.. الله يهديك..
ــ اه..
ــ يهدييييييينا ويهدييييييك.. سابتنك عفر مو داعيه لك..
ــ خلصي بس خلصي ما نبغى نبطي .. بنصلي الظهر وعلى طول بنروح..

وبعد صلاة الظهر..
تجمعو في بيت ابو علي..
وصارو بيت ابو جاسم يسولفو يحاولو يطردو شبح الصمت والحزن المخيم على اجوائهم...

حطو الغدا و قعدو يتغدو.. احتاجو نشاف .. والنشاف في الكبت في غرفة الخياطه..

قامت ليلى تجيبه.. من فتحت الكبت طاح عليها كيس بداخله القطعه الحمرا..

طلعتها وصارت تـتأملها.. وبلا شعور .. انسلت دموعها...
رجعتها الكبت .. وطلعت علبة نشاف .. مسحت دموعها...

وهي طالعه الصاله.. الا تلفونهم يرن..

الى الملتقى...

[دمعة على السطور]

إن شاء الله يكون التلفون والاتصال من علي
أو بيطلعوه عفو بمناسبة العيد هه

قهر الظالم مرتاح وجالس >>هو مو مرتاح شكله الله بلاه بمرضة مامنها قومة يارب
والمظلوم محبوس في السجون..




بانتظار الغد..
موفقة لكل خير إن شاء الله تعالى..
..دمتي بعين المولى الجليل..

[آخر شقآوهـ ..~]

يآآآرب إتصآل من القسم يخبروهم ان علي بيطلع يآآآآآآآآآآرب
تسلمين حياتي ع الجزء
ربي يعطيك العافيه
ننتظر بفارغ الصبر
تحياتو

[للدموع إحساس]

صبــــــــــــــــــــــاح الخيرات ،،
أن شاء اللهـ ورى هاالأتصال إبشارة الأفراج عن علي ياااااااارب ياكريم ،،
و حميدوووه يستااااهل الزفت ،، عساه بـ هاالحال وأردى قليل الذات ،،
واللهـ يهدي جسووووم ،،
أبو جاسم ما أقدر عليهـ ،،
قال ويهـ قاااال صنفي ،، هع هع
يعطيكـ ربي العااااافيهـ ياالـ غلا ،،
وعســــــــــــــاكـ دوووم عاالقوة ،،
وبـ الأنتظاااااااااااااار ،،
خاااالص التحااايااا ،،
للدموع إحساس ،،

[Sweet Magic]

يسلموووووو أميرتنا


على الابداع المتواصل وحنى معه نواصل



الله يعين ليلى في العيد تدرف دموعه بدل الضحك والابتسامه


ننتظر هذا الاتصال اللي راح يغير حال ...........


دمتي

[fatemah]

السلام عليكم ورحمة الله وبركاته
انا احس ان جاسم راح واعرف لشرطة
بالحقيقة يعني علي بيطلع ان شاء
الله برا السالفة
تسلمييييييييي امورة ع الجزء الرائع
بنتظار الجديد
..}{..تحيــــــــــــــــــــــــــــــــاتيـ..}{. .

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

جزء كشووووووخي بصراحة

تسلم الايادي أميرتنا على هيك أبداع

الله يعينهم هالعائلة من حزن الى حزن

حتى بيوم العيد

الله يغير الاحوال إن شاء الله

بالانتظار

[*زهرة البنفسج*]

من ياتري المتصل الله يستر هم ناقصين

الله يعطيك ربي الف عافية

[آسوآآر الآلــمـ]

أحس أن الاتصال زين

الله يعطيك العافية أختي

وموفقة .. ننتظر الجديد ــ ـــــ ـــ

[Hussain.T]

واخيرا جاء يوم السبت

ان شاء الله فرج علي

وفرحة امه واخوانه في يوم العيد

ننتظر البارت القادم على احر من الجمر

تحياتي

[اسير الهوى]

انا اتوقع المتصل امل او علا يبغو يزيوروهم...
***
خيتي اميرة..

رائع قلمك الجبار..

وان كان لقلمك وصف كالجبار فلا وصف سيحوي عقليتك ابداً

استبيحك العذر لكنها الحقيقة..