علا في غرفتها.. بعد ما خلصت صلاه.. اتصلت في خالتها امل ..
امل من شافت علا المتصله.. ماردت عليها.. بعدها متضايقه منها وما تبغى تنفعل و ترجع تفتح السيره و تضايقها ..
علا حست ان امل زعلانه.. هي بكبرها مهي متحمله نفسها وحاسه انها مكتومه وتبغى تفضفض...
عمتها كانت في غرفتها.. وحتى ولو شافتها ما بتفضفض ليها..
نزلت .. راحت المطبخ لتريزا..
دخلت وخذت كاس ماي وصارت تعبيه .. بتشرب ... وبصوت هادي.
ــ تريزا....
تريزا : ــ يس ماما..
ــ اخبار بنتش ؟؟
تريزا ابتسمت: ــ الحمدلله زييين زوج مال هو يتصل ويقول واجد زين..
ــ الحمدلله..
وسكتت علا شوي..
ــ تريزا..
ــ يس ماما..
ــ سوي كيكه بكره زين ..
ــ ان شالله ماما..

وطلعت من المطبخ وفي بالها الف فكره وفكره..


وطلعة المصلين من المسجد,, تلاقى ابو اشرف مع ابو ناصر .. ووقف وياهم حجي عباس .. وصارو يسولفو ..
ابو جاسم استحى يكلم ابو اشرف .. سلم عالجماعه كان يتذكر ابو اشرف السالفه ... بس للأسف السوالف مع الجماعه نسته واشغلته.. وولده اشرف مشى عنه..
ابو جاسم خابت اماله.. و تركهم وراح وهو يضرب فكر...
وهو يمشي ما انتبه لحجر في الطريق .. تعرقل بها وطاح على ركبه...
ماشاف الا واحد يشيله..
ــ سلامات عمي .. تعوورت ؟؟؟
ابو جاسم : ــ الله يسلمك ياولدي ..
وانتبه له انه اشرف....
حاول ابو جاسم يمشي .. بس ركبه تعورت شوي .. و يحس مشيته ثقلت .. غير التفكير اللي ماكل عقله وقلبه..
اشرف حس عليه.. ــ عمي .. رجولك تعورك ؟؟
ــ لأ.. مافيني شي..
وصار ابو جاسم يتسند عالجدار وهو يمشي خطوه خطوه..
اشرف : ــ كيفا دي بعد مافيك شي ..؟؟
مسكه وسنده عليه..
ــ امش عمي .. تسند علي باوصلك بيتكم..
ابو جاسم .. من الطيحه يحس جسمه يعوره..
ــ الله يجزاك خير ياولدي..
وتسند على اشرف وصار يمشي وياه..
و هم يمشو... مر عليهم مالك بسيارته.. وفتح النافذه وبلهجه منفعله وتخفي بين طياتها سخريه:
ــ هااا .. هلااا بأبو شريف.. منهو دا ؟؟
اشرف بملل: ــ هلا فيك.. وهذا عمي ..
ابو جاسم ساكت..
مالك: ــ عمك.. مو هذا اللي يشتغل عند ابو ناصر؟؟ من وينا لوين عمك..
اشرف : ــ دام انك تعرف لويه تسأل ...
ــ استعبببط..
ــ مانى فاضي لأستعباطك.. تيسر الله ييسر لك..
ــ خخخخ لا تفضى.. نشوفك .. باي..
ــ حياك..
سكر نافذة السياره ومشى ...
ابو جاسم بتعب وابدا ما عجبه هالمخلوق : ــ منهو دا؟
ــ مالك خالد الـ....
ابو جاسم من قال له هالأسم.. انتفض جسمه...
ــ لا بارك الله فيه ولا في ابوه..
ابتسم اشرف ولا رد عليه.. لأنه معذور على هالدعوه..

ورجعت بأبو جاسم.. الذكريات للورااااء...

كان ابو جاسم هو ويا ام علي الوحيدين اخوان ما عندهم احد..
بقايا اخوتهم اللي مات من صغره من الأمراض .. واللي مات على كبر .. و ماظل الا هو واخته..

ورثو من ابوهم قطعة ارض صغيره ..
كان مبني فيها صندقه عاشو فيها وهم يهال و زراعه يترزق منها ابوهم المرحوم..
وكانت هالأرض في النص بين ارضين لجد مالك..
كان ابو حجي عبدالرحيم يشتغل في اراضي جد مالك..
و تنازل عن اجر كم سنه مقابل قطعة هالأرض اللي حوطها له جد مالك كأجر لتعبه طوال السنوات..
بنى فيها الصندقه وستر على مرته و عيش ولاده فيها.. ومن شدة ثقة ابو عبدالرحيم بجد مالك ومحبته له ما طلب لا صك للأرض ولا شيء يثبت ملكيته ليها وانها اجر تعبته وشقاه..

ومرت الأيام. 5 سنين ثمن هالأرض .. كانت تعب وشقا في مزرعة جد مالك ... لين الله اخذ امانة ام عبدالرحيم.. توفت بالكوليرا .. انتشر وقتها هالمرض وكانت من ضحاياه.. وظلو في الصندقه.. ابو عبدالرحيم و عبدالرحيم واخته ام علي...

وتقدم بعد كم سنه ابو علي وخطب ام علي .. و حس ابو عبدالرحيم بالأمان على بنته و عقبال ولده ان شالله. ولده كان من نفس جيل ابو مالك.. متقاربين في الأعمار...


لكن تجري الرياح بما لا تشتهي السفن.. توفى جد مالك..
وولده الوحيد ابو مالك ورث كل الأموال...
وفي يوم لا حاسبين ولا كاتبين فيه .. تفاجاو بأبو مالك يطالبهم بالأرض .. وانها في النص بين الأراضي .. و ما يصير كذا .. وليش ؟؟
ابوه خلاص وتوفى .. و هو ما عاد يبغى عماله من البلد .. بجيب هنود للأراضي..!!

ابو عبدالرحيم مرض.. و الهم اعتلاه.. ابو مالك يدري باللي بينه وبين ابوه المرحوم بس ينكر هالشي لأجل مصالحه..

وفي يوم ما ينساه عبدالرحيم طول حياته...
لقى رجعته من شغله ..
ابو مالك... نازل من سيارته جاي ليهم.. وقف وياه وصارو يتناقشو .. وزاد النقاش حده على هالأرض .. ووصلت بينهم للضرب ..
وصريخ .. اجبر ابو عبدالرحيم اللي كان مريض يطلع من الصندقه ويصير يصارخ عليهم يبغاهم يهونو..
ابو مالك صرخ في وجه ابو عبدالرحيم..
ــ امسك ولدك عني وهالأرض تطلعو عنها...
عبدالرحيم : ــ هالأرض ارضنا .. وما يحق لك تطردنا .. تعب ابوي وشقاه.. بتعطينا ثمن هالتعب بنخليها..
ــ أي تعب وأي شقى واي ثمن تتكلم عنه.. ليش تخليني اعيد وازيد في الموضوع..
ابغى دليل.. اثبات.. صك ملكيه ,, وينهوو؟؟
ابو عبدالرحيم وبتعب وبصوت متكسر : ــ رحمة الله على ابوك طيبته و حنيته ومعاملته الزينه كفتنا ووفتنا عن صكوك الدنيا..
ابو مالك بمنتهى الوقاحه : ــ غبي .. والا واحد في هالدنيا يتعامل بدون صكوك.. انا حتى لو المرحوم ابوي تعامل وياي بشي لازم اقيد عليه واسجل ..
ابو عبدالرحيم : ــ الله يهديك ياولدي..
ابو مالك بعصبيه: ــ ليش مجنوون انا.. و يللا برى عن هالأرض بكره باجيب ونش يشيل عفشكم كله..
وتركهم .. وابو عبدالرحيم يوصي ولده يهدي اعصابه ولا يسوي شي ...

وفي اليوم الثاني.. زاد التعب على ابو عبدالرحيم.. والصندقه مافيها اكل .. طلع عبدالرحيم يشوف له شغله.. كان يشتغل حمال بالأجر اليومي .. عند المقاولين ...يحمل اكياس الأسمنت و الخشب والطابوق ..
تابع>>>>