وفي طريقهم لبيت ابو جاسم.....
لفت نظر جاسم شبقه في احد الزرانيق ..
ــ اه .. طلعو.. شباق..
علي وقف وريوس ... الا فعلا شباق والدعسه في البطون قايمه...
صارو يركزو النظر مو مبين مين هذيلا ؟؟؟
وينزل علي ليهم ويفكهم ... ويهرب واحد منهم ويظل الثاني .. اللي عرفه من صوته
ــ عادلوه ويش فييييك...؟؟؟
عادل وهو رافع نعاله المنقطع ...ــ هدددني عليه باااادوووس فبطنه..
علي : ــ ههههههههه امش .. اطلع من هالزرنوق .. خلصني ..
ــ هددددددني بدبحه هالـ .......... << طووط تشفير ,,, سبايب قويه من العيار الثقيل
علي مختلع ... ــ يااللله ويش هالكلام .. من وين لك...!!
عادل يضحك: ــ عببباااسسسوه كللله يقووول لي كذااا..
ــ و لعنه انت و عباسوه.. امش قدامي...
وفتح باب السياره جهة جاسم.. كانت سيارة علي عراوي غمارتين موديلها قديم... وقدام واسع يكفي نفرين غير السواق...
وركب عادل .. ونعاله المقطوع بعده في ايده..
جاسم : ــ هاداااويه نعالك لويه في ايدك.. ارميه انقطع خلاص ..
ــ هههههههه ميييينوووننن انتتت ووويشششو ارررميه .. هاااداا سلالالاح الحرررب,, بكره اراويه صبيان الفرررريق...
وحطه على صندوق السياره .. وصاير شكله وهو من ورى الجامه تحفه..
علي : ــ هههههههههههههههههههههههههههههههههههههه
زينب اختلعت .. اول مره تشوف علي يضحك بهالدرجه .. وابتسمت وفيها فضول على ويه هالضحك معقوله لجملة عادل..
علي مو قادر يضحك...
جاسم : ــ ووويش فيك؟؟؟
علي : ــ ياربي على عادلوه.. ذكرني يوم انا صغير .. اذا انقطع عندي نعال في شبقه .. استانس وافخر واقول قطعته على فلان.. ههههههههههههه الله يخلف على ذاك النعال تعب من كثر ما ترقع.. رحم الله ذيك ايام...

زينب ماقدرت ,, صارت تضحك على خفيف ..
جاسم : ــ بل .. خوش سلاح...

عادل سمع زينب و التفت بالسرعه عليها ..
ــ منههههييي انتين..؟؟؟
جاسم يفلصه ...
ــ استريح وتأدب..
عادل : ــ مييين هييي .. زنببببوووه اختك..؟؟
جاسم : ــ ويش عليك انت ؟؟؟
ــ ههههههههههه لاااا بببس العصصصر لاحقققتها فففي الطررريق
جاسم منقهر : ــ ومستانس ويا وجهك..
علي يهمس لجاسم.. : ــ هدي هدي .. لا شرهه عليه ..
عادل : ــ اححححللليوه اخخختك .. انننااا احببببها ..
علي بعفويه تامه صار يضحك ...
زينب فتحت عيونها مختلعه من جملة عادل .. ومقهوره من ضحك علي ابدا مو هامنه الكلام وقاعد يكركر ضحك.. ..
جاسم ضرب عادل على راسه.. وفتح له باب السياره..
ــ يللا اذلف وصلت بيتكم..
ــ ددددقققيييقه جيييب نعااااالي
جاسم يرميه عليه:
ــ خذه مالت عليك..
ــ ووووعللليييك...

علي يسكت شوي .. وفجأه ما يشوفوه الا يضحك
جاسم يطالعه على جنب : ــ على ويه الضحك؟؟
ــ خخخخخ على خبالة عادلوه..
زينب معصبه .. مصخها علي بالضحك..
وصلو البيت ونزلو ... ودخلت وهي محمقه..

جاسم دخل .. وفي الممر قبل لا يوصل للحوش ..
ــ شششوووفي ابووش هنا..؟؟؟
زينب : ــ اوووه فارقني اكيد هنا... ما تشم ريحة القدو..
ــ ياساااتر اكيد في الحوش مبسط .. استعد يا جويسم للقصف العشوائي...

دخلت زينب للحوش .. كان بيت ابو جاسم من البيوت العربيه القديمه.. الباب تالي ممر يوصل للحوش .. وحوالين الحوش الغرف ..
ــ قواك الله يبا..
ابو جاسم يشرب في القدو :
ــ هلا .. الله يقويش .. مين رجعش؟؟
ــ علي ولد عمتي
ابو جاسم :ــ لحاااالش ؟؟
ــ لا وياي جاسموه
ابو جاسم رمى قلم القدو: ــ جاسمووه .. ووينهوو..؟؟؟؟؟؟
الا بدخلة جاسم للحوش...
ما شاف الا ابوه يحبي بسرعه ويشيل نعاله ويرميه عليه..
ويتحاشى جاسم رمية النعال ..
ويحاول ابو جاسم يقوم بالسرعه .. بس وين يقوم بعد التعب في الزراعه وقاعد الحين ويا القدو.. داخ راسه وقعد ..
وينحاش جاسم غرفته ويقفل الباب
ويصير ابوه يصرخ:
ــ ايييييييييه.. مو هذا اللي ماخذينه منك.. زي البنيه تنحاش وتقفل بيبان .. يا الدلعه.. يا طايح الحظظظ,, عساك ما تربح.. حسسبي الله عليك من ولد قليل طوع و منفعه...
ام جاسم في المطبخ تسوي العشا ببرود ولا كنها تسمع.. متعوده على هالشباق..

ابو جاسم يكمل تهزأ وصريخ..
ــ احمد ربك الحين قرريب يأذن وبطلع المسجد .. يا طايح الحظ والا كان شلخت الباب عليك.... شان فيك خير روح صل صلاة ربك هناك.. لو بس فالح هياته في المزارع ما تأخرها ولا تفوتها..
وقام ابو جاسم وهو يهزأ .. وقومته حط ايده على قلبه .. وصرخ:
ــ آآآآآه قلبي .. قلبييييي..
وقعد...
وجت له ام جاسم تركض .. وزينب راحت بسرعه وهي متصروعه تجيب له ماي..



والى الملتقى .. مع تتمة الجزأ السادس ..