ضعنا يا صبرنا...

[الــــنـــاري]

اميرة اهلا بعودتك
اختي عندي اقتراح
يمكن يأيدوني فيه الجماعة
وهم شي انتين تايدين فيه قبل الكل

انا من رايي تكتبيها في ورق وقت الفراغ
وبعدين كبرياء ترتبها وتنسها لينا
اعرفها اختك ومابتقصر وياك ^_^
ونشاء الله الكل يوافق على الاقل
كذا مابنتظر وايد >واجد > كثير << كل اللغات عندي > قام يفخم
يلا سي يو بعد اسبوع بجي اشوف الجزء هههه
تمنياتي لجيمع بالتوفيق

[Princess]

مرحبا
تسلمو والله من كل مكروه
اخيرا تمت كتابة الجزء
حاولت قد ما اقدر في فراغي اضغط على روحي شويات واطول هالجزء..
ان شالله يعجبكم

خيو كعور .. ياهلا فيك نورت.. واتمنى تعجبكم هالروايه للآخر مثل اللي سبقوها ولا استاهلنا تعليق منكم عليهم...جاني فضول اعرف مين الناس
اللي سمعتهم يمدحوني !!
ويمدحو رواياتي؟؟
واللي زاد فضولي ... لقيتك في مكان آخر من انحاء المعموره.. !!

بالنسبه لأقتراحك خيو الناري..
خيو اني وقت فراغي الوحيد اللي اصير فيه على الجهاز حاليا في رمضان من بعد صلاة الفجر تقريبا الى وقت نومتي .. اذا مو مخيخي مره منتهي وخلاص انام..
وبهالوقت.. اكتب مباشره
اما اني امسك ورقه وقلم ماااا عندي ولا حتى ساعه حق اقدر اسويها..
تسلم والله تعبتكم وياي من الأنتظار بس ان شالله تتيسر اموري وتتعدل ظروفي ..
واتواصل بشكل اكثر
تفضلو الجديد..

[Princess]

الحلقة 29

ــ خنقه المحل.. حميد.. خلنا نطلع..
ــ شااااااايفني قادر اطلع وماطلعت.. اسكت عني..
ــ حميد.. انا خايف المحل مو طبيعي..
ــ جاسمو بتسكت لو ويش..
ــ حميد ويش فيها ايدك..
حميد يطالع في ايده.. متورمه ويطلع منها الدم..
ــ آآآه.. مادري .. ويش فيهاا يااربي..
جاسم : ــ بطني بدى يعورني.. حميد تكفى دبرنا خلنا نطلع..

حميد يطق في ايده وكلما طقها زاد الورم فيها.. وصار يطلع منها دود...
جاسم خاف وهرب .. شاف باب فتحه الا تلفحه منه حراره مهي طبيعيه...
ــ آآآآآآه

وانتبه جاسم من النوم.. مفزوع.. وعرقان وحالته حاله... غطى وجهه بكفوفه وصار ينحب..
ــ لمتى هذا حالي.. يارب سامحني... لازم اشوف حل.. مايصير اسكت.. باموت..

العصر في الساحه.. في يوم العاشر .. الشباب يمثلو.. ليلى واقفه جنب رزان..
ورزان مندمجه ومتفاعله ومتأثره.. وبلا شعور دموعها تسيل وكل شوي تقول لليلى..
ــ ماصدق في ناس بهالظلم.. ماصدق وهذا تمثيل اجل الحقيقه كيف؟؟
وليلى تهديها :
ــ ياخيه صدقي .. هذيلا قوم غضب الله عليهم ولعنهم واعد لهم اشد عذاب.. هذيلا قتلة آل رسول الله..
وجى موقف الطفل الرضيع.. ورزان حامله حنين وضامتنها ليها عن البرد ..
موقف الأمام الحسين وهو يطلب الماي لأبنه الرضيع.. هز كيانها ..

ومن رمى حرمله الرضيع بسهم..
من رفعه اللي يمثل دور الحسين عليه السلام ( ناصر ) للسما ..
ومن ارتفعت الأصوات بالبكاء والنحيب..

رزان خلاص..
تحس نفسها فقدت الحواس.. ودموعها انهمرت على خدودها.. ضمت بنتها...
قتل الحسين... طاح الممثل من على ظهر الفرس... و اعتلى الشمر صدره..

هنا ..
الناس كلها تصرخ وتصيح..
ورزان بلا وعي وياهم.. وبعمق وصدق احساس.. نادت.. يااااا حسيــــــــــــــــــــــــــن..

وبين الحريم النادبات.. من جى دور الشمر.. ام مصطفى تركت المكان بالدعاوي..
ــ نايبه تصكك سودت وجهي..
والناس متفاعله وتلعن الشمر اللعين
رزان مهي مستوعبه ,, صارت تسال في ليلى..
ــ وش بلاه هذا.. وش يسوي.. شكله يخوف .. منو هذا؟؟
ليلى :
ــ هذا الشمر لعنه الله.. يبغى يقطع راس الحسين عليه السلام
رزان شهقت شهقه وبدموع:
ــ ليش ؟؟ مو كفايه حالته واللي سووه.؟؟ ليش يقطعه ؟؟
ليلى زادت صياح.. وصارت تحكي ليها ...
وفجأه اعتلى صوت النياح في الساحه..
وارتفع راس على الرمح..
الله اكبر.. الله اكبر..

عبدالرحمن في الطرف الثاني..
يراقب المشاهد بتمعن..
دموعه تسيل.. ويحس الدم يسري في خدوده بالقوه..

كان تايه وحيران..
ضايع.. ومحتاج احد يرشده..

يحس بعد ما شاف التمثيله انه ارتاح .. وفهم اشياء كان غافل عنها..
واشياء ثانيه كان فاهمها غلط..
تنهد من قلب ومع ارتفاع الأصوات ..
صرخ::
ــ الله يفرجها عليك يالغااااالي..

جاسم... جاه غثيان فجأه.. و اقرب محل الى ساحة التمثيل كان بيت عمته.. ..
ابو علي اكيد موجود في البيت بحكم انه مايشوف ولا بيقدر على الوقفه والزحمه,,
ركض على طول راح بيت عمته طق الباب..

ابو علي قام وهو مستغرب اهله عندهم مفتاح .. ومين اللي جاي وتارك التمثيليه برى..
ــ خير اللهم اجعله خير.. مين.. مين عند الباب..
جاسم خلاص بيفرغ مو قادر..
ــ انا......... جاسم..
فتح له ابو علي وعلى طول اندفع جاسم لا سلام ولا كلام ودخل حمام المجلس..
وصار يستفرغ,,
ابو علي مستغرب ..
ــ جاسم.. ويش فيك ؟؟.. ويش صاير..!!
جاسم في الحمام .. بدى يصيح .. ويهوس في باله..
ــ لا يكون صار فيني زي حميد.. يارب .. يارب الطف بي ..

طلع من الحمام ..
ابو علي : ــ ويش فيك ياولدي..؟؟
جاسم انسدح في المجلس وبتعب:
ــ مادري فجأه بطني عورني ..
ــ سلامتك.. ما تشوف شر..
وقعد ابو علي وياه:
ــ ايه.. زين .. مصايب قوم عند قوم فوايد..عالأقل ونيس وياي..
ابتسم جاسم.. وصار يتأمل السقف .. و آثار المطر عليه.. والتشققات...
سالت دموعه..
ــ يالله.. سامحوني .. حرمتكم من ولدكم.. يارب .. سامحني..

ــ تبكيك عيني كيف لا تبكيك عين..
فرض على الأحجار ان تبكي و دين ..
كيف القلوب العاشقات ياحسين.. ياحسين..
علي.. مسند راسه على الجدار.. وبينه وبين نفسه يرثي الحسين بهالقصيده..
شوي الا بجية العسكري ..
ــ اليوم لكم مكالمه..يللا بالدور جماعات.. فلان آل فلان.. ....... علي حسين آل ....
علي على طول قام.. وقلبه يطق ..وفي باله يارب الاقي احد .. اليوم عاشر اكيد طلعو ...

اتصل ...
رن.. رنه .. رنتين..
ابو علي ..
ــ اوه تلفون.. مكحين باب واستغربت والحين تلفون.. خير اللهم اجعله خير.. << تلفونهم الوحيد في الصاله..
ابو علي وهو قايم:
ــ انا لله.. ما يمديني اوصل له الا سكت..
جاسم : ــ استريح عمي انا باروح اشوفه..

وراح جاسم..
رد..
ــ الو..
علي استغرب . قال يمكن دقيت غلط..... عمره ماكلم جاسم تلفون فما مر عليه صوته:
ــ مين معاي؟؟
ــ انت مين..؟؟ تبغى مين..؟؟
ــ هذا مو بيت حسين آل ....
ــ ايه هذا هو...
ــ مين انت؟؟
ــ انا ولد خالهم...
علي .. سرت في بدنه نفضه قويه.. وحس نفسه في ضيقه مهي طبيعيه..
وبصوت مقهور ومتألم:
ــ جاسم !!
جاسم : ــ ايه جاسم.. مين انت.. وتبغى مين..
علي ببرود وملامه: ــ وين ابوي ؟؟
جاسم من قال علي وين ابوي.. ميز الصوت.. وعرفه..
حس كنه نزلت عليه صاعقه من السما..
تيبس محله.. ودقات قلبه صارت في راسه وبطنه تتسارع...
وبصوت متقطع : ــ دقيقه..
علي ابتسم ابتسامة سخريه و في باله ..
ــ مالومك ما تسال عن احوالي وانت السبب في ضيقتها.. ايه.. الله عليك وعلى اللي كان وياك شريك..

جاسم يسحب نفسه سحاب ..
ــ عمي.. علي ............في التلفون

ابو علي .. جته غصه..
ــ سكر ؟؟
ــ لالا اكو في الصاله .. على المخده حطيت السماعه روح رد عليه

قام ابو علي وهو متردد وقليه يصفق .. اول مره بيكلمه.. ماكلمه في العيد .. مايقدر يسمع صوته..

هو راح الصاله للتلفون من جهه.. جاسم رجع الحمام .. وصار يفرغ من جهه ثانيه..

ابو علي وايده تتنافض رفع السماعه:
ــ هلا,, هلا ابوي..
علي اختجلت الدمعات في عيونه توه يسمع صوت ابوه.:
ــ هلا يبا.. قواك الله.. مأجورين.. ويش حالكم..
ــ هلا بعد ابوي .. الله يقويك و اجرنا واجرك.. الحمدلله ما نسأل الا عنك.. شحوالك يا ولدي ويش مسووي... وويش اخبارك..
ــ الحمدلله تمام .. وما ناقصني الا شوفتكم .. ويش اخبار امي وخواتي ووينهم .. عساهم بخير .. وريمو اختباراتها ويش مسويه
ابو علي يرفع غترته ويمسح دموعه .
ــ لا خلا ولا عدم منك.. كلهم بخير و يتأملو رجعتك بالسلامه.. ما نسيت وقت اختبار اختك اللهيوفقها ويفرجها عليك ان شالله.. اهلك راحو يشوفو تمثيلية الشبيه..
ــ اهاا صح.. عليهم بالعافيه .... ويش الأخبار الجديده ويش مسووين.. وجاكم عبدالرحمن لو لا؟؟
ابو علي :
ــ مافي شي جديد.. وماشي الحال الله كريم.. وجانا خويك.. والحين راح ويا مرته التمثيليه

وفي باله.. ويش اقول لك ياولدي.. اقول لك محاميك انحاش وباق الفلوس.. لو اقول لك بعنا طرادك وندور لك محامي ثاني.. لو اقول لك ولد عمتك عطاك عمره.. لو اقول لك رجع ابو مالك من السفر وحال خالك مو حال من طاريه .. اقول لك ويه لو ويه ياولدي.. مافي شي جديد وامرنا لله..

علي : ــ اووه تمااام .. يبا انتبهو ليهم ودلوه على الشيوخ وعطوه كتب..
ــ ان شالله ياولدي ما يصير خاطرك الا طيب .. لجل اهل البيت ولعيونك ..
ــ يبا.. ويش فيك..
ــ هلا.. ها.. مافيني شي ياولدي..
ــ مادري بس صوتك مو مريحني..
ــ لا مافيني شي .. بس توه زكام رايح.. وشوي الصوت متدهور من البرد..
ــ ايه انتبه لصحتك يبه .. ويللا سلم على امي وخواتي وخالي واهله..
ــ الله يسلمك ياولدي .. يوصل وانت انفت لعمرك ..
ــ ان شالله يبه.. مع السلامه
ــ امانة الله..

سكر علي ..
وابو علي حط السماعه.. وقعد على الأرض :
ــ إيييه.. الله يردك لينا ياولدي.. عاجلا غير آجل...

راح المجلس ونادى..
ــ جاسم.. جاسم .. وينك.؟؟
ولا يسمع الا صوت جاسم في الحمام.. يرجع..
ابو علي :
ــ انا لله,. ما يندرى ويش ماكل .. لوع شبدي..

تابع<<

[Princess]

و احترقت الخيام..
وجرت النساء سبايا...

رزان خلاص .. من هول الموقف .. طلعت من الزحمه وقعدت على الرصيف .. وصارت تصيح..

لحقتها ليلى وصارت تقص ليها بعدين ويش صار في السبايا..

و انتهت التمثيليه....
الا بدخلة ضبعه تركض لماي النهر الأحمر اللي مسوينه بالساحه..
حامله غرشة ماي فاضيه..
الصبيان يكلموها..
حجيه .. ويش تسوي؟؟ حجيه الماي مو زين..!!!.
وهي محمقه و لا عندها فيها .. وعاطتنهم الأذون الصمخه...
وتصيح وتسب في يزيد وآل يزيد و اصحاب يزيد.. ماخلت ولا بقت سبه..
وتعبي في ذيك الغرشه...

خلوها على راحتها.. بس كلموها اهم شي لا تشرب منه لأنه فيه الوان تضر...

عادل دخل وسط الساحه وصار يراكض فيها ويغبر ..
الا يلفت نظره مصطفى بعده ما بدل لبسه التنكري لدور الشمر..
ويهجم عليه ويمسكه ويدحن فيه في الرمل .. ويدوس فبطنه..
وهو يسب فيه:
ــ الله يلللللللللعنننك .. ياااا قاااتل .. يااااا........ يااااا...............

ناصر فتح عيونه هو الثاني ما غير ثيابه .. وراح يركض هو ويا اشرف لعادل يفكوه عن مصطفى..
مصطفى يحاول يشيل عادل عنه .. حاشه بكم بقس بس ما يفيد ..
عادل مستميت و مره قايم له قومه عدله..
اشرف وناصر يسحبوه..
عادل فتح عيونه ومسك ناصر..
ــ ما مت..؟؟ انت ماااااااا متتتتتتتت....
ناصر :
ــ عادل .. ويش فيك .. نمثل حنا...
ــ قتلللللللللك هذا الـ....... الــ............
اشرف يصرخ فيها:
ــ خلاااااااااص ويش هالسبايب .. عادلوه باقص لسانك .. قلنا لك نمثل مافيه شي ناصروه هاشووف .. شووف..
عادل قام من على بطن مصطفى:
ــ ايه.. حسسسببباااالي متت.. دبحححك هالـ.... الـ....

اشرف :
ــ وتاااااااااااااااااليتها.. قدامي البيت يللاااااااا..
عادل مد برطمه:
ــ اممممممي مااااهي في البيييت..
ــ امشي ولا تكثر هدره...

مصطفى قام وهو ينفض روحه :
ــ يلعن شكلك لو مانت خبل شان دست بطنك في القاع..
ناصر يطالع فيه على جنب:
ــ ايه .. زين.
مصطفى بقهر:
ــ ويش قصدك؟؟
ناصر شلق بوزه شبرين:
ــ لاااااا سلامتك.. يعطيك العااافيه..
ــ حسبالي بعد..الله يعافيك..

وراح مصطفى سيارته كان حاط فيها ثوبه.... وفي طريقه للسياره..
مرو عليه صبيان صغار شالو حجر وصارو يرمو عليه..
ــ ياشمر يالعين.. ياشمر..
مصطفى فتح عيونه:
ــ خناقه.. والله بلشه و ابتلشتها ما يسوى علي هالدور.. فااااااااااارقووو..
وهم يشيلو حجر ورمل ويرمو عليه..
شوي الا بضربة حجره كبيره لسيارته جهة بابه..,, شهق شهقه وفتح الباب بسرعه بيركض ورى الصبي .. بس فلت منه..
رجع لسيارته..
ــ ويلي على كامريتي ويلي .. انشمخت.. يا عسااااااااك ويش اقول...


سوسن في السياره راجعين مع علا من التمثيليه..
سوسن:
ــ ابداع وربي .. الله يعطي الشباب العافيه
هشام :
ــ ان شالله يارب .. اتقنو التمثيل .. بس زحمة الناس والجو ابدا ما يشجعو.. برد و التنظيم مومره .. الله يقدرهم على العالم والزحمه في السنوات الجايه..
سوسن : ــ يارب.. الا علا صحيح.. متى يوم افتتاح المعرض..
علا بهمس بالكاد ينسمع وكان هشام حاط عزا:
ــ 23 هالشهر..
سوسن :
ــ قصرر عالصوت ماني سامعتنها.. كم؟؟
علا بنفس الدرجه صوتها ماعلته:
ــ 23 هالشهر..
سوسن..
ــ ماسمعش .. ويش فيش تساسري روحش...!!
هشام ابتسم..
ــ 23 هالشهر..
سوسن :
ــ ما شالله عليييييييك.. الحين هي وراي ولا سمعتها .. سمعتها انت؟! تتصووووخ..
علا حست بأحراج.. هي تهمس حق لا يسمعها .. يقوم هو اللي يسمعها..
هشام ضحك..:
ــ يعني ويش اسوي .. اسكر اذوني...
سكت شوي..
ــ مممممم بتلقف.. معرض ويش هو لكن؟؟
سوسن ابتسمت :
ــ مادرريييت.. علا رسامه وليها لوحه في معرض بالجمعيه الخيريه بيفتحوه 23 هالشهر..
ــ ما شالله تبارك الله.. والله تمام.. بتروحو اكيد..
ــ اكيدين و انت اللي بتودينا..
ــ حااضريين..عسى في يوم للرجال لو بس حريم..؟؟
سوسن تسألها..
ــ علا فيه رجال؟؟
علا بهمس :
ــ ايه الرجال الليل والحريم العصر..
سوسن :
ــ اف ولو اني ما سمعتش عدل بس اكيد سمعش ...
هشام ضحك:
ــ ايه.. الحمدلله على شان لا يفوتنا الفن..
علا تلون وجهها.. وتحس روحها صخنت..

عادل مع اشرف في السياره..
اشرف يحاول يفهم فيه ان اللي شافه تمثيل واللي حقيقه من زماان..
بس ابد مو داخل في مخ عادل .. كل شوي ينط له بسؤال..

مره يقول له اجل ويش الدم اللي يطلع..
ومره يقول له ليش طاح من على الحصان..

وكل دقيقه سؤال..
لين وصل لهالسؤال:
ــ مين الحرررريم اللي طلللعو من الخيييمه المحترررقه..؟؟
اشرف :
ــ اهل الحسين عليه السلام.... حرمه .. خواته.. وعياله..
ــ توووك تققووول تمثيل..!!
ــ ياربي ياعادل افهمني .. يمثلو دورهم..
ــ كككيفا ويااااكم حررريم وشلللون ناااصصصر حضضضن المرررره هههههههههههههههههعيييييييييب..
ــ ههههههههههههههههههههههههههههه والله وتعرف العيب تمام والله.. مهم حريم هذيلا رجاللابسين عباه..
عادل فتح عيونه:
ــ قلللللللللة حيييييييييييااااااااا.. ررررجاااال خنييييتتتتووووااااه..
اشرف فتح عيونه:
ــ وووووووووويه؟؟ هههههههههههههههههههههههههههه استغفر الله ياربي .. عادلوه انشب لااصكك كف.. يمثللللللللو قلت لك يمثلللللللو....
ــ عييييييييب حق ويه يلبسووو عبااااه..!!
ــ انا لله.. وصلنا بيتكم.. انزل بس كني انفخ في قربه مفقوعه.. ..

ونزل عادل وهو يضرب فكر..
حاول يفتح الباب .. مقفل .. صار يطقه مافتح له احد..
ــ افففففف تحححب امممي عبااااسسسوه اكتتتتررر مني.. ويننناااا اررروح.....؟؟؟

في بيت ابو علي ..
طبعا بعد ما وصل ابو علي سلام علي لأمه وخواته....

ظلت ام علي فتره تصيح ومتأسفه مالحقت على ولدها..
ام جاسم تهدي فيها ..
ــ سلام الله على الشباب .. ساعد الله امهاتهم اللي فقدوهم.. هدي ياغناتي.. اجر وعافيه ..
يالله هدت و رجعت لحالتها..

في المجلس..
ابو جاسم : ــ الله يقوي الشباب.. تمنيت جاسمو يكون له دور وياهم .. بس خايب وطايح حظ
ابو علي :
ــ شوي شوي عالولد يا خوي.. حالته حاله شكله بيصخن..
ــ انا لله ناقصنه وناقص بلاويه..

جاسم منسدح يسمعهم بس باله مو وياهم ويا حالته .. وفكره متهوس لا يكون صابه ما صاب حميد..

عبدالرحمن كان قاعد وياهم.. ويسألهم عن الأشياء اللي يبغى تفاصيلها من التمثيليه.. وابو علي وابو جاسم يعطوه الجواب..

عبدالرحمن:
ــ طيب يا العمام.. ابي ماعليكم امر .. ارقام لشيوخ.. ومكان تواجدهم.. ابي اتواصل معهم اكثرواعرف كل اللي ابيه.. يجزاكم خير..
ابو علي : ــ على عينا وراسنا.. ولا يهمك ياولدي.. وربي يوفقك ان شالله ويسهل امورك..
ــ يارب آمين..

تابع>>

[Princess]

وفي غرفة الخياطه.. جلسو الحريم.. ام علي و ام جاسم وليلى وريما و زينب ورزان وبنتها حنين..
رزان:
ــ ماتخيلت وربي هالشي كله صار للأمام الحسين.. يستاهل هالحب من قلوبكم وهالولاءوالتمسك..
زينب : ــ افا عليش .. المسأله مو يستاهل لو ما يستاهل.... حب اهل البيت انولدنا به وتربينا وكبرنا عليه.. مو مسأله شفقه او احقيه.. هالشي فطره فينا
رزان : ــ عليكم الف عافيه.. وربي يوفقني اعرف اكثر عن المذهب و اكون محبه مثلكم..
ليلى : ــ قلبش ويش يقول لش الحين خيه..
رزان : ــ ما ابالغ اذا قلت لك اني مافي حياتي حسيت بهالأحاسيس .. مافي حياتي بكيت هالكثر وبصدق وربي يشهد.. صدق مصيبتهم تبكي العدو قبل الصديق .. سلام الله عليهم..
ام علي : ــ الله يفتحها في وجهش يابتي,, وينور عليش..
رزان : ــ يارب ياكريم..
ام جاسم: ــ وكلما بغيتي شي يابتي لا تستحي كلنا اهلش وما بنردش ان شالله..
رزان: ـ تسلمون ربي لا يخليني منكم ومن طيبكم..

ريما : ــ اووووووه وتاليتها ويا بتش..!!
رزان مستغربه:
ــ شفيها..؟؟
ريما :
ــ ههههههههههه تعبت ترجي فيها تعالي تعالي ايدي انكسرت واني مادتنها.. عيوني حولت من التغمز.. بوزي طاح من الأبتسامات.. استررررررر عالثقل مهي عاطتني وجه..
الكل قام يضحك على ريموه وخبالتها..
رزان: ــ ههههههههه شسوي لها وهي تعوف .. حنين ماما روحي للخاله ريما..
حنين متمسكه في امها..
ريما تطلع لسانها:
ــ مابغاااااااش هونت
حنين تقلد على ريما وتطلع لسانها..
ريما : ــ ههههههههههههههه تجنن النحيسه ولا هي راضيه تجيني..
ام علي : ــ الله يخليها لش ويبلغش فيها..
رزان : ــ يارب ويخليك ياخالتي ويبلغك في بناتك..

جاسم طلع لحميد... وصل لعنده.. ودخل عليه الصندقه.. لا احم ولا دستور..
ولا سلام ولا كلام.. لقاه متلحف من البرد .. وماسك كاس شاي..
حميد: ــ بسم الله الرحمن.. ويش فيك وهذي حالتك انت!!!!
جاسم حالته حاله وبس ينافخ ويطالع فيه نظرات .. شرانيه..

حميد :
ــ اشوف طال وياك بالي .. صاير تقلل ادبك علي وانا ساكت عنك.. هيه .. ويش فاكر نفسك انت.. اعقل لا العن ابو جدانك..
ــ فكني زيييييييين.. مرضك يعدي.؟؟؟
حميد ببرود يشرب الشاي .. ويبتسم بسخريه:
ــ ايه.. ليش تبغى اعديك؟؟
جاسم بطنه عوره:
ــ يافااااشل .. تعديني .. ياربي .. والله ماخليك يا حميدوه.. مين انت.. تكلم.. ويش قصتك..
ــ لا تطووول لسانك علي واطلع برى..
ــ وربي ما بخليك ترتاح في عيشتك..
ــ ليش.. بقى في العمر شي على شان ارتاح.. ايامي صاير اعدها.. واتمنى اليوم قبل بكرهانطفي..
ــ انطفى حسك .. جعلك جهنم ..
ــ وياك يا بابا.. وين بتروح يعني انت.. ؟!!
ــ ماعليه.. الأيام بيننا..
ــ وانت هذي سالفتك.. تدخل لي زي البعير المسعور بين فتره وفتره.. تزبد وترعد وتهدد وبعدينتذلف.. روح زييييين.. واعلى مافي خيلك اركبه..
ــ مسعور في عينك .. وبعير اللي يرفسك.. وهين ان ما ركبت على راسك .. اصبر بس..
ــ اذلف زين اذلف

ويكب بقايا كاس الشاي ناحية جاسم.. اللي طلع وهو مقهور .. ولا سكر الباب وراه..

حميد دموع تجمعت في عيونه.. حاول يداريها.. بس ماقدر .. وصار زي الطفل الصغير .. يصيح ويون.. وفي قلبه قهر وحسره..


عادل .. صار يتمشى في الطريق .. لين وصل فريق بيت ام مؤيد..
ــ يوعااااان.. بررروح بيت مؤؤؤؤيد يييمممكن يعططووني اكككل..

لقى باب بيت ام مؤيد مردود.. فتحه شوي شوي... و دخل ..
اول غرفه على طول لقاها وكانت المجلس ,, وكان المكيف يشتغل..
والميكرفون للقرايه والكتب مرتبين استعداد للمأتم..

صار يداور فيه..
الا بدخلة ساره حامله تبسي فيه شاي وماي ..
ما انتبهت له كان في جهه بعيده عن الباب ومكان روحتها ...
حطت التبسي .. ودارت للباب..
شافت عادلوه واقف قدامها .. ومبتسم شبرين ونص
صرخت حد ما عندها..
ــ آآآآآآآآآآآآآآآآآآآآآآآآآآآآآآآآآآآه

الى الملتقى..

[بلسم لجروح]

الف شكر لك يااميرة المرح على الجزء الروعه خليتينا انحس باجواء محرم ومصائب اهل البيت عليهم السلام .

تحياتي بلسم لجروح

[أميرة الشوق]

مشكورة أميـــره ع الجزء الروووووووووووعهـ
خخخخ أحلى شي عادلوووه : )

بإنتظـــــــــــــــــــار الجزء الجديد ع أحر من الجمر

[سفيرة الاحلام]

حلو الجزء

ههههههههه

عادلوه شكله بشوف بنات البلد كلهم

نتظر الجزء الجديد

[*زهرة البنفسج*]

يسلمو امور عللجزء الفله منك

والله عيشتينا اجواء محرم

تسلمي عزيزتي

موفقين

,,,

[آسوآآر الآلــمـ]

هههههههههه وناسه هالعادل هذا

لا احم ولا دستور على قولتهم

تسلمين أختي على هالجزء الروووعة

الله يعطيش العافية .. ويعطيش الصحه

متعبينش معانا أختي

الله يقويش ...

[للدموع إحساس]

مســــــــــــــــــــــــاء الخيراااات ،،
و يلي من زمآآآآآآآآآآآآآآآن ،،
لكن الجزء صدق رووووعهـ ،،
يعني أحداث و لا أحلى من هيكـ ،،
و أحلى شيء عادلووووهـ لما شدخ مصفطى ،، هع هع
و كسر خاطري حميدوووو و اللهـ غصهـ غصهـ كلما ينذكر ،،
اللهـ يفرج عنهـ ،، و عن علي و المؤمنين و المؤمنات أجمعين ،،
يعني بـ صراحهـ ،،
عشت ويا الشخصيات ،،
و صار ودي أتعرف عليهم هع هع ،،
عموما ،،
تسلم أيدينكـ غلااااتي ،،
و يعطيكـ ربي العااااافيهـ ،،
و نحن هنااا داااائما ،،
نترقب الجديد ،،
خااالص التحااايااا ،،
للدموع إحساس ،،

[دمعة على السطور]

يعطيك العافية خية..

خليتينا نعيش أجواء عاشورية..
الله يبلغنا ويقدرنا على تعزية الزهراء أم الحسن..



وهذا عادلوه الله يغربل ابليسه ماهومقصر في أحد..



عساك ع القوة دوم يارب..
موفقة لكل خير إن شاء الله تعالى..
..دمتي بعين المولى الجليل..

[Habit Roman]

يعطيش الله العافية غناتي أمور
عن جد ألف شكر إلك جزء روعة

والله قتلني ضحك عدووووووووله يبغليه كم اسطار كان يركد اشوي من اهباله <<<<<<<< حجي عباس مو مقصر خخخ

ننتظر جديدك خيوه بفارغ الصبر

[آخر شقآوهـ ..~]

مرحـــــــــــبآ أمورتي..
وحشتيني بآلقوهـ خيـــوهـ لآهني ولآ هنآ متغبيهـ
على عمري .. الله يوفقش في شغلش غنآتي..
والله يحسن ظروفش يآغنآتي..
..
..
تسلمي ع الجزء آلروعه
عيشتيني معآش أجوآء محرم..
عسآنآ نعيش ونعظم أجر الزهرآء سلآم الله عليهآ.
عآدل هدآ إنسآن كشووخي وفله مآتخيل القصه بدونه فله هلمخلوق
ربي يعطيك العآفيه غنآتي
ومآننحرم منك ولآ من جديدك
تحيآتي
ضحكوه البطه

[عوامية صفوانية]

ههههههه

عادلوه ما قصر في مصطفى ولا في يت ام مؤيد صروووع ساره ههههه

اشوى رزان كلما ليها تتطووور وتتتعرف على حياة الامام الحسين
مشكورة خيتو عيشتينا بأجواء محرم الله يعوده علينا

والاخت عُلا ان شاء الله بتفورز بالجائزة لرسمتها عن العباس ( عليه السلام )
يلااا نستنا 23 هالشهر عشان نعرف خخخخ ( متفاعله وياهم ههه )


يسلمو لا عدمنا ابداعك خيتو

والله يعطيش العافية ما تقصري


تحياتي