ضعنا يا صبرنا...

[ملاك الورد ..~]

ما شاء الله
القصة كلما لها وتحلو
وتصير اكشنات
بس خيتي فيه غلطة صغيرة
علا اتصلت على بيت ابو علي مو بيت ابو جاسم
تسلمي لنا يا اميرة الكون

[Princess]

مرحبا

يسلمو والله منورين

تسلمي خيه نواره
صح كلامش,,
غلطت
حاولت اعدله الحين ما يتعدل

خيتي

الأمل البعيد ...

ان شالله تقوم باللازم
<<< خوبلتي البنيه وياش
دمتم بخير
وبحفظ الرحمن

[دمعة على السطور]

الحمد لله طلع علي بالسلامه
إن شاء الله يطلع براءة بس


بانتظار الغد...
بس إذا ماخاب ظني..
علا وعلي بيحبو بعض ههههه وكل يوم هالتوقعات
موفقة خيتي أميرة ويعطيك العافية على هالجزء يبرد القلب..
..دمتي بعين المولى الجليل..

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

ما شاء الله جزء أكشن

تسلم الايادي يالقمر

والحمد الله على سلامة علي


والله ينتقم من حميد يارب

[للدموع إحساس]

مســـــــــــــــــــــــــاكم اللهـ بـ الخير ،،
ألف الحمد اللهـ ،، على طلعهـ علي بـ السلامهـ ،،
وأن شاء اللهـ ما يرجع لهـ ،، يارب ،،
اللهـ لا يعودها عليهم من أيام سوووده ،،
و عقبال حميدووه الزفت يزفوه للسجن ،،
أشكـ أن بيصير بين علي وعلا شي ،، ما ادري ليش !!
لكن حرام و زينب ،،
ماعلي ياخذها أشرف عفر أسمهـ هع هع ،، مداني نسيت ،،
<<أخلصي عن التوقعات ،،
بس اللهـ يستر من شيطان حميدووه كان ما يدبر لهـ دبره ثانيهـ ،،
ويقطها على علي ،، وإلا يسويها حطها في جسوووم الخبل ،،
يعطيكـ ربي العاااافيهـ خيوووه ،،
وبـ الأنتظار ،،
خااااالص التحاايااا ،،
للدموع إحساس ،،

[عوامية صفوانية]

ابي اتحمد لعلي بالسلامة

هي هي (( علي )) الحمد لله على السلامة " هذا صوتي بصراخ اكلمه عفر " ما استحي اكلم رجال خخخخ

ماني متوقعه شئ هالمرة عفر

ننتظر جديدك خيتو قبل السفر

بس عندي سؤال لأختي اميرة المرح

( باقي كم جزء لروايه )

ويسلمو يالغلا على الابداع والله يعطيش العافية

[Princess]

مرحبا
يسلمووو جميعا ولا خلا ولا عدم حبايبي..

عواميه صفوانيه..
تروحي وترجعي بالسلامه غناتي وقلدناااش الدعاء والزياره
خصيني بدعاء يارب تحقق لأميره مرادها ..

خيه باقي تقريبا 19 جزء
اذا ما زادو اكثر حسب توزيعي الأحداث ..

دمتم بخير
وبحفظ الرحمن

[عوامية صفوانية]

وااااااو

خسارة ما بلحق عليهم كلهم

كلها كم يوم وماشيين للسفر ...


ومن الدعاء وعلى الإجابة

والله يقضي جميع حاجاتك بحق محمد وآل محمد

وان شاء الله ضامن الجنان يسهل لش امورش والله يوفقش خيتو

بدعي لك من قلب صادق غناتي

( غناتي ) == حتى لو هذي مقتبسه منكم لكن صارت كلا في لساني هههه

و ما بنسى حبايبي بنات المنتدى

وموفقين لكل خير يا حق

[آخر شقآوهـ ..~]

أتوقع ودو علي التوقيف يحققو وياه
الله المعين
تسلمين خيوه
يعطيك العافيه
ننتظر..

[آسوآآر الآلــمـ]

يسلمو أختي أميرة ..

الله يعطيكـ العافية ،،

موفقه ياأختي

ننتظر الجديد ..

______

[اسير الهوى]

يسلموووووووووووو من قلب اميرة..

وسنتابع..

[Hussain.T]

طوط

جاي اشوف نزلتي الجزء اال12

ابغي اعرف ويش بييصير في علي

يلا الحماس زايد عندي

تحياتي

[*زهرة البنفسج*]

الف شكر امورة علجزء الروعة

وانشاء اللع علي برائة

موفقين

[جـــــوان]

بصراحة يا أميرة رواياتش أحبها موت


وسجليني من المتابعين معاش


تحية ارجوانية لكِ

[Princess]

الحلقة الثانية عشره...


وظل حميد سهران يقلب افكاره.. ويش ممكن يسوي علي ..؟؟
وكيف راح يمشي الوضع بعد ما طلعوه...!!

وبعد يومين...

طفش علي من قعدته في البيت... حابس روحه حق تهدأ اعصابه ولا يطلع ويشوف حميد و يصير شي...
قرر يروح يحدق ولا عليه من حميد ولا بيكلمه...

وطلع الصبح للحداق... وصل البحر لقى حميد قاعد عالساحل يعدل شبك مخترب ...
من شاف علي ... طاح وجهه .. صار له فتره ما حدق .. والطراد لعلي و هو ما يعرف له... صار يحاول يداري ردة فعله و يسوي روحه ما يشوفه..

علي هو الآخر ..ولا كأنه يشوفه .. ركب طراده .. ونزل البحر و صار يحدق...
حميد يراقب في علي عن بعد .. وفي باله..
ــ يالله .. لا شابقني .. ولا عاتبني .. ولا حتى سلم علي... ولا حتى قال لي قوم وياي ...خخخخخخ ليش؟؟؟ استاهل انا؟؟؟ جزاتي على فعلتي فيه.. ماشفت بحياتي زيه... الله يستر منه...

وطلع علي من البحر .. وشال براداته و قبل لا يركب السياره التفت لحميد:
ــ اقوول.. اذا عندك شي بعد اكو الطراد ادعسه فيه بس حاول ما يكون نفس المكان.. مابغى اصير حرامي وغبي بعد..

حميد ترك اللي في ايده.. وصار يطالع في علي بنظرات مفهيه..

العصر علي في السوق ,,.. الا يصادف حجي عباس..
عباس وهو يقلب في سمك علي..
ــ هااا.. اجل طلعووك؟؟
علي صار يطالع في عباس ... وفي باله:
ــ يالله انتشر الخبر....!!
حجي عباس وهو يشيل ويحط :
ــ هالشغله ما تأكلك عيش يعني وقمت تشتغل غيرها!! ...
علي صار يطالع فيه ,, وسااااكت..
الحجي بعد تقليب وتفحص وهدره ترفع الضغط : ــ عطيني كيلو و نص ميد ..
علي صار يكيل له السمك..
خذه الحجي .. وعطاه ثمنه وقال له:
ــ مره فانيه .. الواحد يقنع برزقه .. ولا يتعدى على حقوق الناس .. على شان الله يبارك فيه..
علي جاه الكلام زي السهام... ما تحمل ... و رد على الحجي:
ــ الله وحده اللي يعلم بحالي واللي بيطلع الحقيقه..
حجي عباس : ـ ايه.. زين...الله كريم..
ومشى عنه...
علي في باله... لو فيك خير رحمت مرتك وولدها والناس .. بدل لا تعطيني نصايح وتتشطر علي... كيلو و نص !!!
بخخخل ,, استغفررر الله ربي...


اشرف كلم ابوه من فتره بخصوص جاسم... و قال له ابوه...
بما انك قعدت ويا حجي ابو جاسم.. و انت اللي ذكرتني .. روح وبشره يقدر ولده جاسم يشتغل سيكورتي ( موظف أمن ) في السوبر ماركت حقتنا...

اشرف فرح.. وقرر يقول لأبو جاسم.. بس يوم شاف حالتهم مع سالفة علي سكت وقال لوقت ثاني ... ولما علي طلع بالسلامه...
راح بيت ابو جاسم...
طق الباب... وزينب كانت لابسه عباتها بتطلع بتروح بيت عمتها..
ماليها باله .. وقفت ورى الباب...
ــ ميين؟؟
ــ اشرف..
زينب ما سمعته:
ــ ميييييييين؟؟؟
اشرف ابتسم :
ــ اشرررف...
زينب هالمره ما عرفته مين اشرف ؟؟.. بعفويه تامه ردت وقالت:
ــ ميين؟؟
اشرف خلاص فيه الضحكه.. قرب بوزه من بابهم..
ــ اشررررف عبدالله آل ....
زينب انصرعت الصوت قريب وهي مقربه اذونها للباب.. و استوعبت الموضوع.. واختصرت..
ــ ابوي مو هنا.. في الزراعه...
اشرف ابتسم : ــ زين .. مع السلامه..

زينب تغطت وعدلت عمرها .. وهي تهربد ويا روحها :
ــ الله يسلمك يللا حرك عن الباب بطلع...
مهلت شووي.. وطلعت ...
اشرف في سيارته .. لمحها وهي طالعه من البيت.. شافت اشرف قريب بيتهم في السياره .. عرفته .. وفي بالها..
ــ يوو هذا اللي كلما طفر لي عادلوه طلع له ..
وعبرت جنب السياره ومشيت..
اشرف في باله : ــ ههههههههههه بتطلع كانت .. زاده خوبلتني ماليها باله..

الا بعادلوه جاي من بعيد..
زينب في بالها
ــ اوهووووووو واني ما اطلع الا يصادفني هالخبل .. انا لله..

وغيرت طريقها لا يلحقها
الا بصرخته,,
ـــ وققققققفي ....
زينب :
ــ يمااااااه,,,
و تصروعت كالعاده وهالمره خلاص صارت تصيح قهر ... وتمشي بسرعه وهي تهربد ويا روحها:
ــ الله مسلطنك علي .. حسبي الله عليك من رجال ...
وعادل وراها..
اشرف كان ساعتها يكلم جوال:
ــ باي باي اكلمك بعدين..
سكر الجوال بسرعه وفتح باب السياره... وزينب كانت بتعبر من جهة باب اشرف كانت الأرض يابسه .. لأن الجهه الثانيه فيها ماي ....
بس من شافت باب السياره انفتح فجأه واشرف ينزل ويصرخ ينادي على عادل...

شهقت شهقه قويه ورجعت على ورا وراحت بتعبر من جهة الماي ..
اشرف انحرج حس روحه صروعها فعلا .. تنحنح..
ــ احم.. يالله .. يالله .. تفضلو ..
.. ومشى بسرعه ناحية عادل ووسع ليها مجال تعبر .. ورجعت تركض تعبر لا تتبلل عباتها وثيابها بالماي..
اشرف مسك عادل ..
ــ وتاليتها وياك؟؟؟ هااااا...؟؟؟!! كل مره اصيدك تلاحق وحده!!
ــ ووووالله ما لااااحقت احححد الاااا زييينب...
ــ في عينك.. عييييييييب.. استحي على وجهك.. رجال انت كبير...
ــ مااااسسسووويت شششي....
ــ تعال تعال.. اركب باوصلك بيتكم..
ــ ما برررروح
ــ لا اجل تقعد تخوبل الرايح والجاي..؟!!!
ــ خخخلاااااص ما بخوووبببل احد...
ــ..وامش اركب وياي السياره باوصلك بيتكم اسمع الكلام يللا
ــ زين بس مااابغى بييتتتنا يزههقني عببباااسسوه ويطقققني وديييني البحررر
ـــ زين اوديك بس بشرط ..ما تلاحق النسواان فاهم
ـــ هههههههههههههه ويش فيييك انت اقووول لك ما الاحححق الا زنبببوه

و ركبو السياره..

تابع<<