ضعنا يا صبرنا...

[آسوآآر الآلــمـ]

إبــداع أختي ...

بصراحة فرحتي قلبي بقومة سجاد

عقبال ماربي يفرج عن أولاد خالتي وكل اللي يقربون لنا وفيهم نفس مرض سجاد

وعن كل مريض ومريضة بحق عليل كربلاء

تسلمين أختي حبيت روح التفائل اللي بالقصه

الله يعطيك العافية أختي

موفقه ...

[بائعة الخبز]

بالانتظار بحماآاآاآس

[المتحير]

ههههههههه حلو الجزء

طلعو




عادل

عاااااااااااااااااد

هو محلي القصة

[المتحير]

بالأنتظآآآآآآآآآآآآر حر من الحريقة<<<<<<قصدي الجمر

[Princess]

مرحبا
الأبداع والرائع وجودكم.. تواصلكم.. وحلو تعاليقكم

خيو اسير الهوى.. وكنك تقرا افكاري توي من كم يوم احلم اني و خويتي ,, لين وصلت لقرار واني مره حماس و متفاائله..
بارووووح البحرين بودي رواياااتي للمخرج المقله..
هههههههههههههه احلام العصافير ياخوك ببلاش
تطلع انت مخرج... ما شالله ... والله ابداعاتنا مكبوته في ديرتنا..

يللا شد حيلك بعد عمر طويل شود يمعت لي كم روايه ..<< تفاول على الرجال
الله المعين..

اليكم الجديد..

اسود طبعا<< هالمره لأني

[Princess]

الحلقة 46

ويوم ثاني الصباح.. على طاولة الفطور..


ابو مالك:


ــ ايه ياخيه.. ويش اخبارش..


سميره مستغربه من هالسؤال.. وعلا وسوسن مستغربين اكثر واكثر..


سميره بأرتياب :


ــ الحمدلله بخير..


ابو مالك :


ــ ايه.. عندي وياش سالفه وابغى علا وسوسن يسمعوها ويشاركوني الراي..


الكل ساكت منتظر السالفه..


ابو مالك:


ــ ابو عدنان صديقي تعرفيه..؟؟


سميره بتوتر:


ــ ايه.. اللي عرس على بت عمه وتوفت تالي مصريه واخر شي لبنانيه.. وهو مايجيب ولاد..


ــ ايووواا وصلتي خير... المهم ياخيه.. بالمختصر وبدون مقدمات.. طالب القرب مني ومتقدم لش..


علا شرقت بالعصير .. سوسن صارت تطق في ظهرها..


سميره شدخت الملعقه عالصحن.. وقامت غرفتها..

ابو مالك..


ــ ويش فيها.. لا يكون مو عاجبنها الكلام ومابترضى ؟؟!!


سوسن تعطي علا ماي وعلا مهي قادره


ابو مالك:


ــ على ويه هالحاله كلها.. ولعنه.. تأدبو.


قام ابو مالك لأخته بيشوفها..


طق الباب.. سميره بهداوه:


ــ تفضل..


ابو مالك فتح الباب وظل واقف عنده:


ــ احم.. اححااااااا..


سميره ببرود:


ــ خير..!!


ــ ان شالله كل خير .. ويش فيش من جبنا الطاري هربتي..مو عاجبنش؟؟


سميره بأرتباك وقهر مكبوت:


ــ بعد ويه.. بعد ويه موافق .. الحين وافقت لأنه صديقك.. وفوق هذا مايجيب ولاد .. ليش عاد..


ابو مالك ماهو مروق:


ــ شوفي .. مابغى اجرحش انا.. بس اتوقع ماليها داعي الدلاعه ولا الرفض تسمعي..


سميره بتردد:


ــ بافكر..


ــ فكري .. ماحد ماسكنش..المهم ابغى تفكير عدل واسباب مقنعه للرفض..


طلع وسكر الباب وراه..


سميره ولأول مره من فتره طويله .. تذرف دموع.. وفي قلبها قهر وحسره..


ــ اصوم.. اصوم.. وافطر على بصله.. كم سنه واني الثانيه اصير ما اجيب ولاد.. وخلاص .. انتهى عمرش يا سميره واخوش متحكم في مصيرش ... مالي الا اسلم امري لله واقبل به لأني مستحيل الاقي غيره....

ليلة الخميس ...


في بيت ام علي.. عم مؤيد :


ــ ايه يابو علي .. والله حنا جايينكم وطامعين في القرب..


ابو علي ابتسم بأرتباك:


ــ هذي الساعه المباركه .. يشرفنا والله ...


علي التفت لمؤيد وابتسم ابتسامه عريضه:


ــ أي والله يشرفنا رجال والنعم فيه..


مؤيد خجل وبأرتباك:


ــ ينعم بحالك .. تسلم..

ام مؤيد مع الحريم:


ــ ما شالله تبارك الله .. الله يخلي بناتش يا ام علي ويبغلش فيهم..


ام علي وهي تطالع في ساره وبأبتسامه:


ــ بالغه في ساره ان شالله..


ناديه ما شالت عيونها عن ريما.. تفكرها هي العروس وفي بالها:


ــ ما شالله جمال .. مره حليوه.. والله وعرفت تنقي ياخوي...


ريما قلبها حازنها من الكلام والنظرات وقاعده على اعصابها..


ليلى الوضع طبيعي وعادي..

تلفونهم يرن.. ريما .. وززززز طيران طلعت الصاله..


ام مؤيد وناديه مستغربين منها ..


ساره ضحكت تدري بها سنترال البيت...

ريما:


ــ الووو..


رزان : ــ هلا ريما.. بلاه اخوك مايرد على جواله..


ريما منصرعه: ــ ويش تبغي في اخوووووي..


ــ ههههههههه يقطع شيطانك مو انا.. عبدالرحمن معاي و طالعين سوق الأربعاء.. بنشتري كتب دينيه.. اقول لك ما تعلمينا وش ممكن ناخذ يفيدنا ووش يكون عنه؟؟


ريما: ــ آآآآآآآ .. مادري دقيقه اتصل بصديق..


ــ غربلك ربي .. بسرعه ..


ريما بربشه طيراان.. لغرفة الخياطه:


ــ ليلو ليلو .. قومي استشاره مطوعيه..


ليلى فتحت عيونها بأستياء..


ناديه اعظم منها وفي بالها:


ــ داويه ربشه..


ساره فيها ضحكه وبالعتنها..


ليلى طلعت للتلفون..


ام علي حاسه بأحراج.. صارت تحاول ترقع الموقف:


ــ مين .؟. ويش صاير.|؟؟؟


ــ دي رزاانو تبغى اسامي كتب دينيه اني ويش عرفني .. ليلو تتصرف وياها..

ام علي : ــ ايه.. يعني.. اركدي اجل واهدئي..


ريما ابتسمت ببرود وقعدت..


ام مؤيد في بالها : ــ يالله تحرسش يا بتي ياليلى و تكوني من نصيب ولدي .. عارفه امور دينها خوش مره..

ام مؤيد انتظرت رجعة ليلى :: ولما رجعت فتحت السالفه..


ــ خبرش يا ام علي ولدي من زمان ابغى افرح به وادور له على بت الحلال اللي تناسبه و تداريه ..


ام علي قلبها يراقع ظنها في هالجيه في محله..


بأبتسامه:


ــ بالغه فيه ان شالله وفي اولاده..


ــ تسلمي ويبلغش في ذكرش...


ناديه فيها قهر .. صارت تساسر ساره بشوي شوي:


ــ من صجش هذي الرباشه بتاخذوها لأخوي


ساره بأستغراب:


ــ أي رباشه..؟؟


ــ كل هذا وتقولي أي رباشه...

وتكفخ ولدها كرار اللي كان يلعب بصحن المكسرات..


ام علي :


ــ لاويه تضربيه.. خليه ياكل على راحته..حق ويه حاطينه


ناديه :


ــ مو كذا عاد ينفر


وترجع تراقع بمنتظر اللي قام يقلد اخوه ,,وبقهر:


ــ اني قايله باخليكم عند ابوكم .. ويش خلاني اجيبكم من صاقعه..


ام مؤيد تفلص ناديه من تحت لتحت..


ناديه تعورت وصارت تداري ردة فعلها وفيها قهر ودها تشادخ بولادها من الأحراج..


ام مؤيد:


ــ ايه يا ام علي .. يشرفنا والله ناخذ الدانه بتكم لولدي مؤيد..


ام علي ابتسمت وفي بالها ريما:


ــ حنا اللي لينا الشرف ,, الله يعز قدرش ويخليش..


ام مؤيد:


ــ والله مابنلاقي احسن منكم.. ذوق .. ادب .. اخلاق.. التزام,, وجمال..


ناديه تطالع في ريما:


ــ للحين ماشفت الا الجمال .. شكلها التزام مافيه.. اخلاق وادب مبين من طريقتها ويا اختها..


تابع>>

[Princess]

التفتت لليلى اللي كانت هاادئه وبس تسمع الكلام ..


وبأبتسامه:


ــ صحيح اختها احلى.. بس حتى دي نعومه وهداوه.. مبين عليها خوش بنيه.. باسوي مصيبه ان طلعو مختارين ديك..


صارت تفلص في ساره من تحت لتحت.. وبهداوه:


ــ خوبلتوني ماني عارفه أي وحده فيهم.. دورتو راسي ..


ساره: ــ غربال يغربل المخرفين.. ليلى ..


ــ اقول ليها تيس تقول لي احلبيه..


ــ هههههههههههههههههه


ام مؤيد تطالع في ناديه وساره..


ساره قامت ترقع:


ــ ضحكني كراروه ظريف


كرار يطالع مستغرب:


ــ ويش سويت؟؟


ناديه بأبتسامه عريضه:


ــ ظريف ياولدي ظريف..


ومن تحت لتحت بقهر:


ــ اني ويش دراني مين ليلى ومين عبله..


ساره بهداوه قد ماتقدر: ــ ههههههه يانحيسه لا تستظرفي.. السمرا النعومه.. هذي ليلى..


ناديه بأبتسامه وعفويه نست روحها:


ــ ايوااااااااا.. موافقه اني اجل


الكل يطالع في ناديه..


ناديه تلونت ومنحرجه...


ــ لا اكلم ولدي منتظر... موافقه اني اكل بس لا تنفر..


منتظر ماصدق على الله عطوه الضوء الأخضر .. ويهجم..


كرار غار:


ــ وووه.. وانا اماه..


ناديه بأحراج..


صبرو صبرو..


شالت في نشافه كم حبه وعطت كل واحد في ايده:


ــ اكلو وانتون منشبين وبلا تنفير..


ليلى ابتسمت وبهداوه:


ــ خليهم على راحتهم عادي ..


ناديه : ــ لا شدعوه لا يتعبوكم ..


ساره بفرح:


ــ اخيرا سمعنا حسش..


ليلى : ــ هههههههه ويش تبغيني اقول..


ريما : ــ خخخخخخخخ مخليه المايك لي..


ام مؤيد في بالها.. ــ مايك ويه يعني بعد..


ام علي : ــ هاديه ليلى بتي في العاده .. ما ينسمع ليها حس ..


ريما تستظرف : ــ ايه بس في التأمر والنصايح..


ليلى انحرجت من اختها.. وطوفتها ليها.. وفي بالها:


ــ احترام للضيوف تالي ياريموه اراويش..


ام مؤيد بأبتسامه :


ــ ربي يكتبش من نصيب ولدي ونفرح فيش .. يازين ما اخترنا..


ليلى حزتها..


كأنهم صابين فوق راسها ماي حااار والدنيا تشوفها سودااا.. وتحس بداخلها عواصف ..


ريما على النقيض .. كن احد كب عليها ماي بارد وصروعها..


ريما والآمال خابت:


ــ يووووووووو


ام علي بأرتباك تسوي روحها مافهمت غلط: ــ تسلمي ياخيه وان شالله اذا في نصيب مابتكون الا ليكم..


ليلى في حالة لا وعي قامت:


ــ عن اذنكم..


وطلعت من الغرفه..


ام مؤيد ارتبكت: ــ خير اللهم اجعله خير


ام علي فهمت على بتها:: صارت تداري الموقف:


ــ عساه خير .. استحت البنيه..


ريما بذهول:


ــ عن اذنكم اني بعد..


ام علي في بالها:


ــ يارب الطف بنا..

دخلت ريما غرفتهم لقت ليلى قاعده على سريرها وحاضنه مخدتها وعيونها شابحه..

ريما سكرت الباب وبقهر:

ــ ويش فيش بعد.. تسترجعي الذكريات .. مات خلاص .. وانتهى امره.. صحيح فاضيه..

والله خوش ناس .. اوووف

وبلا شعور صارت ريما تصيح...

ليلى تزيد الضغط على المخده..

ريما بقهر:

ــ اقعدي كذا طول عمرش .. هييييييه ردي ..

ليلى قامت تهز وهي قاعده.. رايحه جايه ..

ريما: ــ ماعندش سالفه وربي..

وتغطت ببطانيتها وكملت صياحها وفي بالها..

ــ فكرتهم جايين على حسابي .. وين مديحش يا ام مؤيدووه وكلامش ..

ليلى بعدها تهز...

شوي غطت وجهها بالمخده وصارت تصيح...

ــ بس ارجع صدقيني بنعرس على طول

ــ بل ما بتتقدم ولا شي

علي : ــ ويش يتقدم.. منا وفينا بعد انتين..

صالح: ــ انا داري عن اختك..

ليلى : ــ ماعلى الرسميات..

صالح: ــ بلا رسميات بلا بطيخه.. الله يقضي هالسنين على خير وان شالله كل خير..

علي : ــ بنشتاق لك .. ماباقي شي وتخلص الأجازه وتسافر..

ــ ان شالله بيننا اتصال..

ــ ان شالله..

صالح بهداوه: ــ بتوحشوني

علي يتعيلف : ــ اقول يالحبيب لا تجمع..

صالح : ــ هههههههههههه ربي يراويني فيك يوم.. زين اكلم خطيبتي مالك شغل

ــ بععععععد عيني عينك.. يللا عيب استح يكفي..

ــ هههههههههههه خلااااص هاا.. << وحط ايده على بوزه..

طرد شبح الأطياف ام علي تفتح الباب.. راحو بيت ام مؤيد وعلى اتفاق يصير بينهم اتصال اذا ردت ليلى بعد ما يسألو عن مؤيد..

ام علي وكان وراها علي .. دخلو بهدوء .. ريما غفت عيونها من الصياح ونامت..

ليلى مسنده راسها للجدار وبس شافتهم داخلين عليها .. مسحت دموعها بالسرعه..

علي تقدم ليها وقعد جنبها.. حط كفه على كتفها وصار بهداوه يكلمها..

ــ ياخيه .. اللي مات يترحمو عليه وخلاص .. ويش بيدنا.. تدفني روحش بالحيا على حسابه.. مايصير .. هالشي ما يرضينا ابدا..

ليلى هدوء بس عيونها غارقه بالدموع...

علي :

ــ خيه فكري في مستقبلش .. ولا تصعبي الأمور وتظلي عايشه عالذكريات.. بهالطريقه صالح مايرتاح بقبره.. غناتي .. ترحمي عليه و استهدي بالرحمن وفكري بالجاي..

ليلى بعفويه غطت وجهها بكفوفها..وصارت تنحب:

ــ موقادره.. مو قادره ياعلي .. شلون انساه.. وهو ربى وياي خطوه بخطوه.. من لما كنا صغار لين كبرنا .. الحب ويانا يكبر اكثر واكثر.. مالينا غنى عن بعض .. ماتذكره شلون سافر وهو متأسف على فراقنا.. والا شلون تهون علي سنين الأنتظار .. وتالي الاقيها انتهت بفرقا بلا رجعه...

علي مو عارف ويش يقول لأنه هو ايضا مصدوم بفرقا صالح ويحاول يداري على شانها حزنه و ألمه..

تابع>>

[Princess]

ام علي تراقبهم وهي عالباب مهي عارفه ويش تقول وويش تسوي..

بلا شعور توجهت لليلى .. وقعدت على ركبها على الأرض وهم على السرير

علي متوتره اعصابه قام وقف ...

ليلى مهي في دنياها من الصياح..

ام علي حطت كفوفها على راسها.. وبلهجه متكسره..

ــ ليش يابتي .. تفكرينا مو مهتمين لأمر صالح لو ناسينه.. صالح عباره ولدي .. ما امتحنت في حياتي كثر ما امتحنت على مصيبة اخوش اللي ربي سلمه منها.. ومصيبة موتته.. ليلى يا غناتي ,, لا تقلبي علينا المواجع.. نبغى نفرح.. الدنيا مهي دايمه.. وكلنا ليها..

حطت ايدها على ركب ليلى .. اللي ماتحملت وضعية امها.. وكيف تترجاها بعفويه..

ونزلت من السرير ارتمت في حضن امها.. وصارت تصيح..

ام علي تمسح على راسها..

ــ استهدي بالرحمن غناتي.. وفكري .. اسبوع.. اسبوعين.. على راحتش.. المهم تتوصلي لقرار.. تحسيه يرضيش ويريحيش..

بعد كم يوم.. امل في زياره لبيت ابو مالك وقاعدين سوالف..

امل بسعاده: ــ فوق سعادتي ان سجاد مشى .. فرحانه انه اللي عالجه دكتور سعودي

سوسن :

ــ والله تمااام.. مو هذي المصيبه خيرنا لغيرنا وولاد بلدنا مبدعين بس مين اللي يلتفت ليهم..

علا : ــ قلتيها هذا انتين مين اللي يلتفت..

امل : ــ لا وقطيفي بعد..

علا : ــ والله.. ويش اسمه..؟؟

امل : ــ ممممممم ناسيه اسمه بس صورته ويا ولدي بالجوال بعد نجاح العمليه..

سوسن: ــ حركااات.. الحمدلله على سلامته..

امل تفتح جوالها: ـ الله يسلمش .. تالي اسال حسين عن اسمه..

ومدت الجوال عليهم يشوفو الصور..

علا تطالع فيه.. وجهه مو غريب عليها.. ملامحه ورسومه.. مرت بس وين مهي ذاكره..

الا صدفه حسين يتصل ..

امل : ــ هههههههههه كنه حاس..

ردت عليه وكان يسالها عن شي

وسألته:

ــ الا بسألك ويش اسمه اللي عالج سجاد...

سكتت شوي .. بعدين ردت..

ــ اهاا.. تذكرت .. زين مع السلامه

سكرت ..

ــ صالح محمد آل .......

علا جاها الأسم زي الصاعقه:

ــ هاااا........

سوسن: ــ ويش فيش..؟؟؟

علا :

ــ جيبي الجواال لحظه..

رجعت تتأمل في الصوره .. وصارت تبلع ريقها بصعوبه..

ــ مااا اصدق..

امل :

ــ ويش فيش ؟؟

علا بتوتر وانفعال:

ــ هوو.. ماغيره.. نفس الأسم.. واني شكيت في الملامح.. هووو

سوسن : ــ من هووووو؟؟

علا : ــ ولد عمة ليلى صديقتي

امل ضربت صدرها:

ــ هااااااا.. تشيه من بيت آل ...

ــ اييييييييه...

ــ يالله راح عن بالي فكرت ولد عمها مو ولد عمتها..

علا مسكت راسها:

ــ دار راسي .. تخيلو يفكروه ميت.. وناااااااااااااسه الحين لو يوصل ليهم خبر انه حي .. يالله ماصدق .. مو عارفه ويش اسوي

سوسن: ــ لالا اياش تتصلي لو تتسرعي لين تتأكدي عدل .. لا تحييهم وترجعي تموتيهم

امل : ــ ايه كلام سوسن عدل.. بعدين هذا شكله تشابه اسماء.. هذا متزوج وعنده بنت ..

علا : ــ هااا.. صدق؟؟؟

امل : ــ ايه جاب بته الصغيره ,,, وصور وياها سجاد بعد..

طلعت الصوره..

سوسن:

ــ تجنن عواينها زرقان وخدود

امل : ــ هههههههههههه ويش تبغي وامها لبنانيه

سوسن: ــ اهااا..

امل تغمز ليها:

ــ الله يعطيش زيها

سوسن: ــ ههههههههههههه يارب.. مادري طالعه على مين

علا سرحانه انتبهت:

ــ احم..

سوسن: ــ فديت الأحم.. قمر لو تطلع عليش

علا : ــ ههههههههههههه حسبااالي..

وقبل ماتطلع امل من عندهم طلبت علا منها ترسل ليها الصور بتتأكد..

ولما راحت امل..

سوسن: ــ علا ويش بتسوي.. خليهم على خبر وفاته احسن من يطلع هو فعلا حي وناسيهم .. ويش حالة ليلى لو درت..

علا بحزن: ــ مادري .. مادري...

الى الملتقى

[كبرياء]

أنـآ مـآ خنته تبلآني هههههههههههههـآآي ..
وصآلحو عـآآيش ..!!!
يآآويييييييل هالخبر ذآ صعقنييييي ..
<-- لالا شكلهآ الروآيه زي مآ ابغى مأسآه ههههههع ..
وش بيصير في أم نيآآح الي تصيح 24 ساعه على فرقآآه ..
أهووو خلوني عليه بكفخه
واااااااي مسكينه ليلوه
أقول خل علوه تسكت .. ويآدآر مآ دخلك شر <-- توهآ تبغى مأسآه ..
جززء صاااعقه على قلبي ليلى <-- هذآ وهي مآ تشتهيهآ هع هع ..
أقول أميروه تعـآآلي قولي لي وش البااقي
عهد علي مآ أعلم أحد <-- ههههه خرفت ..
حمآس × حمآس ..
وبنصب لي خويمه <-- تصغير خيمه وبآنتظآر الجزء اللي بعدوو ...
وسوف ألم قشي .. لأنني بديت أهسترو ..
سي يو

[كبرياء]

ههههههههههههههههههههههههههههههههه
<---- قامت بتكفخ أميروه ألآ نآمت هالدووووووووبه ..
مآعليه هين هين بكرره أشووفك هع

[للدموع إحساس]

هآآآآآآآآآآآآآآآآآآآآآآآآآآآآآآآآآآآآآآآآآآآآآآآ ،،
لا دقيقة عفر أني نايمهـ و أحلم ،،
صـــــــــــالحوهـ عرس ،،
غربــــــــــــــــــال و ديكـ الفقيرة و حالتها حالهـ على موتتهـ ،،
خيهـ سويهـ واحد ثاني ،،
كيف يعني قالو مات ،،
هو قال ليهم أخرطو عليهم ،،
بنتف شعري أني عفر ،،
ياعلي خيهـ بعد ،،
صـــــــــــــالحوهـ ياربي مو هو ،، ياربي مو هو ،،
عرس و عندهـ بت بعد ،،
و ديكـ خمسهـ و عشرين ساعهـ تبنقح ،،
ياااااااااااااااااااااعلي ،،
كبــــــــــــــــرياااااء روحي قعديها ،،
دوامهـ صار راااسي ،،
حتى الرجفهـ رجفت عافيتي ،،
تقولي أني ليلوهـ
ياعلي قولي إلى علوهـ تسد حلقها أحسن ليها ،،
إن ماتت على موتتهـ بتموت على عرسهـ ،،
ويلي أني عفر دار راسي ،،
ما ادري ويش أكتب ،،
بـ إنتظار التكملهـ ،،
خااالص التحااايااا ،،
للدموع إحساس ،،

[بلسم لجروح]

ماشاء الله عليكِ يااميره
الروايه مررره روووعة
والله يعطيكِ العافية
وصالحوووه مايستحي على وجهه
فالح اعرس وتارك ليلى المسكينه ..
تحياتي

[أميرة الشوق]

وووووووف
يزهق صالح وويش طلعه لينا فجأة أبو سبع أرواح
بس اشوى معرس حتى لايعرس ع ليولي

والله يأخذ ريموه الهبله


بإنتظار الجزء اللي بعده

بالتوفيق

[دمعة على السطور]

ياعلي معقول يكون حي
معقوووووووووووووووووول
وليلى قاتلة عمرها عليه
وهو النحيس مو مفكر
متزوج عنده ولاد بعد عدلللللللللللللللللل

الله يغربله غرباله إن شاء الله
والله قهر مرررررررررررررره قهر

لكن اني قلت قبل لايوصلهم خبر وفاته
وهي تقلب في الرسايل
قلت شكله ناسيها وتزوج غيرها
مرررررررررررره البارت خلاني انقهر عدل >>>سامحيني أميرة غناتي بس اتفاجئت مرررررره
لما خطبوها ؟؟ ألحين يظهر ..

ههههههههههههههههه
يعطيك العافية حبيبتي..
موفقة دوم يارب..
بانتظار الغد القريب..
موفقة لكل خير إن شاء الله تعالى..
دمتي بعين المولى الجليل..

[دمعة على السطور]

هههههههههههه قرأت رد خواتي الأعضاء وخصوصاً
كبرياء وللدموع ضحكني عدللللللل
ههههههههههههه
اي والله لو علا تسد الحلق واجد أحسن

موفقين..