ضعنا يا صبرنا...

[دمعة على السطور]

أميرة المرح..
عساك ع القوة دوم يارب..
وموفقة يارب..
في الانتظار..

[*زهرة البنفسج*]

تسلمي امور عللطرح الرائع

ننتظر البقيه احداث روعه

موفقين

,,,

[بائعة الخبز]

في انتظار البارت الجديد

[عوامية صفوانية]

اصدقووووووون عندي تعليقااات وااااااايد
احس اني من زماان ما علقت
لاني اقرأ البااارت واطلع بدون تعليق

بس بخليها عنكم الحين ماليه داعي هع هع

وان شاء الله حمييييييدددوه اللي باط شبدي يستسمح من علي بس وين ايودي ويهه الله يغربله غربال
( توش اتقولي بتخلي التعليقات هاااا بس ما اقدر خخخ )

يسلمو امووووره على البارت
وكل باااارت احلى واحلى

الله يحفظش ويخليش يا رب

دعواتك

[Princess]

مرحبا
ياعيني عالتواجد الرايق والتعاليق الحلوه..

نع ساااااااااانه
و
تع بااااااااااانه
و
خر فاااااااااااانه << كف
لدرجة 3 مرات ادخل كلمة المرور للمنتدى غلط.. واقول ويش صاير ..
يالله استوعبت وتذكرت كلمة مروري
<< عدل عدل خوش كلام ..

هالمره الجزء مو طويل مره
بس ....... مره << بعد قراءته بتعرفو تكملو الفراغ..

ولا لونته.. يا حلاوة الأسود.. انيق وشياكه..
تفضلو..
وتمسوون على خير...

.
.
.
.
.
على فكره.. ماباقي وايد كم يوم اذا تلاحقت على عمري وشديت على روحي ولقيت وقت كافي..
وراح اودعكم في هالمتصفح ..

[الــــنـــاري]

يعني انتظر اشوي وبجي الفطور
>> بروح احط موضوع في محل وبجي ^_^
بنتظارك

[Princess]

الحلقة 35

العسكري ..:
ــ علي حسين آل ..

علي كان منسدح .. من سمع اسمه قلبه انقبض ومو عارف شلون يوصف شعوره..
هل هو خوف؟؟
امل؟؟
والا يخلي وضعه طبيعي .. و ما يتأمل شي..
تقرب من باب السجن..
ــ نعم..
العسكري :
ــ افراج..
علي مو مستوعب السالفه:..
ــ هاا..
العسكري يفتح الباب:
ــ افراج..
علي مو مصدق .. يحس نفسه بيطير من الفرح..
رفع ايدينه للسما عااالي وصرخ..
ــ الحمدلله.. احمدك يااااااااااااااااارب...
وطلع تسبق الخطاوي دموع الفرح.. طلع وقلبه متلهف على اهله.. على ابوه وسوالفه.. على امه وحنانها.. على اخته ليلى و صفاء قلبها و ريما وشقاوتها..
العسكري دخل فيه غرفة الضابط..
الضابط:
ــ الحمدلله عالسلامه علي..
علي بفرح وارتباك:
ــ الله يسلمك..
الضابط يقلب في ملفه..
ــ وطلعت براءه.. ماودك تعرف ليش..؟؟
علي بكل ثقه:
ــ عارف..
ــ وشو ؟؟
ــ مصير الحق يطلع.. والمظلوم الله ينصره في الأخير..
ــ الله يقوي ايمانك.. طيب في شخص يبي يشوفك.. ياليت تقابله..
ــ منهو؟
ــ ياعسكري.. دخل امجد عبدالكريم آل..
علي فتح عيونه..وفي باله..
ــ امجد .. منهو دا.. وولد عبدالكريم آل .. يعني ويه؟؟ اخو ابو مالك.. مين .. ويش صاير..
الا بدخلة حميد..
علي التفت..
وفتح عيونه..
ــ حم حميــــــــــد !!!
حميد منهار وعلامات المرض والحزن باينين عليه..
وبصوت متكسر:
ــ الحمدلله عالسلامه ..
الضابط..
ــ اخليكم الحين..
وطلع عنهم..
علي مو قادر .. قام ..
حميد :
ــ تكفى علي .. ارجوك .. اسمعني.. عندي كلام ابغى اقوله لك..
علي ومره نفسه في خشمه:
ــ مااااا بييننا كلام..
حميد مسك ذراع علي..
ــ علي.. دخيل الله تسامحني.. حللني وابري ذمتي .. انا غلطت .. واطلب منك السماح...
علي يسحب ايده .. ويغمض عيونه..
حميد يطيح عند رجول علي ويضمها وصار يصيح:
ــ تعبان انا.. ايامي معدوده.. علي تكفى سامحني..
وصار ينحب .. مثل اللي فاقد له عزيز ..
علي ما تحمل وضع حميد.. شاله وقعده على الكرسي .. وقعد قباله.. وبصوت متكسر وهادي:
ــ تكلم.. قول اللي عندك..
حميد يمسح دموعه.. وبهداوه:
ــ طبعا مثل ما قال لك الضابط اسمي.. انا امجد عبدالكريم آل .. مو حميد آل مثل ما تعرفوني..
ــ ايه.. ويش السالفه.. فهمني... وليش سويت فيني كذا...
حميد يمسح وجهه بكف ايده .. ويتنهد من عمق.. ويبدي سرد الحكايه..
ــ ابوي عبدالكريم آل .. من سنين تزوج عراقيه ماخلفت له الا انا .. تزوجها بالسر .. ولما توفى ودرى ابو مالك عن امي لما جت تطالب بحقوقها قام ...........



سأنتزعك من صدري .. وبين طيات الورق..
ستعيش ياقلبي.. بعد ان رحل حبي..

ــ ليلـــــى.. ليلى امي ..
ليلى : ــ هلاااا اماااه..
ــ تعالي..
سكرت ليلى دفتر مذكراتها.. وقامت لأمها
ريما تتمسخر :
ــ زين نادت امي والا شان ما تسكر ولا خلصنا من تقليب المواجع..
ليلى التفت على ريما.. وعطتها نظره..
ريما :
ــ يمااااه.. النظره الثاقبه..

راحت ليلى لأمها لقتها واقفه عند الفرن وتقلب في صفرية ساقو..
ــ تعالي امي قلبي فيه لين يستوي..
ــ الله ساقو.. << قالتها بصوت متكسر..
ام علي تاخذ نفس وتتنهد:
ــ ايه .. قلت ابوش يحبه من زمان ماسوينا .. متنغصه على علي ..
ــ تفرج ان شالله عاجلا غير آجل..
ــ تصدقي.. سويتها و اني متأمله جيته يذوقها.. مادري لويه .. وويش جيبها على بالي ..
ابتسمت ليلى:
ــ الله كريم.. ماتدري يمكن شوي و يطق الباب...

تابع>>

[Princess]

في المطار..
مؤيد صار له ساعه ضام جود لصدره.. وهي ماسكتنه وشاده على ظهره بالقوه..
يمسح على راسها..
ــ انتبهي لروحش غناتي.. بتوحشيني..
جود تصيح:
ــ.. خالو مابغى ارووح..ابغى اقعد وياك
مؤيد مو قادر يتحمل كلام جود وبراءتها.... صار يمسح على ظهرها..:
ــ ضروري ياخالو تروحي مع البابا.. لازم تروحي..
منير كان يخلص الأجرائات...

على المسافرين الى كندا التوجه الى .....
منير .. راح لجود بياخذها...
وبهدوء وأسى .. كاسر خاطره حال مؤيد بس لابد من هالشي..
ــ يامؤيد.. اسمح لي .. بس هذا اللي مفترض يصير.. انا ابوها ..
مؤيد وقف وبهدوء وابتسامه بارده:
ــ لا .. حقك ياخوك.. خلاص .. ماباليد حيله.. انتبه ليها وداريها..
ــ صدقني راح احطها في عيوني.. وكل فتره وفتره راح اخليها تتصل عليكم تكلمكم..
ــ على خير ان شالله..
منير مد ايده:
ــ يللا بابا .. نمشي..
جود واقفه محلها .. وتطالع في خالها بنظره حزينه..
منير :
ــ يللا بابا لا نتأخر على الرحله..
مؤيد ابتسم وفي القلب غصه..
ــ روحي غناتي مع ابوش .. باكلمش بس توصلي ..
جود برطمها ممدود وفي العينين بحر دموع..
مؤيد:
ــ ابتسمي غناتي.. بتسافري مكان حليو .. صدقيني بتستانسي .. وانتبهي لروحش ..
منير سلم على مؤيد.. و اخذ ايد جود.. ومشى بها...
جود تمشي وهي لافه برقبتها لخالها.. اللي ظل مبتسم لين خلاص راحو بين الزحمه..
ساعتها ماتحمل طلع من المطار ودموعه تنسل وتتناثر على خدوده بعفويه تامه..
ركب السياره.. سند راسه عالدركسون.. وصار ينحب.. يتذكر مرته المرحومه.. وبنته.. وشلون القدر اخذهم منه.. يتذكر الحادث بتفاصيله.. ووجه جود من لحظات ودموعها..
وبألم :
ــ ياارب... لا تفجعني بفقد غالي .. يارب ريح بالي..
علي حاط كفينه على فخذينه وشاد على ثيابه.. وبتوتر:
ــ يالله.. ويش هالسر اللي دفنته في قلبك سنين.. بس .. بس مالك حق تسرق .. ولا لك عذر على شان تتهمني ظلم.. وتخرب حياتي ..
حميد بتعب:
ــ ادري ياخوك ادري.. الشيطان حي.. مامات..
ــ اعوذ بالله منه...
ــ المهم.. هذانا طلعت كل اللي في قلبي وحكيته لك.. ما ابغى منك الا انك تسامحني..
ــ الله كريم.. الله يسامحك..
ابتسم حميد:
ــ يسامح الجميع.. طيب .. خلاص .. ماعندي شي اقوله.. الله يوفقك ويعوض عليك..

شوي الباب يطق..
وانفتح.. وكان جاسم..
نظرات.. حكت عتاب و قهر من علي .. و ندم و اسى من جاسم..
جاسم ماتحمل نظرات علي له.. راح له وكان جالس على الكرسي .. و قعد على ركبه قدامه.. وصار يصيح:
ــ ماكان قصدي اسوي اللي سويته.. سامحني يا ولد عمتي.. الله يعلم اني ما هدا لي بال ولا غفت لي عين من خذوك..
علي ابدا ولا حركه ولا نفس .. ساااكت ..
جاسم :
ــ تكفى تكلم.. قول ا ي شي.. كفخني طقني .. سوي فيني اللي يريحك .. بس لا تسكت عني .. سكوتك هذا وزعلك يعذبني..

حميد بهداوه:
ــ علي .. المسامح كريم.. وصدق جاسم عاش حالة تأنيب ضمير مهي طبيعيه... يكفي هو اساس صيدة بقايا العصابه وحبسهم..
علي بذهول:
ــ أي عصابه؟؟
حميد:
ــ جماعه نتعامل معهم .. جاسم قدر ياخذ دليل عليهم و هذا حنا هنا..
ــ يعني لو ما جاب جاسم الدليل ماكنتو جيتو واعترفتو؟؟

حميد مو عارف ويش يقول .. مرتبك ..:
ــ لا ياخوك مو كذا القصد.. بس ترى هم جماعه مهي هينه يعني لو دريو بنا بلغنا عليهم وحنا ماعندنا دليل ادانه ضدهم بنروح في داهيه كلنا.. احنا .. واهلك و اهل جاسم.. حنا اعترفنا وخذنا حكم 5 سنين.. والشرطه دارو عنهم ان حنا اعترفنا وجبنا خبرهم.. والا حكمهم اكثر ...

علي : ــ يا الله.. الله اخذ بحق كل مظلوم و جابكم لنصيبكم..
جاسم: ــ نستاهل.. بس اهم شي تسامحنا..
علي يحط ايده على كتف جاسم..
ــ سامحتك..

جاسم ..
ــ اعرفك.. من يوم يومك ياولد عمتي.. قلبك كبير..
وماتحمل رد علي عليه.. وصار ينحب ..
علي ماقدر مسح على راسه وصار يهديه..
حميد حاول يداري دموعه بس ما فلح و سالت على الخدود..
فتح الضابط الباب..
ــ يللا يا اخوان انتهى الوقت..
حميد وقف .. ومسك جاسم..
ــ نشوفك على خير.
علي :
ــ على خير.. امانة الله..
وطلعو..
الضابط عطى علي اغراضه.. محفظته وجواله..:
ــ تقدر تتفضل وتتيسر بيتكم..
علي :
ــ مع السلامه..
ــ الله يسلمك..

طلع علي.. والفرحه مهي سايعتنه.. وقف على باب السجن من برى. كانت السما تندي << تمطر بخفه..
. خذ نفس عميق... ابتسم .. ــ الحمدلله رب العالمين..
شغل جواله.. واتصل على بيتهم..

ابو علي كان قريب من التلفون.. رفعه..
ــ هلا..
علي والعبره خانقتنه:
ــ هلا يبه..
ــ هلا بعد ابوي .. شحوالك.. عساك بخير .. ويش مسوي..
علي مو عارف كيف يقول لأبوه انه طلع..
صار يكلمه في الجوال وهو يمشي طالع من السجن المركزي..
ــ يبا.. انا طلعت .. طلعت يا يبا.. هذاني باجيكم..
ابو علي مو مستوعب الموضوع وبفرح .. ممزوج بأرتباك و توتر:
ــ هاا.. ويش تقول يا ولدي .. وينا ... ؟؟
ــ هذاني امشي في الطريق طالع من السجن المركزي .. جاي ليكم...
ابو علي صرخ :
ــ يــــــــــــــــــالله.... ام عليييييييييي .. يابناااااااااات
ام علي تركت اللي في ايدها..
ــ الله يستر..
وراحت تركض..
ليلى كانت تحط الساقو في صحون .. تركته.. وراحت ورى امها..
ريما طلعت من غرفتها ..
ــ ويش صااايررررر؟؟؟
ابو علي بحماس ودموعه تصب:
ــ علي .. طلع.. ... طلللللللع عليييييييييي

ام علي صرخت :
ــ يـــــــــــــــــــــاعلي..
ليلى مسكت قلبها وقعدت وصارت تصيح..
ريما تصفق وتصفر والفرحه مهي سايعتنهم..
علي يسمع ردة فعلهم.. ودموعه تنحدر وابتسامه مرسومه على الوجه من الأذون للأذون..
ابو علي ..
ــ الحين كيفا بتجي ؟.. اكلم خالك يدبرنا يمر عليك؟؟
ــ لالا يبا.. لا تكلف عليه..
وفي باله: ــ فيه اللي مكفيه الحين على ولده.. الله يعينه..
ابو علي : ــ ويش بتسوي..
ــ هذانا باشوف لي تكسي..
وشوي وعلي يكلم..
قرب من الشارع العام..
وهو مندمج في المكالمه ويسمع فرحة اهله وكلام امه .. اللي صارت تصيح وتحمد الله وتشكره..
ما انتبه للشارع وهو يقطعه ..

حححححححححح..








الى الملتقى..
بجيني كف ادري >>

[الــــنـــاري]

اناادري ان علي مابصير ليه شي
بس عن جد يبي لك كفففففففففففففففف من ضمير بعد << شكلي انا الي بنشدخ
يسملو خيتو على الجزء الروعة
يعطيك ربي الف الف عافية
تمنياتي لك بالتوفيق
بنتظار الحلقة الاخيرة

[آخر شقآوهـ ..~]

وأني جآيه جوعآآنه ..أفكر جزء أبو خمسين رد<00000 بل من متى دي
أتوقع سيآره كآنت بتصدم علآوي بس وقف لآخر لحظه
وقآم دآك الرجآل اللي يسوق يسب تشفيرآت يعني<000 غلط غلط التوقع ليس في محله
..
..
يالله مآعلى أهم شي سحرتينآ <000 من شوي فطور الحين سحور مفهيه
تصبحي على خيــر قصدي تمسي ..
ربي يعطيك ألف عآفيه قلبو
تحيآتي
ضحكوه البطه

[زهور الريف]

بسم الله الرحمن الرحيم
اللهم صل على محمد وآل محمد
وعجل فرجهم


ماااااااااااااااافي


اهئ اهئ


حرااااااااااام عليش قتلتي الفرحة وهي في مهدها <<< خخخخخ بدأت تظهر آثار التخريف


بصراااااااااااحة

جزء ولا أروووع


تسلم الايادي يالغلا


يعني هو صحيح قصير بس أحداااث موفقة
وتجننننننننننن

بعد مرة ثانية تسلم الايادي

والله ينور دربش بنور الايمان

بالانتظار على أحر من الجمر

[آسوآآر الآلــمـ]

أن صار لعلي شيء بنحرك اميرة ههههههههههههه

بس جد احس اشوي واصيح معاهم

تسلمييييييييييييييييين أختي على هالروعة هذي اللي عندك

إبــــــــــــــــــــــــــــــــــــــــــــــــ ـداع


الله يعطيك العافية

ننتظر الجزء الجديد

[أميرة الشوق]

طبعاً كملنا الفرااغ
الجزء قصيـــــــــــــــر مرررره

بس رووعه
وأرجوش لا يصير في علاوي شي
ما قلنا متى متى طلع !!
بس بعد مو هاين علينا أمجدوو وجاسموو
بنستنى متى يطلعوا هع هع
.
.
بإنتظار الباارت الجاااي

[سفيرة الاحلام]

الجزء حلو بس قصييير

لا يصير شي في علي كل شي الاعلي

الله يعينه اذا عرف وشي صار هو في السجن

نتظر الجزء الجديد

لاهنتي على الجزء

[بائعة الخبز]

ويلي عليك ياعلاوي >> احلفي !!

تسلمي امورة على البارت الرئع المملؤء بالمغامرات >> فلم هندي صاآر خخخخ