رد مع اقتباســ يــــــــالله.. يا زهرا.. يا ام عادل .. وينش..
زهرا من سمعت صوت عمها.. انصرعت..
طلعت من الغرفه.. وقفت على بابها
ــ هلا.. هلا اعمامي << قالتها والشحوب والخلعه مبينين عليها..
ــ عظم الله اجرش..
ــ اجرنا واجركم..
ــ ايه ويش اخبارش..
ام عادل بهداوه ووببرود:
ــ الحمدلله.. عايشه..
ــ الحمدلله.. هاا ويش بتسوي الحين..؟؟
ــ ويش باسوي على ويه؟؟
ــ في وضعش.. لا سند ولا رجال ..
ــ وياي ولدي...
ــ وولدش تسميه رجال..؟؟
مايسمع وراه الا عادل بحمق:
ــ رجااااااااااال غصصصصصصصبن عنننك...
ــ عاشو والله.. وطلع لك لسان يا عادلو..
ــ ايييييه .. وكسررر راااسك بعد..
ــ بسسسسسسسس ولا كلمه .. مصختها يا قليل الحيا..
وقامو عليه الخوال الأثنين..
عادل خلاص عيونه طغت فيها الدموع:
ــ خلاص خلاصصصص..
ــ ايه يا ام عادل .. حنا نقول لش الحين ماعندنا حريم يقعدو لحالهم و...
ابتسمت ام عادل ببرود وقاطعته:
ــ وماعندهم والي ويش بيقولو عنا الناس لازم الحين تسكني ويا واحد منا وتحاولي بين فترهوفتره تسكني ويا الثاني والثالث ..
سكتت ودموع في عيونها..
ــ آسفه.. طلعه من بيتي مابطلع..
ــ بس ..
ــ مابغير رايي..
ــ غصصبن عليش.. الحين بنخليش فترة الحداد.. وبس تخلصي.. لينا كلام وياش..
مشينا..
وطلعو.. عادل ماخلى سبه من وراهم.. من جميع الأنواع..
ام عادل قعدت على باب الغرفه .. وصارت تصيح..
عادل قرب ليها وصار يصيح.. ويمسح على راسها..
ــ لا تصيحي اماه.. بسسسم الله عللليششش.. مااابخلللليييهم ياااخذووونا من بييييتتتنا.. خلااااص خلالااااص..
ام عادل ماهي متحمله.. حضنت ولدها وصارت تنحب..
ــ تذكروني ياولدي.. جابتهم الفلوس.. عاين من الله خير.. ويجو الخوال بعد.. مالي الا الصبر...
بعد يومين..
تلفون بيت ابو جاسم يرن..
ردت زينب..
ــ الو..
ــ السلام عليكم.. منزل جاسم عبدالرحيم آل ..
زينب مستغربه .. اول مره يتصل صبي لجاسم ويسال هالسؤال بالعاده على طول وين جاسموه!!
ــ ايه .. لحظه اناديه..
راحت لجاسم وكان نايم..
ــ قوم.. قوم يبغوك..
ــ ماااااااانى..
ــ قووم شكله الصوت غريب اول مره اسمعه..
ــ فكيني رادار اصوات.. اطلعي وصكي الباب .. قولي له جاسموه مات..
ــ يافقالة دمك يالغفيف.. جعلك زين.. لا تقول ماقلت لك.. ترى سال عن اسمك بالكامل.. كنه اولمره يتصل..
جاسم فتح عيونه:
ــ هااا.. صدق ؟؟
ــ لا امزح..
ــ دانا باقوم باااااااقوووووم..
رفع السماعه وزينب فوق راسه ضاربنها الفضول..
ــ هلا..
ــ ياهلا ,, الأخ جاسم؟؟
ــ ايه.. خير..
ــ خير ان شالله.. معاك قسم شرطة الـ .. ياليت تتفضل وتبلغ خويك امجد يتفضل ..
ــ خير ان شالله..
سكر التلفون.. ببطئ..
اخذ نفس عميق.. اطلق زفره حس ان روحه طلعت وياها..
التفت لزينب اللي كانت مستغربه حدها منه .. وبهدوء:
ــ مين هذا؟؟ وويش صاير؟؟
ــ وين امي .. و .. ابوي...
ــ في الغرفه..
ــ ناديهم وتعالو.. باقول حاجه..
ــ الله يستر..زين..
راحت ليهم طقت الباب.. وكان مردود.. فتحته الا ابو جاسم منسدح ومغطي وجهه بالغتره.. و ام جاسم قاعده تطوي ثياب..
ــ يبااه.. امااه.. جاسم يبغاكم..
ابو جاسم يطلع عيون وحده من تحت الغتره ويطالع على جنب:
ــ هلا والله.. ويش قلتي .. جاسم يبغانا.. بيهزأنا .. لو بيعطينا المصرووف..
ــ ما امزح مادري ويش صاير يقول يبغاكم.. ويبغاني بعد..
ــ تبغبغ بوزه.. كحححححح كح ويلي يا صدري انا حاس يوم بينفقع..
ام جاسم ببرود:
ــ اني اللي بفقع هالقدو ونستريح..
ــ افقعيه ان ما فقعت راسش .. سويها وشوفي..
ــ علي ياااعلييييييييييييي منك رجال.. شخاط..
ــ ايه شخاط.. سكتي لا اقب عليش..
زينب : ــ والحين ويش..
ابو جاسم:
ــ ويلي رجولي داقه عليي.. ما تجي تمرخيهم لي زنبوه..
ــ يبا.. اقول لك جاسم مادري مين متصل عليه تالي قال يبغانا..
ــ انا هذي اللي بقوم ليها باسطرها.. روحي ناديه هو.. مين اللي يبغى الثاني .. اللي يبغى الثانييجي له.. فاني شي حنا الأكبر وامه وابوه.. يستحي على وجهه.. مصخها.. اما قلالة حيا..
ــ بل.. زين !!
وراحت لجاسم.. لقته قاعد و ضام كفوفه وسرحان في عالم ثاني..
ــ جاسم.. جاسم..
ــ ها.. ..
ــ قوم يقول لك ابوي انت روح ليهم..
ــ زين..
ليلى :
ــ الحين متى صدق نتيجتش؟؟
ريما: ــ مادري يقولو بعد فتره تنزل في النت بعدين نروح نستلمهم..
ــ عساه خير..
ام علي :
ــ استغفر الله في كذا فستان لازم اخلصهم قبل ربيع وكلهم على بداية ربيع.. ماني مشتهيه اشغلالمكينه .. اكره ماعلي شغل محرم..
ريما : ــ.. ويش تسوي بعد يا امي.. رزق ..
ليلى : ــ سلام الله على الحسين ..
تابع>>
المفضلات