وفي بيت ابو مالك..
علا قاعده في الصاله تفرفر في القنوات..
الا تسمع صوت مفاتيح في الباب..
طنشت .. ماحد غير مالك..
شوي الا تسمع..
ــ احححححم.. هاااااااا .. ويش اخباااااااااركم..
علا فتحت عيونها وابتسمت حد ماعندها وقامت تركض..
ــ يباااااااا...
ابو مالك حضن بنته:
ــ هلااااااا.. هلا بالغاليه
علا صارت تصيح ..
ابو مالك:
ــ بديناااا....
سميره طلعت من غرفتها:
ــ هههههههههههه هلا اخووي هلا..
وسلمت عليه..
ــ تدري بها ياخوي الدمعه الساكبه.. قايله لك باقول ليها لا تختلع
علا : ــ يعني تدري به انتين
سميره : ــ هههههههههههه ايه بس هو قال لا اعلمكم..
ابو مالك : ــ وين مالك ؟؟..
سميره : ــ طلع ..
ــ ومتى يرجع ؟؟
ــ والله مادري ماله جدول معين..

قعدو في الصاله.. وصار ابو مالك يسأل في بته عن اخبارها وعلومها.. وويش مسويه ..
وهي مهي مصدقه عمرها .. اخيرا رجع ابوها.. صار له سنتين غايب عنهم وما بينهم الا المكالمات..

ابو مالك يغمز لسميره .. وكأنه يسألها عن شي .. سوته لو لا..
سميره مرتبكه واشرت له ,, انها ما سوته..
علا تطالع فيهم .. ووجهها فيه مليون استفهام ..

ابو مالك:
ــ اييه.. احم.. ويش احوالش علا زينه..
علا ابتسمت: ــ ايه.. الحمدلله .. يبا .. بتقضيها سؤال عن احوالي .. انت ويش سويت في هالسنتين .. ما وحشنااك.. ويش هالشغل اللي ما يخلص وحارمنا منك..
ابو مالك .. مرتبك .. يبغى يقول شي بس مو عارف شلون يقوله..
علا لاحظت :
ــ يبا... فيك شي ؟؟ بتقول شي ؟؟
ابو مالك ..
ــ هاا.. لا.. ايه...
ــ يعني ويه...؟؟؟
ابو مالك مهو عارف
سميره اختصرت السالفه ..
ــ ياعلا.. ابوش عررس ....
علا انصرعت.. وفتحت عيونها وصارت تطلع في ابوها..
ــ يبا.. عرست؟؟؟؟
ابو مالك ابتسم ابتسامه قلقه..
ــ ايه..
ــ متى ..؟؟ و من وين.؟؟ اجنبيه...!!!!!!
ابو مالك:
ــ لا من العام .. و مهي اجنبيه ..سعوديه .. بس مو من ديرتنا ....
علا فتحت عيونها:
ــ هااا.....
ابو مالك ..
ــ ااااا.. اخوها يشتغل عندي في المجموعه اللي في كندا .. واخته تدرس هناك..
علا الكلام صاير ينزل عليها مثل الصاعقه:
ــ تدررس؟؟؟؟؟!!
ابو مالك ارتبك زياده:
ــ ايييه.. اكبر منش بسنتين بس .. تخيلي .. هههههههههه ما شالله عليش يابتي لو كملتي دراستش وطاوعتيني تدرسي برى كان تخرجتي .. بس هي الله يهديها كم سنه تاخذها سنتين..
علا فقدت اعصابها:
ــ دااام انها تدررس بررررى.. و السنه سنتين.. يعني بنت خير ونعمه.. لووويش ماخذتتتتتنك؟؟
ابو مالك عصب:
ــ وجع .. يا بنت.. انتبهي لكلامش زين ما زين.. ويش ليش ماخذتني... ليش ؟؟ ويش ناقصني ... الف بنت تتمناني .. الشره علي اللي قايل لش اصلا .. وقاعد امهد..
وعلى فكره .. خلاص تقريبا بستقر في البلد فتره.. وجبتها معاي .. الحين هي في بيت اختها ,, لأن ابوها متزوج ومرت ابوها ما تبغاها .. بكره باجيبها هنا..
علا ما تحملت .. صارت تصيح...
ــ مرت ابووووها ما تبغاااها.. يعني اني اللي ابغاها.. شكلها هي بعد بتقول ما تبغاااني..

. وقامت عنهم...
ابو مالك معصب : ــ قلة حيا...
سميره : ــ هدي بالك ياخووي.. ما يسوى عليك التعصيب,,
ــ اهدي بالي.. على آخر الزمن صارت ترفع صوتها علي ..
ــ من الصدمه.. شوي شوي عليها .. من زمان ما شافوك تالي ترجع بهالخبر...
ــ اففففففففف.. باقوم انام تعبان..
ــ نوم العوافي..

علا في غرفتها تصيح...
ــ ياليتك ما رجعت.. وياليتك يوم رجعت خبيت عني هالموضوع.. ما كان ضروري اعرف .. يالله ساعدني..


وفي بيت ابو علي ..
ام علي :
ــ ويش نسووي ياخوي الحين ,, والله محنا عارفين ,, ولد الذين ما خلى لينا شي دفعنا ما ورانا وقدامنا .. وانكسر ظهرك بالديون..
وصارت تصيح :
ــ مالبيد حيله.. ويش بيدي عليك ياااولدي..

ابو جاسم يهدي فيها ..
ــ خلاص خيه.. هدي بالش .. تفرج ان شالله.. تتدبر .. بس هدي بالش ...
ام علي :
ــ ووين اهدي بس ياخووي وين اهدي... راس مالنا الحين المكينه.. واكي خربانه لو ما الأجاويد بيعاونونا وبيصلحوها.. والا ويش طالع بيدنا نسوي...

ليلى تحاول تقوي نفسها ..
ــ باقي ... ما نفقد الأمل .. اخوي بيطلع وبتطلع براءته.. بنجيب محامي ثاني .. وبنطلعه...
ام علي:
ــ من وييييين.. محامي ثاني .. ما يبغى تكااليف .. من وييييين وحالتنا كسيفه ؟؟
ليلى : ــ نبيع الطراد..
ابو جاسم : ــ يابتي رزق اخوش الله يرجعه سالم عليه.. ويش نبيعه؟؟
ام علي بلهفه : ــ ايه ياخوي... بيعوه... بيجيب شوي زين.. يغطي ان شالله تكاليف المحامي.. بس يرجع ولدي بالسلامه.. الله يرزقه ويفتح عليه ان شالله..

ابو جاسم مو عاجبنه هالقرار..
ــ اللي تشوفوه..



حميد : ــ تكفى علي .. قول لأمك لا تدعي علي .. تعباان انا..
علي ساااكت ولا كلمه..
حميد صار يصيح: ــ سامحني .. تكفى..
علي حتى ما طلع فيه..
ــ علييييي ..
غطى حميد وجهه بكفينه وصار يصيح.. ولما رفع كفوفه.. ايده وخدوده سايل عليهم دم...

علي فتح عيونه ..
ــ بسم الله ..
عبدالرحمن:
ــ هااا.. صحيت...
ــ حلم مزعج..
ــ شنو .. خير ان شالله؟؟
ــ حميد.. حميد يصيح دم ويترجاني اخلي امي ما تدعي عليه
ــ باللي ماااااايرده.. يستاهل.. عساه من هالحال واردى..
ــ الله يستر..
ــ اخبارك الحين ان شالله احسن..؟؟
ــ ايه الحمدلله .. بعون الله و عنايتك حبيبي..
ــ الحمدلله .. ولووو واجبنا ياخوي..
ــ الله لا يحرمني منك.. الله ما عطاني خوان من امي وابوي وعوضني بك.. تسلم يالغالي..
ــ الله يسلمك .. ورب اخ لك لم تلده امك..
علي ابتسم:
ــ على قولتك..


وفي المستشفى ..

جاسم قاعد مع حميد... حميد مهو في وعيه...
جاسم كالعاده افكار توديه وتجيبه.. وخايف على عمره يجيه يوم ويصير بهالحاله...
الا بدخلة الدكتور..
جاسم : ــ هادكتور.. طمني؟؟ ويش نتايج التحاليل..
الدكتور : ــ اييه الله كريم.. لك لازم الواحد يكون أوي ويرضى بالمكتوب ..
جاسم اختلع : ــ ويش صاير..؟؟ ويش فيه ؟؟؟
ــ لا حول ولا قوة الا بالله.. يا ابني .. صاحبك معو سرطان بالكبد .. كان عندو التهبات حاده اهملها فتره طويله .. خلاص الكبد تضررت ..
ــ يعني ويييييييه ؟؟ بيموووت..
ــ الأعمار بيد الله يا ابني.. بس حالتو خطيره ..
جاسم قعد وهو مبهوت...
وقلبه منقبض ..
ويحس جسمه كله يعوره...

الى الملتقى...