عادل نايم ..وكان له صديق يحبه ويستانس يلعب وياها .. الرجال متين ..قعد من فجر الله وزهقان حده ينتظر متى يصحى عادل.. ويوم شاف عادل ما قام....
وقف على راسه وصار يحاول يقعد فيه..
ــ عادل قووووووم قوووووووم..
عادل معصب :
ــ ماااناااا
ــ اوووه قوووم نلعب الصيييده
ــ اووووووه فارققققق بانااااااام
ــ زين تيل
ــ الحححححق امك
الصبي مصمم عاللعب ..
ــ مانى مانى قوم قوم..؛؛<< وهو يهز في عادل
عادل يحس روحه مره تعبان ودا قاعد يأذيه ويقوم له بلا وعي ويسطره كف ..
الرجال حمق وصار يصيح:
ــ الااااويه تطقننني ..
عادل رجع انسدح وعطاه ظهرره..:
ــ باشااادخ بك بعددد مو شفففت روحككك متييين تفكررر بتقدررر علييي
هو خلص كلامه الا يحس ثقل فوقه يكتم على انفاسه..
قعد فوقه صديقه عناد ..
عادل وعيونه شوي وتطفر :
ــ آآآآآآآآه .. ققققووووووم عنننني
..
ولا عنده فيها زايد بالضغط ويرجع على ورى بثقله كله..
عادل خلاص صار احمر:
ــ باا.. باااا موووووووووت... قوووووووم..
ــ مانى قايم لين تقول بلعب وياك..
ــ بلعببببببب ..
ويقوم عنه .. هو مامداه يقوم ما حس بالدنيا عاجله عادل ببقس حد ماعنده على عيونه..
دور راسه وخلاه يقعد.. وتجمعو القاعدين عليهم من صرخته من بعد الضربه..
وتبتدي الفوضى..
عادل مطنش الوضع ورجع بينام..
ولا يسمع الا واحد ثاني يحن:
ــ طفوووو الليت.. طفوو الليت..
عادل :
ــ اسسسسسسسكت ابغى انااااام..
ــ شلوون تناام والليت مولع..
ــ أي لييييييت مافي لييييييت مولععععع؟؟
ــ اكوو في النافذه ياخبل
عادل حمق:
ــ مالخبلللللللل الا انت هذي الشمسسس يا اطرررم..
ــ طفيها زين..
ــ كيفا اطفيهاا..اسسسسسكت لا اعطيك بقس انت الثاني..
ــ مانى مانى طفيهااااااااااا
هو مصخها صريخ
عادل تولاه .. شدخه شدختين وسكته..

شوي .. وكأن هالصبحيه كلها عناد في عادل .. ماينام يعني ماينام..
مايسمع الا واحد ثالث .. حاضن مخدته وقاعد يحن:
ــ سعدووووووو... سعدووووووووو
عادل :
ــ لااااااااااسععععععععدك ررررررربي << متعود على امه ودعاويها وسوالفها..
ــ سعدووووووووو
ــ اااااااااااااه اسكت باناااااااام..
ــ وديني لسعدوووووووو...
ــ منهههههههي سعددووووووو...
ــ حبيبتي..
عادل :
ــ يوووو زيي بس انا مو سعدو.. انا زنبو
ومسك مخدته وصار يون هو الثاني..
ــ زنبوووووووو
ــ سعدوووووووو..
ــ زنبوووووووووو
ــ زنبوووووووووو
ــ يلعن شككككككككلك لا تققوووول زنبوووووووو .. سععددددو حقك انت قووول سعدددو وانا زنببووو..
ــ دلااااالووووووووو
عادل : ــ منهي ددددددددي دلاااالللو
الرجال بحزن: ــ نفسها يوم كبرت..
عادل مستغرب:
ــ مادرررري ويش اسم زنبووو يوم كبرررت..
الرجال يعطيه راي:
ــ سميها .. فتحووووووو
عادل شلق البوز شبرين..
ــ زين..
وبدى يون:
ــ فتحوووووو.. زنبوووووووووووو ... سعدوووووو دلاااالووو
ــ هييييييه تشه كلهم لك؟؟
عادل : ــ اييييييييه..
ــ مو علي كيفك..
ــ على كيفففففففي
ــ قلت مو كيفك..
ــ بتسسسسكت لاااا..
ــ مااانى ساكت..
ويقوم عادل ويدوس ببطنه..

هالصبحيه عادل ماخلى واحد ما راقع به.. لين قام الصريخ وزادت الحاله سوء.. جا الممرض الفلبيني يركض.. لقى الوقعه قايمه.. اللي مبقس واللي يصيح واللي منسدح ويون..
وبس عادلو قاعد عالسرير حاضن مخدته ويون:
ــ زنبووووووو..
الفلبيني:
ــ ايش في؟؟
واحد من المطقوقين يأشر على عادل:
ــ طقنا كلنا ..
الفلبيني فتح عيونه:
ــ مشكل..
راح اشتكى عليه عند ادارة المركز.. خذو عادل وقررو له عقوبه تأديبيه.. الحبس يوم كامل في غرفه انفراديه..

انتهت العمليه...
طلع الدكتور..وهو... متوتر !!
ابو مالك واعصابه مشدوده..
ــ بشر!!
الدكتور بأرتباك:
ــ الجنين تخلصنا منه.. بس المريضه.. دخلت في غيبوبه.. وراح ننقلها لغرفة الأنعاش...
علا من سمعت طاري غرفة الأنعاش .. شهقت شهقه..
هشام تنهد من قلب و حط ايده عالجدار..
ابو مالك ولا حركه.. كنه جبل واقف .. مايهزه ريح...


قعد علي من النوم.. الساعه كانت 8.. انتبه من الممرضه تقيس الضغط لليلى..
علي:
ــ ها سستر .. كويس؟؟
ــ ايه تمام..
ــ شكرا..
ــ عفواا..
وطلعت الممرضه
علي يسوي روحه ماهو متهم في ليلى وزعلان من حركتها ..
ليلى حاسه عليه وفي قلبها حره .. مهي طايقه روحها نهائيا.. وبصوت مبحوح:
ــ علي..
علي بهداوه وبدون مايطالع فيها:
ــ نعم..؟؟
ــ علي .. سامحوني ياخوي والله غصبن عني..
ــ خلاص انتهت السالفه
ليلى انحدرت دمعه من عيونها:
ــ سامحوني .. كنت مو في وعيي الله يجازي اللي كان السبب..
ــ خلاص قلت لش..
ــ خذلني.. ماتوقعتها منه.. واني اللي ما خنته في لحظه.. << قالتها بنبره متكسره وغطت وجهها بكفوفها وصارت تصيح
علي عورت بقلبه اخته قام ليها وضم راسها وصار يمسح عليه:
ــ خلاص خيه.. انسيه.. من عافش عوفيه.. خليه يولي.
ــ ان شالله..
ــ هدي بالش باروح اشوف اذا بيطلعوش اليوم لو لا .. وبرجع..





ابو مالك حس ان قعدته ويا هالحاله ماليها فايده... وبهدوء:
ــ برجع البيت .. مشينا علا.. وانت هشام روح شوف عمرك بتنام لو بترجع البيت
هشام مستغرب من تحجر ابو مالك :
ــ انا مابرجع بظل ويا اختي..
ــ براحتك.. مشينا علا..
علا الود ودها ماتخلي سوسن بهالحاله.. بس ماتقدر تقعد لحالها وياها..
علا: ــ الله كريم .. تقوم بالسلامه..
ومشت ويا ابوها..
وتلاقو عند الرسبشن هو مع علي ..
ابو مالك ينتظر علي يتباعد على شان بيعطي الرسبشن اجر العمليه وبيسأله مين الدكاتره المناوبين وشلون التكاليف في غرفة الأنعاش...
علي كان يدفع تكاليف علاج ليلى و يسأل الرسبشن:
ــ امجد عبدالكريم آل ... اقدر ازوره الصباح
الرسببشن ــ ايه ياخوي لكن على الساعه 10 ..
ــ اهاا.. خير ان شالله.. طيب ليلى آل .. تقدر تمشي الحين؟؟
ــ راجع الدكتور اللي مشرف على علاجها .. ويعلمك..
ــ طيب .. مشكور..

ابو مالك.. حس رجوله تخشبت.. وقلبه انقبض.. يوم سمع الأسم..
علا ماتعرف علي .. مافي حياتها شافته بس تسمع عنه ..
وماليها بالته ويش كان يسأل..
ابو مالك:
ــ اوقفي هنا دقيقه..
ولحق علي:
ــ يا خوي.. لحظه..
التفت له علي اللي كان رايح يشوف الدكتوره اللي اشرفت على ليلى..
علي بأرتباك:
ــ نعم .. يابو مالك..
ابو مالك توتر:
ــ ينعم بحالك.. تعرفني؟؟ مين انت؟؟
علي ابتسم:
ــ انا علي حسين آل ...
ابو مالك مو عارفنه.. قام علي عطى ابو مالك ضربه في الصميم..
ــ ولد اخت عبدالرحيم آل ..
من قال علي الأسم الثاني .. ابو مالك خلاص صار الكلام وياه يقطع تقطيع.. ويتذكرهم في الحلمه وويش كان حالتهم..
وبصعوبه سأله..
ــ امجد....... سمعتك تقول امجد.. امجد اخوي ماغيره.... والا واحد ثاني..
علي :
ــ لا .. امجد اخوك.. ولد العراقيه..
ابو مالك يحس نفسه في حلم..
ــ وينهو... امجد,,,؟؟؟؟
علي يأشر بأتجاه الغرفه:
ــ آخر غرفه على ايدك اليمين..
ابو مالك والقلق بادي عليه:
ــ طيب مشكور..
علي والفضول ماكل قلبه ويتمنى ابو مالك يزور اخوه:
ــ العفوو ياخوي..
ومشى عنه..
ابو مالك رجع جهة الرسبشن.. ويحس روحه مايسمع شي غير صوت مرت ابوه.. صوت صياحها وهي تترجاه يرفق بحالهم.. وشكل امجد وهو صغير والبؤس اللي عيشه فيه.. يذكر الحريق اللي كان سببه في بيتهم.. عجلة الماضي تسير به وهو راجع الى بته..
بهدوء .. سأل الرسبشن:
ــ سمعتك تقول الساعه 10 فيه زياره
الرسبشن : ــ ايه نعم..
ابو مالك:
ــ علا.. اذا تعبانه روحي انتظار النساء.. بظل هنا للساعه 10
علا مهي فاهمه ويش صاير .. وليش غير رايه.. ماليها الا تسمع كلامه.. وتروح تقعد هناك...
الى الملتقى..