الحلقة 47 ..

بعد اسبوع..
ابو عدنان :ــ ها يا ابو مالك .. كن مضى اسبوع كل هذا تفكير .. ويش ياخوك اذا ماليها رغبه فيني يسهل الله علي وعليكم .. ولو اني طامع بقربكم مابحصل احد احسن منكم..
ابو مالك منحرج من اخته اللي مصختها.. وهو ماقصر سأل عن ابو عدنان في كل مكان.. غير انه صاحبه من قبل ..ويعرفه حق المعرفه..
ــ ياخوك خير ان شالله اشوفها وما يصير خاطرك الا طيب ..
ــ عساه خير .. ولا تستحو اذا صار نصيب .. اذا تبغى حفله والا أي شي .. مايردكم الا لسانكم..
ــ عساك سالم .. وان شالله خير..

بالصدفه رساله جت لابو مالك.. فتحها الا هي اخته سميره
ضحك ابو مالك:
ــ ما شالله عليك ,, من الطاري .. اكي رسلت .. تقول موافقه.. على بركة الله
ابو عدنان بطير من الفرحه..
ــ الف مبرووك علي وعليكم لو ادري من زمان جيت
ــ هههههههههههههه الله يبارك فيك .. غربلك الله ولا اول مره..
ــ تعبت ياخوك من الشحططه والوحده ذبحتني..
ــ عساه خير والله يسعدكم..
ــ يارب..

سميره.. ولأول مره.. تروح جهة غرفة سوسن.. وكانت معاها علا..
طقت الباب..
علا بعفويه..
ــ ادخلي تريزااا...
سميره دخلت وبهدوء :
ــ مو تريزا
سوسن كانت منسدحه .. قعدت مذهوله اول مره سميرة تركب ليها غرفتها من جت ليهم...
علا اعظم منها ذهول ... سميره جايه ليهم فوق؟؟
علا: ــ اسمحي لي فكرتش تريزا
سميره تسحب كرسي التسريحه وتقعد وهي مرتبكه..
ــ لا .. عادي..
علا مليون الف استفهام وتعجب فوق راسها.. ويش صااااير؟؟
هدووء ..
سميره: ــ الظاهر بخرب عليكم قعدتكم..
سوسن :ــ لا ويش دعوه.,,
سميره : ــ من دخلت وانتون ساكتين..
علا : ــ هاا.. لا بس اني كنت احوس وسوسن منسدحه.. ساكتين من قبل..
سميره :: ــ ايه.. زين..
سكتت شوي..
بعدين بتوتر صارت تحوس في بلوزتها.
ــ لا بس .. بقول ليكم.. اني وافقت على ابو عدنان..
سوسن بعفويه ..
ــ كلووووووش الف الف مبروك
علا منذهله.. وبابتسامه.. :
ــ وااااااااااااااو الف مبروووك عمتي ..
سميره مستحيه ومرتبكه.. وتصطنع اللا مبالاه..
ــ الله يبارك فيكم..
علا بفرح:
ــ الله من زمان مادخل بيتنا عرس .. افادي بعرس .. عمه سوي حفله تكفي..
سميره مرتبكه..
ــ تتوقعو..
سوسن : ــ اييييييه ليش لا ويش ناقصنش عن البنات..
سميره بنبره متكسره:
ــ البنات!!
سوسن بهداوه:
ــ ايه البنات.. انتين بنيه .. والله جاب لش نصيبش .. لزوم تستانسي ونستانس وياش..
سميره بأبتسامه صفرا:
ــ اللي يسمعش تقولي هالكلام يفكرني بت العشرين مو بت الأربعين..
علا وسوسن سكتو,,, مو عارفين ويش يردو..
سميره :
ــ ايه الحمدلله على كل حال ,, المهم الله عوض صبرنا وان شالله يكون ابو عدنان خير لي ..
سوسن بابتسامه:
ــ ايه .. كل تأخيره فيها خيره,.. ويارب كل خير...
علا :
ــ عمه لا تقللي من قدرش.. والله انش غاليه وعزيزه .. ولافي كلام ثاني .. حفله بنسوي يعني بنسوي..
سميره تلونت:
ــ ماليها داعي,,
علا راحت جهتها ومسكت ايدها..
ــ نبغى نفرررح.. وبرسل لمالك الخبر اذا يقدر ينزل البلد يومين على شانش ..
سميره:
ــ لا تأذيه خليه مقابل دراسته..
ــ عمه.. منتين اذيه..
وصارت علا ترسل لمالك..
سميره قلبها بطق بسرعه...
وصلت الرساله لمالك .. عشر دقايق واتصل
علا بفرح:
ــ قاااااااااااعد.. فكرته نايم..
وردت:
ــ الوو يالقاااطع.. لويه سهرااان لهالحزه
مالك ميت ضحك:
ــ الهوليدي اليوم .. اليوم سبت ويش فيش
ــ يوووو ههههههههه صح نسيت..
مالك:
ــ ويش هالخبريات الحليوات اللي وصلتني ,, ياخونه خلصتو كل شي
ــ ههههههههههه لا لسا باقي التحليل .. تقدم وهي وافقت
مالك : ــ كلووووووش...
ــ ههههههههههههههه حشا مليكه مو مالك
ــ وجهش بعد ماقلتي ملاك... وين هي .. قريبه منش ؟؟
ــ منهي .. ملاك لو مليكه...
ــ هههههههههه علوه عن اللعانه وين عمتي ..
ــ هههههههههههه هذي هي..
ومدت الجوال عليها
سميره صار وجهها احمررر’’ وعقدت حواجبها:
ــ مابكلم.. سلمي عليه
علا رجعت السماعه..
ــ تسلم عليك ماتبغى تكلم,,
ــ افااااااا لوييييييه ماوحشتهااا
علا تنقل ليها الكلام
سميره ابتسمت:
ــ وحشني هو ونحاسته.. بس مابغى اكلم,,
مالك صرخ:
ــ اهوووووو قولي ليها بلا دلع بنات.. وبسرعه جيبيها...
علا تنقل ليها الكلام..
سوسن ماتت ضحك,,
سميره تلونت.. خذت الجوال:
ــ الو..
ــ هلااااااااااااا هلا بالرقه هلااااااااااا هلا بالعروووس
ــ هههههههههه مالكوه استحي على وجهك عييييب
ــ ههههههههههههههه بعدش على هالعيب ..
وصار يتعيلف فيها:
ــ بكره ويا ابو عدنان مافي شي عيب
سميره فتحت عيونها:
ــ مالكوه.. قلة حيا.. استح على وجهك..
ــ ههههههههههههههههه فديت الحياويه.. الف مبرووك يالغاليه .. منه المال ومنش العيااال >> نسى انه مايجيب ولاد..
سميره بأبتسامه بارده:
ــ ايه.. تسلم...
ــ عطيني علوه..
خذت علا السماعه تكلم اخوها اللي سالها عن ابوه وسوسن اخبارها واخبار الحمل وياها وويش مسووين ...
وطلب منها بس كل شي يضبط واوكي يعطوه خبر حق يحاول يرتب جدوله وينزل البلد كم يوم على شان خالته...
ولما خلصت علا المكالمه.. صارت تصفق وتغني.. وسوسن وياها:
ــ ولااله الا الله .. على العروس ماشالله هلا هلا
سميره مهي متحمله الموقف .. لأول مره تحس روحها موجوده بالحياه وليها قيمه.. وان في احد يفرح وياها ويشاركها ..
بعفويه طغت الدموع في عيونها ..
سحبت نشافه و ومسحتهم بالسرعه
سوسن وعلا لاحظوها بس طنشو لا يحرجوها..
يعرفوها عزيزة نفس وقويه وماتحب تبين لأحد أي مشاعر ولا أي عاطفه...



ريما مع امها وابوها في الصاله...
ام علي :
ــ وين اختش ليلى ..؟؟
ــ وينا بعد في الغرفه فترة الحداد ماخلصت
ابو علي حمق فيها :
ــ استحي على وجهش يابنيه..
ريما عصبت : ــ خلها هي تستحي عايشه على ذكرى واحد ميت وجاينها نصيبها وترفسه وتتدلع..
ام علي : ــ ااااخ منش ومن هدرتش اللي ماتخلص ..
ريما : ــ واني الصادقه حاصل ليها رجال مثل مؤيد في هالزمن.. ولو انه كان متزوج.. خسااره بس ما يبغاني
ابو علي يشدخ بالعكازه :
ــ اهو.. اهو اهو.. دلوني وينهي خلني الاعب بدنها بهالعصاه... استحي يا بنيه..
ام علي : ــ ايه.. وين يستحو هالجيل .. لول حنا طاري العرس يخلينا مره ندوب دوبه وهديلا مصفعين ياكافي الشر من هالزمن..
ابو علي : ــ وفاني شي كبير عليش وايد..
ــ ويشو فرق 12 سنه .. عادي..
ابو علي يرمي عصاته بجهة الصوت..
ريما تتفاداها:
ــ ياااااااااعلي صعايده مو اهل .. كل شدخ ومشادخ..
ابو علي بيقوم :
ــ هدوني عليها قليلة هالحيا دي .. هدوني..
ريما هربت الغرفه وسكرت عليها الباب.. وهي تنافخ وميته ضحك.. والتفتت لليلى اللي كانت تقلب بقايا اوراق وذكريات..
ريما بحمق :
ــ باموت.. قهررر .. طلع من خشمي دخااان..
ليلى ببرود وهداوه:
ــ ثور ؟
ريما بسخريه: ــ هي هي هي .. تعرفي تستظرفي حضرتش..
ليلى ما ردت عليها و رجعت تقرى في الدفتر..
ريما تتعيلف :
ــ اقري .. اقري ذكريات روميو الحبيب .. الله لا يبلانا.. والا وحده يحصل ليها رجال خوش فله ... وتقعد تنحب على واحد خلاص ما بيرجع..
ليلى جتها غبنه:
ــ الخوش فله اخذيه لش..
ريما صفقت صفقه قويه وفردت ايدها بقهر وهي تشبر:
ــ موووووو ماااااااايبغاااني لو يبغاااني انحلت المسأله..
ليلى ببرود:
ــ بايخه..
ريما تطالع في المرايا:
ــ ويش ناقصني .. والموضه الحين ياخذو الصغيره ويخلو الكبيره..
ليلى تنهدت وسكرت الدفتر..
ــ لوعتي شبدي..
انسدحت وتغطت..
ريما :
ــ نامي .. يا خيشة النوم والنكد.. ما يلوع الشبد غيرش ... اصدق ما جفت عيونش من الصياح..
ليلى حاقرتنها وماترد...
ريما : ــ تزهقوووووو .. والله لو ادري لحقت علووه في الميكرو احرسه من النسوان احسن لي ماااااااالت...
قعدت على سريرها وحطت السماعات.. وانسدحت..


تابع>>