ابو مالك حالته النفسيه صعبه.. رجع كذا حق من حقوق الناس.... وقاعد في مكتبه يحوس في مخططات الأراضي اللي عنده ناوي يعطي ابو جاسم ارض بدل ارضه اللي غصبها منه تكون قريبه له ...
الا بدخلة واحد من اصحابه .. ( ابو عدنان ) عليه..
ابو عدنان:
ــ السلااام عليكم..
ابو مالك : ــ هلا وعليكم السلام هلا بالقااطع..
ــ ويش اسوي احوال الدنيا والمشاغل.. اخبارك انت عساك طيب..
ــ والله.. الحمدلله على كل حال..
ــ ويش فيك ياخوك منتحل ومصوفر..
ــ لا بس هههههههه خبرك شيبنا ومشاغلنا كثرت وماعدنا حمل تعب..
ــ الله يكون بالعون.. بعدنا شباب بعدنا..
ــ ههههههههه أي شباب خل الشباب لأهله بس .. خلاص انتهينا..
ــ افاا عليك هذا وانت تنتظر ولد جديد .. اقول عن الدلاعه..
ــ ما شالله قاطع و تعرف كل الأخبار اجل لو توصل..
ــ ههههههههههه بعرف ويش ماكل وويش تفكر بعد..
ــ ماقدر عليك..
ــ لا بتقدر ان شالله.. وبتقدر تقدر ماتردني في هالطلب..
ــ آمرني .. ان شالله اقول لك لبيك..
ــ ان شالله.. ااااااا..
ــ ويش فيك مرتبك؟؟
ــ خبرك ياخوك انا ماقدر اعيش بدون مره.. وخبرك بي الله حارمني الذريه والعيب فيني .. والحمدلله على كل حال...
ابو مالك بريبه: ــ ايه .. الحمدلله..
ــ وخبرك كم مره تزوجت وماتوفقت اخر شي الحين بت الذين لبنانيه ماتحملت البعد عن اهلها واذتني .. بدي روح عأهلي وشو متى بدك تاخد لي بيت بالضيعه.. فقعت راسي بطلايبها.. ويش لي اتحمل وحده ماخذتني لفلوسي .. سرحتها لبيت اهلها..
ــ هههههههههه انالله انت ويا هالتسريح.. حتى الطلاق اسمه عندك غير شكل,.,
ــ ههههههههههههههه ويش اسوي ياخوك.. خلنا بس نضحك والهم في القلب..
ابو مالك تنهد:
ــ ايييه.. الله كريم..
ابو عدنان ابتسم:
ــ ايه.. انا عاد هالمره قلت مالي الا بت بلدي تداريني وتخاف علي وتكون بت خير ونعمه فقصدتك لهالشي ..
ابو مالك فتح عيونه وعلى طول جت في باله بته علا..
ــ هاااااااا.. ويش قصدك..
ــ يعني اذا ما فيها احراج ولا مانع يشرفني اناسبك
ابو مالك شدخ ايده عالطاوله..
ــ ويش تقوول انت.. ويش تخررف .. لو الله عطاك كان هي قد بناتك وبناتك اكبر بعد..
ابو عدنان انصرع وصار يهدي في ابو مالك..
ــ هوو.. هييي.. خفف هدي.. ويش بك.. ليش من قال ابغى بتك..؟؟
ــ اجل؟؟
ابو عدنان رفع حاجبه بأستنكار:
ــ افا.. ليش اختك تزوجت...
ابو مالك هدت اعصابه وصار يضحك من قلب .. يضحك يضحك .. دموعه نزلت من الضحك..
ابو عدنان مبتسم بريبه:
ــ خير .. لا جد اتكلم.. تزوجت.. ؟؟ افلست يعني؟؟
ابو مالك يسمح دموعه:
ــ غربال يابو عدنانوو.. بطني عورني منك.. ويش جيبها على بالك..
ابو عدنان.. ــ لا بس مره اتصلت بيتكم وردت هي علي ماصوتها صوت بتك .. اعرف بتك افا عليك حسبة بتي.. فقلت هي اختك اكيد وبعدها الله مارفع حظها..
ابو مالك والضحك يهدأ:
ــ ايه .. ايه... ويلي منك ومن سوالفك.. لا تطمن.. بعدها وياي ما تيسرت..
ابو عدنان بأبتسامه:
ــ بشرررررك الله بالخييرررر...
ــ هههههههههههههههههههه عساك ويش اقول ضحكتني..
ــ ليش لا سمح الله؟
ــ لا .. بس صراحه.. نسيت امرها انا..
ــ افاا.. هذا وهي اختك..
ــ ويش تقول .. المخ ماعاد يجمع..
ــ ساعدك الله.. المهم.. خذ وقتك شاورها وشوف ويش رايها ورد لي خبر..
ــ عساه خير ان شالله...
ام عادل ماخلت احد الا لجأت له لجل ولدها.. لين بالأخير راحت هي الجمعيه وقابلت مديرها.. وبصياح:
ــ ولدي ياخوي مالي غيره شلون تخلوه عندكم..
المدير: ــ يااختي الله يكون بعونش بس هالأجراء لازم للي مثل حالته.. مأذي العالم كل يوم تروح شكاوي عليه عند الشرطه والشرطه يجو لينا ليش ما ناخذه مع اقرانه.. ياخيه كذا مره رسلنا لش ناس يطلبو منش تنتبهي له ولا تخليه يتصرف أي تصرف فيه اذيه لو خطر على ألأخرين.. ماخلا احد الا ضربه وماخلى احد الا خرب سيارته والبنات ماخلاهم في حالهم
ام عادل بعفويه: ــ أي بنات.. مافي بنات الا زينب اشتكت عليه هي بعد؟؟
ــ أي زينب .. ماعلينا من احد .. ارجوش اسمحي لينا.. ولدش هنا اصلح له.. بينتبهو له.. وبيعلموه.. و بيداروه.. وبس تتحسن حالته وتخف حالة العدوانيه فيه .. ان شالله بيرجع لش..
ام عادل مهي قادره وتصيح.
ــ حسبي الله على اللي كان السبب .. ماقدر اشوفه..
ــ تقدري خيه على أي وقت واي يوم..
رد مع اقتباس
المفضلات