ضعنا يا صبرنا...

[Princess]

الحلقة 44

علي رجع بيتهم فرحان ومستااانس...

نادى باعلى صوت::

ــ ياااااااا اهل بيتنااااااا تعاااااااالو مفاااجأه

طلعو كلهم وابو علي كان مسندح في الصاله قعد قعود..

ــ خير اللهم اجعله خير....

قامو كلهم... عند الباب..

علي دخل المجلس طفى اللمبات وفتح النافذه :

ــ طالعو من ورى الستاره شوفو الحليو اللي برى..

ام علي مهي فاهمه..

ريما ركض اول وحده...

ليلى بفرحه فهمت السالفه.. صفقت صفقه قويه:

ــ شرريت الميكرووو

علي يضحك:

ــ إيــــــــــــه

ام علي رفعت ايدها::

ــ ياالله تعطيك خيره وتكافيك شرره يااارب

ريما من ورى الستاره..

ــ كشششششششخه.. يبغى له تظليل وستاااير.. ويش بتسميه ياخوي... ؟؟؟

ــ ويش باسميه... خخخخخ تعرفيني مو تبع تسميات.. اكيد على اسمي ميكرو علي آل .. للتوصيل المدرسي والمشاوير الخاصه..

ليلى : ــ الله يرزقك ان شالله ويعطيك على قد نيتك..

ابو علي وصل ليهم.. والأبتسامه مرسومه.. وسؤال عفوي ....

ــ ويش نوعه...؟؟

ــ نيسان..

ابتسم ابو علي ..

ــ زين تماام.. كفت فلوس الطراد لو ويش..

علي بهدوء.

ــ ماكفت كامله للجديد ,, بعت سيارتي و كملت ثمنه وبقايا فلوس السياره سددت فيها فاتورة التلفون وحطيتهم في البنك..

ابو علي بفرح:

ــ عساك سالم .. عساك ذخر .. يعطيك العافيه...

علي : ــ الله يعافيك يبه ويخليك.. ماسويت شي .. قليل عليكم والله

ابو علي بهداوه وسؤال عفوي ثاني:

ــ الا ويش لونه...؟؟

ريما : ــ فضضضي..

ابو علي : ــ يالله ترزقك ان شالله وتعمي عنك عيون الحاسدين وكيد ولاد الحرام..

ليلى.. تطالع في ابوها واسألته العفويه.. تحس في قلبها غصه... ويش نوعه.. ويش لونه.. والدعاء اللي كان من قلب.... تنهدت في قلبها..

ــ الله لا يحرمنا من بصيرة قلبك يالغالي...

ريما :

ــ ماااابتااخذني فيه مشوار

ام علي:

ــ داويه هالمصفعه دي .. وين ياخذش به.. دون السياره يعني؟؟

ــ ياااعلي الواحد ما يقول شي الا شابقتوه. داويه..

علي : ــ ههههههههههه وين تبغي اوديش به؟؟

ــ مـــــــادري !! اذا جت على بالي طلعه على طول باقول لك...

الفرحه مهي سايعه بيت ابو مؤيد... وناديه من درت بالسالفه صارت تتطفر وتهدد وتتوعد فيهم ان جى ربيع وراحو بدونها لبيت ابو علي .. ينتظروها في ربيع عند زوجها اجازه اسبوع..

ليلى تحوس في درج من دروجها.. تطلع الكتب الزايده والعفسه.. وبين ماهي تحوس طاحت صوره .. شالتها الا هي صورة صالح مع علي ...

ظلت ماسكتنها تتأملها... تحس نفسها مهي في الدنيا... ايدها ترتعش ..

وانفاسها تتلاحق .. قلبت الصوره على التسريحه وصارت دموعها تتناثر لا اراديا...

ريما كانت تسبح... ولما طلعت ما انتبهت لليلى اللي تركت الغرفه وفي ايدها الصوره..

وصلت المجلس وكان علي يبدل ثيابه بينام.. ماشاف من تحت الباب الا صوره تدخل..

شالها وقلبها...

وصار يتأملها بألم.. عرف انها ليلى اللي دخلتها.. تنهد..

ــ رحمة الله عليك يالغالي..

قرأ على روحه الفاتحه.. و ما طلع لأخته .. عارف انها بهالحركه اللي سوتها ما تبغى تواجهه ولا تسمع أي كلام..

وفعلا .. رجعت ليلى غرفتهم.. على طول للسرير انيس الوحشه وكاتم الهم والأسرار..

تغطت.. وهالمره .. نامت وفي قلبها غصه والدموع مجافيه عيونها...

بعد كم يوم... اتصلو المعرض في علا ... ومعاهم خبر يسر... واحد راعي حسينيه شاف لوحتها وعجبته ويبغى يشتريها...

علا مهي عارفه تتصرف .. وابوها كان في الدوام واذا رجع تعبان وماهو فاضي هالأيام..

علمت سوسن بالسالفه..

سوسن بفرح:

ــ افااا عليش وين رحنا اني و اخووي..

علا سكتت وتحس روحها مستحيه..

سوسن:

ــ تبغي تحرمي اخوي من شوفتها ..!! متحمس يشوفها والحين بتنباع..

علا ماترد ووجهها والخجل اللي معتليه يغني عن الكلام..

سوسن ابتسمت:

ــ خلاص اكلم هشام ونروح نخلص امرها..

ــ تسلمي غناتي..

ــ الله يسلمش ولوو..

سوسن كلمت هشام قدام علا..

ــ هلا ياخوي .. اخبارك

هشام: ــ تماام اخبارش انتين عساش بخير

ــ الحمدلله بخير .. اقول ويش عندك الليله؟

ــ ولا شي .. آمري..

ــ تسلم غناتي لا بس بنروح اني وعلا المعرض للوحه

هشام طار من الحماس:

ــ والله... ليش فيه عرض الليله لو كيف؟

ــ لاااا.. بارك لعلا لوحتها يبغى يشتريها واحد

هشام ماعجبه الكلام:

ــ هاا.. ليش .. معروضين للبيع؟؟؟

سوسن انتبهت لنبرة هشام انه مو عاجبنه الوضع..

ــ ايه .. اذا رضى الرسام يبيع ليش لا....

ــ ولوووووووويش ماقلتو لي هالمعلوومه انا فكرت عرض وبس...!!

ــ بسم الله ولو قلنا لك يعني ويش بتسوي.؟؟

ــ بشتريها..

ــ هههههههههههههههههههههههههههههه

ــ على ويه تضحكي؟؟

ــ عليك.. ليش شفتها انت؟؟

علا اختلعت.. ويش فيهم .. على ويه تضحك وويش اللي شافها..

سوسن بعفويه تكلم علا والسماعه على اذونها..

ــ يبغى يشتريها يقول

علا ارتبكت و ابتسمت..

سوسن: ــ ظرريف ابو الهشم.. لحسينيه اللي حجزها يبغاها..

ــ اهاا.. اجل خلاص غيرت كلامي حلال عليه دام لحسينيه..

ــ ماني قادره عليك متحمس مره..

ــ ايه .. ابغى اشوف ...

ــ ويش تشووف؟؟ << تتعيلف فيه

ــ هاا.. اللوحه..

ــ هههههههههههههههه الليله على خير الليله..

ــ ظرررريفه.. بلا ضحك..

ــ هههههههههههه زين خلاص الساعه 8 ونص موعدنا على خير

ــ على خير..

عادل ماسك ورقه وقلم ويشخبط..

ام عادل:

ــ اكتب اسمك..

عادل بزهق:

ــ ماعررررف...

ــ يوو هذاني معلمتنك كم يوم نسيته؟؟

ــ اييه ولا ابغغغغغغى اتعلم خلاصصص

ــ ويش فيك؟؟

ــ ماففييييني شييي .. باااقووووم اطططلع...

ــ زين انتبه لروحك...

طلع والزهق واصل حده.. مو عارف وين يروح وويش يسوي ..

الا يشوف في وجهه اشرف وهالمره مو لحاله وياه ابوه.. ركبو السياره ..

عادل صار يتمشى.. وطول ماهو يتمشى سيارة اشرف وراه.. شوي طافته...

كان اشرف رايح مع ابوه لبيت ابو جاسم.. اشرف حايل في ابوه يروح وياه على شان ابو جاسم و انه ولده كان يشتغل من قبل في السوبر ماركت وحقه عن شهر ما اخذه .. وعلى شان يواسيه جيران و ساكنين في فريق واحد..

تابع>>