ضعنا يا صبرنا...

[Princess]

اشرف وده يمسك عادل ويساطر به..بنفس الوقت فيه الضحكه ويحس جسمه كله حااار..

شوي انتبه لعمره..

ــ ويش فيني انا.. معقوله حبيتها... الله يستر ....!!

عادل وهو يراكض مر على ابو جاسم .. وصار يلحقه..

ابو جاسم مر على اشرف وكان رايح لبيت اخته..

ــ هلا عمي قواك الله..

ابو جاسم سرحان ومبين عليه التعب..

اشرف ..
ــ ويش فيه ابو جاسم الله يستر..

ورجع عود عليه التحيه:

ــ عمي ابو جاااسم.. قوااك الله..

ــ ها.. هلا .. هلا ياولدي الله يقويك شحوالك..

ــ الحمدلله.. عساك بخير انت..

ــ الحمدلله .. الله كريم..

ومشى ابو جاسم .. واشرف مستغرب منه .. مو عوايده هذي..

اشرف :

ــ الا عمي.. وين جاسم دي كم يوم مو مبين.. لازم ينتظم على شغله ياعمي لا يخسره..

ابو جاسم وقف .. ودار براسه لأشرف وبأبتسامه كسيره:

ــ ايه.. الله كريم.. ياولدي شوفو ليكم غيره .. وربي يسهل عليكم..

اشرف ماحاول يستفسر من ابو جاسم عن السبب .. مبين عليه تعبان وضايق باله.. فما حب يغثه...

الا سياره تمر .. اشرف فتح عيونه مو مستوعب اللي فيها كنه شاف علي.. وقف كان بيركب سيارته هون.. صار يتقرب يبغى يتأكد..

ما شاف الا عادل يصرخ بفرح..

ــ علي .. علي رررررررجع.. علي طلعوووووووه ...

مؤيد مر جنب ابو جاسم اللي وقف منصرع من صريخ عادل ومو مستوعب السالفه..

.. وضرب له هرن..

علي نزل من السياره وفرد ذراعينه..

ــ خاااااااااااالي

ابو جاسم تهلل وجهه واستبشر فرد ذراعينه وراح حضن ولد اخته.. وصار يصيح صياح..

علي يمسح على ظهر خاله..

ــ هونها ياخالي وتهون.. ربي يفرجها ان شالله..

ابو جاسم فرحان يصيح و بصوت متكسر ..

ــ الحمدلله عالسلامه ياولدي..

مؤيد:

ــ قرت الأعين عمي..

ــ بشوفة نبيك ياولدي هلا فيك ..

اشرف تقرب منهم..

ــ السلام عليكم..

وبفرحه عامره سلم على علي :

ــ الف الف الحمدلله عالسلامه ياجار.. ويش اخبارك عساك بخير..

ــ الحمدلله عال العال... ويش اخباركم وويش اخبار الفريق ..

عادل مات من الضحك وخش عرض بينهم..

ــ عباااااااسوووووو ماااااااااااات

علي فتح عيونه وبوزه:

ــ هاا.. رحمة الله عليه..

اشرف:

ــ ياربي .. ماتجوز يا عادلو هااا.. ماتجوز...

عادل بيكمل نشرة الأخبار..

ــ و اشررررف يحححب ..ززز

اشرف مسك عادل على طول وسحبه وياه.. وبأحراج..

ــ الحمدلله عالسلامه وقرت الأعيان .. اشوفكم على خير..

وهو يسحب في عادل ويفلص فيه..

ــ امشي .. بسرعه قدامي..

ولما وخرو عنهم.. صرخ عليه..

ــ ويش فيك انت.. بتوديني بداهيه وبتوديها.. بتشهر بها المسكينه.. خبل انت خبل... لا بعد قدام ابوها وولد خالها.. تبغوهم يقصبونا .. يفرمونا.. والله ياعادلوه ان سمعتك تتكلم كذا دفنتك ولا باحبك ترى..

ــ لالا خلاااااصصص

ــ هذي حالتك.. الله يعيني عليك..

مؤيد:

ــ يللا اخليكم.. اشوفكم على خير..

علي :

ــ تسلم يالغالي .. يعطيك العافيه ولا تقطعنا..

ــ لا ان شالله بييننا اتصال دايم..

ــ على خير .. حياك الكريم..

ابو جاسم بيطق الباب.. علي ابتسم.. وطلع مفاتيحه..

ــ بفاجأهم..

ــ اخاف من الفرحه يصير بهم شي .. خلني ياولدي امهد ليهم احسن..

ــ هههههههه لا تخاف ياخالي يدرو بي كلمتهم..

ــ يعني.. اجل زين .. نستعد للمفاجأه..

دخل علي المفتاح في الباب..

فتحه..

صوت صرير الباب..

فضحه..

قامت ريما تركض..

طلت وصرخت..

ــ علـــــــــــــــــــــــــــــــــــــي..

قامت ام علي تركض له..

ابو علي متدوده مو عارف ويش يسوي وكيف يقوم.. تسند على الجدار ..

ليلى بتلحقهم .. رجعت ومسكت ابوها اول مره يسمح لأحد يمسكه من لهفته على ولده..

تجمعو حول الباب .. اول وحده سلمت عليه ريما.. ووخرت بسرعه لأمها اللي ارتمت على ولدها وحضنته وصارت تصيح..

ــ عسى عيوني ما تبكيك يا نظر عيني.. عساني ما انحرم منك.. حسبي الله على اللي يعاديك.. جعله اللي كان السبب ما يتوفق ..

علي متأثر ويحاول يهديها ما يبغاها تدعي اكثر قدام خاله.. وهي ماتدري ان ولده السبب..

خاله مهو متحمل المنظر صار يصيح ويمسح دموعه بالسرعه..

وصلت ليلى ابوها..

علي راح لأبوه باس راسه.. وحضنه..

ابو علي صار يصيح.. ويضم ولده بالقوه..

ــ لا خلا ولا عدم منك.. ياسندي يا ظهري اللي انكسر بفرقاك.. جعل عدوينك ما يتوفقو...

ليلى وصلت لعند اخوها...

اخوها بقايا الأمان والحنان اللي تبقى ليها..

موضع سرها و صندوق همها وشكواها..

وبعيون كلها لهفه وشوق

وبهمس متكسر ومخنوق..

ــ الحمدلله عالسلامه يالغالي..

حضنته وصارت تصيح..

علي يحاول يتماسك.. بس موقفهم واحد واحد اجبره ينهار وياهم ويصيح...

ابو جاسم:

ــ قرت الأعين خيه.. قرت الأعين ابو علي .. قرت الأعين يابنات..

ام علي:

ــ سلمك ربي يا غناتي..

ابو جاسم:

ــ يللا بمشي انا وباجيكم في وقت فاني..

ابو علي :

ــ استريح ياخوي

ــ اراحك الله من كل هم.. نوبه فانيه ان شالله خذو راحتكم ويا غايبكم ولاحقين بنغفكم غف تالي كل يوم

ام علي:

ــ ههههههههه حياك الله ياخوي عالعين والراس

ــ يسلم عينش ويرفع راسش.. يللا امانة الله..

ابو علي:

ــ حياك الكريم..

وقعدو في الصاله.. وصار يسألهم عن الأخبار وويش صار في الفريق فترة غيابه..

ام علي وابو علي .. طلبو منه يأجل هالهدره.. وفي بالهم.. مافي شي يسر على شان ينقال ...

تابع>>