ضعنا يا صبرنا...

[أسيرة الأحلام]

لآآآآآآآآآآآآآآآآآآآآآآ

مستحيل

حميد مآآآت

اهئ اهئ

دموعي نزلت عليهـ

مسكين

في عندي توقعات بس مابقولها خلها للجزء الأخير

بإنتظاركـ امووورهـ

[الــــنـــاري]

مرحبا

يعطيكم الف عافيه ولا خلا ولا عدم..
قربنـــــــــا نودعكم خلاص...
الناري..
مسموح خيو ,, خذها وخليه يعطينا رايه وانقله لينا :) وتسلم من ذوقك والله ..

اليكم الجديد

هذا من طيب اصلك خيتو
خلاص اول ماتخلص القصة بعطيها وياه
ونشاء الله بخليه يكتب رايه بعضويتي
طبعاً هوه قراء قصة اسف عليك ياحبي مو عليك ياقلبي << اتوقع الاسم كذا
وعجبته
ونا في نظري هذي احلا يعني اكيد بتعجبنه

يلا خيتو نتابع بارت اليوم
ونتظار الجديد

[أحبك ياغلا عمري]

جزء روعه
بإنتظار الجزء الأخيـــــــــر

[الــــنـــاري]

كيف كذا خيتو
كيف تقتلي حميد
حرااااااااام مسيكن حرام عليك

بس بجد البرات روعة
ونتظار باقي القصة
الساعة بجيبوه الفلم اليوم ؟؟

[نبــراس]

عدنـــا

يعطيكـ العافية أمور أجزاء روعة
ماقدرت أرد من الدراسة بس كنت متابعة
يعطيكـ العافية

س / ويش سر الثلاثة ملايين
تحبيها ؟؟؟!!

في الرواية الثانية وهذي كله 3

[Princess]

مرحبا
كان قدره ان يموت.. فلا مجال لأن يبقى.. << استررر عالأحداث .
ماعلينا.. تسلمو اعزائي على المتابعه.. واسمحو لي .. هي اساسا كنت حاطه في بالي بس 30 بارت واخلصها حسب الأحداث اللي في بالي .. بس لأن وقتي مايسمح لي اطول الجزء اكثر من هيك جزأتها على 50 بارت..
شفتوو الفرق 20 بارت ..
المهم هذا اني اليوم اخر يوم اقول ليكم..
اليكم الجديد..
راح توحشوني .. بكل حركاتكم.. تعليقاتكم.. قهركم.. وانتظاركم..
عساني ما انحرم منكم.. والله يعود هالأيام مع روايه جديده.. بأذن الله..

الناري,. من ذوقك خيو ومن ذوق ولد اخوك عفر لو اختك والله خانتني الذاكره والمخيخ مضروب ,, اللي هو كنت عميمه لو خاله .. وبنتظار تعليقه.. وويش وراك روح لروايتي الثانيه ماعرفتوني كثر ماعرفني .. ماقريتها انت كامله
يعني ما بتفقد رواياتي لين تخلصها خوش كلام عدل و فله ..انتظر تعليقك عليها بعد..

نبراس موفقه حبابه قولي ويش سر الأعداد الفرديه الروايه الثانيه 9

اليكم الجديد..
الأخير .......

[Princess]

الحلقة الأخيرة ..

ليلى قاعده تقرأ خاطره.كتبتها من فتره.. ومع كل مقطع تتذكر اللي صار في حياتهم من سنتين...

مضى بنا الزمان ,, وتغير المكان.. وحل الفرح محل الأحزان..
(( بعد وفاة حميد.. تفاجأ علي بالمحكمه مستدعينه.. يوقع على استلام ثروه مقدارها 3 مليون ريال ووصيه من حميد المرحوم انها له حلاله ورثه اياه ,, علي مو سايعتنه الأرض مو عارف ويش يسوي ..!! رجع البيت وحالته ماتتفسر بين الفرح والأسى والخوف والضياع.. 3 مليون ريال فجأه نزلو عليه...!! سبحان الرزاق .......))

كانت لحظات .. شعرت فيها بالضعف والذل ,, وهزأت من نفسي .. لأني تظللت بظلال الوفاء لمن قد خان..

(( علي اول ما استلم المبلغ قرر مع عبدالرحمن يسافرو امريكا ويقابلو صالح.. يبغى يطمن قلبه ويريح اخته اكثر واكثر... دلاهم حسين على المستشفى .. ولما رجع علي بالسلامه ... تذكره ليلى وهو يقول ليها...
ــ ياخيه انسيه.. خوان طلع فعلا.. قابلته وياليتني ماقابلته.. الغريب وهو الغريب الله يرحمه.. يوم غدرني وطعني شوفي شلون عوضني فوق الأعتذار هالخير كله.. وهذا اللي معانا كان وعايش ويانا وعارف بحالتنا ومنا وفينا .. غرته الدنيا .. غره مركزه .. نسى اهله وديرته.. مستعير مني تخيلي .. ومصر انه ماله علاقه بنا خلاص يبغى يعيش حياته بكيفه وبراحته... ولما سالته ليش رسلت اغراضك... وليش طول السنين تدعي حبك لأختي وخليتها متعلقه فيك وتنتظرك.. كان جوابه..

|| صالح : ــ كنت افكر نفسي احبها .. بس طلعت غلطان.. ماتناسبني ولا تناسب مستواي.. والأغراض على شان تنسوني ,, ولا حبيت اجرحها تركت ليها ذكرى الدفتر اول سنه تغربت فيها على شان تحس اني ما نسيتها..||

فيا خيه عيشي حياتش ومن عافش عوفيه ،، كان يمضي وقت ومايشوف في الدنيا بنيه غيرش.. ولما سافر شاف وشاف ونساش...))

مضى عامان... وهأنا الآن احمل في احشائي اول اطفالي .. من اعز واغلى انسان.. حنانه ايما حنان.. عوضني سنين القهر والحرمان..

(( مؤيد كان لسا متمسك بليلى وما يبغى غيرها.. علي كلم مؤيد بأسلوب لبق واعتذر منه و راضاه على فعلة اخته وقص عليه سالفتها وسالفة صالح وويش اللي صار بالتفصيل .. مؤيد عذرها على طول.. فاهم وضعها وحالتها من قبل سالفة صالح شلون بعد هالتجريح... رجع و كلم امه وفهمها الموضوع وانه مايبغى غيرها.. طبعا ساره فرحت مره وتقدمو لليلى وعمت الأفراح وهذا هي حامل بعد زواج سنتين ...))

بقي يومان.... لأضمك غاليتي وادعو لك بالسعاده والهناء .. فبعد الفرج لغائبكم ... سنفرح بالدبله تضيء يمناك .. واي معشوق هو ذاك..؟!
لا غير الذي من اول ظهوره في حياتنا اضمرت في بالي انه من نصيبك...
(( الله فرج عن جاسم بعد ماباع ابو جاسم الأرض ودفع حقوق الناس منها ،، صارت محكوميته نصف المده .. سنتين ونصف .. سنتين قضاهم والنصف صدر عفو وشمله.. و عادت البهجه والمسرات لبيت ابو جاسم.. واللي ماصدق على الله اشرف .. ما اخذ اسبوع وتقدم لزينب ،، خطبها ووافقت .. طبعا بعد ماكلمتها ليلى بأسلوب ووضحت ليها تشوف حياتها مع شخص يحبها ويبغاها احسن من تنتظر اللي ماتدري ويش مصيره .؟؟
. وترجتها لا تعيد غلطتها مو لأن اخوها مابه امان... لأن الزمن .. هو الخوان !! ))

تزامنا مع فرحنا بك.. تذكرت .. ذاك الرجل .. عاشقك البريء العفوي .. ملح حيّنا.. و الضحكة على شفاهنا.. من نال منك عزيزتي ماناله ... عادل .. ياترى كيف هي احواله .. ؟؟ فمن بعد رحيل امه عنا .. انقطعت الأخبار!!

(( ام عادل...من انتهت فترة الحداد ليها .. وماليها أي حكم ولا أي حيله.. امرأه تقعد لحالها في بيت .. مايصير... !!
قررت بعد محايل من خوالها واعمامها .. انها تبيع البيت وتبني ليها شقه في بيت ابوها في ديره غير الديره اللي فيها بيتها... وسكنت مع عمها الكبير... صارت تشتغل خياطه وبكذا تصرف على نفسها ولا منتهم واذيتهم لو صار ماصار...

...اما عادل فالحياه مستمره معاه بحلوها ومرها .. في الجمعيه .. تعلم اشياء وايد و اعمام ام عادل حنو عليها في سالفته فصارو يودوها له كل مابين فتره وفتره ,,, طبعا ماتدري عن زينب لأنها لو درت ووصلت له الخبر .. عفر بينتحر !! ))

اشتقت الى من تظن نفسها فأل نحس .. هنيئا لها شهر العسل وبالرفاه والبنين ..
(( علا من طلعت سوسن بالسلامه وتعدت الخطر بقدرة قادر ورحمه منه سبحانه.. تفاجأت بها بعد شهر تكلمها على هشام عنده دوره بياخذها برى البلد يحتاجها لشغله على شان يطور نفسه اكثر واكثر .. وبيسافر سنه ...
علا : ــ الله يسهل عليه..
سوسن بأبتسامه : ــ بس اخوي يبغى يروح وهو مطمن..
ــ شلون يعني؟؟ انتين ويانا في الحفظ والصون افا عليه ..
سوسن تغمز ليها ..
ــ لا مو هذا القصد..
ــ اجل !!
ــ علا ويش رايش في اخوي....؟؟
علا تلونت .. سوسن فرحت:
ــ ويش افهم من هالأرتباك..؟؟؟
ــ ويش قصدش؟؟
ــ علا لا تستهبلي علي ترى كلمت ابوش وكل شي قال الدور الباقي عليش .. هاااا...ويش رايش؟؟
ــ اللي تشوفوه,..
ــ كلوووووش الأسبوع الجاي عقدكم.. وتالي يسافر ..ههههههههه مستعجله صح..
علا : ــ ههههههههه حدش.. لامايحتاج يعقد .. يسافر وهو مطمن,, ماني لغيره ان شالله..
علا قررت هالشي تحسبا لأي ظرف مستقبلي .. ومتعقده من سالفة ليلى.. فقالت خليهم على البر احسن ليهم لا يغرقو في البحر..
وصلت لهشام الكلام... انها بتنتظره..
هشام اقتنع مع قلق في قلبه من اللي ممكن يصير .. ولما رجع بالسلامه ,, بعد اسبوع فرح في عصرية يوم بخبر حمل اخته.. وفي الليل هو مع حبيبته علا معقود عليهم بالصلاة على محمد وآل محمد ,, وبعد سنه خطوبه عرسو وسافرو سوريا ولبنان شهر العسل ))

كل دخل لقفص ذهبي .. والفأل لرفيق دربي وصديقي الحنون..
(( علي : ــ ممممممم ما تخبطي لي خيه!!
ــ يوو افاا عليك حركاااااااااات شاان زين؟؟ مين اخطب لك؟...
ــ مادري .. << قالها بطريقه توحي العكس..
ليلى تتعيلف:ــ ماتدري هاا.. تفكرني ماحس فيك اذا جيت لي وحماتي وياي قاعده
ــ هاا.. ليش .. ويش تحسي..؟
ــ مادري بس تعتفس احوالك..
ــ عيب ها.. عن التعيلف
ــ ههههههههههه ويش فيك حمقت..
ــ لا بس .. مادري..
ــ افا عليك وين الاقي احسن منها لك ووين تلاقي هي زيك؟؟
ــ خلاص اجل الأسبوع الجاي نشوف لينا يوم ونطب عليكم خطاب
ــ ههههههههه حياكم ياغناتي...

علي فتح له مشروع ... مجموعة توصيل للمدارس والجامعات والمشاوير الخاصه.. وشرى كم ميكرو ووظف ولاد بلده العاطلين عن العمل واللي يحسهم يدورو لقمة العيش ايا كان مصدرها...

غير انهم قفلو بيتهم القديم وعرضوه للبيع,, وبنو ليهم بيت واسع ,, الطابق الثاني لعلي شقه حق مستقبله وتحت امه وابوه وريما.. اللي صارت تدرس دبلوم لغات في معهد والسنه تتخرج ))

ولا يفوق شوقي أي شيء كشوقي لبيتنا القديم الذي تربينا فيه وعشنا اجمل الأيام ولنا فيه اجمل الذكريات.. كبرنا فيه وكبرت الأحلام.. وتفرقنا منه كل الى حياته...
لطالما ضعنا.. وتعذبنا.. ولم يجمع شتات احاسيسنا سوى صبرنا..
وان بكينا ذات يوم ورددنا .. ضعنـا يـا صبرنا...!!

(( ــ مساء الخير
سكرت ليلى الدفتر ..
ــ هلا غناتي..مساء الأنوار
مؤيد : ــ ويش اخبارش ..؟؟
ــ واحشني
ــ هههههههههه استر عالرومنسيه.. والله واحشتني انتين اكثرررر
حطت له الغدا وقعدو يسولفو..

ــ صح كلمني اليوم اخوش علي يقول حصل شرايين للبيتكم القديم..
ــ ايه..
ــ يقول بيهدموه وبيسوو فيه محل عاد محل ويه مادريت..
ليلى قلبها طق طقه قويه.
ــ ياربي .. بيتنااا..
ــ هههههههههه فديتش خلاص صار له سنتين مسكر ماحد راضي يشتريه.. حتى رضى علي اخيرا يبيعه بثمن الأرض بس
ــ الله كريم .. مؤيد .. بطلب طلب..
ــ عيوني..
ــ يسلم عيونك.. ابغى قبل لا ينباع البيت توديني له باشوفه وبتمشى فيه شوي ..
ــ ولا يهمش.. عزيزه عليش الذكريات داري بش... خلاص بكره الخميس نروح عصريته انا وانتين وعلي ..وتمشي على راحتش..

يوم ثاني وقفو عند باب الحديد ,, عروة الباب مربوطه بسلاسل ومقفله بقفل ..
فتح علي الباب وصوت صريره هيج وجدان ليلى..
دخلت وصارت تمشي فيه وتتنفس..
وفي كل ركن وزاويه تسترجع الذكريات بحلوها ومرها..وبأبتسامه..
ـ الوداع ياذكريات ,,, الوداع يابيتنا الغالي.. ))
سكرت ليلى الدفتر .. وانتهت الحكايه...

[Princess]

وانتهى مشواري معكم,,..تجتاحني رغبة بالبكاء ..
لا ادري اهي حساسية فيني !!
ام لأني تعلقت بأبطال حكايتي !!
احبتتهم من قلبي وغدوت كالمجنونه معهم..
كنت بنكد ليلى وبخفة عقل عادل .. وقوة شخصية علي .. بحساسية علا ,, و شقاوة ريما.. كدهاء حميد .. وظلم ابا مالك.. عاشقة كأشرف وعفوية كزينب ... ظريفة كما ابو جاسم وعنيده كزوجته .. حنونه مثل ام علي و منكسره كأباه .. كل شخصيه لها الصداره في الروايه كانت انا بتفاصيلها حتى صرت اخيل لنفسي ملامحها ...
.
.
.
.

اقف هنا...
لأنهي رحلتي معكم.. راجية من الله اني وفقت في امتاعكم وطالبة منكم السماح لي على كل الم أودمعه وكل ذكرى قد نبشتها في أي حدث قد طرأ ..

الى ان التقيكم في اجازة الصيف لعامنا المقبل ,, اطال الله عمرنا واياكم..
لكم مني باقات شكري وعرفاني وامتناني
على حسن وصلكم وحلو تعاليقكم.. ويكفي انكم ابطال هذا المتصفح وهذا مايسعدني ويشرفني..
اسألكم الدعاء
دمتم بخير
وبحفظ الرحمن

[سفيرة الاحلام]

روعه القصه

سلمتي غاليتي على الراويه

ابداااااااع

اميره قصتك مثلة بعض من اشخاص المجتمع

استمتعنه به جدا


اشكركي من اعماق قلبي على الابداع في القصه وتسلسل الاحداث


لاهنتي على القصه والابداع اطال الله في عمرك



بنتظر الرواية الجديد



تقبلي تحياتي

[أحبك ياغلا عمري]

مشكورة أختي على القصه الرائعه
ونتمنى قريباً قصه جديده
أـمنى لكٍ التوفيق من قلبي

[سماءك حلمي]

بسم الله الرحمن الرحيم

رواية حلوة يسلمووا خيه

وفي إنتظار جديدك

واما عن رغبتك في البكاء
يحق لك خيه فاهمة إحساسك
كان عندي رواية بس مانشرتها لاني ماكملتها
ولما إنقطعت عنها حسيت برغبة في البكاء

عموما ربي يوفقك ويكتب لك كل خير


كل المودة

[ملاك الورد ..~]

أميرتنا
الابداع هو القدرة على الخلق
وانتي خلقتي شخصيات
اضحتنا
وابكتنا
اغضبتنا
آلمتنا
وعشنا معها جميع حالاتها

آآآآآآآآآه
كنت كلما اقرا جزء ابكي وانفس عن المكبوت داخلي
بيوحشوني
ولا عاد عادلوه
لاحد يقول له عن حينب انها انخطبت
تالي يدبح الفلبيني

اميرة
الله يوفقك دنيا وآخره
ويعطيك كل الي تتمنيه
ويارب توصلي لل100%

[آخر شقآوهـ ..~]

إبـــــــــــــــــــــدآع وربي ..جونــــــــــــــــآآن
اللهم صلي على محمد وآل محمد<~~عن الحسد
مآنقدر نودع هلمتصفح تعودنــــــــــــآ عليه حرآآم ..بس كل قصه لهآ نهآيه فلآزم نودع
بتوحشينــــــــآ أميرتنآ ..
طلبنآك بقصه جديده في الأجآزهـ<~~وآآل بعدهـ مشوآر طووويل
عن جد أستآنسنآ معآك ومع إبدآعك ..أستمري ولآتبخلي على جمهورك
أعطآك الله كل خيـــر ..وحقق أمآنيك
بقولك شيء ..
طبعاً أني تآبعت معآك قصصك الثلآآث
بس حبيت أقولك مرتب هدي القصه من بين القصص الثلآآث
أخدت في نظري المركز الثآني ..طبعا أكيد غيري بقول الأول
بس لآني أحب النحآسه والشطآنه والضحك وكدهـ فـ حطيت مآعرفتوني كثر مآعرفني المركز الأول
بس القصه حركآت وإبدآآع ..ولآزم الكآتب ينوع وهيك شي
<~~خلآآص عفر فهيت يبغى ليي أطيـــر هع
ربي يعطيك ألف عآفيه يآقلبي
بانتظآر جديدك الرآئع
تحيآتي
ضحكوهـ البطه

[اسير الهوى]

ذكريات كانت قاسية..

لكن حقيقتها هي الحياة..

فيها تعلمنا..

فيها كبرنا..

فيها نلنا الصبر... وإن ضعنا..

مدرسة انت امي..

وداري انت ابي..

وانت اخي صندوق اسراري..

وانت صغيرتي.. كنت خوفي..

وكنت كل ما انظر في الحياة..

زوايك يا ذكرياتي..

نقشتها اثار عكاز..

وصوت لخر المطر..

فتات من الخبز..

وذرات الطحين..

وموج البحر يلاطم ذلك المركب الصغير..

كل ذا ياذكرياتي..

بذا عند اغلاق ذلك الباب..

واللذي صريره..

اجمد الدموع بأجفاني..

وآلم القلب بخفيقه الذي من كاد يفاق الجسد..

وبعدها اغلق صندق الذكريات..

بسلالسل قد اقحمت بابك ذكرياتي..

لاقل وداعاً لذلك الالم..

لاقل واكرر بخاطري..

ضعنا ياصبرنا..

...............


من جهتي اقدم جزيل الشكر لاناملك خية لخيالك لاحساسك لذلك القلب الصغير الذي رسم لنا هذه الرائعة..

قد عشنا كل زواياها حلقنا بها سلمنا كل احاسيسنا لها مأسورة بين احداثها

عند المأساة فيها نحن بمأساة وعند الفرح ترفرف قلوبنا فرحا

لن ننسا لحظات الصباح حيث الافطار على متابعة هذه الاحداث

التي علمتنا الصبر

والحذر من القريب قبل البعيد

وان السوء وان طال زمانه فهو عائد على فاعلة بالعلل

ان تركت نفسي هنا لن انتهي من الحديث لما اثرتي به فينا اختنا اميرة

لك الشكر وحفظك الله

وقضى الله حاجاتك بحق قاضية الحاجات

سيدتنا ومولاتنا فاطمة الزهراء عليها السلام

لتكوني بخير

[عوامية صفوانية]

اللهم صلي على محمد وآل محمد
احدآآآآآآث عشنا معاها في كل تفاصيلها من حزن وفرح ونكد وخباله وظرافه
بجد حسينا روحنا في قلب الروايه واتقمصنا ادوار كل واحده في القصه
سنفتقد هذه المتصفحات والتعليقااات

قمة الابدااااع ما شاء الله
لا يسعني الا الشكر لأناملك المبدعة غاليتي
والله يعطيش العافية
ما قصرتي
وقضى الله جميع حوائجش دنيا وآخره
دعوااااتك


اممم ملاحظة تنويه : السموحة خيتو اسمحي لي وابرئي ذمتي اذا في يوم قالت بنت اختي تبي تنسخ الرواية لانها تحب تقراها على رواقه وغير مجزئه .
ولن اسمح لنفسي ان انسخها بدون اذن منكِ واعرف ردكِ
وهنا ايضاً بدوري سأقرأ رواياتش الاولى والثانية لاني بصراحة اول مررره اقرأ قصه في النت واتفاعل معاها

فأرجو منكِ السموحة
دعوااااتك لي بالموفقيه
تحياتي